Сафари кории Эмомалӣ Раҳмон ба Бадахшон. 28 июли соли 2015

Ифтитоҳи "Қасри фарҳанг" дар Рӯшон. Бо ширкати Раҳмон

16
(Таҷдидшуда 15:20 08.09.2015)
Баъди иштирок дар маросими ифтитоҳи чанд иншоот ва мулоқоташ дар навоҳии Ванҷу Дарвоз субҳи имрӯз раисҷумҳур тариқи чархбол ба ноҳияи Рӯшон парвоз кард.

ДУШАНБЕ, 29 июл — Sputnik. Боздиди президенти Тоыикистон Эмомалӣ Раҳмон дар ноҳияи Рӯшон аз маросими истиқбол дар фурудгоҳи ноҳия оғоз гардид, менависад сомонаи раисҷумҳур.

"Президент дар ноҳияи Рӯшон ба бинои маъмурии мақомоти иҷроияи ҳокимияти давлатии ноҳия санги асос гузошт, ки он дар майдони масоҳаташ 0,45 гектар бунёд гардида, аз ду ошёна иборат хоҳад буд",- омадааст дар хабар.

Эмомалӣ Раҳмон, президенти Тоҷикистон. Акс аз бойгонӣ
© Официальная страница пресс-службы президента РТ в Facebook.

Арзиши лоиҳавии сохтмон 8 миллион сомонӣ буда, аснои бунёди иншоот асосан мутахассисони маҳаллӣ ҷалб мегарданд. Оқои Раҳмон дар сӯҳбат бо сохтмончиён онҳоро ба кори пурсамар ва босифат, риояи тамоми меъёрҳои меъмории шаҳрсозӣ ҳидоят карда, изҳор дошт, ки ин иншоот бояд солҳои зиёд ба мардум хизмат расонад аз ин рӯ он бояд бо сифати хуб ва ҷавобгӯ ба меъёрҳои меъмории замони муосир бунёд гардад.

Ба иттилоъи манбаъ, сипас раисҷумҳур дар маросими ифтитоҳи Қасри фарҳанг дар маркази ноҳия барои 460 ҷойи нишаст иштирок кард. Корҳои сохтмонӣ дар ин ҷо соли 2012 оғоз гардида, пудратчии сохтмон ҶДММ "Шарқ" мебошад. Қасри фарҳанг аз ду ошёна иборат буда, дар он 12 утоқи корӣ, толори бошукӯҳи замонавӣ ва дигар биноҳои ёрирасон мавҷуд аст. Арзиши лоиҳавии сохтмон 6 миллиону 300 ҳазор сомонӣ аст.

Зимнан, Эмомалӣ Раҳмон бо фаъолони ноҳия мулоқот карда, бо вазъи мардуми минтақа аз наздик ошно шуд. Сафари кории президент дар вилояти Бадахшон то рӯзи 31 июл идома хоҳад кард.  

 

16
Барчаспҳо:
сафари президент ба Бадахшон, мулоқоти раисҷумҳур бо фаъолони ноҳия, ифтитоҳи қаср, сел дар Рӯшон, сел дар Бадахшон, Қасри фарҳанги Рӯшон, президенти Тоҷикистон, Эмомалӣ Раҳмон, Рӯшон, Бадахшон
Мавзуҳо:
Сафари кории Эмомалӣ Раҳмон ба Бадахшон (9)
Задержание, архивное фото

"Аттестат"-у диплом мефурӯхт: боздошти директори мактаб бо шариконаш

821
(Таҷдидшуда 17:15 31.05.2020)
Оҷонсии мубориза бо фасод як роҳбари мактаби миёнаро боздошт кардааст, ки дар фурӯши шаҳодатномаи хатм муттаҳам мешавад.

ДУШАНБЕ, 31 май — Sputnik. Бино ба иттилои дафтари матбуотии Оҷонсӣ Ҳусейн Қаюмов дар вазифаи Директори Муассисаи таҳсилоти миёнаи умумии №18-и ноҳияи Деваштич кор карда истода, бо маслиҳати пешакӣ бо омӯзгори МТМУ №2-и шаҳри Истаравшан Фатулло Маҷидов ва Нодир Бобоев ба ин кор даст задаанд.

Генерал-майор Сулаймон Султонзода, сардори Ожонси назорати давлатии молиявӣ ва мубориза бо фасоди Тоҷикистон
акс аз сомонаи Агентии мубориза бо коррупсияи Тоҷикистон

Ба иттилои манбаъ, номбурдагон моҳи феврали соли 2020 аз шаҳрванд Ҷуразода Ш.Ш. барои ба ӯ бидуни таҳсил омода кардани додани шаҳодатномаи хатми мактаби таҳсилоти миёнаи умумӣ, маблағи 5000 сомонӣ талаб карда гирифта, бар ивази он ба ӯ шаҳодатномаи қалбакиро додааст.

“Инчунин, Қаюмов Ҳ.А. дар якҷоягӣ бо Бобоев Н.П. бо тарзу усули болозикр моҳи феврали соли 2020 аз шаҳрванд Ҷуразода Ш.Ш. барои ба номи шиносаш - Ғаффоров Б.Б. омода кардани додани дипломи хатми Омӯзишгоҳи касбии шаҳри Исфара, маблағи 4000 сомонӣ талаб карда гирифта, тасарруф намудаанд”,- афзудааст манбаъ.

Манбаъ мегӯяд,вобаста ба ҳолатҳои мазкур нисбат ба Ҳусейн Қаюмов, Фатулло Маҷидов ва Нодир Бобоев бо моддаи 247 қисми 3 банди “а” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

Ба иттилои Сулаймон Султонзода, раҳбари Оҷонсии зидди фасод, давоми соли гузашта 122 корманди Вазорати маориф ва илмро бо гумони даст доштан дар амалҳои коррупсионӣ боздошт карда буданд.

 

821
Президент Таджикистана Эмомали Рахмон

Раҳмон гуфт, охири имсол ба раисон аз рӯи чӣ баҳо медиҳад

1548
(Таҷдидшуда 16:45 31.05.2020)
Эмомалӣ Раҳмон, раисиҷумҳури Тоҷикистон, огоҳ кард, ки имсол кори раисони шаҳру навоҳӣ аз рӯи кадом меъёрҳо баҳогузорӣ хоҳад шуд

ДУШАНБЕ, 31 май - Sputnik.  Раисиҷумҳури Тоҷикистон дар мулоқот бо масъулин ва фаъолони вилояти Хатлон иттилоъ дод, ки охири имсол ба кори раисон аз рӯи ташкили корхонаҳо, ҷойҳои нави корӣ ва ҷалби сармояи ватанию хориҷӣ баҳогузорӣ хоҳад шуд.

 “Бори дигар таъкид менамоям, ки роҳбарияти вилоят ва шаҳру ноҳияҳои он дар самти ташкили корхонаву коргоҳҳои нави саноатӣ, ба кор андохтани иқтидорҳои мавҷуда, ҷалби сармояи ватаниву хориҷӣ, таъсиси ҷойҳои нави корӣ ва фароҳам овардани шароити мусоиди соҳибкориву сармоягузорӣ масъул мебошанд ва фаъолияти онҳо дар давоми сол аз рӯи ин нишондиҳандаҳо арзёбӣ карда мешавад”, - изҳор дошт Эмомалӣ Раҳмон.

Раисиҷумҳур ба ҳукуматҳои шаҳру ноҳияҳо супориш дод, ки то охири соли 2020 доир ба корҳои дар самтҳои зикршуда иҷрогардида ба Дастгоҳи иҷроияи Президент ҳисоботи муфассал пешниҳод намоянд.

Ӯ зикр намудаст, ки 92 фоизи нерӯи барқи дар кишвар тавлидшаванда ба вилояти Хатлон рост меояд ва ба ҳамин далел имкониятҳо дар самти ташкили корхонаву коргоҳҳои истеҳсолӣ хеле зиёданд.

Ба гуфтаи раисиҷумҳур, дар вилоят маҳз ҳамин афзалиятҳо ба рушди саноати нассоҷӣ, хӯрокворӣ, металлургия, кимиё, мошинсозӣ ва дигар бахшҳои саноати коркард мусоидат карда метавонанд.

1548
Рынок в Душанбе Корвон

Эълони ҳукумати Душанбе дар бораи кори бозорҳо, кошонаҳои ҳусну нуқтаҳои мошиншӯйӣ

1150
(Таҷдидшуда 21:25 31.05.2020)
Ҳукумати Душанбе қарор кардааст, ки бозорҳои либосфурӯшӣ, нуқтаҳои мошиншӯӣ, телефонфурӯшӣ ва кошонаҳои ҳусну сартарошхонаҳо то нимаи июн баста мемонанд

ДУШАНБЕ, 31 май - Sputnik. Котиботи ҳукумати Душанбе ҳадафи қарорро ҷилавгирӣ аз сирояти  COVID-19 гуфта, таъкид намудааст, ки ҳамаи бозорҳои либосфурӯшию кошонаҳои ҳусн, сарфи назар аз моликияташон то 15 июн баста хоҳанд буд.

“Мақомоти иҷроияи ҳокимияти давлатии шаҳри Душанбе бо мақсади ҳифзи тандурустии сокинони пойтахт, пешгирии бемории сироятии коронавирус (COVID-19) қатъ намудани фаъолияти ҳамаи бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳоро, сарфи назар аз шакли моликият ва тобеияти идоравӣ то 15 июни соли 2020 тамдид намуд”, - омадааст дар иттилоия.

Сохторҳои дахлдори шаҳрдорӣ вазифадор гардиданд, ки дар ҳамкорӣ бо роҳбарон ва масъулини бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо дар ин муддат корҳои безараргардонӣ ва дезинфексиониро мунтазам амалӣ намоянд.

Ҳукумати шаҳри Душанбе охири моҳи апрел ба хотири ҷилавгирӣ аз густариши “вируси корона” кори бозорҳои либосфурӯшии шаҳрро пурра қатъ ва дар онҳо рӯзҳои санитарӣ эълон карда буд.

1150
Барчаспҳо:
бозор, нуқтаи назар, Тоҷикистон