Махфират Хидирзода, раиси Кумитаи кор бо занон ва оилаи назди ҳукумати ҶТ

Хидирзода: алъон 12 зани тоҷик дар Сурия қарор доранд

28
Занон ҳамроҳи ҳамсарон ва фарзандонашон ба Сурия мераванд, аммо духтарони бе шавҳар ба ҳар васила ба он ҷо ҷалб мешаванд, аз ҷумла тариқи шабакаҳои интернетии иҷтимоӣ

ДУШАНБЕ, 24 июл — Sputnik. Тайи шаш моҳи аввали соли равон 12 зану духтарони тоҷик ба Сурия рафтаанд, иброз дошт  Махфират Хидирзода, раиси Кумитаи кор бо занон ва оилаи Тоҷикистон дар ҳузури хабарнигорон.

Аксари занон ҳамроҳи ҳамсарон ва фарзандонашон ба Сурия рафтаанд, зеро шавҳаронашон бо ҷангиёни гурӯҳҳои террорситӣ дар он ҷо пайвастаанд.

"Баъзеашон аз пайи шавҳарҳояшон рафтаанд, баъзеи дигар бо роҳҳои дигар фирефтаю ҷалб шудаанд. Мояи нигаронӣ аст, агар як зани тоҷик ҳам дар Сурия қарор дошта бошад",- гуфт Хидирзода.

Раиси Кумитаи кор бо занон ва оила афзуд, онҳо талош мекунанд, корҳои инфиродиро бештар кунанд ва бояд ҳама фикр кунанд, ки кадом роҳҳои ҷилавгирии ин зуҳурот вуҷуд дорад: "Чун ватандор ҳастему агар дили мо сидқан ба халқи миллат сӯзад, ин зуҳуроти номатлубро бояд аз байн барему ҳамагон барои ислоҳи он талош кунем".

Тибқи иттилоъи ахир беш аз 400 шаҳрвандони Тоҷикистон дар муноқишаҳои ҳарбӣ дар Ховари Миёна, аз ҷумла Ироқу Сурия қарор дошта, 100 нафари онҳо то имрӯз ба ҳалокат расидаанд. Ҳукумат ваъда додааст, ки онҳое ихтиёран ба ватан бозпас мегарданд, аз ҷавобгарии ҷиноӣ озод хоҳанд шуд.

28
Барчаспҳо:
ҷалби бонувон бо роҳҳои мухаталиф сурат мегирад, ҷанги Ироқу Сурия, занони тоҷик дар Сурия, Давлати исломӣ, ДИ, Кумитаи кор бо занон ва оилаи назди ҳукумати ҶТ, Махфират Хидирзода, Ховари Миёна, Ироқ, Сурия, Тоҷикистон, Душанбе
Мавзуъ
ВАО: ҳалокати боз ду тоҷики ҷонибдори “ДИ”
Аз ҷанги Сурия атбоъи ҷалбшудаи Тоҷикистон баргаштанд
Школьники в масках

Ноиби сарвазири Тоҷикистон гуфт, чӣ бояд кард, то талабаҳо мубталои COVID-19 нашаванд

64
(Таҷдидшуда 20:59 14.08.2020)
Гуруҳи корӣ таҳти раёсати Ширин Исматуллозода, ноиби сарвазири Тоҷикистон, ҳангоми санҷиш дар шаҳри Роғун ва навоҳии Рашт камбудиҳои зиёд дар бахши мубориза бо COVID-19 ошкор кардаст

ДУШАНБЕ, 14 авг — Sputnik. Гуруҳи корӣ таҳти раёсати Ширин Исматуллозода аз шаҳри Роғун ва ноҳияҳои Сангвор, Нуробод, Рашт, Тоҷикобод ва Лахш боздида карда, вазъи соҳаи тандурустӣ ва омодабошии муассисаҳои таълимӣ ба соли нави хонишро санҷидаанд, хабар дод “Ховар”.

“Зимни боздид маълум гардид, ки аҳолӣ, соҳаи маориф ва табибон нисбат ба бемории сироятии COVID-19 ва гирифторшавӣ ба он фориғболӣ нишон медиҳанд.”, - омадааст дар иттилоия.

Манбаъ афзуд, дар кӯчаву бозорҳо сокинон бениқоб гашту гузор мекунанд, дар  муассисаҳои таълимӣ  захираи маводи антисептикӣ, ниқоб, варақаҳои тарғиботиву ташвиқотӣ барои пешгирии беморӣ кам ба назар мерасанд.

Муовини сарвазири Тоҷикистон таъкид кардааст, ки “агар ҳар як омӯзгор бо табибон ва волидон ҳамкорӣ кунанд, боварӣ дорам, ки мактаббачагон ҳеҷ гоҳ интиқолдиҳандаи беморӣ намегарданд”.

Исматуллозода дастур дод, ки омӯзгорону муҳассилин бе ниқоб ба дарс надароянд ва дар даромадгоҳи мактабҳо ҳатман маводи антисептикӣ ва ҳароратсанҷ гузошта шавад.

Инчунин дастур дода шудаст, ки аз ҳисоби кормандони миёнаи тиб дар мактабҳо навбатдориҳо ташкил карда шаваду ҳар як омӯзгор 2-3 дақиқаи дарсро ба фаҳмондадиҳӣ барои риояи қоидаҳои беҳдоштӣ ҷудо кунад.

64
Барчаспҳо:
пешгирӣ, беморӣ, талабагон, Тоҷикистон
Ветерану ВОВ Мирзошарифу Гафурову исполнилось 100 лет

Даргузашти Мирзошариф Ғафуров дар 101-солагӣ

92
Мирзошариф Ғафуров, куҳансарбози Ҷанги Бузурги Ватанӣ, сокини 101- солаи деҳаи Рӯмони ноҳияи Бобоҷон Ғафуров имрӯз дар манзили зисташ аз олам даргузашт

ДУШАНБЕ, 14 авг – Sputnik. Мирзошариф Ғафуров то лаҳзаи даргузашташ шикояти ҷиддие аз саломатӣ надошт, гуфт Мирзотоҳир Ғафуров, писари марҳум дар суҳбат бо Sputnik Тоҷикистон.

 “Ягон шикояти ҷиддӣ аз вазъи саломаташон надоштанд, бо амри тақдир субҳи имрӯз дар синни 101-солагӣ ҷон ба Ҷонофарин супурданд”, - гуфт Ғафуров.

Маросими ҷанозаи марҳум имрӯз дар қабристони ба номи Балодуркуни ҷамоати деҳоти Ҳайдар Усмонови ноҳияи Бобоҷон Ғафуров доир шудааст.

Мирзошариф Ғафуров 7-уми январи соли 1919 дар деҳаи Рӯмони ноҳияи Бобоҷон Ғафуров таваллуд шудааст. Дар моҳи майи соли 1940, замоне, ки ӯ ҳанӯз 18-сола буд ва дар курси дуюми факултаи физикаю математикаи омӯзишгоҳи педагогии шаҳри Хуҷанд ба номи С.М. Киров (ҳоло ДДХ ба номи ак. Б. Ғафуров) таҳсил мекард,  ба хизмати аскарӣ даъват шуд ва бо ҳамин хизмати ӯ дар сафи аскарӣ 9 сол давом кард.

Ӯ аз оғози ҶБВ  борҳо дар миёни дуду оташи ҷанг қарор гирифт ва бо инояти Худованд саломат ва бо сари баланди пирӯзӣ бар фашизм ба хона баргашт.

“Барои хизмати сарбозӣ маро ба шаҳри Кушкаи Туркманистон фиристоданд. Он вақт ҳама ҷо тинҷу амон ва арзонию фаровонӣ буд. Ҳеҷ кас намедонист, ки ин ҳама осудаҳолӣ баъд аз як сол ба як вазъи беамону нобасомон табдил меёбад ва чи гуна осмони софро дуду оташи ҷанг ғуборолуд мекунад”, - нақл карда буд Ғаффуров қаблан дар суҳбат бо Sputnik Тоҷикистон.

Мирзошариф Ғафуров барои шуҷоатмандӣ дар замони ҶБВ бо даҳҳо медалу мукофот қадршиносӣ гардидааст.

Соли ҷорӣ дар арафаи 75 – солагии Иди Ғалаба? Ғафуров дар қатори дигар иштирокчиёну собиқадорони ҷанг бо медали “75 -солагии Ғалаба дар ҶБВ,  1941-1945 сол”-и Федератсияи Русия сарфароз сарфароз гардонида шуд.

92
Барчаспҳо:
Ҷанги Бузурги Ватанӣ, аз дунё даргузашт, ҷанг, Тоҷикистон