Нахуствазир пулҳои ҷудокардаи Э.Раҳмонро ба Бадахшон бурд
(Таҷдидшуда 16:22 24.07.2015)
Дар назар аст Қоҳир Расулзода аз ноҳияи Шуғнон низ дидан кунад ва бо рафти корҳои бартарафсозии оқибатҳои офати табиӣ ошно шавад.ДУШАНБЕ, 24 июл — Sputnik. Қоҳир Расулзода, сарвазири Тоҷикистон, барои расондани кӯмакпулие, ки аз ҳисоби раисиҷумҳур Эмомалӣ Раҳмон ба осебдидагон ҷудо шудааст, дар ноҳияи Ванҷи Бадахшон қарор дорад, менависад АМИТ "Ховар".
Намояндаҳои 5 хонаводаи зарардидаи деҳаи дурдасти Бардараи водии Бартанг низ барои дарёфти кумак аз дасти сарвазир ба Ванҷ интиқол дода шудаанд, омадааст дар хабари оҷонсӣ.
Дар худи ноҳияи Ванҷ аз селу обхеззӣ 11 хона пурра ва 24 хона қисман вайрон шудааст. Эмомалӣ Раҳмон дастур дода буд, ба хонаводаҳое, ки манзилҳояшон пурра хароб шудааст, 10 ҳазор сомонӣ ва онҳое, ки қисман зарар дидаанд, 6 ҳазор кӯмакпулии яквақтаина расонида шавад.
Дар назар аст, ки баъди расондани ин кумакпулӣ ба сокинони Ванҷ Қоҳир Расулзода озими ноҳияи Шуғнон шавад ва маблағи ҷудокардаи раисиҷумҳурро бирасонад, ҳамзамон аз наздик бо рафти корҳои барқарорсозӣ шинос шавад.
Барчаспҳо:
Мӯдарозтарин духтари Душанберо муайян карданд
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шудандДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.
Дар оғози фестивал намоишгоҳи маҳсулоти ороишии ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй ба маъраз гузошта шуд.
Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.
Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр иштирок намуданд.
Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир мегардад.
Рустам Эмомалӣ қарор кард: дар Душанбе фестивали "Чакомаи гесу" баргузор шавад
Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.
Дидори сафири Афғонистон бо Зуҳуров ва изҳори сипоси генерал аз Ағбар
(Таҷдидшуда 21:13 24.02.2021)
Сафири Афғонистон дар Тоҷикистон ба дидори генерал Сайдамир Зуҳуров рафт ва аз меҳмондории собиқ раиси КДАМ изҳори сипос кардДУШАНБЕ, 24 фев – Sputnik. Сафири Ҷумҳурии Исломии Афғонистон дар Тоҷикистон Муҳаммад Зоҳир Ағбар бо собиқ раиси амнияти Ҷумҳурии Тоҷикистон Сайдамир Зоҳуров дар манзили зисташ мулоқоти дӯстона анҷом дод, хабар медиҳад Сафорати Афғонистон дар Тоҷикистон.
"Мақсади ташриф арҷгузорӣ ба ҷаноби Зоҳуров, вазири собиқи тоҷик ва эҳтиром ба муносибати Рӯзи Артиш ва Қувваҳои Амнияти Тоҷикистон буд", - менависад манбаъ.
Манбаъ меафзояд, "бешак, ҷаноби Зуҳуров яке аз шахсиятҳои миллӣ ва фаъоли амниятии Тоҷикистон ва дӯсти деринаи мардуми Афғонистон аст, ки дар замони муқовимат бо мардуми Афғонистон робитаи мустақим дошт ва дар ҳамкорӣ дар ироаи кумак дареғ надошт".
Дафтари матбуотӣ меафзояд, ки далели хотираҳои неки ҷаноби генерал, аксе бо қаҳрамони миллии Афғонистон аст, ки дар девори хонааш овезон аст.
Зуҳуров гуфтааст, ки сафири Афғонистон барои ташрифаш миннатдор аст ва аз мардуми афғон хотираҳои хубе дорад.
Ёдрас мешавем, дирӯз Сайдамир Зуҳуров, ки мардуми Тоҷикистон унвони генерали халқиаш додаанд, 70-солагиашро ҷашн гирифт.
Сафорати Афғонистон дар Тоҷикистон
Сафири Афғонистон ба дидори генерал Саидамир Зуҳуров рафт
Ӯ аз мутахассисони ҳирфаӣ ва саршиноси кишвар аст, ки дар сулҳу ваҳдати миллӣ ҳам саҳми босазое гузоштааст. Генерал, феълан пас аз сарнишинӣ дар чанд ниҳодҳои кишвар, аз ҷамла КДАМ бознишаста аст. Худаш, баъди чанд ҷарроҳии ҷиддӣ, "зинда монданашро мӯъҷиза медонад".
Барчаспҳо: