Сайидмукарам Абдукодирзода. Архивное фото

Абдуқодирзода: ҳамла дар Ваҳдату Душанбе кори ҷонибдорони ҲНИТ аст

44
(Таҷдидшуда 15:38 21.10.2015)
Раиси Шӯрои уламои Тоҷикистон бори дигар аз сокинони кишвар даъват кард, ба ҳарфу гуфтаҳои масъулини аҳзоби исломӣ бовар накунанду аз ин гуна ҳизбҳо дурӣ биҷӯянд, зеро ба қавли ӯ, пушти аксари аҳзоби исломӣ кишварҳои абарқудрат ё худ ҳамон кофирҳо истодаанд.

ДУШАНБЕ, 11 сен — Sputnik. Раиси Шӯрои уламои Тоҷикистон Сайидмукаррам Абдуқодирзода ҳамлаҳои мусаллаҳона алайҳи кормандони пулис дар шаҳрҳои Ваҳдату Душанберо кори ҷонибдорони Ҳизби наҳзати исломӣ (ҲНИТ), ягона ҳизби сиёсии динӣ дар Осиёи Марказӣ хонд.

Абдулқодирзода рӯзи 11 сентябр дар намози ҷумъа дар Масҷиди марказии шаҳри Душанбе гуфт, чанд тан аз узви ҲНИТ, ки зоҳиран суфуфи ин ҳизбро тарк карда буданд, дубора ба кори "худ" шурӯъ карданд.

"Боз ба даст силоҳ гирифтанду хуни мусулмонро резонданд. Хуни суннию ҳанафимазҳаб рехтанд",- иброз дошт ӯ.

Ба қавли раиси Шӯрои уламои Тоҷикистон, омилони ҳамлаҳои хунини Ваҳдату Душанбе барои анҷоми ин кори худ аз берун дастур гирифта буданд, дар сурати иҷро нашудани ин амал онҳоро марг интизор буд.

"Чаро чунин карданд?! Дар хориҷу дохил қасру кушк доштанду ҳамаро бо роҳи ҳаром аз худ карданд, боз чаро чунин карданд?! Барои он боз даст ба ин кор заданд, ки хоҷагони хориҷиашон инро мехост. Наметавонистанд, ин корро накунанд. Агар намекарданд, онҳоро марг интизор буд ва ҳоло ки анҷом доданд, боз ҳам онҳоро марг интизор аст", — афзуд муфтӣ.

Оқои Абдуқодирзода дар идома аз Абдуҳалим Назарзода, муовини вазири дифои кишвар ва маъруф ба "Ҳоҷӣ Ҳалим" ном гирифта, гуфт, ӯ модари тоҷикро боз гирён кард.

"Як бор хиёнат карда буданд. Боз хиёнат карданду чанд мусулмонеро куштанд. Модари тоҷикро боз гирён карданд", — илова кард вай.

Раиси Шӯрои уламои исломии Тоҷикистон иддаои масъулини ҲНИТ дар мавриди узви ин ҳизб набудани омилони ҳамлаҳои 4 сентябрро "ҳилаву найранг" хонд. Вай бори дигар ҳаводиси солҳои 90-умро кори ҲНИТ хонда, таъкид кард, ки он замон ин ҳизб бо содир кардани фатво мардумро ба майдонҳо даъват кард.

"ҲНИТ ин фатворо содир карда буд, ки агар ба майдон наравед, зани Шумо се талоқ хоҳад шуд ва чанд чаламуллои дигар ин фатворо миёни мардум паҳн карданд. Магар талоқи зани марде дар дасти як ҳизб аст?! Магар ҳизбе метавонад, зани касеро ба ҷои ӯ талоқ бидиҳад?! Бо ин роҳ мардуми мусулмонро фирефта карда, ба майдонҳо кашиданд",- афзуд Абдуқодирзода.

Раиси Шӯрои уламои Тоҷикистон бори дигар аз сокинони кишвар даъват кард, ба ҳарфу гуфтаҳои масъулини аҳзоби исломӣ бовар накунанду аз ин гуна ҳизбҳо дурӣ биҷӯянд, зеро ба қавли ӯ, пушти аксари аҳзоби исломӣ кишварҳои абарқудрат ё худ ҳамон кофирҳо истодаанд.

Ин ҳарфҳои раиси Шӯрои уламо дар ҳоле садо медиҳанд, ки 4 сентябри соли равон дар шаҳрҳои Ваҳдату Душанбе алайҳи кормандони пулис, аз ҷумла Дастаи таъйиноти махсуси Вазорати умури дохилии Тоҷикистон ҳамла сурат гирифт, ки дар пайи он наздик ба 10 корманди мақомоти қудратии кишвар кушта шуданд. Вазорати умури дохилии кишвар бо нашри изҳороте ин ҳамлаҳоро кори дастаи террористие хонд, ки гӯиё аз сӯи Абдуҳалим Назарзода, муовини пешини вазири дифои Тоҷикистон ташкил гардидааст. Масъулини ВКД дар изҳороти худ таъкид карданд, ки муовини пешини вазири дифои Тоҷикистон узви ҲНИТ аст.

44
Барчаспҳо:
такрори кори соли 1990, марг ба хоинон, кори дасти ҷонибдорони ҲНИТ, муфтӣ дар бораи ҳамлаҳо, Масҷиди марказии Душанбе, Шӯрои уламои ҶТ, ҲНИТ, Абдуҳалим Назарзода, Ҳоҷӣ Ҳалим, Саидмукаррам Абдулқодирзода, Ромит, Ваҳдат, Душанбе, Тоҷикистон
Мавзуҳо:
ҲНИТ дар “гирдоб”-и сиёсат (31)
Мавзуъ
ОМОН-и зиндамонда: ҳамаи қаҳрамонон мурданд...
Глава МИД РТ провел встречу зам главой МИД РФ Андрейем Руденко

Мулоқоти Русия ва Тоҷикистон дар Душанбе: тарафҳо чӣ масоилро баррасӣ карданд

14
(Таҷдидшуда 01:40 15.08.2020)
Вазири умури хориҷаи Тоҷикистон бо муовини вазири умури хориҷаи Русия дар шаҳри Душанбе дидор ва гуфтугӯ кард

ДУШАНБЕ, 15 авг — Sputnik. Сироҷиддин Муҳриддин, вазири умури хориҷаи Тоҷикистон бо Андрей Руденко муовини вазири умури хориҷаи Русия мулоқот анҷом дод, иттилоъ додааст дафтари матбуоти вазорати умури хориҷаи Тоҷикистон.

Бино бар иттилои манбаъ, дар ин дидор, масоили муҳими ҳамкории Тоҷикистон ва Русия баррасӣ шуд. 

Гуфта шудааст, дар ин вохӯрӣ масъалаҳои мубрами муносибатҳои шарокати Тоҷикистону Русия мавриди баррасӣ қарор гирифтанд. Дар ин замина рушди пойдори ҳамкории ду кишвар дар заминаҳои сиёсӣ, тиҷоративу иқтисодӣ, гуманитарӣ, ҳарбӣ, ҳарбӣ-техникӣ ва ғайра таъкид гардид.

Мусоҳибон инчунин роҷеъ ба пешбурди муколамаи вазоратҳои корҳои хориҷии Тоҷикистону Русия, ба хусус дар заминаи татбиқи муқаррароти Барномаи ҳамкорӣ байни вазоратҳои корҳои хориҷии ду кишвар барои соли 2020 изҳори назар намуданд.

Ду тараф перомуни ҳамкории Душанбе ва Маскав дар чорчӯби қавонини Созмонҳои байналамилалӣ, аз ҷумла Созмони Милали Муттаҳид, ҷомеаи ҳамсуд, Созмон Ҳамкории Шанхай, Созмон паймони амнияти ҷамъӣ ва созмони амният ва ҳамкории Аврупо баҳс ва табодули назар карданд.

14
Барчаспҳо:
вазири умури хориҷаи Тоҷикистон, гуфтугӯ, мулоқот, Душанбе, Русия, Тоҷикистон
Здание парламента Республики Таджикистан

Баррасии ҳамкориҳои парлумонӣ: мулоқоти раиси Маҷлиси намояндагон бо сафири Ҳинд

19
(Таҷдидшуда 01:31 15.08.2020)
Раиси Маҷлиси намояндагони Тоҷикистон бо сафири Ҳинд дар Душанбе дидору мулоқот кард

ДУШАНБЕ, 15 авг — Sputnik.  Ба нақл дафтари матбуоти парлумони Тоҷикистон, Муҳаммадтоҳир Зокирзода, бо Вироҷ Синг сафири Ҳиндустон дар Душнбе дидор ва гуфтугӯ кард.

Муҳаммадато Султонов сухангӯи Маҷлиси намояндагони Тоҷикистон гуфт, дар мулоқот ду тараф дурнмои ҳамкориҳои байни парлумонии Тоҷикистон ва Ҳиндустон баҳс ва баррасӣ шуд. 

Вай афзуд, дар ин мулоқот таъкид шуд, ки Маҷлиси  намояндагони Маҷлиси Олии Тоҷикистон ба тавсеа ва густариши муносибот бо Ҳинд таваҷҷӯҳи  вижа кунад. 

Бояд қайд кард, ки мақомоти Тоҷикистон ва Ҳиндустон аз соли 1991 то кунун 70 тавофуқнома барои ҳамкорӣ дар бахшҳои мухталиф бо якдигар имзо карданд.

Ҳудуди 80 ширкати ҳиндӣ дар Тоҷикстон фаъолият мекунанд.

19
Барчаспҳо:
Душанбе, маҷлис, парлумон, ҳамкорӣ, Ҳинд, Тоҷикистон