Шиносномаи биометрии шаҳрванди ҶТ

Тартиби нави гирифтани шаҳрвандии Тоҷикистон ҷорӣ шуд

64
(Таҷдидшуда 10:19 10.08.2015)
Бо имзои қонуни ҶТ “Дар бораи шаҳрвандии Ҷумҳурии Тоҷикистон” Эмомалӣ Раҳмон, раисҷумҳури кишвар тартиботи нави дарёфт кардани шаҳрвандии ҷумҳуриро ҷорӣ кард.

ДУШАНБЕ, 10 авг — Sputnik. Эмомалӣ Раҳмон, раисиҷумҳури Тоҷикистон зери қонун "Дар бораи шаҳрвандии Ҷумҳурии Тоҷикистон", ки ахиран аз ҷониби Маҷлиси намояндагон қабул гардид, имзо гузошт, менависад сомонаи президент.

Тибқи иттилои дафтари матбуоти раисиҷумҳури Тоҷикистон, Эмомалӣ Раҳмон қонуни мазкурро 7 август имзо кардааст.

Рӯзи 24 июни имсол вакилони Маҷлиси намояндагон, палатаи поёнии парлумони Тоҷикистон, қонуни конститутсионӣ "Дар бораи шаҳрвандии Тоҷикистон" дар таҳрири навро қабул карданд. Он замон Зариф Ализода, ваколатдор оид ба ҳуқуқи инсон ё омбудсмени тоҷик зимни муаррифии лоиҳа гуфт, мақсади лоиҳа танзими ҳамаҷонибаи масъалаҳои шаҳрвандӣ буда, принсип ва шартҳои тартиби соҳиб шудан ва қатъ гардидани шаҳрвандии Тоҷикистонро муайян месозад.

Зариф Ализода, иброз дошта буд, тибқи ин лоиҳаи қонун афроде, ки забони давлатиро намедонанд ё дар таъқиби ҷиноӣ қарор доранд, ба шаҳрвандии Тоҷикистон қабул намешаванд. Номбурда гуфт, фарзандхонд кардани кӯдаки шаҳрванди Тоҷикистон ҳамчун асос барои пешниҳод кардани имтиёз ҷиҳати қабули шаҳрвандии Тоҷикистон аз лоиҳаи ин қонун дар таҳрири нав хориҷ карда шуд, зеро ба қонунҳои амалкунанда мухолифат мекунад.

Омбудсмени тоҷик қайд намуд, ҷиҳати пешгирии бешаҳрванд гаштани кӯдакон ва ҳифзи ҳуқуқу манфиатҳои онҳо низ як қатор меъёрҳои нав дар ин лоиҳа пешбинӣ шудааст.

Дафтари матбуоти президент мегӯяд, Эмомалӣ Раҳмон дар баробари қонун "Дар бораи шаҳрвандии Ҷумҳурии Тоҷикистон" чанд қонуни дигар, аз ҷумла қонун оид ба ворид намудани тағйиру иловаҳо ба қонунҳои конститутсионии Ҷумҳурии Тоҷикистон "Дар бораи Суди конститутсионии Ҷумҳурии Тоҷикистон", "Дар бораи судҳои Ҷумҳурии Тоҷикистон", "Дар бораи таҳсилоти миёнаи касбӣ", "Дар бораи таъмини амнияти экологии нақлиёти автомобилӣ"-ро имзо кардааст.

64
Барчаспҳо:
шаҳрвандӣ, қонун, тасвиб, Зариф Ализода, Эмомалӣ Раҳмон, Тоҷикистон

Раҳмон: CASA 1000 миёни Осиёи Марказӣ ва Ҷанубӣ иқдоми саривақтист

105
(Таҷдидшуда 20:56 04.03.2021)
Раисҷумҳури Тоҷикистон дар 14-умин Саммити Созмони ҳамкории иқтисодӣ иштирок ва суханронӣ кард

ДУШАНБЕ, 4 мар — Sputnik. Саммити ЭКО имрӯз 4 март дар шакли онлайнӣ баргузор гардид.

Раисҷумҳури Тоҷикистон ҳангоми суханронӣ аз аҳамияти “CASA-1000” ёдрас шуд.

Ӯ аз таъсиси Маркази энергияи тозаи ЭКО ҷонибдорӣ карда, татбиқи лоиҳаи сохтмони хатти баландшиддати интиқоли барқи “CASA-1000”, ки нахустин пули энергетикӣ миёни Осиёи Марказӣ ва Ҷанубӣ хоҳад буд, иқдоми саривақтӣ арзёбӣ намуд.

Эмомалӣ Раҳмон ҳамчунин ба бӯҳрони шадиди иҷтимоӣ, иқтисодӣ ва молиявии ҷаҳонии дар натиҷаи бемории нави сироятии КОВИД-19 ба амаломада, андешаронӣ кард.

Президент изҳори умед намуд, ки натиҷаҳои Саммит ба истифодаи беш аз пеши нерӯи Созмон ҷиҳати рафъи оқибатҳои пандемия ва таъмини рушди устувор дар минтақаи он мусоидат хоҳанд кард.

Президенти Тоҷикистон таъкид дошт, ки тиҷорат дар миёни кишварҳои аъзои ЭКО ҳамагӣ ҳашт фоизи ҳаҷми умумии савдои онҳоро ташкил медиҳад ва ин рақам баёнгари истифодаи нокифояи имкониятҳои тиҷоратӣ дар байни давлатҳо мебошад.

Покистон мехоҳад созишномаи тарҳи CASA - 1000 - ро ислоҳ кунад

Зимни суханронии президенти Тоҷикистон ҳамчунин сатҳи ҳамкории кишварҳои аъзои Созмони ҳамкории иқтисодиро дар соҳаҳои нақлиёт, коммуникатсия, энергетика, саноат, истихроҷу коркарди канданиҳои фоиданок, ҳифзи муҳити зист ва дар бахши аграрӣ таҳлил намуд.

Ӯ густариши робитаҳо ва татбиқи барномаву лоиҳаҳои муҳимро барои таъмини рушди устувор дар минтақа зарур шуморид.

105
Женщина на прогулке с ребенком

Қадрдонии поккорони пойтахт аз ҷониби Рустами Эмомалӣ: беш аз 3,5 миллион сомонӣ дод

163
(Таҷдидшуда 19:54 04.03.2021)
Раиси шаҳри Душанбе Рустами Эмомалӣ барои ҷудо кардани маблағ ба поккорон ба муносибти Рӯзи Модарон қарор баровард

ДУШАНБЕ, 4 мар — Sputnik. Тибқи ин қарор аллакай 1169 занону бонувон кумакпулии яквақтаинаи худро дарёфт карданд.

Ба иттилои дафтари матбуотии шаҳрдорӣ, маблағи умумии ҷудошуда ба занони тамизкор 3 миллиону 633 ҳазору 450 сомонӣ мебошад.

Ҳаиминтавр, тибқи қарори Рустами Эмомалӣ, дар бораи ҳавасманд намудани занони раёсатҳои истифодабарии роҳҳо, муассисаҳои давлатии боғҳои фарҳангӣ-фароғатии шаҳрӣ, бонувон, фаррошони дастгоҳ, дар Муассисаи давлатии истифодабарии роҳҳои ноҳияи Синои пойтахт бахшида ба Рӯзи Модар ҷамъомади тантанавӣ баргузор гардид.

Дар ин ҷамъомад муовини раиси шаҳр Умед Гуреззода ширкат карда, масъулину кормандон ва занону бонувони Муассисаи давлатии истифодабарии роҳҳои ноҳияи Синои пойтахтро ба муносибати Рӯзи Модар табрику таҳният гуфта, барояшон комёбиҳои беназир, саодату пирӯзи таманно намуд.

"Дар асоси дастури раиси шаҳри Душанбе ба 1169 нафар занону бонувон, ки дар тозакориву поккорӣ ва ободонии кӯчаву маҳаллаҳои ноҳияи Сино саҳм гузоштаанд, тӯҳфаҳои хотиравӣ ва мукофотҳои пулӣ дар ҳаҷми 1000 сомонӣ тақдим карданд", - омадааст дар хабарнома.

Соли гузашта Рустами Эмомалӣ амр дод, ки барои тӯҳфаҳо ба занон ба ифтихори Рӯзи модарон ва Наврӯз 3,19 миллион сомонӣ (329 ҳазор доллар) ҷудо карда шавад.

Тақвими рӯзҳои Ид дар Тоҷикистон дар соли 2021

Шаҳрдори пойтахт занони тоҷикро табрик гуфта, модаронро ба "офтоб" муқоиса кард, ки ба ҷаҳон файзу шодмонӣ мебахшад ва меҳру шафқати модаронро манбаи зиндагӣ хонд.

163
Барчаспҳо:
Рӯзи модарон, маблағ, Рустами Эмомалӣ, Душанбе
Новоизбранный премьер-министр Садыр Жапаров

Ҷабборов бо сафари расмӣ ба Тоҷикистон меравад

393
Роҳбари Қирғизистон Содир Ҷаббаров бо сафари расмӣ ба Душанбе сафар карданист ва дар ояндаи наздик ӯ инчунин аз Ӯзбекистон, Чин ва Туркманистон дидан хоҳад кард

ДУШАНБЕ, 4 мар — Sputnik. Президенти Қирғизистон Содир Ҷабборов қасд дорад ба Тоҷикистон сафари расмӣ анҷом диҳад, гуфт вазири корҳои хориҷии ҷумҳурӣ Руслан Казакбоев дар як нишасти матбуотӣ.

Зимни суханронӣ дар брифинг роҳбари Вазорати корҳои хориҷии Қирғизистон дар бораи сафарҳои ояндаи байналмилалии сарвари давлат сухан гуфт.

"Президент ният дорад сафари навбатии худро ба Ӯзбекистон анҷом диҳад. Тахминан рӯзҳои 11-12 март", -  гуфт сарвари вазорати корҳои хориҷӣ.

Ба гуфтаи Казакбоев, Ҷабборов инчунин қасд дорад ба кишварҳои ҳамсоя - Чин, Тоҷикистон ва Туркманистон сафар кунад.

Ҷабборов ба кишвардори Русия тӯҳфаи ғайриоддӣ дод

Хотиррасон мекунем, ки қаблан Президент ба Русия ва Қазоқистон ташриф оварда буд.

Дар Маскав вай бо Владимиров Путин мулоқот кард. Ҷабборов ба ҳамтои руси худ тӯҳфаи ғайриоддӣ - шамшери қирғизиро тақдим кард.

393
Барчаспҳо:
сафар, Тоҷикистон, раисҷумҳур, Қирғизистон