Халтаи орд. Акс аз бойгонӣ

Гаронии орд дар Мурғоб дар пайи офатҳоии табиии Бадахшон

17
Cокинон ва намояндагони созмонҳои байналмилалии кӯмакрасон дар ноҳияи дурдасти Мурғоб мегӯянд, селхезиҳои ахир дар Бадахшон, ки боиси баста шудани роҳҳо шуд, қимати ордро ба таври бесобиқа боло бурдааст.

ДУШАНБЕ, 30 июл — Sputnik. Сокинони Мурғоб мегӯянд, ба думболи селхезиҳои харобиовар дар Бадахшон ва баста шудани роҳҳо, ба ин ноҳия орд ворид нашудааст ва нархи як халтаи он аз 160 то ба 200 сомонӣ ва дар деҳоти дуртари он ба 225 сомонӣ расидааст, менависад "Радиои Озодӣ".

Сӯҳроб Ғарибшоев, раиси бахши Бунёди Оғохон дар ноҳияи Мурғоб 30 июл ба "Озодӣ" гуфтааст, тайи 10 рӯз аст, ки орд тақрибан ба Мурғоб ворид нашудааст ва нархи он дар маркази ноҳи ба 200 сомонӣ ва дар деҳоти дуртар ба 225 сомонӣ расидааст. Вай афзудааст, баъди фаромадани сел роҳи Хоруғ ба Мурғоб баста шуд ва то боз шудани роҳ аз тариқи Хоруғ-Ишкошим-Мурғоб орде, ки аз тарафи Оҷонсии захираҳои давлатӣ оварда шуда буд, тамом гардид.

Вай мегӯяд, дар ҳамин муддат аз Ӯши Қирғизистон низ орд ворид намешавад ва ин вазъи бе ин ҳам мушкили мардумро мушкилтар кардааст. Ба гуфтаи вай, ҳарчанд роҳи аз тариқи Ишкошим боз шуда бошад ҳам, аммо мошинҳои вазнинбор аз ағбаи "Лангар" убур карда наметавонанд ва илова ба он, масофаи роҳ аз тариқи Ишкошим 130 километр дуртар шудааст.

Эшпулод Қувватбеков, як сокини ноҳияи Мурғоб гуфтааст, дар деҳаи онҳо, ки аз маркази ноҳия 15 километр дуртар аст, нархи як халта орд ба 230 ва 235 сомонӣ расидааст. Вай мегӯяд, баъди баста шудани роҳ ва ворид нагаштани орд, байни мардум таҳлука ба вуҷуд омад ва тамоми орде, ки дар мағозаҳо буд, хариданд.

Қувватбеков мегӯяд, ки набудани орд ба нархи дигар маводи мавриди ниёзи мардум, аз ҷумла шакару равғану маҳсулоти ордӣ таъсир кардааст ва нархи як кило шакар ва як литр равған як сомонӣ бештар шудааст. Масофаи роҳ аз тариқи Хоруғ то Мурғоб 320 километр аст, вале ҳоло аз тариқи ноҳияи Ишкошим ба 410 километр баробар шудааст.

17
Барчаспҳо:
камёфт, 230 сомонӣ, қимати орд, сел дар Бадахшон, офати табиӣ, гаронӣ, Сӯҳроб Ғарибшоев, Мурғоб, Бадахшон
Мавзуҳо:
Сел, обхезӣ ва қурбониҳои он дар Тоҷикистон: талафоти ҷонӣ низ ҳаст (29)
Девушки в защитных масках идут по улице в городе Душанбе

Дамои ҳаво: пешгӯии дақиқи ҳавошиносон барои имрӯз

30
Имрӯз дар ҷумҳурӣ ҳаво камабри бебориш шуда, ҳарорат дар шаҳри Душанбе рӯзона ба 18+20 дараҷа мерасад.

Ба иттилои Агентии обуҳавошиносӣ кишвар, имрӯз дар Вилояти Мухтори Кӯҳистони Бадахшон ҳаво  камабр ва дар баъзе ноҳияҳо тағйирёбандаи бебориш мешавад. Ҳаво дар ғарби вилоят шабона 6-11  дараҷа хунук ва рӯзона ҳаво 0-5 дараҷа  хунук мешавад. Дар шарқи вилоят ҳаво  шабона  22-27 ва рӯзона 15-20 дараҷа  хунук мешавад.

Ҳаво дар вилояти Суғд  камабр ва дар баъзе ноҳияҳо тағйирёбандаи бебориш шуда,  туман мефарояд.  Ҳаво  дар водиҳо шабона аз 1 дараҷа хунук  то 4 дараҷа гарм ва рӯзона 6+11 дараҷа гарм мешавад. Дар ноҳияҳои кӯҳӣ ҳаво шабона 5-10 дараҷа хунук  ва рӯзона  6+11 дараҷа гарм  мешавад.

Дар вилояти Хатлон  ҳаво камабри бебориш шуда, дар баъзе ноҳияҳо туман мефарояд.  Ҳаво дар водиҳо шабона аз 3 дараҷа хунук то  2 дараҷа гарм ва рӯзона 16+21 дараҷа гарм мешавад.  Дар ноҳияҳои доманакӯҳӣ ҳаво шабона 0+5 дараҷа гарм ва рӯзона 14+19 дараҷа гарм мешавад.

Дар шаҳру ноҳияҳои тобеи марказ ҳавои камабр ва дар баъзе ноҳияҳо тағйирёбандаи бебориш дар назар аст. Ҳаво  дар водиҳо  шабона аз 2 дараҷа хунук то 3 дараҷа гарм ва рӯзона 16+21 дараҷа гарм мешавад.  Дар ноҳияҳои кӯҳӣ ҳаво шабона аз 2  дараҷа хунук то 3 дараҷа гарм  ва рӯзона 4+9 дараҷа гарм  мешавад.

Дар  шаҳри Душанбе ҳавои камабри бебориш пешбинӣ шудааст.  Ҳарорати ҳаво шабона  аз 1 дараҷа хунук то 1 дараҷа гарм ва рӯзона   18+20 дараҷа гарм  мешавад.

30
Муин Гафуров. Архивное фото

Набарди дидании "Тоҷик": пирӯзии Муин Ғафуров бар Уолтери Коста-Рикӣ-видео

99
(Таҷдидшуда 09:41 16.01.2021)
Муин Ғафуров бо тахаллуси "Тоҷик" пас аз чанд муддати дур будан аз майдон бо бозгашташ намояндаи Коста-Рика Уолтер Замораро мағлуб кард

ДУШАНБЕ, 16 янв – Sputnik. Муҳорибаи ахири “Тоҷик”шоми гузашта  соати 19:00 бо вақти Душанбе дар шаҳри Абу-Даби Илоёти Мутаҳидаи Араб дар Ҷиу Ҷитсу арена доир гашт.

Вазишкори тоҷик дар ин муҳориба пешсаф буд ва аз худ маҳорати баланд нишон дод. Бо ҳамалоти пай дар пайи ва шадид то охири бозӣ инони рақобатро дар даст дошт ва холҳои бештарро соҳиб шуд.

Дар охир бо қарори доварон Муин Ғафуров ғолиб дониста шуд.

Муин Ғафуров варзишгари ҷавон ва серҷоизатарин миёни варзишкорони кишвар дар ин намуди вазриш мебошад.

Ӯ ҳамагӣ 25 сол дорад, аммо дар ин синну сол ба чандин мукофоту ҷоизаҳо сарфароз гардида, рақобатҳои сатҳи ҷаҳониро ба нафъи худ анҷом додааст.

Муин қаҳрамони ҷаҳон дар риштаи самбои ҳарбӣ (WCSF), қаҳрамон ҷаҳон оид ба  грепплинг (FILA), қаҳрамони ҷаҳон аз рӯи MMA (WKA) мебошад.

Вай ҳамчунин барандаи унвони Устоди варзиши самбои ҳарбӣ низ ҳаст.

Ғафуров тайи солҳои ахир талош дорад, ки ба бузургтарин майдони рақобатҳои UFC шомил шавад, аммо то кунун бенатиҷа буданд.

99
Вакцина против новой коронавирусной инфекции

Бразилия истифодаи фаврии ваксинаи Sputnik V -ро талаб кардааст

13
(Таҷдидшуда 10:43 16.01.2021)
Бразилия эълом дошт, ки бинобар пандемияи коронавирусӣ ба истифодаи ваксини русии Sputnik V рӯй овардан зарур аст

Агентии миллии беҳдошти Бразилия аз як ширкати дорусозии маҳаллӣ Uniao Quimica ва Фонди сармоягузории мустақими Русия дар бораи тасдиқи ваксинаи коронавируси Sputnik V барои истифодаи фавқулодда дархост гирифт.

Сухан дар бораи истифодаи 10 миллион вояи доруи Русия меравад, ки эҳтимолан дар семоҳаи аввали соли 2021 дастрас аст.

"Uniao Quimica ва Фонди сармоягузории мустақими Русия дар Anvisa дархости истифодаи муваққатии фавқулоддаи 10 миллион вояи ваксинаи Sputnik V-ро дар Бразилияро ба қайд гирифтанд",- гуфт хадамоти матбуотии ширкат.

Истеҳсолкунандаи дорусозӣ таъкид кард, ки авҷ гирифтани пандемияи коронавирус дар Бразилия ва дар саросари ҷаҳон аҳамияти истифодаи тамоми кӯшишҳоро барои мубориза бо он нишон медиҳад.

Корбурди чораҳои дорои хусусияти фавқулодда ва истисноӣ муҳим аст, ки мувофики гуфти Униао Квимика зарурати таъчилй пайдо шудааст.

"Спутник V" дар Африқо: чаро боварӣ ба ваксинаи сохти русӣ афзуд? - навор

Тибқи созишномаҳои байни Фонди сармоягузории мустақими Русия ва União Quimica, соли 2021 Русия ба Бразилия 150 миллион воя ваксинаи Sputnik V медиҳад.

"Sputnik V"

Ваксинаи коронавируси Sputnik V-и Русияро Маркази Миллии Эпидемиология ва Микробиологияи Гамалея дар ҳамкорӣ бо Фонди сармоягузории мустақими Русия таҳия кардааст.

Афзалиятҳои ваксинаи Русия бехатарӣ, самаранокӣ ва набудани оқибатҳои манфии дарозмуддат мебошанд.

Bloomberg самаранокии ваксинаи русии "Спутник V" -ро тасдиқ кард

Мувофиқи натиҷаҳои таҳлили маълумот натиҷаи ниҳоии таҳқиқои пас аз бақайдгирӣ, Sputnik V самаранокии 91,4% ва барои ҳолатҳои вазнин 100% нишон дод.

13