Бинои №20-1 дар кӯчаи Аҳмади Дониш, ки тибқи иттилоъи ВКД Абдуҳалим Назарзода дар он гӯйё 5 хона доштааст

Аз ӯ, ё аз каси дигар: Sputnik амволи “генерали фирорӣ”-ро ҷӯё шуд

21
(Таҷдидшуда 16:21 16.09.2015)
Беш аз 10 рӯз боз амалиёти муштараки Кумитаи давлатии амнияти миллӣ ва Вазорати корҳои дохилии Тоҷикистон барои боздошти Абдуҳалим Назарзода, муовини пешини вазири дифои кишвар идома дорад. Дар пайи ин хабарнигори Sputnik тасмим гирифт, аз маҳалли хонаву корхонаҳое боздид кунанд,ки онҳоро мақомот марбути "Ҳоҷӣ Ҳалим" медонанд.

ДУШАНБЕ, 16 сен — Sputnik. Дар гузориши телевизионии ВКД даҳҳо хонаву корхонаҳо ба генерали фирорӣ марбут дониста шуданд, ки гӯиё ӯ ин ҳамаро бо роҳи ғайриқонунӣ аз худ кардааст. Хабарнигорн низ аз манзили зист ва нонпазхонаи ӯ, воқеъ дар маҳаллаи маъруф ба гардиши фурудгоҳ дидан намуданд.

Бисёре аз амволи ӯ, аз ҷумла манзили зисташ дар кӯчаи Аҳмад Дониш воқеанд. Ин кӯча дар маҳалли маъруф ба "гардиши фурудгоҳ" мебошад, ки қаблан ВКД аз даргирии мусаллаҳона миёни гуруҳи генерал ва дастаи таъйиноти махсус ё ОМОН-и ин ниҳод хабар дода буд.

ВКД  гуфт, он шаб муовини пешини вазири дифои кишвар ҷонибдорони худро барои тарҳрезии нақшаи ҳамлаҳои мусаллаҳона дар манзили зисташ ҷамъ карда буд. Аммо тибқи изҳороти худи генерал, ки аз номи ӯ дар шабакаҳои иҷтимоию баъзе аз расонаҳои хабарӣ нашр шуд, таъкид кардааст, ки он шаб баъд аз шунидани нақшаи мақомот алайҳи ӯву ҷонибдоронаш ҷамъ шуда буданд.

"Дар маҳаллаи "гардиши фурудгоҳ", наздикии манзили зисти генерал нонпазхонае қомат афрохтааст, ки тибқи иттилои ВКД ба ӯ тааллуқ дорад. Дар инҷо тибқи иттилои мақомоти кишвар гӯиё шумори зиёди силоҳ дарёфт ва мусодира шудааст, ки гӯиё Назарзода барои мусаллаҳ кардани дастаи худ ҷамъоварӣ карда аст".

Тавре мушоҳида мешавад, дар ин ҷо қаблан корҳои таъмиру бозсозӣ сурат гирифта, биноҳои наве низ бунёд шудаасту эълоне дар мавриди ба иҷора додани онҳо низ мушоҳида мешавад. Навиштаи овехтаҳо низ бозгӯи онанд, ки дар ин макон маҳсулоти ширӣ фурӯхта бо эълонҳои берунӣ ҳам сару кор гирифта мешавад. Бо боз шудани дарвозаи нонпазхона марди ҷавоне тахминан 25-сола дар рӯбарӯи мо ҳозир шуд, ки аз либоси низомии ба бар намудааш, маълум буд, узви дастаи таъйиноти махуси ВКД мебошад. Дар ҳоли ҳозир ин корхона аз сӯи чанд тан аз кормандони ВКД нигаҳдорӣ мешавад.

— Албатта, мо ҳамаи инҷоро тагу рӯ кардаему ба истилоҳ "тоза" кардем. Аммо гуфта намешавад, шояд чизе пинҳон карда бошанду барои он баргарданд,- гуфт ин низомӣ.

Моро иҷоза надоданд, то акс ё навор бигирем, "танҳо дар асоси муроҷиат ва иҷозаи расмии раҳбарияти Раёсати корҳои дохилии шаҳри Душанбеин кор  имконпазир аст", изҳор дошт афсари ВКД.

Дар канори нонпазхона биноҳое мавҷуданд, ки соҳибмулк онҳоро ба иҷора додаасту ҳоло дар марҳилаи тафтишот ба дари ҳамаи онҳо муҳр зада шудааст.

Ворота хлебзавода, который, по данным МВД, принадлежал Назарзода
© Sputnik Фируз Умарзода
Дарвозаи корхонаи нонпазӣ, ки ба иддаои мақомот ба генерал Абдуҳалим Назарзода таалуқ дорад

— Шумо кӣ ҳастед?,- пурсид, ҷавонмарде, ки назди даромадгоҳи нонпазхона нишаста буд. Тавре маълум шуд, ӯ мудири Оҷонсии таблиғотии "Colorado"  воқеъ дар яке аз биноҳои марбут ба нонпазхона будааст, ки як ҳафта мешавад, боз шудани дари корхонаи худро мунтазир аст.

Ӯ бо мо дар бораи генерал бо дили нохоҳам анҷом дод ва маълум шуд, ин ҷавон танҳо бо писари Назарзода ҳамкорӣ доштаасту дар масоили иҷора бо ӯ доду гирифт менамудааст.

— Писараш нафари оддие буду марди баде наменамуд,-  афзуд соҳибкор.

Дар сӯҳбат бо хабарнигорон аксари шаҳрвандон аз фаъолияти тиҷоратии хонаводаи генерал бо некӣ ёд мекарданд…

" Ӯ моро дар солҳои ҷанги шаҳрвандӣ наҷот дода буд…"

…Дар қисамати паоёнтари ин кӯча бинои 12-ошёнаи рақами №20/1 қомат афрохтааст, ки тибқи иттилои масъулини ВКД тамоми хонаҳои табақаи 5-уми ин бино ба генерал Назарзода тааллуқ доранд.

Кулли роҳрави табақаи 5-ум зоҳиран аз они хонаводаи генерал буд. Биное, ки генерал дар он зиндагӣ мекунад, бинои оддию дорои лифтҳои аз даврони шӯравӣ ба мерос монда мебошад, ки ҳангоми баромадан ба ошёнаҳои боло одам дохили лифт худро дар чархбол ҳис мекунаду ҳангоми берун рафтан аз ин "чархбол" ҳам каме бояд боз шудани дарро мунтазир шуд…

Акнун, мо ба табақаи 5-ум расидему тугмаи занги дареро зер намудем, ки зани тахминан 50-сола дарро ба рӯи мо боз кард. Ба гуфтаи ин хонум, танҳо ду хонаи ин табақа ба наздикони Назарзода тааллуқ доранд.

— Мо ин хонаро се соли қабл харидем, гуфт Оиша. Ин хонаи харидаи мо қаблан ба Ҳоҷӣ Ҳалим тааллуқ доштааст. Баъд аз ҳаводиси ахир баъзе аз кормандони мақомоти қудратӣ пушти дари мо ҳозир шуданд, ки бо нишон додани ҳуҷҷатҳои манзил дигар касе дари моро накубид.

Ба гуфтаи ҳамсуҳбати мо, ду хонаи ин табақа марбут ба наздикони генерал Назарзода буда, дар яке аз онҳо бародари ӯ ҳамроҳ бо хонаводааш мезистааст.

Лестничная площадка, с 5 квартирами, которые, по сообщениям МВД РТ, приобрел в собственность Абдухалим Назарзода
© Sputnik Фируз Умарзода
Лестничная площадка, с 5 квартирами, которые, по сообщениям МВД РТ, приобрел в собственность Абдухалим Назарзода

"Дарро шикастанду бародари генералро боздошт карданд, афзуд хонум ва ҳоло пушти дари ин хона қулфе овезон мебошад, ки аз сӯи кормандони ВКД зада шудааст. Дар се ҳуҷраи дигари табақаи 5-ум хонаводаҳое ба сар мебаранд, ки на бо генерал пайванди хешутаборӣ доранд ва на хонаҳо моли ӯст",- иброз дошт вай.

Дари яке аз ин хонаҳоро бошад, зане ба рӯи мо боз кард. Вале чун фаҳмид, ки мо хабарнигорем, дубора дарро басту нахост бо мо суҳбат кунад. Бо ҳамсояҳое, ки мо тавонистем, суҳбат кунем, ҳамагӣ дар бораи генерал ҳарфу сухани нек мегуфтанд.

"Марди хубе буд. Дар вақтҳои вазнин моро дастгирӣ кардааст. Ба мо маводи ғизоӣ меоварду гов ё гӯсфандеро мекушту тақсим мекард",- изҳор дошт пиразан Екатерина Леонидова.

© Sputnik
Соседка беглого генерала рассказала, каким он был человеком

Бону Леонидава гуфт, генерал бо ҳамсояҳо муносибати хубе дошт, вале чанд соли ахир ман худи ӯро надидаам, чун ҳамроҳ бо хонаводааш ба ҷои дигар кӯчиданду ҳоло ин ҷо наздикони ӯ зиндагӣ мекунанд.

Зан ба хабару навиштаҳои ВАО боварӣ надорад:

— Ӯ наметавонист, даст ба ин корҳо бизанад. Дар солҳои ҷанги шаҳрвандӣ одамони ӯ моро муҳофизат кардаанд…

Дар мавриди амволи дигари генерали фирорӣ Sputnik дар матолиби баъдии худ хоҳад навишт.

21
Барчаспҳо:
Екатерина Леонидова, таърифи ҳамсояҳо аз Ҳоҷӣ Ҳалим, моликияти генерали фирорӣ, амалиёти мақомот дар дараи Ромит, Оҷонсии таблиғотии “Colorado, нонпазхонаи шаҳри Душанбе, ОМОН, бинои истиқоматӣ, Ҷунайдулло Умаров, Абдуҳалим Назарзода, Ҳоҷӣ Ҳалим, Ромит, Душанбе, Ваҳдат, Тоҷикистон
День 15 августа

Ҷашнҳои рӯзи 14 август дар Тоҷикистон ва ҷаҳон

24
(Таҷдидшуда 19:58 14.08.2020)
Рӯзи понздаҳуми август дар Русия аз Рӯзи бостоншиносон ҷашн гирифта мешавад. Ҳамчунин дар ин рӯз мардуми Ҳиндустон аз Рӯзи истиқлолияташон таҷлил мекунанд

Рӯзи 15 август дар ҷаҳон чӣ рух дод

Соли 1795 дар Фаронса пули нав – франк ба муомилот бароварда шуд.

День 12 августа
© Sputnik / Стас Этвеш / Вишнякова Мария

Соли 1908  ба занони Пруссия ҳуқуқи дар мактабҳои олӣ таҳсил намудан дода шуд.

Соли 1945 дар ИМА меъёри муқаррарнамуда барои фурӯши бензин ва равғани мошин бекор карда шуд.

Соли 1950 дар Иёлати  Ассами Ҳиндустон заминҷунбии 9- балла ба қайд гирифта шуд, ки  дар натиҷаи он 1000 нафар ба ҳалокат расида, зиёда аз 2000 нафар бе сарпаноҳ монданд.

Соли 1992 дар Озарбойҷон пули нав – манат ба муомилот бароварда шуд.

 

Национальная валюта Азербайджана манат. Архивное фото
© Flickr / byezdomny
Национальная валюта Азербайджана манат. Архивное фото

 

Соли 2002 ширкати ҳавопаймои америкоии "National Airlines" дар бораи қарори худ, ки 11 сентябри ҳамон сол ҳамаи мусофиронашро бо арзиши рамзии 1 доллари америкоӣ интиқол медиҳад, хабар дод.

Соли 1877 ихтироъкор  Томас Эдисон аввалин маротиба пешниҳод кард, ки ҳангоми суҳбат бо телефон калимаи "Нello" истифода бурда шавад.

Соли 1879 дар шаҳри Торонто аввалин Намоиши миллии Канада баргузор гардид

Рӯзи 15 август дар Тоҷикистон чӣ рух дод

Соли 1935  аввалин  Спартакиадаи кӯдакони Тоҷикистон баргузор гардид.

День 14 августа
© Sputnik / Стас Этвеш / Вишнякова Мария

Соли 2011 раисҷумҳури Тоҷикистон Эмомалӣ Раҳмон машварати корӣ доир намуда, ба масъулини соҳаҳои дахлдор оид ба таъмини фаровонию арзонӣ ва тартибу низоми зарурӣ дар бозори истеъмолии мамлакат супоришҳои мушаххас доданд.

Соли 2011 дар ноҳияи Ванҷ Эмомалӣ Раҳмон пули мошингарди миёни Тоҷикистон ва Афғонистонро ифтитоҳ намуданд.

Ҷашнҳои рӯзи 13 август дар Тоҷикистон ва ҷаҳон

Соли 2013  дар шаҳри Душанбе Сарвари давлат Эмомалӣ Раҳмон ва ҳайати воломақоми Ҳукумати Ҷумҳурии Исломии Афғонистон масоили вобаста ба роҳҳои татбиқи амалии санадҳои ҳамкории дуҷониба ва минтақавии Тоҷикистону Афғонистон барои рушди робитаҳои иқтисодию тиҷоратӣ, сармоягузорӣ, энергетикӣ, ҳамлу нақлӣ ва ғайраро баррасӣ намудан

Соли 2017 дар шаҳри Сочии Русия  намоиши чоррӯзаи маҳсулоти баландсифати кишоварзии Тоҷикистон, ки  бо ташаббуси Президенти Ҷумҳурии Тоҷикистон Эмомалӣ Раҳмон ва Президенти Федератсияи Русия Владимир Путин баргузор гардид, хотима ёфт.

 

Президент РФ В. Путин принимает участие в заседании Совета глав государств СНГ
© Sputnik / Рамиль Ситдиков
Президент РФ В. Путин принимает участие в заседании Совета глав государств СНГ

 

Ҷашнҳои рӯзи 15 август

  • Дар Ҳиндустон – Рӯзи истиқлолият.
  • Дар Конго – Рӯзи истиқлолият.
  • Дар Коста-Рика   –Рӯзи модар.
  • Дар Россия — Рӯзи бостоншиносон.

Рӯзи 15 август кӣ дар Тоҷикистон ба дунё омадааст

Солҳои 1907-1978 – нависанда Ҳабибулло Назаров.

Солҳои 1913-1983 – тарҷумон Ҳабиб Аҳрорӣ.

Соли 1919 – рассом, дорандаи ҷоизаи ба номи А. Рӯдакӣ Сироҷиддин Нуриддинов.

Солҳои 1936 -2011 – ҳунарманди театр ва кино Бурҳон Раҷабов.

Соли 1939 – ҳунарманди хизматнишондодаи Тоҷикистон Раҷаб  Ҳусейнов.

24
Барчаспҳо:
ҷашн, ҷаҳон, Тоҷикистон
Школьники в масках

Ноиби сарвазири Тоҷикистон гуфт, чӣ бояд кард, то талабаҳо мубталои COVID-19 нашаванд

249
(Таҷдидшуда 20:59 14.08.2020)
Гуруҳи корӣ таҳти раёсати Ширин Исматуллозода, ноиби сарвазири Тоҷикистон, ҳангоми санҷиш дар шаҳри Роғун ва навоҳии Рашт камбудиҳои зиёд дар бахши мубориза бо COVID-19 ошкор кардаст

ДУШАНБЕ, 14 авг — Sputnik. Гуруҳи корӣ таҳти раёсати Ширин Исматуллозода аз шаҳри Роғун ва ноҳияҳои Сангвор, Нуробод, Рашт, Тоҷикобод ва Лахш боздида карда, вазъи соҳаи тандурустӣ ва омодабошии муассисаҳои таълимӣ ба соли нави хонишро санҷидаанд, хабар дод “Ховар”.

“Зимни боздид маълум гардид, ки аҳолӣ, соҳаи маориф ва табибон нисбат ба бемории сироятии COVID-19 ва гирифторшавӣ ба он фориғболӣ нишон медиҳанд.”, - омадааст дар иттилоия.

Манбаъ афзуд, дар кӯчаву бозорҳо сокинон бениқоб гашту гузор мекунанд, дар  муассисаҳои таълимӣ  захираи маводи антисептикӣ, ниқоб, варақаҳои тарғиботиву ташвиқотӣ барои пешгирии беморӣ кам ба назар мерасанд.

Муовини сарвазири Тоҷикистон таъкид кардааст, ки “агар ҳар як омӯзгор бо табибон ва волидон ҳамкорӣ кунанд, боварӣ дорам, ки мактаббачагон ҳеҷ гоҳ интиқолдиҳандаи беморӣ намегарданд”.

Исматуллозода дастур дод, ки омӯзгорону муҳассилин бе ниқоб ба дарс надароянд ва дар даромадгоҳи мактабҳо ҳатман маводи антисептикӣ ва ҳароратсанҷ гузошта шавад.

Инчунин дастур дода шудаст, ки аз ҳисоби кормандони миёнаи тиб дар мактабҳо навбатдориҳо ташкил карда шаваду ҳар як омӯзгор 2-3 дақиқаи дарсро ба фаҳмондадиҳӣ барои риояи қоидаҳои беҳдоштӣ ҷудо кунад.

249
Барчаспҳо:
пешгирӣ, беморӣ, талабагон, Тоҷикистон