Пули ҷадид аз болои рӯдхонаи Ванҷ

Рафъи офатҳои табиӣ: пули Гожак дар Бадахшон барқарор шуд

12
(Таҷдидшуда 15:08 12.08.2015)
Пас аз фаромадани сел ва обхезии шадид дар моҳи июли соли равон дар деҳаи Барсеми ноҳияи Шуғнон ҳаракати нақлиёт ба тарафи Мурғоб- Кулма қатъ гардида, мошинҳо аз масири дигар ҳаракат мекарданд, ки масофаи он нисбат ба роҳи Хоруғ- Мурғоб 100 километр бештар буд.

ДУШАНБЕ, 12 авг — Sputnik. Пули мошингузари деҳаи Гожаки ҷамоати ба номи Ғарибшо Шаҳбозови ноҳияи Шуғнон, ки дар офатҳои табии моҳи июл тахриб гардида буд, дубора барқарор шуд, иттилоъ медиҳад АМИТ Ховар.

Барои азнавсозии пули мазкур тамоми таҷҳизоту фанновариҳо ва нерӯи кории муассисаи нигаҳдории роҳҳои вилоят «Бадахшонроҳ» сафарбар гардиданд.

Масъулини идораи роҳсозӣ мегӯянд, дар зудтарин фурсат умури барқарорсозӣ анҷом ёфта, ҳаракати нақлиёт тавассути пули Гожак таъмин гардид.

Пас аз фаромадани сел ва обхезии шадид дар моҳи июли соли равон дар деҳаи Барсеми ноҳияи Шуғнон ҳаракати нақлиёт ба тарафи Мурғоб- Кулма қатъ гардида, мошинҳо аз масири дигар ҳаракат мекарданд, ки масофаи он нисбат ба роҳи Хоруғ- Мурғоб 100 километр бештар буд.

Ҳолати аз меёър бештар шудани оби рӯдхонаҳо дар моҳи июл дар дарёҳои Панҷ, Вахш, Зарафшон, Кофарниҳон, Исфара ва Исфара мушоҳида шудааст. Дар натиҷаи зиёд гардидани оби дарёҳо ва омадани сел сокинони навоҳии Ванҷ, Шуғнон, Ишкошим, Роштқалъа, Дарвоз ва Рӯшони вилояти Бадахшон, чанд навоҳии вилояти Хатлон, дар вилояти Суғд навоҳии Айниву Исфара ва ноҳияи Рашти тобеи ҷумҳурӣ зиён диданд.

Дар маҷмӯъ, дар саросари кишвар ба бахши обёрӣ, интиқоли неруи барқ, роҳҳо ва бахши иҷтимоӣ хисороти зиёд расид, ки ин ин зарар ба 600 миллион сомонӣ (наздик ба $100 миллион) баровард карда мешавад. Мутаассифона, офатҳои табиӣ дар бархе аз навоҳии кишвар талафоти ҷонӣ низ дар дар пай доштанд.

12
Барчаспҳо:
барқарорсозии пули мошингузар, рафъи оқибатҳои офати табиӣ, селу обхезӣ дар Бадахшон, идораи "Бадахшонроҳ", Ҳукумати Тоҷикистон, Танг, Барсем, Гожак, Шуғнон, Мурғоб, Бадахшон, Тоҷикистон
День 2 марта

Тоҷикистон ба узвияти СММ пайваст: имрӯзи таърих

2
(Таҷдидшуда 19:06 01.03.2021)
Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд

Рӯзи 2 март дар ҷаҳон чӣ рух дод

Соли 1993 Шӯрои байниҳукуматии ИДМ оид ба нафту газ ташкил карда шуд.

Соли 1923 дар ИМА аввалин шумораи маҷаллаи "Time" нашр шуд.

Соли 2010 дар Париж дар қароргоҳи ЮНЕСКО маросими ботантанаи ифтитоҳи Соли байналмилалии наздикшавии фарҳангҳо доир гардид.

Рӯзи 2 март дар Тоҷикистон чӣ рух дод

Соли 1992 ҷумҳуриҳои Тоҷикистон, Қазоқистон, Озарбойҷон, Арманистон, Қирғизистон, Молдава, Туркманистон ва Ӯзбекистон  ҳамчун давлати соҳибистиқлол узви Созмони Милали Муттаҳид шуданд.

Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд.

День 27 февраля нац
© Sputnik/ Стас Этвеш/ Мария Вишнякова

Соли 2011 дар Тоҷикистон Шӯрои рушди тарбияи ҷисмонӣ таъсис дода шуд.

Соли 2012 дар шаҳри Душанбе вазъи вақт ва дурнамои ҳамкории Тоҷикистону Британияи Кабир баррасӣ гардид.

Соли 2016 аз ҷониби кишвардори Тоҷикистон Эмомалӣ Раҳмон ангораи ҷашни Наврӯз тасдиқ карда шуд.

Соли 2017 Эмомалӣ Раҳмон ба муносибати 25-солагии барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Финляндия ба Президенти Ҷумҳурии Финляндия Саули Вяйнямё Нийнистё барқияи табрикӣ ирсол намуданд.

Ҷашнҳои рӯзи 2 март

  • Рӯзи байналмилалии гӯгирд.
  • Дар Ливия – Рӯзи тахлия.

Рӯзи 2 март дар Тоҷикистон кӣ таваллуд шуд

Соли 1946 - журналист Мухиддин Олимпур. 

Соли 1950 – ҳунарманди халқии Тоҷикистон Даврон Алиматов.

Соли 1959 – ҳунарманди хизматнишондодаи Тоҷикистон Акбар Мирраҷабов.

2
Барчаспҳо:
ҷашн, ҷаҳон, Тоҷикистон
Мужчина совершает молитву на кладбище

Даргузашти Фотима Ғуломова, ҳунарманди тоҷик пас аз як моҳи марги шавҳар

569
(Таҷдидшуда 22:08 01.03.2021)
Фотима Ғуломова, ҳунарманди номии тоҷик, модари коргардони тавонои тоҷик Барзу Абдураззоқов ва ҳамсари Ҳабибулло Абдураззоқов аст

ДУШАНБЕ, 1 мар – Sputnik. Фотима Ғуломова, ҳунарпешаи номдори театру синамо, модари коргардони машҳур Барзу Абдураззоқов ва ҳамсари Ҳабибулло Абдураззоқов, ҳунарманди номии театру синамо пас аз бештар аз як моҳи марги шавҳараш даргузашт.

Фотима Ғуломова, ҳунарманди номии тоҷик
Акс аз саҳифаи фейсбукии Хуршед Мустафоев
Фотима Ғуломова, ҳунарманди номии тоҷик

Аз даргузашти ҳунарпеша корбарони шабакаҳои иҷтимоӣ, ҳаводорони саҳна ва дӯстони фарзандаш Барзу Абдураззоқов хабар додаанд.

Писари дигари ҳунарманд Шаҳбоз Абдураззоқов ин хабарро тасдиқ карда, гуфтааст, модараш дар пайи беморӣ ҷон ба Ҷонофарин супурд.

Фотима Ғуломова 87 сол дошт ва бештар аз 40 сол дар саҳнаи Театри давлатии академии драмавии ба номи Лоҳутӣ фаъолият карда буд.

Фарзандонаш Барзу Абдураззоқов, коргардони тавонои тоҷик, корманди идораи Созмони Милал Шаҳбоз Абдураззоқов ва проффессори Консерваторияи Шветсия Ниссор Абдураззоқов ҳастанд.

Ӯ дар намоишҳои "Бой ва ғулом", "Шоҳ Лир", "Рӯдакӣ", "Рустам ва Суҳроб", "Мо аз боми ҷаҳон" нақшҳои асосӣ ва хотирмонро бозидааст.

Хомушии ситораи дигар: нақшҳои беҳтарини Ҳабибулло Абдуразоқов – видео

Марги Фотима Ғуломова дар ҳолест, ки ҳанӯз бештар аз як моҳ қабл, 19 январ ҳамсараш, ҳунарманди тавонои синамо ва театр Ҳабибулло Абдураззоқов даргузашта буд.

569