Нуриддин Қаршибоев. Акс аз бойгонӣ

Маҳдудиятҳои дастрасӣ ба иттилоот ВАО-ро нигарон кард

29
(Таҷдидшуда 14:36 21.09.2015)
Созмонҳои рӯзноманигории Тоҷикистон сари вақт пахш нашудани хабарҳои расмӣ дар мавриди ҳодисаҳои ахири кишварро нақзи ҳуқуқи конститутсионии шаҳрвандон унвон карданд.

ДУШАНБЕ, 21 сен — Sputnik. Ду созмони рӯзноманигории Тоҷикистон — Шӯрои васоити ахбори омма ва Анҷумани миллии Васоити ахбори оммаи миллии Тоҷикистон сари вақт пахш нашудани хабарҳои расмӣ дар мавриди ҳодисаҳои ахирро нақзи ҳуқуқи конститутсионии шаҳрвандони кишвар хондаанд, мегӯяд Нуриддин Қаршибоев.

Қаршибоев, ки ҳамзамон роҳбарии ҳар ду созмонро бар дӯш дорад, гуфт, дар изҳорот ҳамчунин аз боздошти Ҳикматуллоҳ Сайфуллозода, Абдуқаҳори Давлат ва Зарафо Раҳмонӣ — аъзои фаъоли ҲНИТ, ки ҳамчунин фаъолияти рӯзноманигорӣ доштаанд, нигаронӣ шудааст.

Дар ин изҳорот дар пайванд ба ҳодисаҳои ахири кишвар аз ҷумла гуфта шудааст, ки "мо ба ин боварем, ки ягон масъаларо бо хунрезиву иқдоми эҳсосотӣ ҳал кардан имкон надорад. Ҳама мушкилот бояд дар доираи қонун ва бо риояи манфиатҳои ҳуқуқу озодиҳои инсон мавриди баррасӣ қарор бигирад. Мутаассифона, норасоии маълумоту ахбори дақиқ аз манбаъҳои расмӣ зимни қазияҳои моҳи сентябри соли равон расонаҳои хабарии кишвар ва хориҷиро, ки вазифаашон расонидани маълумоти мӯътамаду санҷидашуда аст, ба мушкилоти касбӣ дар инъикоси ин ҳодисаҳо рӯ ба рӯ кард. Дастрасии маҳдуд ба ахбор ба зиёд шудани ҳар гуна овозаҳо мусоидат мекунад".

"Дар натиҷа ҳам дар нашрияҳои мустақил ва ҳам матбуоти расмии давлатӣ матлабҳое паҳн гардиданд, ки ҳодисаҳоро аз ҳад эҳсосотӣ ва якҷониба бозтоб мекунанд. Ин ҳолат масъулияти аслии журналистиро зери шубҳа мебарад", — зикр кардаанд созмонҳо.

Дар ин изҳорот, Шӯрои ВАО ва НАНСМИТ аз боздошти Ҳикматулло Сайфуллозода, Абдуқаҳори Давлат ва Зарафо Раҳмонӣ, аз аъзои фаъоли ҲНИТ, ки ҳамчунин фаъолияти рӯзноманигорӣ доштаанд ва дар пасманзари ҳодисаҳои ахири кишвар аз сӯи мақомот боздошт шуданд, нигаронӣ кардаанд.

Дар ин изҳорот аз ҷумла гуфта мешавад, ки "илова ба ин, дар пайи боздошти фаъолони ҲНИТ дар робита ба ҳодисаҳои ахир, бархе аз ҳамкасбони мо чанд рӯз боз дар боздоштгоҳ қарор доранд. Бино бар иттилооти пайвандони Ҳикматулло Сайфуллозода- сармуҳаррири нашрияи "Наҷот"-и ҲНИТ, Абдуқаҳҳори Давлат, хатмкардаи факултаи журналистика ва собиқ сармуҳаррири нашрияи ҳизбӣ, Зарафо Раҳмонӣ- масъули нашрияҳои ҳизбии ҲНИТ тайи рӯзҳои боздошт онҳо дар бораи ҷурми наздиконашон хабаре надоштанд, онҳоро бо адвокат низ таъмин накардаанд".

Ҳикматуллоҳ Сайфуллозода, Абдуқаҳҳори Давлат ва Зарафо Раҳмонӣ 5 рӯзи пеш ҳамроҳ бо 10 тан аз фаъолони ҲНИТ аз сӯи мақомоти тоҷик боздошт шуда буданд, вале то кунун ҳеҷ айбнома нисбаташон эълон нашудааст.

29
Барчаспҳо:
боздошти рӯзноманигорон, ҳаводиси ахир, маҳдудият, нигаронӣ, изҳорот, Шӯрои ВАО, НАНСМИТ, Нуриддин Қаршибоев, Тоҷикистон

Тоҷикистонро шаб заминҷунбии сахт такон дод

15
(Таҷдидшуда 03:21 17.01.2021)
Макони заминҷунбӣ на Тоҷикистон, балки наздикии ноҳияи Ҷурми вилояти Бадахшони Афғонистон буд, ки дар он ҷо шиддати ларзиши замин ба 5,5 дараҷа мерасид

ДУШАНБЕ, 17 янв — Sputnik. Тоҷикистонро заминҷунбии шадид такон дод. Заминларза соати 1- и шаби рӯзи 17 январ рух дода буд.

Баъзе аз сокинон дар шабакаҳои иҷтимоӣ навиштанд, шиддати заминларза дар Душанбеву Хуҷанд низ сахт буд.

Бар хабари марказҳои зилзиланигории ҷаҳон, заминҷунбӣ дар наздикии ноҳияи Ҷурми вилояти Бадахшони Афғонистон рух дода, шиддаташ дар онҷо ба 5.5 дараҷаи Рихтер баробар аст.

Заминҷунбӣ дар марзи Тоҷикистону Афғонистон

Тибқи баъзе маълумот дар Афғонистон, зилзила як қатор музофотҳои ин кишварро такон додааст. Манобеи Афғонистон дар як гузориши хабарӣ гуфтаанд, ки зилзилаи шадид Кобул ва баъзе вилоятҳои дигарро такон дод.

Гуфта мешавад, ки сокинони вилоятҳои Балх, Панҷшер, Кундуз, Самангон ва Нангарҳор низ заминларзаро эҳсос кардаанд.

Ҳоло дар мавриди талафоти ҷонӣ ва ё хисороти молӣ маълумоте рӯи даст нест.

15
Барчаспҳо:
Афғонистон, заминҷунбӣ, Тоҷикистон
Мавзуҳо:
Заминларза дар Тоҷикистон
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

78
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

78
Барчаспҳо:
баргузор, саноат, Душанбе, намоишгоҳ, Афғонистон