Қасри Миллат. Қароргоҳи райисҷумҳури Тоҷикистон

Сафири Чин дар ҶТ бо Раҳмон хайрухуш кард

21
(Таҷдидшуда 11:46 17.11.2015)
Фан Сянжун аз соли 2010 то ҳол вазифаи сафирии кишвараш дар Тоҷикистонро бар уҳда дошт.

ДУШАНБЕ, 17 ноя — Sputnik. Раисҷумҳури Тоҷикистон Эмомалӣ Раҳмон сафири Чин дар кишвар Фан Сянжунро ба хотири анҷоми мӯҳлати ваколаташ ба ҳузур пазируфт, хабар додааст сомонаи президент.

"Дар ҷараёни вохӯрӣ масъалаҳои рушди муносиботи ҳамкорӣ ва мавзӯъҳои муҳиму мубрами барои ҳарду ҷониб судманд баррасӣ шуданд", — афзудааст манбаъ.

Тибқи иттилои сомонаи президент, Эмомалӣ Раҳмон дар вохурӣ бо Фан Сянжун аз мазмун ва сатҳи муносибатҳои ҳамкории Тоҷикистону Чин изҳори қаноатмандӣ карда, ба Фан Сянжун барои ҳамкорӣ бо ҳукумати кишвар дар давоми 5 соли колаташ изҳори сипос намудааст.

Сафири Чин дар Тоҷикистон ҳам дар навбати худ ба Эмомалӣ Раҳмон ва ҳукумати кишвар барои сиёсати дарҳои боз миннатдорӣ баён карда, ибрози боварӣ кардааст, ки минбаъд ҳам барои пешрафти ҳамсоякишвари худ талош мекунад.

Манбаъ афзудааст, ки дар вохӯрӣ инчунин масоили дигари барои ҳарду ҷониб судманд баррасӣ шуд.

Муносибатҳои дипломатӣ байни Тоҷикистон ва Чин 4 январи соли соли 1992 барқарор шуда, сафорати ин кишвар дар Душанбе 13 марти соли 1992 ва сафорати Тоҷикистон дар Пекин 7 апрели соли 1997 ифтитоҳ ёфтааст.

Фан Сянжун аз соли 2010 то ҳол вазифаи сафирии кишвараш дар Тоҷикистонро бар уҳда дошт.

21
Барчаспҳо:
Сянжун, Фан, Пекин, Чин, вохурӣ, Эмомалӣ, Раҳмон, мулоқот, сафир, Тоҷикистон, Душанбе, вохурӣ, Фан Сянжун, Эмомалӣ Раҳмон, Пекин, Чин, Душанбе, Тоҷикистон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1423
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1423
Тонущий человек, архивное фото

Корманди БДА дар Суғд донишҷӯдухтарро аз худкушӣ наҷот дод

679
Раҳматзода Даврон, муовини сардори Бозрасии давлатии автомобилии Суғд ҳамин чанд лаҳза пеш бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кард

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишҷӯдухтари тақрибан 18 - сола ба қасди худкушӣ худро аз болои пул ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт, манзари ғарқшавиро дида, фавран бо қаиқ ба маҳалли ҳодиса шитофта, донишҷӯдухтарро, ки дар ҳоли фурӯрафтан ба коми дарё буд, ҳамроҳ бо кормандони ситоди ҳолатҳои фавқулода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

"Агар Раҳматзода ва кормандони КҲФ фавран ба қаҳри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз ғарқшавӣ наҷот дода шуд”, - иброз намуд, Аваззод.

Ба иттилои манбаъ, зимнан донишҷӯдухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд. Дафъаҳои охир хабарҳо дар бораи даст ба худкушӣ задани шаҳрвандон дар руду обанборҳо зиёд ба нашр мерасад.

"Кӯмак кунед, кӯмак кунед": як ҷавони тоҷик дар Русия ғарқ шудааст

Субҳи имрӯз, дафтари матбуоти КҲФ Тоҷикистон аз дарёфти ду ҷасад аз дарёи Вахш хабар дод. Бар пояи эълони КҲФ зани 31 - солаи сокини ноҳияи Ёвон рӯзи 27 сентябр ҳамроҳ бо духтарчаи 9 - солааш дар дарёи Вахш ғарқ шуд.

679
Барчаспҳо:
донишҷӯдухтар, ғарқ, Суғд