Паёмади заминларза дар Қайроқум

Паёмади заминларза дар Бадахшон: беш аз 10 хона хароб шудааст

26
(Таҷдидшуда 11:47 27.10.2015)
Дар Ишкошим, ки аз маркази заминларза 65 километр дур ҷойгир аст, ду манзили истиқоматӣ комилан хароб шуда, боз 4 тои дигар қисман зарар дидаанд. Инчунин бинои як мактаб ҳам осеб дидааст.

ДУШАНБЕ, 27 окт — Sputnik. Дар пайи заминларза дар вилояти Бадахшони куҳӣ беш аз 10 манзили истиқоматӣ зарар дид, — хабар додааст, дафтари матбуоти Кумитаи ҳолатҳои фавқулодаи Тоҷикистон субҳи сешанбе.

Тибқи иттилои ин ниҳод, дар ноҳияи Ишкошим, ки аз маркази заминларза 65 километр дур ҷойгир аст, ду манзили истиқоматӣ комилан хароб шуда, боз 4 тои дигар қисман зарар дидаанд. Инчунин бинои як мактаб ҳам осеб дидааст.

Дар ноҳияи Роштқалъа, ки тобистони соли равон сел омада буд, ду хона қисман хароб шуда, 3 тои дигар дар ҳолати садамавӣ қарор дорад.
"Фавран барои баҳодии вазъ ва муайянсозии хисорот комиссия ташкил карда шудааст. Талафоти ҷонӣ ба қайд гирифта нашудааст", — меафзояд, манбаъ.

Марказҳои зилзилашиносии ҷаҳон заминларзаи 7,5 баллиро ба қайд гирифтаанд, ки соати тақрибан 14:09 бо вақти Душанбе Тоҷикистонро ҳам такон додааст. Дар пойтахти Тоҷикистон иқтидори он 5-6 бал гуфта шуд.

Ин заминларза Афғонистон, Покистон, Ҳиндустон, Непал, Қирғизистон, Озарбойҷон ва Қазоқистонро ҳам ларзондааст, ки дар ду кишвари аввалӣ талафоти ҷонӣ аз худ боқӣ гузошт.

26
Барчаспҳо:
ҷонӣ, Ишкошим, Роштқалъа, бал, заминларза, хисорот, Бадахшон, Тоҷикистон, Душанбе, паёмади заминларза, Кумитаи ҳолатҳои фавқулода ва мудофиаи граждании Тоҷикистон, Роштқалъа, Ишкошим, Узбакистон, Покистон, Бадахшон, Қирғизистон, Қазоқистон, Афғонистон, Душанбе, Тоҷикистон
Мавзуҳо:
Заминларза дар Тоҷикистон (21)
Арест, архивное фото

Боздошти ронандае, ки зани 62 - соларо пас аз пахш кардан ба бемористон бурду гурехт - акс

42
(Таҷдидшуда 18:35 13.07.2020)
Раёсати умури дохилии дар шаҳри Душанбе аз боздошти ронандаи фирорӣ хабар медиҳанд, ки зани 62 - соларо бо мошинаш пахш намуд

ДУШАНБЕ, 13 июл — Sputnik.  Бар хабари РВУД дар шаҳри Душанбе, ронандаи автомашинаи номаълум, рӯзи 11-уми июл, тахминан соатҳои 21:20 дақиқа дар рӯ ба рӯи тарабхонаи "Тоҷ" зани 62 - соларо пахш намуд, ки дар натиҷа пиёдагард ҷароҳати ҷисмонӣ бардоштанд.

Водитель совершивший наезд на пешехода
Водитель совершивший наезд на пешехода

Манбаъ меафзояд, ронанда пас аз пахш намудани пиёдагард ӯро фавран ба бемористон интиқол медиҳад ва худат ба самти номаълум ғайб мезанад.

"Вобаста ба ҳолати мазкур ҷиҳати муайян намудани ронандаи фирорӣ аз ҷониби кормандони мақомоти корҳои дохилӣ як қатор чорабиниҳои дахлдори оперативӣ-ҷустуҷӯӣ роҳандозӣ карда шуда, дар натиҷа ронандаи мазкур боздошт ва ба ШБДА Раёсати ВКД дар шаҳри Душанбе дастрас карда шуд", - таъкид мешавад дар хабар.

“Лада-Приора” бо “Опел-Астра”: Боздошти ду ҷавон барои ташкили пойгаи шабона дар Душанбе

Муайян гардид, ки ронандаи автомашинаи мазкур шаҳрванд Худойназаров Азизҷон Додарович, соли таваллудаш 1994, истиқоматкунандаи ш. Турсунзода деҳаи Ширкент мебошад, ки номбурда тавассути автомашинаи шахсиаш тамғаи Опел-Астра рақами қайди давлатиаш 7994 АТ 01 ин садамаи нақлиётиро содир намудааст.

Айни замон ҷиҳати муайян намудани сабабу омилҳои садамаи мазкур таҳқиқ идома дорад.

42
Барчаспҳо:
акс, ронанда, боздошт
Сотрудник охраны рынка Мехргон проверяет температуру у посетителя

Карриева: маҳдудиятҳо дар Тоҷикистон ба фарқ аз се кишвари ОМ, 65 рӯз пас сабук гардиданд

173
(Таҷдидшуда 17:28 13.07.2020)
Намояндаи Созмони ҷаҳонии беҳдошт дар Тоҷикистон Бахтигул Карриева аз хатари коронавирус ҳушдор додааст

ДУШАНБЕ, 13 июл — Sputnik. Бахтигул Карриева аз сабук гардидани маҳдудиятҳо, ки қаблан ба хотири пешгирӣ аз паҳншавии коронавирус ҷорӣ гардида буданд, изҳори нигаронӣ кард.

"Бисёре аз мардум дар хона нишастан хаста шуданд ва аксар кишварҳо ба таври возеҳ мекӯшанд, ки иқтисодиётро кушоянд. Аммо вирус ҳанӯз ҳам паҳн шуда истодааст ва он то ҳол марговар аст.  Бештари мардум ҳанӯз ҳам зери хатар қарор доранд", - афзуд Карриева дар мусоҳиба бо Sputnik Тоҷикистон.

Вай таъкид кард, то замоне, ки олимон аз пайи ихтироъ кардани ваксин алайҳи ин маризӣ қарор доранд, одамон бояд худ кӯшиш ба харҷ диҳанд, то андозае пеши роҳи ин бемориро бигиранд.

Намояндаи СҶБ гуфт, роҳи ягонае, ки алъон дар мубориза бо коронавирус маҷвуд аст, ин риоя кардани фосилаи иҷтимоӣ, пӯшидани ниқоб ва тамиз будани ҳолати санитарии одамон мебошад.

Омори ҷадиди фавт, сироят ва шифоёбӣ аз коронавирус дар Тоҷикистон давоми як рӯз

Ба изҳори ӯ, кишварҳои Осиёи Марказӣ авохири моҳи май ва авоили моҳи июн ба авҷи қуллаи баландтарини ин маризӣ расиданд. Барои пешгирӣ намудан аз паҳншавии ин маризӣ маҳдудиятҳо аз қабили баста намудани роҳҳои автомобилгард байни шаҳру навоҳӣ, муттаваққиф намудани фаъолияти мактабу корхонаҳо, манъи баргузории тӯй ва чорабиниҳои фароғатӣ, ҷорӣ гардида буд.

Аммо пас аз ба эътидол омадани вазъ ин маҳдудиятҳо то андозае сабук шуданд, гарчанде вирус комилан аз байн нарафт ва хатари он то ҳол мавҷуд аст, - таъкид намуд намояндаи СҶБ.

Вазъ мушкилтар шуд: коронавирус дар Ӯзбекистон дубора авҷ гирифт

Карриева гуфт, Тоҷикистон ба фарқ аз Қирғизистону Қазоқистон ва инчунин Ӯзбекистон ин маҳдудиятҳоро бо гузашти 65 рӯз сабуктар кард, аммо дар кишварҳои зикргардида маҳдудиятҳо барвақттар лағв шуданд ва вазъият дар робита ба паҳншавии вирус боз ваҳимтар шуд.

Намояндаи СҶБ илова намуд, ки то ҳол табобати мушаххас аз маризии коронавирус мавҷуд нест, аммо рӯйхати як қатор доруҳо вуҷуд дорад, ки ҳангоми табобат васеъ истифода буда мешаванд.

173
Барчаспҳо:
СҶБ, намоянда, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Председатель Согдийской области Раджаббой Ахмадзода

Раиси Суғд ба аёдати собиқадорони меҳнат рафт

0
Раиси вилояти Суғд Раҷаббой Аҳмадзода дар доираи сафари корӣ ба шаҳри Исфара собиқадорони меҳнат Абдусамад Шомирсаидов ва Холисҷон Темурҷоновро аёдат намуд

ДУШАНБЕ, 13 июл — Sputnik. Ба иттилои котиботи ҳукумати Суғд, собиқадорони меҳнат аснои мулоқот аз лаҳзаҳои ҷолиби кору фаъолияти хеш ёдовар шуда, барои дастгириҳои доимӣ изҳори миннатдорӣ карданд.

Котибот тавзеҳ дод, ки Абдусамад Шомирсаидов 14 январи соли 1944 дар Ҷамоати деҳоти Ворухи шаҳри Исфара, дар оилаи коргар таваллуд шудааст. Ӯ соли  1975 Институти хоҷагии қишлоқ, ҳозира Донишгоҳи аграрии Тоҷикистон ба номи Шириншоҳ Шоҳтемурро бо ихтисоси муҳандис - технолог хатм намудааст.

“Аз соли  1960  то соли  2013 дар вазифаҳои гуногуни соҳаи кишоарзӣ фаъолият бурдааст ва хизматҳояш бо ордени “Дӯстии халқҳо”, медалҳо, унвони “Корманди шоистаи Ҷумҳурии Тоҷикистон” ва даҳҳо ифтихорнома қадр шудаанд”, - омадааст дар иттилоия.

Дар мавриди Холисҷон Темурҷонов зикр гардид, ки ӯ 23 ноябри соли 1942 дар оилаи коргар таваллуд шудааст. Ӯ соли  1965 институти химиявию технологии шаҳри Москваро бо ихтисоси муҳандис  - технолог ва соли пасон Донишгоҳи давлатии Тоҷикистонро бо ихтисоси муҳандис -иқтисодчӣ хатм намудааст. Мавсуф барандаи Ҷоизаи ба номи Абӯалӣ ибни Сино дар соҳаи илму техника (1987) буда, то соли  2004 дар вазифаҳои гуногуни соҳаи саноат ва хизмати далатӣ фаъолият бурдааст ва хизматҳояш бо орденҳои “Нишони Фахрӣ” (1971), Байрақи Сурхи Меҳнат (1981) ва медали “Барои меҳнати шоён” қадрдонӣ шудааст, таъкид кард котиботи ҳукумати Суғд.

0
Барчаспҳо:
аёдати собиқадорон, изофа ба ҳуқуқи бознишастагии куҳансолон, вилоят, Суғд, Раҷаббой Аҳмадзода, Тоҷикистон