Санчагул Ҷӯраева, яке аз сокинони деҳаи Бедак. Акс аз бойгонӣ

Оғози сохтмони манзилҳои нав барои зарардидагони Бедак

22
(Таҷдидшуда 14:23 27.07.2015)
Санчагул Ҷӯраева, яке аз зарардидагони офати табиӣ мегӯяд, дар хаймаҳо ҷо гирифтаанд, аммо дохили хаймаҳо рӯзона ниҳоят гарм ва бебарқ аст.

ДУШАНБЕ, 27 июл — Sputnik. Барои ҳудуди 35 хонаводаи деҳаи Бедаки ноҳияи Рашт, ки аз офати табиии 20 июл комилан зарар дидаанд, сохтмони манзилҳои нав шуруъ шудааст, дар суҳбат бо Sputnik изҳор дошт яке аз зарардидагон Талбихӯҷа Мирзоев.

"Рӯйхат карданд, бурданд. Ҳамон оилаҳоеро, ки тамоман бехона монда буданд, дар хаймаҳо ҷо карданд. Барояшон хонасозиро шуруъ карданд. Ҳоло мақомот ваъда карданд, ки барои онҳое, ки қисман зарар дидаанд, низ кумак мерасонанд", — афзуд Мирзоев.

Санчагул Ҷӯраева, сокини дигари Бедак, ки манзили вай низ ба пуррагӣ хароб шудааст, мегӯяд, феълан бо пайвандонаш дар зери хайма истиқомат доранд ва аз ҷониби мақомот кумаки ғизоӣ мегиранд.

"Замин тақсим карда доданд. Тахтаву семент ҳам оварданд баромон. Чор нафар сарбозро дар ихтиёри мо гузоштанд, дар замине, ки барои мо ҷудо шудааст, ҳоло сарбозҳо пойдевори хонаро сохта истодаанд", — гуфт хонум Ҷӯраева ва илова кард, ки умедвор аст ҳар чӣ зудтар барояш хона бисозанд.

Хонум Ҷӯраева мегӯяд, рӯзона дохили хайма ниҳоят гарм аст ва хатти барқ низ мавҷуд нест. Вай гуфт, 26 июл аз ноҳияи Ваҳдат як мошин тарбуз ва миқдоре ҷиҳози лозимии манзил барояшон расидааст.

Ярче, ки баъд аз нисфирӯзии 20 июл ба вуқуъ омад, танҳо дар деҳаи Бедаки ноҳияи Рашт бештар аз 60 манзили зистро хароб кард. Дар пайи ин офат, як нафар сокини Бедак кушта шуд.

Сокинони ин деҳа қаблан дар суҳбат бо хабарнигори Sputnik гуфта буданд, ки агар ин офат шабона рух медод, талафоти бештареро дар пай медошт.

Раисҷумҳури Тоҷикистон Эмомалӣ Раҳмон зимни як ҷаласаи ғайринавбатии ҳукумат ба масъулин дастур дод, ки то 6 ноябри имсол барои зарардидагон манзилҳои нав бунёд шавад.

22
Барчаспҳо:
бунёди хонаҳо, хайма, зарардидагон, сел дар Бедаки Рашт, кумак, офати табиӣ, Талбихӯҷа Мирзоев, Санчагул Ҷӯраева, Рашт
Мавзуҳо:
Сел, обхезӣ ва қурбониҳои он дар Тоҷикистон: талафоти ҷонӣ низ ҳаст (29)
Девушки в защитных масках идут по улице в городе Душанбе

Дамои ҳаво: пешгӯии дақиқи ҳавошиносон барои имрӯз

19
Имрӯз дар ҷумҳурӣ ҳаво камабри бебориш шуда, ҳарорат дар шаҳри Душанбе рӯзона ба 18+20 дараҷа мерасад.

Ба иттилои Агентии обуҳавошиносӣ кишвар, имрӯз дар Вилояти Мухтори Кӯҳистони Бадахшон ҳаво  камабр ва дар баъзе ноҳияҳо тағйирёбандаи бебориш мешавад. Ҳаво дар ғарби вилоят шабона 6-11  дараҷа хунук ва рӯзона ҳаво 0-5 дараҷа  хунук мешавад. Дар шарқи вилоят ҳаво  шабона  22-27 ва рӯзона 15-20 дараҷа  хунук мешавад.

Ҳаво дар вилояти Суғд  камабр ва дар баъзе ноҳияҳо тағйирёбандаи бебориш шуда,  туман мефарояд.  Ҳаво  дар водиҳо шабона аз 1 дараҷа хунук  то 4 дараҷа гарм ва рӯзона 6+11 дараҷа гарм мешавад. Дар ноҳияҳои кӯҳӣ ҳаво шабона 5-10 дараҷа хунук  ва рӯзона  6+11 дараҷа гарм  мешавад.

Дар вилояти Хатлон  ҳаво камабри бебориш шуда, дар баъзе ноҳияҳо туман мефарояд.  Ҳаво дар водиҳо шабона аз 3 дараҷа хунук то  2 дараҷа гарм ва рӯзона 16+21 дараҷа гарм мешавад.  Дар ноҳияҳои доманакӯҳӣ ҳаво шабона 0+5 дараҷа гарм ва рӯзона 14+19 дараҷа гарм мешавад.

Дар шаҳру ноҳияҳои тобеи марказ ҳавои камабр ва дар баъзе ноҳияҳо тағйирёбандаи бебориш дар назар аст. Ҳаво  дар водиҳо  шабона аз 2 дараҷа хунук то 3 дараҷа гарм ва рӯзона 16+21 дараҷа гарм мешавад.  Дар ноҳияҳои кӯҳӣ ҳаво шабона аз 2  дараҷа хунук то 3 дараҷа гарм  ва рӯзона 4+9 дараҷа гарм  мешавад.

Дар  шаҳри Душанбе ҳавои камабри бебориш пешбинӣ шудааст.  Ҳарорати ҳаво шабона  аз 1 дараҷа хунук то 1 дараҷа гарм ва рӯзона   18+20 дараҷа гарм  мешавад.

19
Муин Гафуров. Архивное фото

Набарди дидании "Тоҷик": пирӯзии Муин Ғафуров бар Уолтери Коста-Рикӣ-видео

75
(Таҷдидшуда 09:41 16.01.2021)
Муин Ғафуров бо тахаллуси "Тоҷик" пас аз чанд муддати дур будан аз майдон бо бозгашташ намояндаи Коста-Рика Уолтер Замораро мағлуб кард

ДУШАНБЕ, 16 янв – Sputnik. Муҳорибаи ахири “Тоҷик”шоми гузашта  соати 19:00 бо вақти Душанбе дар шаҳри Абу-Даби Илоёти Мутаҳидаи Араб дар Ҷиу Ҷитсу арена доир гашт.

Вазишкори тоҷик дар ин муҳориба пешсаф буд ва аз худ маҳорати баланд нишон дод. Бо ҳамалоти пай дар пайи ва шадид то охири бозӣ инони рақобатро дар даст дошт ва холҳои бештарро соҳиб шуд.

Дар охир бо қарори доварон Муин Ғафуров ғолиб дониста шуд.

Муин Ғафуров варзишгари ҷавон ва серҷоизатарин миёни варзишкорони кишвар дар ин намуди вазриш мебошад.

Ӯ ҳамагӣ 25 сол дорад, аммо дар ин синну сол ба чандин мукофоту ҷоизаҳо сарфароз гардида, рақобатҳои сатҳи ҷаҳониро ба нафъи худ анҷом додааст.

Муин қаҳрамони ҷаҳон дар риштаи самбои ҳарбӣ (WCSF), қаҳрамон ҷаҳон оид ба  грепплинг (FILA), қаҳрамони ҷаҳон аз рӯи MMA (WKA) мебошад.

Вай ҳамчунин барандаи унвони Устоди варзиши самбои ҳарбӣ низ ҳаст.

Ғафуров тайи солҳои ахир талош дорад, ки ба бузургтарин майдони рақобатҳои UFC шомил шавад, аммо то кунун бенатиҷа буданд.

75