Эмомалӣ Раҳмон аснои гузоштани санги асос дар бунёди шаҳраки Баҳористони вилояти Суғд

Ифтитоҳи хатти интиқоли барқ ва мулоқоти Раҳмон бо шоликорон

15
(Таҷдидшуда 08:06 20.10.2015)
Лоиҳа корҳои сохтмони хатти интиқоли барқи 220 кВ “Қайроққум-Ашт”, навсозии зеристгоҳи “Қайроққум” ва зеристгоҳи барқии 220/110/10 кВ “Ашт”-ро дар бар гирифта, маблағи умумии он баробар ба 11, 2 миллион доллари амрикоӣ мебошад.

ДУШАНБЕ, 20 окт — Sputnik. Раисҷумҳури Тоҷикистон Эмомалӣ Раҳмон дар идомаи сафари кории худ ба шаҳру навоҳии вилояти Суғд аз ноҳияи Бобоҷон Ғафуров боздид кардааст, менависад, сомонаи президент.

Тибқи иттилои манбаъ, нимаи дуюми рӯзи гузашта бо иштироки Эмомалӣ Раҳмон дар мавзеъи Сомғори ноҳияи Бобоҷон Ғафуров хатти нави интиқоли барқи "Қайроққум-Ашт" мавриди баҳрабардорӣ қарор гирифтааст.

Сафари кории Эмомалӣ Раҳмон ба вилояти Суғд. Боздиди президент аз Ғончиву Истаравшан. 19 октябри соли 2015
© Официальная страница пресс-службы президента РТ в Facebook.

"Сохтмони хатти интиқоли барқи 220 кВ Қайроққум-Ашт аз тарафи Бонки осиёии рушд маблағгузорӣ шуда, Фармоишгари лоиҳа "Маркази иҷрои лоиҳаҳои бахши электроэнергетикаи назди Ҳукумати Ҷумҳурии Тоҷикистон" ва Ширкати Саҳҳомии Холдингии Кушодаи Барқи Тоҷик мебошанд. Пудратчӣ ширкати "Калпатару"-и Ҳиндустон аст", — афзудааст, манбаъ.

Лоиҳа корҳои сохтмони хатти интиқоли барқи 220 кВ "Қайроққум-Ашт", навсозии зеристгоҳи "Қайроққум" ва зеристгоҳи барқии 220/110/10 кВ "Ашт"-ро дар бар гирифта, маблағи умумии он баробар ба 11, 2 миллион доллари амрикоӣ мебошад.

Раисҷумҳури Тоҷикистон дар роҳ аз ноҳияи Ғончӣ ба сӯи ноҳияи Бобоҷон Ғафуров бо фаъолияти шоликорони ин минтақаи кишвар ҳам шинос шуда, бо деҳқонон суҳбат карда, дар бораи истифодаи замин, зиёд кардани тухмиҳои аълосифат, киштгардону баланд бардоштани ҳосилнокии замин, кор бо мутахассисони навъсанҷӣ, мутобиқсозии намудҳои хуби шолӣ дар дигар минтақаҳои ҷумҳурӣ, таъмини бозорҳои дохилӣ бо ин маҳсулот, омӯхтани таҷрибаи дигар шоликорони кишвар ва хориҷ, инчунин содироти он сухан гуфтааст.

Раисҷумҳур Эмомалӣ Раҳмон бо мошин дар роҳи нави Айнӣ-Панҷакент
© Официальная страница пресс-службы президента РТ в Facebook.

Гуфтанист, дар ноҳияи Бобоҷон Ғафуров Кооперативи истеҳсолии ба номи Ҷаббор Расулов 140 гектар замин, хоҷагии деҳқонии Раҳмон Набиев дар 160 гектар, Ҷамъияти дорои масъулияташ маҳдуди Парандапарвар дар масоҳати 20 гектар ба парвариши шолӣ ва дигар навъи зироат машғул мебошанд.

Бояд гуфт, сафари кории Эмомалӣ Раҳмон ба шаҳру навоҳии вилояти Суғд дар ҳоли ҳозир идома дорад. Раисҷумҳур ба хотири шиносоӣ бо вазъи зиндагии мардум ва ифтитоҳи як қатор иншооти таъиноти гуногуни иқтисодию иҷтимоӣ, фарҳангӣ ва мусоидат ба беҳдошти шароити иҷтимоии аҳолӣ озими вилояти Суғд шудааст.

 

 

 

15
Барчаспҳо:
Ашт, шолӣ, сафари корӣ, вилояти Суғд, сафар, Эмомалӣ Раҳмон, барқ, президенти Тоҷикистон, Эмомалӣ Раҳмон, вилояти Суғд, Тоҷикистон
Ресторан Мерве в Душанбе

Даъвои ВУД аз тарабхонаву чойхонаҳои пойтахт: қоидаҳои беҳдоштиро риоя намекунанд

0
(Таҷдидшуда 12:21 28.05.2020)
Гурӯҳҳои сайёри Вазорати умури дохилаи Тоҷикистон ба ошхонаву тарабхона, кӯчаву хиёбонҳои шаҳри Душанбе, дукону фурӯшгоҳ, мағозаҳои фурӯши хӯроки умум ва дигар маконҳои гаштугузори шаҳрвандон амалиётҳои профилактикию корҳои фаҳмондадиҳию назоратӣ роҳандозӣ карданд

ДУШАНБЕ, 28  май — Sputnik. Вазорати умури дохилаи Тоҷикистон хабар додааст, ки зимни гузаронидани корҳои назоратии аз ҷониби милитсияи пойтахт маълум гашт, ки дар аксарият ошхонаву тарабхонаҳо ин қоидаҳо ба куллӣ риоя намешаванд.

Манбаъ таъкид доштааст, ки дар тарабхонаи “Мерве”, ки филиали он яке дар кӯчаи “Дӯстии халқҳо” ва дигаре дар хиёбони “Рӯдакӣ” мавҷуд аст, ҳангоми назорати оперативӣ маълум гашт, ки бо воридщавии мизоҷон ба тарабхона ҳарорати онҳо санҷида намешаваду дастҳояшон низ бо маҳлулҳои антисептикӣ безарар намегардад.

“Доир ба иҷро нагардидани ин ҳолатҳо аз кормандон пурсон шудем, вале ҳар гуна баҳона меҷустанду ҷавоби аниқ надоданд. Ҳамчунин баъзе аз пешхизматон бе ниқобу дастпӯшак фаъолият мекарданд”, - қайд кард манбаъ.

Ҳамчунин ВУд зикр кардааст, ки ҳолати аз ин бадтараш дар ошхонаи “Шифо” воқеъ дар кӯчаи Назаршоеви ноҳияи Шохмансур ошкор гашт.

“Дар ин ошхона набудани ҳароратсанҷ, бе дастпӯшаку ниқоб кор кардани хизматгорон ва ифлос будани зарфҳои истифодабаранда ҳолати нигаронкунанда мебошад”, - афзуд ВУД.

Ҳамчунин ВУД таъкид доштааст, ки дар чойхонаи “Яхмос” воқеъ дар кӯчаи “Дӯстии халқҳо” ва сихкабоби “Тахтача” дар кӯчаи Зебунисои ноҳияи Шохмансур, ошхонаи “Фарел Хаус” ва ошхонаи “Озода” дар кӯчаи Лоиқ Шералии ноҳияи Исмоили Сомонӣ, тарабхонаи “Сафо” дар кӯчаи Носири Хусрав ва чанди дигаре маконҳои хӯроки умум одитарин қоидаҳои санитарии аз ҷониби Ситоди ҷумҳуривӣ пешбинишударо риоя намакунанд.

Ҳамзамон ВУД қайд кардааст, ки гарчанде дар баъзе ин ошхонаву тарабхонаҳо маҳлулҳои антисептикӣ ва ҳароратсанҷ вуҷуд дошт, вале мутаассифона чун намоиш дар гӯшае монда шуда, умуман истимфода бурда намешуданд.

Манбаъ зикр кард, ки зимни ошкор кардани ҳолатҳои ғайристандартӣ дар ин маконҳо аз ҷониби гурӯҳи корӣ бо масъуин корҳои фаҳмондадиҳӣ ба роҳ монда шуд.

Раёсати ВКД дар шаҳи Душанбе вобаста ба ҳолати мазкур аз кулли шаҳрвандон махсусан соҳибмулкони ошхонаву тарабхона, қаҳвахонаву дигар маконҳои хӯроки умум даъват кард,  қоидаҳои санитариро риоя намоянд ва беаҳмиятиро дур сохта, солимии худ ва аҳли ҷомеаро дар мадди аввал гузоранд.

0
Барчаспҳо:
роҳандозӣ, амалиёт, Душанбе, тарабхонаи беҳтарин, ВУД, Тоҷикистон
ОАЭ направляет медицинскую помощь Таджикистану в борьбе с COVID-19

Беш аз 10 тонна таҷҳизоти тиббӣ аз Аморати муттаҳидаи Араб ба Тоҷикистон расид

57
(Таҷдидшуда 11:51 28.05.2020)
Дирӯз як ҳавопаймои махсус аз Аморати муттаҳидаи Араб ба Тоҷикистон кумаки башардустона овард. Ин ҳавопаймо ба шаҳри Душанбе беш аз 10 тонна таҷҳизоти тиббӣ овард

ДУШАНБЕ, 28  май — Sputnik. Аморати муттаҳидаи Араб барои пешгирӣ ва муборизаи саривақтӣ бар зидди  вируси корона Тоҷикистонро бо таҷҳизоти  тиббӣ кумак кард.

Бино бар иттилои Агентии захираҳои моддии давлатии назди Ҳукумати Точикистон, кумаки башардӯстонаи  Аморати муттаҳидаи Араб дар ҳаҷми 10,7 тонна буда, он  аз маҳсулоти муҳофизатии тиббӣ, аз ҷумла хилъати тиббӣ, дастпӯшак, ниқоб, бахил, салфетка ва маҳлулҳои антисептикӣ иборат мебошад.

Инчунин ин кишвар барои муайян кардани COVID-19 беш аз 20 ҳазор адад тест равон кардааст.

Кумаки мазкур дар шакли лавозимоти тиббӣ аз ҷониби Аморати муттаҳидаи Араб ба Тоҷикистон ҳамчун нишонаи ҳамкорӣ ва бо мақсади таҳкими муборизаи муштарак бар зидди COVID-19 равона шудааст.

Тибқи иттилои манбаъ, кумакҳои мазкур аз ҷониби Ҳукумати Тоҷикистон ва Вазорати тандурустӣ ва ҳифзи иҷтимоии аҳолии кишвар ба беморхонаҳои ҷумҳурӣ  тақсим карда мешавад.

57
Барчаспҳо:
таҷҳизоти тиббӣ, Аморати Муттаҳидаи Араб, кӯмаки башардӯстона, башардӯстона, кумак, Тоҷикистон