Офати табиӣ дар Бадахшон. Акс аз бойгонӣ

Бадахшон: километри 638-уми шоҳроҳи Душанбе- Қулма боз шуд

16
(Таҷдидшуда 13:40 02.12.2015)
Ин минтақа моҳи июли соли равон бар асари обхезӣ ва сел зери сангу лой монда, ҳаракати нақлиёт тариқи ин масир масдуд шуда буд.

ДУШАНБЕ, 2 дек — Sputnik. Километри 638-уми ҷодаи Душанбе-Кӯлоб-Дарвоз-Хоруғ-Мурғоб-Қулма, ки дар натиҷаи фаромадани кӯҳпора тайи ду рӯз банд гардид, кушода шуд, иттилоъ доданд ба Sputnik аз ҳукумати вилояти Мухтори Кӯҳистони Бадахшон.

Ба қавли манбаъ, ин қитъаи тахрибшудаи шоҳроҳ дар мавзеъи Шитобоғи ноҳияи Шуғнон ҷойгир буда, тобистони имсол баъди фаромадани сел дар рустои  Барсем ва хароб гардидани роҳи асосӣ дар дарозии 4 км бунёд шуда буд.

Пули ҷадид аз болои рӯдхонаи Ванҷ
© Официальная страница пресс-службы президента РТ в Facebook

"Алъон ҳаракати кулли васоити нақлия тариқи ин ҷодда ба роҳ монда шуда, мушкил вуҷуд надорад. Роҳсозони вилоят тайи ду рӯз офати табииро бартараф карда, роҳро ба асли пешин баргардониданд",- афзуд манбаъ.

Мавзеъи Шитобоғи ноҳияи Шуғнон аз ҷумлаи манотиқест, ки кӯҳҳои он сангу харсангҳои азимҷусса ва коркардашон мушкилро дорад. Аммо мутахассисони ватанӣ тавонистанд бо меҳнати шабонарӯзӣ дар муддати 40 рӯз онро бунёд кунад..Ин дафъа низ кӯҳпора бо  техникаи муосир сари вақт тоза карда шуд.

Бояд тазаккур дод, ки бар асари офтаи табиӣ дар моҳи июли соли равон 4 километри роҳи рустои Барсеми ҷамоати Сучони ноҳияи Шуғнон тахриб гардида буд. Дар пайи ин ҳодиса маҷрои рӯди Ғунд баста шуда, кӯли калони сунъӣ ба вуҷуд омад.

16
Барчаспҳо:
кӯҳпора аз ҷода берун карда шуд, роҳ таъмиру тармим шуд, бартарафсозии қитъаи роҳи тахрибшуда, масдудшавии ҷода, вазорати нақлиёти ҶТ, Шитобоғ, Барсем, Сучон, Шуғнон, Тоҷикистон, Бадахшон
День 2 марта

Тоҷикистон ба узвияти СММ пайваст: имрӯзи таърих

2
(Таҷдидшуда 19:06 01.03.2021)
Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд

Рӯзи 2 март дар ҷаҳон чӣ рух дод

Соли 1993 Шӯрои байниҳукуматии ИДМ оид ба нафту газ ташкил карда шуд.

Соли 1923 дар ИМА аввалин шумораи маҷаллаи "Time" нашр шуд.

Соли 2010 дар Париж дар қароргоҳи ЮНЕСКО маросими ботантанаи ифтитоҳи Соли байналмилалии наздикшавии фарҳангҳо доир гардид.

Рӯзи 2 март дар Тоҷикистон чӣ рух дод

Соли 1992 ҷумҳуриҳои Тоҷикистон, Қазоқистон, Озарбойҷон, Арманистон, Қирғизистон, Молдава, Туркманистон ва Ӯзбекистон  ҳамчун давлати соҳибистиқлол узви Созмони Милали Муттаҳид шуданд.

Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд.

День 27 февраля нац
© Sputnik/ Стас Этвеш/ Мария Вишнякова

Соли 2011 дар Тоҷикистон Шӯрои рушди тарбияи ҷисмонӣ таъсис дода шуд.

Соли 2012 дар шаҳри Душанбе вазъи вақт ва дурнамои ҳамкории Тоҷикистону Британияи Кабир баррасӣ гардид.

Соли 2016 аз ҷониби кишвардори Тоҷикистон Эмомалӣ Раҳмон ангораи ҷашни Наврӯз тасдиқ карда шуд.

Соли 2017 Эмомалӣ Раҳмон ба муносибати 25-солагии барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Финляндия ба Президенти Ҷумҳурии Финляндия Саули Вяйнямё Нийнистё барқияи табрикӣ ирсол намуданд.

Ҷашнҳои рӯзи 2 март

  • Рӯзи байналмилалии гӯгирд.
  • Дар Ливия – Рӯзи тахлия.

Рӯзи 2 март дар Тоҷикистон кӣ таваллуд шуд

Соли 1946 - журналист Мухиддин Олимпур. 

Соли 1950 – ҳунарманди халқии Тоҷикистон Даврон Алиматов.

Соли 1959 – ҳунарманди хизматнишондодаи Тоҷикистон Акбар Мирраҷабов.

2
Барчаспҳо:
ҷашн, ҷаҳон, Тоҷикистон
Мужчина совершает молитву на кладбище

Даргузашти Фотима Ғуломова, ҳунарманди тоҷик пас аз як моҳи марги шавҳар

569
(Таҷдидшуда 22:08 01.03.2021)
Фотима Ғуломова, ҳунарманди номии тоҷик, модари коргардони тавонои тоҷик Барзу Абдураззоқов ва ҳамсари Ҳабибулло Абдураззоқов аст

ДУШАНБЕ, 1 мар – Sputnik. Фотима Ғуломова, ҳунарпешаи номдори театру синамо, модари коргардони машҳур Барзу Абдураззоқов ва ҳамсари Ҳабибулло Абдураззоқов, ҳунарманди номии театру синамо пас аз бештар аз як моҳи марги шавҳараш даргузашт.

Фотима Ғуломова, ҳунарманди номии тоҷик
Акс аз саҳифаи фейсбукии Хуршед Мустафоев
Фотима Ғуломова, ҳунарманди номии тоҷик

Аз даргузашти ҳунарпеша корбарони шабакаҳои иҷтимоӣ, ҳаводорони саҳна ва дӯстони фарзандаш Барзу Абдураззоқов хабар додаанд.

Писари дигари ҳунарманд Шаҳбоз Абдураззоқов ин хабарро тасдиқ карда, гуфтааст, модараш дар пайи беморӣ ҷон ба Ҷонофарин супурд.

Фотима Ғуломова 87 сол дошт ва бештар аз 40 сол дар саҳнаи Театри давлатии академии драмавии ба номи Лоҳутӣ фаъолият карда буд.

Фарзандонаш Барзу Абдураззоқов, коргардони тавонои тоҷик, корманди идораи Созмони Милал Шаҳбоз Абдураззоқов ва проффессори Консерваторияи Шветсия Ниссор Абдураззоқов ҳастанд.

Ӯ дар намоишҳои "Бой ва ғулом", "Шоҳ Лир", "Рӯдакӣ", "Рустам ва Суҳроб", "Мо аз боми ҷаҳон" нақшҳои асосӣ ва хотирмонро бозидааст.

Хомушии ситораи дигар: нақшҳои беҳтарини Ҳабибулло Абдуразоқов – видео

Марги Фотима Ғуломова дар ҳолест, ки ҳанӯз бештар аз як моҳ қабл, 19 январ ҳамсараш, ҳунарманди тавонои синамо ва театр Ҳабибулло Абдураззоқов даргузашта буд.

569