Ҳаҷҷ. Акс аз бойгонӣ

Баёнияи кумитаи дини ҶТ дар мавриди "ҳаҷҷи хайрия"

38
(Таҷдидшуда 16:50 06.08.2015)
Масъулини Кумита оид ба корҳои дин, танзими анъана ва расму оини Тоҷикистон аз он ибрози нигаронӣ кардаанд, ки бархе афрод бо хабарҳо дурӯғ дар мавриди вуҷуд доштани ҳаҷҷи хайрия миёни мардум нофаҳмиҳо ба вуҷуд оварданд.

ДУШАНБЕ, 6 авг — Sputnik. Кумита оид ба корҳои дин, танзими анъана ва ҷашну маросимҳои миллии Тоҷикистон бо нашри як изҳорот хабарҳо дар мавриди ташкили "ҳаҷҷи хайриявӣ"-ро такзиб кард, иттилоъ медиҳад хабаргузории Озодагон.

"Ҳеч гуна ҳаҷҷи хайриявӣ аз ҷониби афроди алоҳида ташкил нашудааст ва хабарҳо дар мавриди сафарбаркунии шаҳрвандони Тоҷикистон ба Арабистони Саудӣ бо ин шева асос надоранд",- омадааст дар баёнияи ин ниҳод.

Ба қавли масъулини кумита, иштироки шаҳрвандони Тоҷикистон дар маросими "Ҳаҷ-2015" танҳо тавассути ин ниҳод имконпазир аст. "Арабистони Саудӣ танҳо ба мақомоти давлатии танзимкунандаи сафари зоирон ба ҳаҷҷ иҷозаи сафарбарнамоии ҳоҷиён ба мавсими ҳаҷҷро додааст".

Манбаъ менависад, дар Тоҷикистон танҳо Кумитаи оид ба корҳои дин, танзими анъана ва ҷашну маросимҳои миллӣ ҳаққи ташкили ҳаҷ ва сафарбарнамоии зоирон ба Хонаи Худоро дорад.

Кумитаи дин ба таваҷҷуҳи шаҳрвандони кишвар мерасонад, ки ба чунин овозаҳои дурӯғин бовар накунанд, то ба доми фиреби қаллобон наафтанд.

Ҳаҷҷ аз ҷумлаи аркони панҷгонаи дини мубини Ислом буда, барои ҳар мусалмони ӣа камолрасида ва тавоно фарз мебошад. Ҳар сол аз Тоҷикистон қариб шаш ҳазор ва бештар аз барои зиёрати Хонаи Худо ба Маккаи муккарама мераванд.

38
Барчаспҳо:
баёнияи Кумитаи дин, аркони панҷгонаи ислом, такзиби хабар дар бораи "ҳаҷҷи хайрия", зиёрати Хонаи Худо, Кумитаи дин, танзими анъана ва расму оини ҶТ, Кумитаи дин, Макка, Арабистони Саудӣ, Душанбе, Тоҷикистон
Вакцина против COVID-19 Pfizer-Biontech

СММ ба тақсими ваксина алайҳи COVID - 19 шурӯъ кард: Тоҷикистон низ дар рӯйхат аст

5
(Таҷдидшуда 16:34 23.01.2021)
Қаблан Вазорати тандурустии Тоҷикистон хабар дод, ки ба Созмони милали муттаҳид барои дарёфти ваксина алайҳи коронавирус дархост ирсол намуданд

ДУШАНБЕ, 23 янв — Sputnik. Роҳбари СҶБ Тедрос Гребесесус аз имзо шудани шартнома дар мавриди хариди 40 миллион вояи ваксинаи PFizer-BioNTech’s хабар додааст.

Ба таъкиди ӯ, феълан барои интиқоли маҳсулоти AstraZeneca/Oxford созиш ба даст омадааст.

Раҳбари СҶБ мегӯяд, ин кор имкон медиҳад, ки дар доираи механизми COVAX то охири сол дар саросари ҷаҳон ду миллиард ваксина, аз ҷумла 1,3 миллиард ба кишварҳои аз ҷиҳати иқтисодӣ камдаромад тақсим карда шавад.

Ёдовар мешавем, ки механизми COVAX, ин ташаббуси беназир барои истеҳсол ва хариди мутамаркази ваксинаҳо бар зидди COVID-19 мебошад.

Тибқи он, ҳукуматҳо ва истеҳсолкунандагон якҷоя кор бурда, ҳам ба кишварҳои сарватманд ва ҳам ба кишварҳои аз лиҳози иқтисоди камдаромад ваксина тақсим карда мешавад.

Қирғизистон бо Русия барои воридоти ваксина алайҳи коронавирус гуфтушунид мекунад

Дақиқ шудааст, ки 150 миллион дозаи дигари ваксинаи таҷрибавии AstraZeneca/Oxford дар семоҳаи аввали соли равон дастрас хоҳад шуд. Феълан СҶБ барои тасдиқи ин дору барои истифода кор бурда истодааст.

Бояд гуфт, ки Вазорати тандурустӣ ва ҳифзи иҷтимоии аҳолии Тоҷикистон низ дар доираи ташаббуси COVAX барои 2 миллион воя ваксина аз коронавирус дархост пешниҳод кардааст.

5
Барчаспҳо:
СММ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Автомобильная дорога, ведущая к городу Душанбе

Чаппа шудани мошин дар роҳи Хоруғ - Душанбе: ронанда бо ду мусофир ҷон дод

273
(Таҷдидшуда 16:03 23.01.2021)
Ронандаи 46 - сола аз шаҳри Хоруғ бо 5 мусофир дар самти Душанбе ҳаракат мекард, ки дар нимароҳ ба садамаи мудҳиш рӯбарӯ шуд

ДУШАНБЕ, 23 янв — Sputnik. Кумитаи ҳолатҳои фавқулода аз рух додани садамаи мудҳиши нақлиётӣ дар километри 277 - уми роҳи мошингарди Кӯлоб - Хоруғ хабар медиҳад.

Ба иттилои манбаъ, ҳодисаи нохуш рӯзи 22 январ рух додааст.

"Ронандаи 46 - солаи автомашинаи "Landcruser", аз шаҳри Хоруғ бо панҷ мусофир самти пойтахт ҳаракат мекард, ки дар нимароҳ ба садама дучор шудааст", - таъкид мешавад дар хабар.

Манбаъ меафзояд, аз сабаби барфрезӣ ва шамоли сахт ронанда аз ӯҳдаи идораи автомашина набаромада, ба ҷарии 40 метр сарозер шуд.

Дар натиҷа худи ронанда бо ду мусофири дигар дар ҷойи ҳодиса ҷон бохтанд.

Тӯйхона мотамхона шуд: мошини домод замони барои арӯс рафтан дучори садама шуд

Гуфта мешавад, мусофирони дигарро бо ҷароҳатҳои гуногун ба бемористони шаҳри Кӯлоби вилояти Хатлон интиқол доданд. Маълумоти бештар дар мавриди фавтидагону ҷароҳатбардоштагон рӯйи даст нест.

Кумитаи ҳолатҳои фақулода ҳамчунин гуфт, рӯзи гузашта аз сабаби боришоти зиёди барф роҳи Шуғнон - Ишкошими ВМКБ муваққатан масдуд буд.

273
Барчаспҳо:
садама, Хоруғ, Душанбе, роҳ, мошин