Чорабинӣ бахшида ба 70-солагии пойгоҳи 201-уми ФР дар ҶТ

Фармондеҳи ОНМ пойгоҳи ҳарбии 201-умро тафтиш мекунад

14
(Таҷдидшуда 17:30 28.10.2015)
Генерал-полковник Владимир Заруднитский ҷузву томҳои пойгоҳи низомии 201-и Русия мустақар дар Тоҷикистон ва ҷараёни корҳои сохтмониро тафтиш карда, бо ҳайати баландпояи Вазорати дифоъ мулоқот анҷом медиҳад.

ДУШАНБЕ, 28 окт — Sputnik. Фармондеҳи Округи ҳарбии Марказӣ генерал-полковник Владимир Затруднитский барои тафтиши қисмҳои низомии пойгоҳи 201 ба Тоҷикистон омад.

"Генерал Заруднитский ҷузву томҳои марбути пойгоҳи низомии 201-уми Русяиро, ки дар Тоҷикистон мустақаранд, мавриди тафтиш қарор дода, ҷараёни умури сохтмониро зери назорат мегирад. Ҳамчунин, бо афсарону сарбозон ва аҳли оилаи онҳо мулоқот карда, вазъи омодабош ва омодагии техникаи низомиро ба давраи зимистон месанҷад",- иброз дошт ёвари фармондеҳи неруҳои ОНМ полковник Ярослав Рошупкин.

Вай афзуд, дар назар аст, ки дар Душанбе мулоқоти генерал Затруднитский бо роҳбарони воломақоми артиш ва Вазорати дифои ҶТ сурат пазирад.

Пойгоҳи низомии 201-уми ФР бузургтарин иншооти ҳарбии Русия дар хориҷ аз он кишвар маҳсуб меёбад. Ҷузву томҳои он дар шаҳрҳои Душанбе, Қӯрғонтеппа ва Кӯлоби Тоҷикистон мустақар буда, бар пояи тавофуқномаи дуҷонибаи соли 2012 то соли 2042 дар қаламрави ҶТ ҳузур хоҳанд дошт.

14
Барчаспҳо:
то соли 2042 ҳузур хоҳанд дошт, мустақар, санҷиш, тафтишот, афсарону сарбозон, пойгоҳи 201 Русия дар Тоҷикистон, Фармондеҳи ОНМ, неруҳои ОНМ, Ярослав Рошупкин, Владимир Заруднитский, Қӯрғонтеппа, Кӯлоб, Душанбе, Тоҷикистон
Мавзуъ
Тирандозони пойгоҳи 201 дар кӯҳистон гурӯҳи ҷиноиро "маҳв" карданд
Медицинские работники в инфекционной больнице

36 кас мариз шуданду 42 тан шифо ёфтанд: омори коронавирус дар Тоҷикистон

80
(Таҷдидшуда 20:22 26.11.2020)
Шабонарӯзи гузашта дар Тоҷикистон аз маризии сироятии коронавирус мавориди фавт ба қайд гирифта нашудааст

ДУШАНБЕ, 26 ноя — Sputnik. Дар як шабонарӯзи охир дар ҷумҳурӣ 36 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ дар мамлакат ба 12044 нафар баробар гардид.

Манбаъ ҳамзамон аз шифоёбии 42 нафар пас аз табобат гирифтан хабар медиҳад. Ҳоло теъдоди умумии шифоёфтагон аз коронаиврус ба 11 437 нафар баробар шудааст.

Гузашта аз ин, дар Тоҷикистон аз маризии коронавирус 86 нафар ба ҳалокат расиданд.

Коронавирус нишасти G20 - ро сироят кард. Вале Ғарб ваксинаи Русияро тоқат надорад

Ҳукумати Тоҷикистон ва Вазорати тандурустӣ ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Зимнан, вазорати мазкур аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

80
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Сангрезӣ дар Тоҷикистон, акс аз бойгонӣ

Дар ноҳияи Айнӣ ба болои як деҳа сангпора сарозер шуд

741
(Таҷдидшуда 18:46 26.11.2020)
Дар деҳаи Шурмашки ноҳияи Айнӣ аз баландии 250 метр ба болои деҳа сангпора сарозер шуд, ки як сокини маҳаллиро бе хонаву дар гузошт

ДУШАНБЕ, 26 ноя — Sputnik. Кумитаи ҳолатҳои фавқулодаи Тоҷикистон аз рух додани офати табиӣ дар ноҳияи Айнӣ хабар медиҳад.

Ба иттилои манбаъ, ҳодисаи мазкур рӯзи 25 ноябр тақрибан соати 12:45 дақиқа рух дод.

Манбаъ меафзояд, бар асари ин ҳодисаи нохуш, манзили як сокини маҳаллӣ, Бердиев Самариддин сахт зарар дидааст. 

Гуфта мешавад, бо дастрас кардани хабари мазкур наҷотбахшон зуд ба ҷойи ҳодиса сафарбар шуданд.

Тарма ва сангрезӣ: пешгӯии дақиқи ҳавошиносон барои имрӯз

Дар робита ба хароб гардидани манзили истиқоматии Самариддин ва дар ҷойи хавфнок ҷойгир буданаш, оилаи зарардидаро ба бинои мактаби деҳа интиқол доданд.

Феълан, комиссия санад ва маълумотнома тартиб дода, барои чораҷӯи ба Мақомоти иҷроияи ҳокимияти давлатии ноҳияи Айнӣ пешниҳод намуд.

741
Барчаспҳо:
сангрезӣ, Айнӣ
Театр имени Маяковского в Москве

Намоишномаи театри Тоҷикистонро беш аз 200 ҳазор нафар тамошо карданд

43
(Таҷдидшуда 21:06 26.11.2020)
Намоишномаҳои Ҷашнвораи дуюми театрҳои русии хориҷиро, ки дар Маскав аз 16 то 22 ноябр баргузор шуд, беш аз 1 миллион нафар тамошо карданд

ДУШАНБЕ, 26 ноя — Sputnik. Намоишномаҳои Ҷашнвора тайи тақрибан як ҳафта дар саҳнаи театрҳои “Et Cetera" ва "Современник" намоиш дода шуда, маҷмӯан онҳоро беш аз 1 миллиону 100 ҳазор нафар тамошо карданд, хабар дод котиботи лоиҳа.

Манбаъ таъкид кард, ки дар ин ҷашнвора ҳайати театрҳои русӣ аз Абхазистон, Белорус, Қазоқистон, Молдова, Тоҷикистон ва Ӯзбекистон иштирок кардаанд. Онҳо асарҳои классикии адабиёти ҷаҳонӣ аз Шекспир то Стейнбекро ба саҳна гузоштанд, ки тариқи онлайн дар интернет низ намоиш дода мешуданд.

Александр Калягин, раиси Иттифоқи ходимони театри Русия, зимни истиқболи иштирокдорони ҷашнвора гуфт, ин ҳамоиш дуюм бор баргузор шуда истодааст, аммо аллакай равобити дӯстию фарҳангиро миёни иштирокдорон ба вуҷуд овардааст.

Тоҷикистонро дар ҷашнвора, Театри драмаи русии ба номи Маяковский намояндагӣ кард, ки дар шаҳри Душанбе аз соли 1937 фаъолият дорад. Ҳайати театри Тоҷикистон дар ҷашнвора намоишномаи “Ҳамлет”-и коргардон Бодурбек Миралибековро иҷро намуданд, ки ба гузориши баргузоркунандагон, онро беш аз 200 ҳазор нафар тамошо карданд.

43
Барчаспҳо:
намоишнома, Русия, Тоҷикистон