Эмомалӣ Раҳмон аснои ироаи табрикот ба мардуми кишвар дар иди Саиди Фитр

Табрикоти Раҳмон ба муносибати Рӯзи забони давлатӣ

436
(Таҷдидшуда 22:06 12.10.2015)
Президент мегӯяд, мо бояд талош намоем, ки забони тоҷикӣ ҳамеша ҳамин гуна нуфузу мақом дошта, асолати худро ҳифз ва ба халқи азизамон хизмат намояд

ДУШАНБЕ, 5 окт — Sputnik. Раиси ҷумҳури Тоҷикистон Эмомалӣ Раҳмон дар паёми имсолааш бахшида ба Рӯзи забони давлатӣ гуфт, дар ҳоли ҳозир мардум ва ба хусус наврасону ҷавонон талош мекунанд ба забони давлатӣ сӯҳбат кунанд ва меъёрҳои забонро риоя намоянд, иттилоъ медиҳад дафтари матбуотии президент.

"Дар кишвари маҳбубамон ҳар сол рӯзи 5 — уми октябр Рӯзи забони давлатӣ таҷлил мегардад. Ба ин муносибат тамоми мардуми шарифи Тоҷикистон, кулли ҳамватанони бурунмарзӣ ва дӯстдорони забони ноби тоҷикиро табрик гуфта, барои ҳар яки шумо саломативу хушбахтӣ орзу менамоям",- бо чунин суханон табрикоти сарвари давлат оғоз мешавад.

Ба иттилоъи манбаъ, Раҳмон қайд кардааст, ки ҳоло барои рушду инкишофи забони давлатӣ шароити мусоид фароҳам оварда шудааст ва тамоми асноди қонунгузорӣ ва дигар санадҳои меъёрии ҳуқуқӣ бо забони тоҷикӣ таҳия мегарданд ва рӯзномаву маҷаллаҳо, китобҳои дарсиву таълимӣ, оммавию бадеӣ ба забони давлатӣ ба нашр мерасанд.

"Мо бояд талош намоем, ки забони тоҷикӣ ҳамеша ҳамин гуна нуфузу мақом дошта, асолати худро ҳифз ва ба халқи азизамон хизмат намояд",- иброз доштааст Эмомалӣ Раҳмон.

"Забон дар ҳама давру замонҳо барои муаррифии миллат рукни муҳим ва муқаддас ба шумор рафта, поку беолоиш нигоҳ доштани он вазифаи ҳар як соҳибзабон ва шахси ватандӯст мебошад.Арҷ гузоштан ба забони давлатӣ ва риояи меъёрҳои он шароит фароҳам месозад, ки балоғат ва фасоҳати забон густариш ёбад, сохтори он такмил гардад ва қонунмандии рушди забони давлатӣ тақвият ёфта, инкишофи бонизоми он таъмин карда шавад",- мӯътақид аст раисҷумҳур.

Маврид ба тазаккур аст, ки тарҳи нахустини Қонуни забон дар рӯзи 22-юми июли соли 1989-ум, дар пайи талошҳои як идда аз рӯшанфикрони тоҷик, тазоҳуроту гидиҳамоии ҷавонон ва баҳсҳои шадид дар матбуоти кишвар аз ҷониби Шӯрои Олии ҶШС Тоҷикистон қабул гардид.

Тӯли 20 соли ахир, дар Тоҷикистон  рӯзи 22-июл ҳамчун "Иди забон" таҷлил мегардид, вале парлумони кишвар 5 октябри соли 2009 тарҳи нави Қонуни забонро тасвиб кард ва рӯзи Иди забонро ба панҷуми октябр кӯчонд.  

436
Барчаспҳо:
таҷлил аз иди забон, Рӯзи забони давлатӣ, Иди забон, Қонуни забон, Шӯрои Олии ҶШС Тоҷикистон, парлумони кишвар, президенти Тоҷикистон, Эмомалӣ Раҳмон, шаҳри Душанбе, Тоҷикистон
Похороны в Таджикистане, архивное фото

Худкушӣ ё маризи COVID - 19 буд: даргузашти собиқ раиси филиали "Агроинвестбонк"

0
(Таҷдидшуда 18:28 11.08.2020)
Дар ноҳияи Шаҳринав собиқ раиси филиали "Агроинвестбонк" Зоирҷон Қурбонов дар синни 36 - солагӣ фавтидаст

ДУШАНБЕ, 11 авг – Sputnik. Даргузашти собиқ раиси филиали "Агроинвестбон" дар ноҳияи Шаҳринавро рӯзноманигори тоҷик Саидэҳсони Ҷалолиён дар сафҳаи худ дар Фейсбук нашр намудааст ва аз марҳум инсони хоксору заминӣ ёдовар шуд.

Зимнан, дар аксар расонаҳои кишвар хабари даргузашти Зоирҷон Қурбонов нашр шуд ва иллати марги ӯро худкушӣ навиштанд.

Андӯҳи маорифи Хуҷанд аз даргузашти мудири кӯдакистон аз беморӣ

Аммо манобеи Фараж бо такя ба гуфтаҳои наздикони Зоирҷон хабар дод, ки собиқ раиси филиали ин бонк дар ноҳияи Шаҳринав аз маризии коронавирус ба ҳалокат расидааст.

"Марҳум аз бемории илтиҳоби дутарафаи шуш азият мекашид ва тайи як ҳафтаи ахир дар бемористони ноҳияи Шаҳринав бистарӣ буд", - таъкид мешавад дар хабар.

Ба қавли наздикон, Зоирҷон Қурбонзода ду моҳ қабл ба бемории коронавирус гирифтор шуда будааст.

"Ин беморӣ баъдан ба шушҳояш таъсир гузошт", — афзудаанд пайвандони марҳум.

0
Барчаспҳо:
Агроинвестбонк, филиал, раис, собиқ, даргузашт, Тоҷикистон
Тонущий человек, архивное фото

Дар Лахш дучархарони 14 - сола ба рӯди Қизилсӯ сарозер шуд

27
Кумитаи ҳолатҳои фавқулодаи Тоҷикистон хабар медиҳанд, ки дучархарони 14 - сола дар Лахш ба дарёи Қизилсӯ сарозер шуд

ДУШАНБЕ, 11 авг – Sputnik. Ҳодисаи нохуш рӯзи 10 - уми август, тахминан соати 13:00 дақиқа рух додааст, хабар медиҳад Кумитаи ҳолатҳои фавқулодаи Тоҷикистон.

Ба иттилои манбаъ, сокини 14-солаи деҳаи Қарасойи ҷамоати деҳоти Қашоти ноҳияи Лахш  бо дучарха дар поёнии деҳаи Қарасой ба дарёи Қизилсӯ сарозер шудааст.

Яке худкушӣ карду дигаре аз беэҳтиётӣ ғарқ шуд: фавти бону дар Язгулому ҷавон дар Рашт

Гуфта мешавад, аз сабабе, ки дар гирду атрофи ӯ касе қарор надошт, аз ин рӯ ӯ ғарқи об шуда ҷон бохт.

Зимнан, наҷотбахшон ҷасади ӯро аз мавзеъи "Мирзоқиштов" ҳудуди ҷамоати деҳоти Пилдони ноҳияи Лахш пайдо карданд ва ба волидонаш супурданд.

Кумитаи таъйид намудааст, ки ҷавон аз беэҳтиётӣ ғарқи дарё шуд.

27
Барчаспҳо:
ғарқ, дарё, дучархарон, Лахш