Эмомалӣ Раҳмон дар кохи Арбоб 21 октябри соли 2015

Паёми Раҳмон бахшида ба Рӯзи парчам: аз табрикот то даъват ба зиракӣ

479
(Таҷдидшуда 09:32 24.11.2015)
24 ноябри соли 2009 бори аввал дар Тоҷикистон “Рӯзи парчами давлатии Ҷумҳурии Тоҷикистон” ҷашн гирифта шуд.

ДУШАНБЕ, 24 ноя — Sputnik. Раисҷумҳури Тоҷикистон Эмомалӣ Раҳмон дар як паёми телевизионии худ мардуми кишварро ба муносибати Рӯзи парчами давлатии кишвар, ки ҳамасола дар санаи 24 ноябр таҷлил мешавад, табрик кардааст, менависад сомонаи президент.

Эмомалӣ Раҳмон Парчами давлатиро ҳамчунин "яке аз рамзҳои асосии давлатдорӣ ва таҷассумгари асосҳои таърихиву мероси арзишманди миллӣ, ифодакунандаи мақсаду маром ва орзуву ормони халқи куҳанбунёдамон" номида, таъкид дошт, ки "парчамдорӣ дар таърихи давлатдории тоҷикон собиқаи дерина дорад".

Эмомалӣ Раҳмон аснои ироаи табрикот ба мардуми кишвар дар иди Саиди Фитр
© Официальная страница пресс-службы президента РТ в Facebook.

"Қадршиносӣ ва гиромӣ доштани парчами миллӣ эҳтиром ба миллат, давлату давлатдорӣ ва Ватани маҳбубамон мебошад, зеро парчами мо дар замони истиқлолияти давлатӣ василаи асосии таҳкими ваҳдати миллӣ, роҳнамои мардуми кишвар ба сӯи ояндаи нек ва нишонаи побарҷо будани давлати соҳибистиқлоли мо дар арсаи ҷаҳон гардидааст", афзудааст раисҷумҳур.

Раисҷумҳури кишвар гуфтааст, мо бояд чунин фазоеро фароҳам созем, ки минбаъд низ тамоми аҳли ҷомеа ва хурду бузурги кишвар таҳти Парчами давлатӣ муттаҳиду сарҷамъ гардида, барои вусъати амалҳои ободкорӣ ва ҳимояи дастовардҳои истиқлолияти давлатӣ омода бошанд.

24 ноябри соли 2009 бори аввал дар Тоҷикистон "Рӯзи парчами давлатии Ҷумҳурии Тоҷикистон" ҷашн гирифта шуд. Дар Душанбе дар ин рӯз бо ташаббуси ҳукумати шаҳр аз хиёбони марказии пойтахт парчами дарозиаш 1500 метр ва бараш 7 метр гузаронида шуд. Дар вилояту ноҳияҳо ва муассисаҳои давлатӣ парчами Тоҷикистон барафрохта шуда, таҷлили Рӯзи парчами Тоҷикистон гузаронида шуд.

30 августи соли 2011 дар Душанбе парчами Тоҷикистон дар пояи махсус барафрохта шуд. Баландии он 165 метр аст ва баландтарин пояи парчами давлатӣ дар мамолики ҷаҳон мебошад. 9 сентябри соли 2011, рӯзи таҷлили 20 — солагии Истиклолияти Тоҷикистон аз майдони марказии пойтахт парчами дарозиаш 2011 метр, бараш 7 метр ва вазнаш 860 кг. гузаронида шуд.

479
Барчаспҳо:
давлатдорӣ, миллат, ободкорӣ, парчами миллӣ, парчам, давлат, миллӣ, ҷашн, Эмомалӣ Раҳмон, Душанбе, Тоҷикистон
Гробы с умершими от заражения вирусом

Афзоиши фавт аз COVID - 19 дар Тоҷикистон: омори тозаи Вазорати тандурустӣ

987
Вазорати тандурустии Тоҷикистон омори тозаи гирифторӣ, фавт ва шифоёбӣ аз коронавируси COVID - 19 - ро нашр кард

ДУШАНБЕ, 14 июл – Sputnik. Шабонарӯзи гузашта дар Тоҷикистон 48 ҳолати нави сироятёбӣ ба COVID-19 ва 1 фавт ба қайд гирифта шуд, хабар медиҳад АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.

Тибқи иттилои Вазорат, аз 30 апрел то 14 июл дар кишвар шумораи гирифторони COVID-19 ба 6643 нафар расида, аз ин беморӣ то кунун дар мамлакат 5332 нафар ё худ 80,2%-и гирифторон шифо ёфтаанд. Ҳамзамон, дар ин муддат шумораи ҳолатҳои фавт аз ин беморӣ дар мамлакат ба 56 нафар расид.

"Давоми шабонарӯзи охир 178 нафар гумонбарон зери назорати табибон қарор дошта, 54 нафар баъд аз муолиҷа ба хонаҳояшон рухсат дода шуданд", - омадааст дар хабарнома.

Бояд гуфт, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодааст.

Имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

987
Барчаспҳо:
Вазорати тандурустӣ, Тоҷикистон, омор
Мавзуҳо:
Пайомадҳои COVID-19 дар Тоҷикистон ва ҷаҳон

Сохтмони бинои 9 ошёна барои муҳоҷирони экологӣ дар шаҳри Хуҷанд бо суръат идома дорад

94
(Таҷдидшуда 19:13 14.07.2020)
Мақомоти шаҳри Хуҷанд эълон намудааст, ки бинои истиқоматиии 9 ошёна барои муҳоҷирони экологӣ дар шаҳр бомаром идома дошта ва аллакай 7 ошёнаи он ба анҷом расидааст

ДУШАНБЕ, 14 июл – Sputnik. Бино бар иттилоли дафтари матбуоти мақомоти вилояти Суғд, ахиран раиси вилоят Раҷаббой Аҳмадзода ва Раиси шаҳри Хуҷанд Маъруф Муҳаммадзода аз раванди бунёди хонаи баландошёна, ки барои муҳоҷирони экологӣ пешбинӣ шудааст, боздид намуданд.

Манбаъ таъкид доштааст, ки дар маҳалаи 18-уми шаҳри Хуҷанд сохтмони бинои истиқоматиии 9 ошёна барои муҳоҷирони экологӣ бомаром идома дошта, аллакай 7 ошёнаи он ба итмом расидааст.

Гуфта шудааст, ки бинои мазкур бо маблағгузории мақомоти шаҳри Хуҷанд бунёд гардида, аз 9 ошёна ва таҳхона иборат мебошад.

“Дар умум 72 манзили истиқоматӣ иборат аз 1,2,3 хуҷрагӣ бунёд мегардад. Ҳуҷраҳои бинои сохташаванда барҳаво буда, масоҳати якхонагии он 56 метри кв, духонагии он 93 метри кв ва сехонагии он 125 метри кв-ро ташкил медиҳад”, - таъкид доштааст манбаъ.

Дар ҳамин ҳол манбаъ қайд кардааст, ки қисмати асосии бино бунёд шудааст.

“Интизор меравад, ки бинои мазкур то охири соли ҷорӣ мавриди истифода қарор гирифта, муҳоҷирони экологӣ соҳиби манзили истиқоматӣ хоҳанд шуд”, - зикр кардааст манбаъ.

Ҳамзамон дар ҳудуди бинои мазкур ҷойҳои фароғатӣ, аз ҷумла майдончаи варзишӣ барои бачагон пешбинӣ шудааст.

Дар навбати худ, раиси вилояти Суғд Раҷаббой Аҳмадзода ба масъулини дахлдор супориш дод, ки сохтмони бинои мазкур босифат анҷом дода шавад.

94
Барчаспҳо:
сохтмон, бино, муҳоҷирон, Суғд, Хуҷанд, Тоҷикистон