Бонки миллии Тоҷикистон. Акс аз бойгонӣ

Палатаи ҳисоб: қонуншиканиҳои Бонки Миллӣ боиси ҷаҳиши $ шуданд

85
Бонки миллии Тоҷикистон дар панҷ соли ахири фаъолияти худ 13 миллион сомонӣ ба буҷа зарар расонида аст, ки ҳоло то 9 миллион он зарар барқарор шудааст.

ДУШАНБЕ, 31 июл — Sputnik. Дилмурод Давлатзода, раиси Палатаи ҳисоб мегӯяд, қонуншиканиҳои кормандони Бонки Миллӣ ва ташкилотҳои қарзӣ дар баробари омилҳои берунӣ боиси афзоиши қурби доллар ва поин рафтани арзиши пули миллӣ шудаанд, менависад хабаргузории "Озодагон".

Давлатзода, 31-уми июл зимни нишасти матбуотӣ дар Душанбе гуфт, амалиёти харидуфурӯши долларро дар Бонки Миллӣ санҷида, муайян кардаанд, ки 37 ташкилоти қарзӣ долларро аз ин ниҳод арзон харида, баъдан то 14 фоиз қиматтар мефурӯхтаанд. Раиси Палатаи ҳисоб гуфт, дар робита ба қонуншиканиҳо зимни харидуфурӯши доллар нисбати 6 корманди Бонки Миллӣ санад тартиб дода, барои чораандешӣ ба Прокуратураи генералӣ равон кардаанд.

Масъулини Палатаи ҳисоб оғози парванда алайҳи Ҷамшед Юсуфиён, собиқ муовини раиси Бонки Миллиро рад карданд.

Дар маҷмуъ, раиси Палатаи ҳисоб афзуд, ки фаъолияти 5-солаи Бонки Миллиро санҷида, дар ҳаҷми 13 миллион сомонӣ зарар ошкор кардаанд, ки аз ин 8-9 миллион сомонияш ба корҳои сохтмонӣ рост меояд.

"Қисме аз ин маблағҳо барқарор шуда, чораандешӣ барои барқарор намудани маблағи боқимонда идома дорад", — афзудааст Давлатзода.

85
Барчаспҳо:
сабаб, ҷаҳиши қурб, қонуншиканиҳо, Палатаи ҳисоб, Бонки миллии Тоҷикистон, Дилмурод Давлатзода, Душанбе
Мэр Душанбе Рустам Эмомали

Рустами Эмомалӣ интизориҳояшро аз интихоботи президентӣ эълон кард

1745
(Таҷдидшуда 15:09 12.08.2020)
Рустами Эмомалӣ, раиси Маҷлиси миллии Тоҷикистон интизороташро аз интихоботи президентии 11 октябр баён дошт

ДУШАНБЕ, 12 авг — Sputnik. Рустами Эмомалӣ таъкид кард, ки интихобот бояд шаффофу демократӣ бо иштироки ҳамаи ҳизбҳои сиёсии Тоҷикистон баргузор шавад.

Ӯ изҳори умед кард, ки интихоботи раисиҷумҳур омили муттаҳидкунандаи мардуми кишвар ва таҳкими ваҳдату субот дар ҷомеа хизмат намояд.

"Сахт андӯҳгин шудем": ҳамдардии Вазорати фарҳанг бо хонаводаи Баҳром Ғафурӣ

“Ин чорабинии муҳими сиёсӣ бояд дар доираи талаботи Конститутсия ва қонунгузории Ҷумҳурии Тоҷикистон, дар сатҳи баланди ташкилӣ, ба таври демократӣ ва озоду шаффоф, бо иштироки фаъолонаи халқи Тоҷикистон ва ҳизбҳои сиёсӣ гузаронида шуда, он ҳамчун омили муттаҳидкунандаи мардуми кишвар ва таҳкими ваҳдату субот дар ҷомеа хизмат намояд”, - хабар дод нашрияи парлумонии “Садои мардум” аз қавли раиси Маҷлиси миллӣ.

Рустами Эмомалӣ таъкид намуд, ки “ин интихобот бояд сатҳи баланди маърифати ҳуқуқӣ ва сиёсии мардуми шарифи Тоҷикистонро нишон дода, ба тақвияти боз ҳам бештари нуфузу обрӯи давлати мо дар сатҳи байналмилалӣ мусоидат намояд”.

Кӯдакистонҳо низ дар Тоҷикистон 17 август ба кор оғоз мекунанд

Ӯ дар ҷаласаи ахири муштараки ду палатаи парлумон борҳо аз вакилон суол кард, ки оё дар бораи интихобот пешниҳодҳое доранд, аммо посухе нагирифт.

Дар охир Рустами Эмомалӣ аз аъзои Маҷлиси миллӣ ва вакилони Маҷлиси намояндагон хоҳиш кард, ки барои дар сатҳи баланд баргузор гардидани ин маъракаи сиёсӣ саҳмгузор бошанд.

1745
Барчаспҳо:
интихобот, Рустами Эмомалӣ, Тоҷикистон
Министр культуры Таджикистана Давлатзода Зулфия Давлат

Супоришҳои Давлатзода ба масъулини Суғд барои таъмири мақбараи Абуабдуллоҳ Рӯдакӣ

151
(Таҷдидшуда 14:29 12.08.2020)
Вазири фарҳанги Ҷумҳурии Тоҷикистон Зулфия Давлатзода ба ноҳияи Панҷакент рафта, бо ҷараёни корҳои омодагӣ ба таҷлили 5500-солагии Саразми бостонӣ ошно гардидааст.

ДУШАНБЕ, 12 авг — Sputnik. Тибқи иттилои Вазорати фарҳанги Тоҷикистон, дар доираи сафари кории худ ба вилояти Суғд, вазири фарҳанги Ҷумҳурии Тоҷикистон Зулфия Давлатзода ба ноҳияи Панҷакент рафта, бо ҷараёни корҳои омодагӣ ба таҷлили 5500-солагии Саразми бостонӣ ошно гардидааст.

"Давлатзода дар Маҷмааи ҷумҳуриявии таърихию фарҳангии Панҷрӯд аз рафти корҳои тармиму таъмири мақбараи Устод Рӯдакӣ дидан намуд ва бо масъулини муассиса вохӯрда, барои ҷонноктар кардани ҷараёни кор супоришҳо дод", - омадааст дар хабарнома.

Боиси зикр аст, ки 7 август Вазири фарҳанг Зулфия Давлатзода дар доираи сафари кориаш ба вилояти Суғд дар шаҳраки Бӯстони ноҳияи Мастчоҳ бо ҷараёни сохтмони Қасри фарҳанг, ки дар арафаи таљлили Истиќлолияти давлатии Тољикистон мавриди бањрабардорї ќарор мегирад, шинос гардида буд.

Қасри фарҳанги ноҳияи Мастчоҳ бо ҳазор ҷои нишаст  бунёд шуда истодаст. Тибқи иттилои масъулини сохтмон иншоот дар муҳлати муқарраршуда ба истифода дода мешавад.

Зулфия Давлатзода зимни сафар бо аҳли фарҳанги ноҳияи Мастчоҳ ва дар шаҳри Хуҷанд бо кормандони раёсати фарҳанги вилояти Суғд вохӯрӣ намуда, фаъолияти минбаъдаи Қасри фарҳангро мавриди таваҷҷуҳи масъулин қарор додааст.

Дар Австралия ҳам аз устод Абуабдуллоҳ Рӯдакӣ ёд хоҳанд кард

Ӯ таъкид кардааст, ки бо ба истифода додани ин бинои замонавӣ бобати ҷалби мутахассисон ва ҳунарпешагони ҷавону болаёқат тадбирҷўӣ намуда, фаъолияти онро ба таври муосир ба роҳ монанд.

Ҳамчунин, бо истифода аз захираҳои дохилии зеҳниву кадрӣ пайваста кўшиш ба харҷ диҳанд, ки рисолати касбии хешро дар самти тарбияи маънавии ҷомеа, баланд бардоштани руҳияи худогоҳиву худшиносии миллӣ, ватандўстӣ, эҳтиром ба арзишҳои волои милливу таърихӣ адо намоянд.

151
Барчаспҳо:
таъмир, мақбара, Абуабдуллоҳ Рӯдакӣ, Вазорати фарҳанг, Суғд
Маросими дафни Баҳром Гафурӣ

Сипоси падари Баҳром Ғафурӣ ба ғамшарикони хонадонаш

0
Хонаводаи Бахром Ғафурӣ, овозхони марҳуми тоҷик, ба тамоми дӯстону азизоне, ки тариқи шабакаҳои иҷтимоӣ ва расонаҳо ғамшарикӣ кардаанд, изҳори сипос кардааст

ДУШАНБЕ, 12 авг — Sputnik. Баҳром аввал ба шумо – миллати бошараф ва мухлисони азизаш, сипас ба хонаводаи мо тааллуқ дошт, омадааст дар изҳороти хонаводаи мотамзада.

“Аз замин то осмон аз якояки шумо миннатдорем. Худованд ҳамаи шуморо аз балову офатҳои заминиву осмонӣ нигаҳбон бошад!”, - дуо кардаанд аҳли байти сароянда.

Сипосномаро яке аз дӯстони хонавода, рӯзноманигор Фахриддини Холбек дар саҳифаи фейсбукияш аз номи падари хонадон - амаки Шамсиддин, бародарони Баҳром - Анвар, Музаффар, Вайсиддин, писаронаш – Анӯшервон ва Эҳсон ва бақияи аъзои хонаводаи Баҳром Ғафурӣ нашр кардааст.

Баҳром Ғафурӣ бар асари садамаи маргбор санаи 7-уми августи соли равон, тахминан соати 04:00 ҷон дода буд.

Бино бар иттилои ВКД, ронандаи автомашинаи тамғаи “Ланд-крузер-200”, рақами қайди давлатиаш 01-57JJ01, Анварзода Ислом Қурбон, соли таваллудаш 1991, муовини прокурори ноҳияи Фирдавсӣ, дар хиёбони Рӯдакии шаҳри Душанбе суръати автомашинаро баланд карда, ба автомашинаи тамғаи “Камаз” бархӯрдаааст. .

Ба иттилои мабаъ, дар натиҷа мусофири дохили автомашинаи мазкур Баҳром Ғафурӣ, соли таваллудаш 1976, сароянда, дар ҷойи ҳодиса ба ҳалокат расидааст.

Ҳамзамон манбаъ қайд кардааст, ки худи ронанда Анварзода ва мусофири дигари автомашина Зарипов Баҳодур, соли таваллудаш 1986, сокини деҳаи Кангурти ноҳияи Темурмалик ҷароҳатҳои ҷисмонӣ бардошта, дар беморхона бистарӣ гардидаанд.

0
Барчаспҳо:
ҳалокат, садама, овозхон, Тоҷикистон