Боздошт. Акс аз бойгонӣ

ВКД: шарики гумонбар дар қатли кормандони комиссариат боздошт шуд

34
(Таҷдидшуда 15:08 18.11.2015)
Бо гузашти панҷ рӯз аз ин ҳодиса масъулини Вазорати корҳои дохилии кишвар аз боздошти Умедҷони Амрохони 22- сола хабар дода, гуфтанд, ӯ гумонбари аслӣ дар ин куштор ба шумор меравад.

ДУШАНБЕ, 18 ноя — Sputnik. Гумонбари дуюм дар куштори кормандони Комиссариати ҳарбии ноҳияи Сино, ки рӯзи 7 ноябри соли равон дар шаҳри Душанбе рух дод, аз сӯи кормандони пулис боздошт шудааст, хабар медиҳад дафтари матбуоти Вазорати корҳои дохилии кишвар.

Тибқи иттилои манбаъ, нафари боздоштшуда 20 сол дошта, зодаи шаҳри Кӯлоб мебошад, ки муваққатан дар пойтахт ба сар бурда, расман ҷое кор намекардааст.

"Рӯзи 17 ноябри соли равон шарики гумонбари аслӣ дар куштори кормандони Комиссариати ҳарбии ноҳияи Сино — Раҳматов Шариф Куканович аз тарафи кормандони Вазорати корҳои дохилии кишвар дастгир шуд", — афзудааст дафтари матбуоти ВКД.

Субҳи 7 ноябри соли равон дар шаҳри Душанбе кормандони комиссариати ҳарбии ноҳияи Синои пойтахт мавриди ҳамла қарор гирифтанд, ки дар натиҷа майор Пӯлод Мирзоев ва прапоршик Ҳамза Насибов ба ҳалокат расида, лейтенанти калон Темурхон Эгамбердиев ва ронандаи комиссарияти мазкур Рустам Саъдуллоев бо бардоштани ҷароҳати вазнини ҷисмонӣ дар беморхона бистарӣ шуданд.

Дар пайи ин ҳодиса он замон бо фармони вазири корҳои дохилии Тоҷикистон генерал-лейтенанти милитсия Раҳимзода Рамазон Ҳамро барои муайян ва дастгир кардани қотилон гурӯҳи оперативӣ-тафтишотӣ таъсис ёфта, барои ироагарони иттилои дақиқ 10 ҳазор доллари амрикоӣ мукофот эълон гардид.

Бо гузашти панҷ рӯз аз ин ҳодиса масъулини Вазорати корҳои дохилии кишвар аз боздошти Умедҷони Амрохони 22- сола хабар дода, гуфтанд, ӯ гумонбари аслӣ дар ин куштор ба шумор меравад.

Тибқи иттилои манбаъ, Умедҷон Амрохон, ки зодаи шаҳри Кӯлоб мебошад, муваққата дар пойтахт ба сар бурда, ҷое расман кор намекардааст ва ҷинояти мазкурро дар якҷоягӣ бо Раҳматов Шариф содир намудааст.

34
Барчаспҳо:
Ҳамро, Раҳимзода, комиссариат, Сино, Рамазон, боздошт, гумонбар, куштор, ноҳия, ВКД, Тоҷикистон, Душанбе, ВКД-и Тоҷикистон, Раҳматов Шариф, Умедҷони Амрохон, Темурхон Эгамбердиев, Ҳамза Насибов, Рустам Саъдуллоев, Рамазон Ҳамро Раҳимзода, Кулоб, ноҳияи Сино, Душанбе, Тоҷикистон
В Центральном военном округе приступили к вакцинации личного состава от коронавируса

COVID - 19 нест: омори нави Вазорати тандурустии Тоҷикистон

153
(Таҷдидшуда 19:09 24.01.2021)
Вазорати тандурустии Тоҷикистон мегӯяд, шабонарӯзи гузашта чун рӯзҳои қаблӣ дар кишвар ягон ҳолати гирифторӣ ба коронавирус сабт нашудааст

ДУШАНБЕ, 24 январ - Sputnik. Тибқи иттилои Вазорати тандурустӣ ва ҳифзи иҷтимоии аҳолии Тоҷикистон, дар ҷумҳурӣ аз 10 январ то ҳол ягон ҳолати гирифторӣ ба бемории коронавирус сабт нашудааст.

Расман: рӯзи бозкушоии масҷидҳо дар Тоҷикистон эълон шуд

Расман бори охир дар Тоҷикистон рӯзи 10 январ се ҳолати гирифторӣ ба коронавирус сабт шуда буд.

"Дар маҷмӯъ то имрӯз, 24 январ дар кишвар 13308 нафар гирифторони сирояти коронавируси нави COVID-19 ба қайд гирифта шуда, аз ин шумора то санаи зикргардида 13218 нафар ё 99,3% шифо ёфтаанд", - омадааст дар хабарнома.

Манбаъ афзуда, ки аз аввали ҳамагирии коронавирус то кунун 90 нафар бар асари ин беморӣ фавтидаанд.

Намоз бо ниқоб: қоидаҳои масҷидравӣ дар Тоҷикистон

Ёдрас мешавем, ки дар Тоҷикистон нахустин ҳолати гирифторшавӣ ба коронавирус 30 апрели соли 2020 эълон шуда буд.

153
Барчаспҳо:
Вазорати тандурустӣ ва ҳифзи иҷтимоии аҳолии ҶТ, вируси корона, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Военный парад в Хороге по случаю приезда президента Таджикистана

Коршинос гуфт, чаро бештари ҷавонони тоҷик майли аскарӣ надоранд: роҳи ҳалро нишон дод

600
(Таҷдидшуда 17:03 24.01.2021)
Қонуни навсозӣ гумон аст, ки мавқеи артишро дар Тоҷикистон беҳтар кунад, мегӯяд Сергей Кривенко, мудири ғайринизомии артиш

ДУШАНБЕ, 24 янв – Sputnik. Палатаи поёнии парлумони Тоҷикистон рӯзи 20 январ таҳрири нави қонун "Дар бораи ӯҳдадории ҳарбӣ ва хизмати ҳарбӣ" -ро тасдиқ кард.

Тахмин меравад, ки қоидаҳо як қатор масъалаҳои муҳимро, ки ҳоло бо артиши кишвар алоқаманданд, ҳал мекунад.

Ҳамин тариқ, муқаррароти нав на танҳо аз фасод, балки аз найрангҳои маккоронаи ҷавонон барои саркашӣ аз хидмат ҷилавгирӣ хоҳанд кард.

Ба гуфтаи Сергей Кривенко, директори "Гражданин. Армия. Право"-и ҳуқуқи башар ва узви собиқи шӯрои гурӯҳи корӣ оид ба ҳифзи ҳуқуқи хизматчиёни ҳарбии шӯрои президент оид ба ҳуқуқи инсон, Тоҷикистон бояд масъалаи ҷорӣ кардани артиши шартномавиро баррасӣ кунад. 

Танку тӯпу зиреҳпӯш: қудрати ҳарбии Тоҷикистон дар рақамҳо

Роҳҳои кунунии ислоҳот, ба гуфтаи коршинос, саволҳои зиёдеро ба миён меоранд.

"Дар ҷаҳони муосир ба ҷуз артиши шартномавӣ, ки вазъи ҳам даъват ба артишу худи артиш, коҳиш додани сатҳи ҷиноятҳои зӯроварӣ чизе беҳтар андешида нашудааст. Масири асосӣ, ба мисли Русия ва дар бисёр кишварҳои дигар, гузариш ба артиши шартномавӣ аст", - гуфт Кривенко дар мусоҳиба бо Sputnik Тоҷикистон.

Ниёз ба артиши тавоно: Ғаффоров хост, дар хизмат адабиёт таълим дода шавад

Ин гузариш метавонад дарозтар ё кӯтоҳтар бошад. Артиши шартномавӣ ҷавононро ҳавасманд мекунад ва мушкилоти зиёдеро бартараф мекунад, гуфт коршинос.

"Бо чунин сатҳи рушди технология, сатҳи омодагии зарурии ҷангӣ, ки ба артиши муосир пешниҳод карда мешавад, тайёр кардани сарбози касбӣ дар муддати камтар аз 2 ё 3 сол ғайриимкон аст", - қайд кард Кривенко.

Аммо Тоҷикистон, ба гуфтаи коршинос, ин роҳро пеш намегирад, усули даъватро тарк мекунад ва амалан чизе ислоҳ намекунад.

"То ҷое ки ман дидам, чандин гузоришҳо аз созмонҳои ҳифзи ҳуқуқ мавҷуданд, ки дар артиш мушкилии калон сари шиканҷа (дедовшина) аст, бинобар ин, бисёр бачаҳо аз рафтан метарсанд",- гуфт мутахассис.

Навигариҳои хизмати ҳарбӣ: хизмати пулакӣ, дипломдорҳо ҳам раванд, ба кор намегиранд

Навоварие, ки хидмати яксолаи донишҷӯёнро дар баробари сарбозони оддӣ пешбинӣ мекунад, ба омезиши ҷараёни ду категорияи кормандони низомӣ мусоидат хоҳад кард.

"Ин аксар вақт боиси афзоиши ҷинояткорӣ мегардад. Ин ҷараёнҳоро ҷудо кардан лозим аст",- гуфт Кривенко.

"Пас барои комиссариати ҳарбӣ интихоб пайдо мешавад, ки чунин имкониятро фароҳам орад ё не. Мо бояд бубинем, ки дар инҷо ҳеҷ гуна имкониятҳои тавлиди фасод вуҷуд надорад. Агар ин роҳро сабук кунад, хатари дигаре ба миён меояд. Артиш метавонад ба "артиши камбизоатон" табдил ёбад, зеро он қишрҳои аҳолӣ ба он ҷо хоҳанд рафт, ки пардохт карда наметавонад",-таъкид кард Кривенко.

Ғайр аз ин, дар Тоҷикистон то ҳол қонун дар бораи хидмати алтернативии шаҳрвандӣ вуҷуд надорад, ки тақрибан дар ҳамаи кишварҳои минтақаи пасошӯравӣ ҳаст.

Ин ба сабук кардани вазъи он ҷавононе, ки хидмати ҳарбиро барои эътиқоди худ қабул намекунанд, кӯмак мекунад, хулоса кард коршинос.

Ҷой доштани муносибатҳои ғайриоинномавиро Шералӣ Мирзо, вазири мудофиаи кишвар низ дар посух ба пурсиши вакили парлумон Саидҷаъфар Усмонзода, тасдиқ кард.

Тоҷикистон дар радабандии байналмилалии қудрати низомӣ: Ӯзбекистон қавитар аз ҳама дар ОМ

" Мутаассифона, чунин ҳолат ҷой дорад. Вазорати мудофиа ҳама чораро меандешад, ки ба чунин вазъ хотима диҳад. Ҳарчанд теъдоди чунин вайронкуниҳо тӯли солҳои охир ду — се маротиба кам шудааст, вале то ҳол он хотима наёфтааст", - изҳори нигаронӣ кардааст вай.

Шералӣ Мизо афзуд, бо қабули қонун дар таҳрири нав ба масъалаи зикршуда боз ҳам бештар диққат дода хоҳад шуд.

600
Барчаспҳо:
хизмат, шиканҷа, сарбоз, артиши миллӣ, вазорати мудофиаи ҶТ
Пояс чемпиона UFC

Агар Ҳабиб наояд, кӣ барои унвони қаҳрамонӣ мубориза мебарад - раҳбари UFC номҳоро гуфт

0
(Таҷдидшуда 22:58 24.01.2021)
Имрӯз номзадҳои эҳтимолӣ барои унвони қаҳрамонӣ дар як мусобиқа ширкат варзиданд. Муборизаи яке аз онҳо шомро пеш мебурду задухӯрди дигар рӯйдоди бузург буд

ДУШАНБЕ, 24 январ - Sputnik. Президенти UFC Дана Уайт гуфт, ки агар қаҳрамони феълии ин ташкилот дар вазни сабук Ҳабиб Нурмуҳаммадов дар ниҳоят карераи худро ба анҷом расонад, ба кӣ имконият медиҳад, то барои унвони қаҳрамонӣ мубориза барад.

Ӯ дар ин бора зимни нишасти хабарӣ пас аз мусобиқаи UFC 257 изҳор дошт.

Ба гуфтаи Уайт, амрикоиҳо Дастин Поре ва Майкл Чандлер барои унвони қаҳрамонӣ дар вазни сабук мубориза мебаранд.

"Агар Ҳабиб биравад, Поре ва Чандлер барои унвони қаҳрамонӣ мубориза хоҳанд бурд",- гуфт роҳбари UFC.

Уайт гуфт, пас аз рақобати варзишкор Поре ва Конор дар доираи рақобати UFC 257 аз Ҳабиб Нурмуҳаммадов дар бораи баргаштан ба майдони ҳарб пурсон шуд.

Нурмуҳаммадов гуфт, барои рақобат бо Поре боз мегардад ё не?

Ба гуфти Ҳабиб на Макгрегор ва на Поре наметавонанд барои ӯ рақиб бошанд.

"Ман бо Ҳабиб суҳбат кардам, ӯ ба ман гуфт: "Дана биё росташро мегӯем, ман чанд сатҳ аз ин бачаҳо болотарам". Намедонам ин сухан хурсандиовар нанамуд, мебинем", - гуфт раҳбари UFC Дана Уайт.

Аммо ин гуфтаҳои Ҳабиб ба варзишкори дигари амрикоӣ Майкл Чандлер хуш наомад ва ӯ Ҳабибро ба майдони ҳарб даъват кард.

Бояд гуфт, ки ҳарду варзишгари эҳтимолӣ, ки барои камарбанд имкон дорад мубориза баранд, имрӯз дар мусобиқае, ки дар "Ҷазираи муҳорибаҳо" -и Абу-Даби баргузор шуда буд, ҳунарнамоӣ карданд.

Муборизаи Чандлер бо Дэн Ҳукер аз Зеландияи Нав барҷастатарини шом буд ва муқовимати Поре ва Макгрегор муборизаи асосӣ буд.

Посухи Конор ба шарҳи Ҳабиб дар бораи шикаст: ба майдон хонд

Поре дар даври дуввум бо нокаут пирӯз шуд, Чандлер рақиби худро бо зарбаҳои шадид дар даври аввал мағлуб кард.

 

 

0
Барчаспҳо:
зӯрозмоии размикорон, қаҳрамонӣ, Ҳабиб Нурмуҳаммадов, қаҳрамони UFC