Кӯли Сарез. Акс аз бойгонӣ

Кӯли Сарез аз зилзила зарар надидааст

167
(Таҷдидшуда 17:03 07.12.2015)
Айни замон ду гуруҳи вижаи ҳукуматӣ таъсис ёфта, аз маҳалли ҳодисот дар қаламрави вилоят дидан мекунанд.

ДУШАНБЕ, 7 дек — Sputnik. Барои муайян кардани ҳаҷми хисороти молӣ аз заминларзаи имрӯза дар қаламрави вилояти Мухтори Кӯҳистони Бадахшон ду гуруҳи корӣ дар ҳайати як комиссияи давлатӣ созмон ёфта, ба маҳалли ҳодисот рафтаанд, иброз дошт як масъули ҳукумати вилоят Шокарим Худоёров аснои суҳбат бо Sputnik.

"Ҳоло як гуруҳ ба водии Бартанги Рӯшон ва дигаре ба ҷамоати Ван-қалъаи ноҳияи Шуғнон рафтаанд. Тибқи иттилоъи расида, бар асари сангрезӣ дар Бартанг чанд манзили маскунин зарар дида, дар Шуғнон низ хисороти молӣ ба қайд расидааст. Дар мавриди зарар дертар маълумот хоҳем дод",- илова кард ӯ.

Ба қавли сухангӯи Кумитаи ҳолатҳои изтирории Тоҷикистон Ориф Нозимов, дар минтақаи кӯли Сарез вазъ мӯътадил арзёбӣ гардида, ҳеч тағйироте сабт нашудааст.

"Гуруҳи мониторингии КҲФ, ки ба таври шабонарӯзӣ дар ин ҷо фаъолият карда, вазъи кӯлро назорат менамоянд, мегӯянд, зилзила ба кӯл таъсир нарасонидааст",- қайд кард Орифов.

Ёдрас менамоем, соати 12:51 ба вақти Душанбе дар қаламрави Тоҷикистон замин ҷунбид.

Бино ба иттилоъи Оҷонсии зилзиласанҷии Аврупо, маркази заминҷунбӣ дар атрофи минтақа ва шаҳраки Мурғоб дар вилояти Мухтори Кӯҳистони Бадахшони Тоҷикистон, воқеъ дар 367 километрии ҷануби шаҳри Душанбе буда, шиддати зилзила дар ин ҷо 7,2 дараҷаи Рихтерро ташкил додааст.

167
Барчаспҳо:
шиддати сахти такони замин, хисорот дар Бартангу Ванҷ, заминҷунбӣ, зилзила, КҲФ, ҳукумати вилояти Бадахшон, Кумитаи ҳолатҳои изтирории Тоҷикистон, Шокарим Худоёров, вилояти Мухтори Кӯҳистони Бадахшон, ВМКБ, Шуғнон, Бартанг, Рӯшон, Ванҷ, Тоҷикистон, Бадахшон
Мавзуҳо:
Зилзилаи Бадахшон ва бартарафсозии оқибатҳои он (16)
Мавзуъ
Дар марзи Тоҷикистону Афғонистон зилзила рух дод

Вазорат тасдиқ кард: дар Тоҷикистон шумори ҷонбохтагон бар асари COVID-19 афзоиш ёфт

258
(Таҷдидшуда 22:19 30.09.2020)
Вазорати тандурустии Тоҷикистон омори нави сироят, фавту шифоёбии шаҳрвандон аз маризии вируси коронаро нашр кард

ДУШАНБЕ, 30 сен — Sputnik. Шабонарӯзи гузашта 43 ҳодисаи нави бемории COVID-19 дарёфт гардида,  иттилоъ додааст дафтари матбуоти Вазорати тандурустӣ ва ҳифзи иҷтимоии аҳолии Тоҷикистон.

Бино бар иттилои манбаъ шаббнарӯзи гузашта 74 нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд

Тавре манбаъ қайд кардааст дар маҷмӯъ шумораи гирифторони ин беморӣ ба  9769 нафар баробар гардидаст.

Инчунин,  таъкид шудааст, ки то санаи  30 сентябр дар мамлакат  8572  (87,7%) нафар аз бемории COVID-19 шифо ёфта,  бар асари он 76  нафар фавтидаанд.

Маврид ба зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

258
Барчаспҳо:
афзоиш, вазорат, сироят, омор, вируси корона, Тоҷикистон
Футбольный мяч на поле, архивное фото

Дар деҳаи Шуҷанди ноҳияи Рӯшон варзишгоҳи муосир бунёд шуд

33
(Таҷдидшуда 21:40 30.09.2020)
Дар рӯзи ифтитоҳи варзишгоҳ Хонаи фарҳанги деҳа низ пас аз таъмиру таҷдид дари худро ба рӯи сокинон боз намуд

ДУШАНБЕ, 30 сен — Sputnik. Дар деҳаи Шуҷанди ноҳияи Рӯшони Вилояти Мухтори Кӯҳистони Бадахшон варзишгоҳи муосир ба истифода дода шуд. 

Дар варзишгоҳ барои машқ ва мусобиқа аз намудҳои баскетбол, волейбол, футболи хурд, давидан ба масофаи кӯтоҳ шароити мусоид фароҳам оварда шудааст, хабар медиҳад АМИТ "Ховар".

Директори мактаби №10-и деҳаи мазкур Акимбек Акимбеков гуфт, ки "ин варзишгоҳ дар наздикии бинои таълимгоҳ  воқеъ аст. Дар мувофиқа бо бахши ҷавонон ва варзиши назди мақомоти ноҳия то нисфирӯзӣ хонандагони таълимгоҳ дар ин варзишгоҳ  дарси тарбияи ҷисмонӣ мегузаронанд ва пас аз анҷоми дарс он дар ихтиёри ҷавонони деҳа гузошта мешавад".

Муовини аввали раиси ноҳияи Рӯшон Гулмаст Дӯсталиев гуфт, ки "Ҳукумати ҷумҳурӣ ба солимии насли наврас таваҷҷуҳи зиёд равона месозад ва инро мо дар ноҳияи худ низ мушоҳида мекунем. Танҳо дар се соли охир се варзишгоҳи мутобиқ ба меъёрҳои байналмилалӣ мавриди баҳрабардорӣ  қарор дода шуданд".

Ба иттилои Дӯсталиев барои бунёди ин варзишгоҳ дар ҳамкорӣ бо шарикони рушд 650 ҳазор сомонӣ сарф шуд.

Ҳоло сохтмони майдони футбол дар маркази ноҳия барои 6 ҳазор ҷои нишаст идома дошта, дар назар аст, ки  дар остонаи ҷашни 30-солагии Истиқлоли Тоҷикистон ба истифода дода шавад.

33
Барчаспҳо:
Варзишгоҳ, Рӯшон, ВМКБ
В.Путин принимает участие в четвертом Каспийском саммите

Рӯҳонӣ: дахолати хориҷӣ дар муноқишаи Боку ва Ереван авзоъро печидатар мекунад

0
(Таҷдидшуда 21:53 30.09.2020)
Раисҷумҳурии Эрон бо ибрози нигаронӣ аз даргирии ахир байни Арманистон ва Озарбойҷон, ҳаргуна дахолати хориҷӣ дар ин моҷароро мӯҷиби печидатар шудани авзоъ донист

ДУШАНБЕ, 30 сен — Sputnik. Ҳасани Рӯҳонӣ, раисҷумҳури Эрон ахиран дар тамоси телефонӣ бо Никол Пашиниян, нахуствазири Арманистон бо таъкид бар аҳамияти сулҳ, суботу амният дар минтақа афзуд, ки минтақаи Ғарби Осиё тавони бесуботӣ ва ҷанги ҷадидро надорад, иттилоъ додааст хабаргузории "Парстудей".

Тавре манбаъ қайд намудааст, Рӯҳонӣ бо баёни ин ки бояд барои ҳаллу фасли масъалаи Қарабоғ дар чорчӯби муқаррароти байналмиллалӣ ва тамомияти арзӣ роҳи ҳалле ёфт шавад таъкид кард, ки таваққуфи ин даргириҳо барои Эрон муҳим аст ва Теҳрон интизор дорад Арманистон ва Озарбойҷон бо дироят ва хештандорӣ дар ин масир гом бардоранд.

Раисҷумҳури Эрон бо таъкид бар ин ки ҷанг роҳи ҳалли бартараф кардани мушкилоту танишҳо ва ихтилофот нест гуфт, ки ҳаргуна дахолати хориҷӣ дар ин моҷаро на танҳо ба ҳаллу фасли мушкил кумак намекунад балки даргириҳо ва танишҳоро тӯлонитар ва авзоъро печидатар хоҳад кард.

Рӯҳонӣ  ҳамчунин бо ишора ба аҳамият ва собиқаи тӯлонии равобити Эрон бо Ҷумҳурии Озарбойҷон ва Арманистон, омодагии Теҳронро барои ифои ҳаргуна нақши созанда, ки мавриди назари ду кишвари дӯсту ҳамсоя бошад, эълом кард.

Никол Пашиниян низ бо ишора ба таҳаввулоти ахири ношӣ аз даргириҳои низомии Арманистон бо Озарбойҷон, танишу даргириро ба зиёни ҳамаи кишварҳои минтақа донисту аз ҳаргуна ибтикори амале барои таваққуфи хушунатҳо истиқбол кард.

Нахуствазири Арманистон ҳамчунин аз мудохилаи хориҷӣ дар масъалаи ихтилофоти Арманистон бо Озарбойҷон ибрози нигаронӣ кард.

0
Барчаспҳо:
Ереван, Боку, муноқиша, даргирӣ, моҷаро, хориҷӣ, Озарбойҷон, Арманистон, Эрон