Праздник в 201-ой РВБ отметили военным парадом и концертом

Қисми низомии пойгоҳи 201-уми ФР аз Кӯлоб мебарояд: сокинон нигаронанд

25
(Таҷдидшуда 11:36 19.11.2015)
Пойгоҳи 201-уми Русия нерӯҳояшро аз маркази шаҳри Кӯлоб берун карда ба атрофи пойтахти Тоҷикистон тамрингоҳи Лоҳур интиқол медиҳад.

ДУШАНБЕ, 19 ноя — Sputnik. Полки 149 — уми моторонидашудаи тирандозии пойгоҳи низомии 201-Русия аз шаҳри Кӯлоб ба пойгоҳи Лоҳури ноҳияи Рӯдакӣ интиқол дода мешавад, иттилоъ доданд ба Sputnik аз хадамоти матбуотии пойгоҳи мазкур.

Ба иттилои манбаъ, баъди тағйири мавзеъ теъдоди полки Русия ва вазифаҳои он тағйир намеёбанд. Аз ҷумлаи се иншооти ҳарбии Русия дар минтақа ду иншоот — полки моторонидашудаи Қӯрғонтеппа ва маркази оптикию электронии «Окно» — и Қӯшунҳои кайҳонӣ боқӣ мемонанд.

"Интиқоли нерӯҳо ду моҳ давом карда 20 декабр ба охир мерасад. Тағйири мавзеъ бо Вазорати мудофиаи Ҷумҳурии Тоҷикистон мувофиқа шуда ва хусусияти нақшавӣ дорад.Мақсад аз он баланд бардоштани сатҳи тайёрии ҳарбӣ ва афзун намудани неруи ҷангии полк мебошад. Шаҳрчаи ҳарбии Кӯлоб дар ихтиёри мақомоти ҳокимияти Ҷумҳурии Тоҷикистон гузошта мешавад"- афзуд манбаъ.

Пойгоҳи низомии 201 калонтарин қувваҳои мусаллаҳи Федератсияи Русия берун аз ҳудуди он ба шумор меравад. Тайи соли 2015 мушовирони Русия беш аз 1 ҳазор мутахассиси артиши Тоҷикистонро тарбия намуданд. Моҳи сентябр имкониятҳои ҳарбии пойгоҳ бо гурӯҳи чархболҳои Ми — 8 ва Ми — 24 мустақар дар фурудгоҳи низомии «Айнӣ» дар 30 километрии Душанбе афзун карда шуданд.

Русия дар шаҳрҳои Душанбе, Қӯрғонтеппа ва Кӯлоби Тоҷикистон пойгоҳи низомӣ дорад, ки тибқи шартномаи дуҷонибаи моҳи октябри соли 2012 ин пойгоҳ бояд то соли 2042 дар ин ҷо бимонанд. Теъдоди низомиёни Русия дар хоки Тоҷикистон ҳудуди 7 ҳазор нафар ҳисоб шуда, ин бузургтарин пойгоҳи Русия дар хориҷ аз он кишвар аст.

Сокинони маҳаллӣ нигаронанд

Чанд рӯз пештар сокинони Кӯлоб, ки дар даст маълумот дар бораи кучонидани пойгоҳи низомии Русия гирифта буданд, ба ВАО муроҷиат карданд.

Онҳо аз кучонидани низомиёни рус нигарон ҳастанд.

Ин ҷузъи низомии Русия дар шаҳраки мазкур ҷойгир аст солҳои дароз саҳми худро рушди иқтисоди ин минтақа мегуқзорад ва ҳади ақал наздик ба 500 сокини маҳаллӣ дар он кор мекунанд.

Ба ғайр аз ин дар шаҳр яке аз мактабҳои русӣ ҷойгир аст, ки бо куч бастани ин пойгоҳи низомӣ эҳтимоли зиёд аст, ки он низ баста шавад.
Ба иттилои ВАО чанде аз волидони мактаби №7 алакай ба унвони президенти Русия Владимир Путин ва Валентина Матвиенко дар мавриди баста нашудани мактаб номае навиштаанд.

Аз ҳама зиёд сокинони маҳалиро масъалаи амният нигарон кардааст. Шаҳри Кӯлоби вилояти Хатлон бо вилояти шимолии Афғонистон ҳаммарз аст, ки вақтҳои ахир ҷангҳои Толибон авҷ мегирад.

25
Барчаспҳо:
мавзеъ, тағйир, пойгоҳи 201, мактаб, низомӣ, интиқол, Вазорати мудофиаи Ҷумҳурии Тоҷикистон, пойгоҳи низомии 201 Русия дар Тоҷикистон, Қӯрғонтеппа, Рӯдакӣ, Кӯлоб, Душанбе, Тоҷикистон, Русия
Мавзуъ
Фармондеҳи ОНМ пойгоҳи ҳарбии 201-умро тафтиш мекунад
Люди в защитных масках в Душанбе, архивное фото

Омори нави гирифторӣ, шифо ва фавт аз COVID-19 дар Тоҷикистон

260
То санаи 20 сентябр дар мамлакат 8108 (86,7%) нафар аз бемории COVID-19 шифо ёфта, бар асари он 73 нафар фавтидаанд.

ДУШАНБЕ, 20 сен — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, то шоми имрӯз дар маҷмӯъ шумораи гирифторони ин беморӣ ба  9346  нафар баробар гардид.

Бино бар иттилои манбаъ, дар як шабонарӯзи охир 115 нафар гумонбарон зери назорати табибон қарор дошта, 42 нафар баъд аз муолиҷа ба хонаҳояшон рухсат дода шуданд.

Ҳамзамон, то санаи  20 сентябр дар кишвар  8108  (86,7%) нафар аз бемории COVID-19 шифо ёфта,  бар асари он 73  нафар фавтидаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Зарари бесобиқаи коронавирус ба иқтисоди ҷаҳон: 5 сол барои барқароршавӣ лозим

Дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

260
Школьники в новой школе района Рудаки

Озмун барои дарёфти стипендияи президентӣ: 10 нафар пирӯз шуданд

78
Аз 16 то 24 сентябр бо ташаббуси Кумитаи кор бо ҷавонон дар тамоми шаҳру ноҳияҳои мамлакат озмун барои дарёфти стипендияи президентӣ гузаронида мешавад

ДУШАНБЕ, 20 сен — Sputnik. Дар Кӯлоб дар озмун барои дарёфти стипендияи президентӣ 10 нафар пирӯз шуданд, гузориш медиҳад Вазорати маорифи Тоҷикистон.

Бино бар иттилои манбаъ, дар шаҳри Кӯлоб барои дарёфти стипендияи президентӣ байни хонандагону донишҷӯёни муассисаҳои таҳсилоти умумии ибтидоӣ ва миёнаи касбӣ озмун оғоз гардид.

Дар он 24 нафар довталабоне, ки танҳо бо баҳои аъло таҳсил намуда истодаанд, иштирок намуда, аз миёни онҳо 10 нафар ҳамчун гирандагони Стипендияи президентӣ муайян мегарданд.

Аз 16 то 24 сентябр бо ташаббуси Кумитаи кор бо ҷавонон ва варзишшаҳру ноҳияҳои кишвар озмун барои дарёфти стипендияи президентӣ гузаронида мешавад.

Озмуни мазкур ба тарзи шаффоф гузаронида шуда, дар он ба савияи дониш ва лаёқати довталабон диққати асосӣ дода мешавад.

Рустами Эмомалӣ барои барандаҳои стипендия ним миллион сомонӣ ҷудо кард

Ҳадаф аз баргузории озмун  дастгирии моддиву маънавӣ, пайдо намудани хонандагони болаёқату фаъол ва бедорсозии ҳисси хештаншиносии наврасону ҷавонон мебошад.

78

Муроҷиати видеоии Путин ба Маҷмаи умумии Созмони милал

0
(Таҷдидшуда 21:23 20.09.2020)
Ин муроҷиати видеоии Владимир Путин, раисҷумҳури Русияро тамоми ҷаҳон дар рӯзи ифтитоҳи нишасти ҳафтоду панҷумини Маҷмаи умумии СММ тамошо хоҳанд кард

ДУШАНБЕ, 20 сен — Sputnik. Раисҷумҳури Русия Владимир Путин дар нишасти 75-умини Маҷмаи умумии Созмони милали муттаҳид иштирок мекунад.

Тавре телевизиони "Россия 1" гузориш медиҳад, президент аллакай махсус барои Маҷмаи умумии Созмони милали муттаҳид муроҷиати видеоӣ сабт кардааст.

Дар навор дида мешавад, ки Путин дар назди овезае, ки дар он "Ояндаи ҳама бо қувваи ҳама" навишта шудааст, суханронӣ мекунад.

Афзун бар ин дар навор, бастаи ғафсеи коғазҳоро метавон дид, ки бо он сарвари кишвар навор сабт кардааст.

Ҳафтаи дараҷаи олии нишасти 75-уми Маҷмаи умумии СММ дар Ню-Йорк аз 22 то 29 сентябр баргузор мешавад.

Бо далели пандемия, чорабинӣ дар "формати виртуалӣ" баргузор мешавад. Дар ҳамин ҳол, дар толор аз ҳар як кишвар як намоянда иштирок хоҳад кард.

СММ: муҳоҷирони Осиёи Миёна дар кишварҳои Аврупо ҳавзаҳои террористӣ ташкил доранд

Маҷмаи умумӣ ба роҳбарони кишвар ва вазирон пешниҳод кардааст, ки баромадҳояшонро сабт кунанд ва онро дар толор намоиш хоҳанд дод. Давомнокии видео на бояд бештар аз 15 дақиқа бошад.

Навори муроҷиати Путинро дар рӯзи ифтитоҳи нишаст - 22 сентябр намоиш медиҳанд.

Бино бар иттилои котиботи СММ, созмон аз роҳбарони 26 кишвар чунин навор дарёфт кардааст.

0