Мурофиаи додгоҳӣ. Акс аз бойгонӣ

Зиндонии 9 сокини вилояти Суғд ба иттиҳоми узвият дар "Ҳизб ут-таҳрир"

17
(Таҷдидшуда 16:44 11.12.2015)
"Ҳизби таҳрир" аз ҷумлаи созмонҳоест, ки фаъолияташон дар Тоҷикистон мамнуъ буда, ҳамчун созмони террористӣ эътироф шудааст.

ДУШАНБЕ, 11 дек — Sputnik. Додгоҳи шаҳри Хуҷанд 9 сокини вилояти Суғдро ба иттиҳоми узвият дар ҳаракати мамнуи "Ҳизб ат-таҳрир" барои аз 3,5 то 13 сол равонаи зиндон кардааст, иттилоъ медиҳад хадамоти матбуотии ин додгоҳ.

Мурофиаҳои додгоҳии ин афрод пушти дарҳои баста дар боздоштгоҳи муваққати кумитаи давлатии амнияти миллӣ дар Хуҷанд баргузор шудааст. Синни 9 нафари муттаҳам дар узвияти "Ҳизб ут-таҳрир" аз 30 то 50 солро ташкил медодааст.

Ҳамаи онҳо дар ҳамкори бо гуруҳи муташаккили ҷиноӣ, созмони мамнуи террористӣ ва экстремистӣ муттаҳам шудаанд.

Ин 9 сокини вилояти Суғд моҳи апрели соли равон аз ҷониби кормандони Кумитаи давлатии амнияти миллӣ ва Додситонии виялот боздошт гардидаанд.

"Ҳизби таҳрир" аз ҷумлаи созмонҳоест, ки фаъолияташон дар Тоҷикистон мамнуъ буда, ҳамчун созмони террористӣ эътироф шудааст.

17
Барчаспҳо:
ҷиноӣ, мамнуъ, сокин, террористӣ, боздошт, зиндон, ҳукми зиндон, Кумитаи давлатии амнияти миллӣ, Додгоҳи шаҳри Хуҷанд, додситонии вилояти Суғд, Хуҷанд, Суғд

Вазорати тандурустӣ омори тозаи коронавирусро нашр кард

88
То санаи 7 август дар мамлакат 6484 (84,1%) нафар аз бемории COVID-19 шифо ёфта, бар асари он 62 нафар фавтидаанд.

ДУШАНБЕ, 7 авг — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир 99  нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 41 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба  7706  нафар баробар гардид.

Ҳамзамон, то санаи   7 август дар мамлакат  6484  (84,1%) нафар аз бемории COVID-19 шифо ёфта,  бар асари он 62  нафар фавтидаанд.

Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

 

88
Певец Бахром Гафури

"Хона холист, хонаи мо": охирон суруде, ки Баҳром Ғафурӣ натавонист пурра мунташир кунад

358
Ҳамагӣ се рӯз пеш ҳунарманд дар саҳифаи иҷтимоӣ хабар додааст, ки дар тараддуди нашри суруди нав аст. Ӯ дар ин таронаи ғамгинаш аз хонаи холие нола мекунад

ДУШАНБЕ, 7 авг — Sputnik. Имрӯз, 7 август дар пайи як садамаи мудҳиш сарояндаи нотакрор Баҳроми Ғафурӣ даргузашт. Ин хабар ҳазорҳо мухлиси ҳунармандро чи дар дохили Тоҷикистон ва чи дар берун аз он ғамгин кард. Sputnik Тоҷикистон машҳуртарин таронаҳои Баҳром Ғафуриро ба ёд меорад.

Ҳунарманд солҳои 2000-ум бо таронаи "Парешон шудаи ай дил" шӯҳрати беандоза ба даст овард ва вориди шоу-бизнес шуд. 

Ҳамин тавр, таронаҳои Баҳром Ғафурӣ зуд хит мешуданд ва ӯ борҳо дар озмуни "Суруди сол" иштирок намудаву ҷоиза гирифтааст. Суруди "Фариштамоҳ" яке аз онҳост.

Ҳамчунин, овозхон чанд маротиба дар озмуни байналмилалии Big Music Awards  ҳунарнамоӣ кардааст. Ӯ ҷоизаҳои ин озмунро солҳои 2009, 2011 ва 2014 ба даст овардааст.

 

Ҳамагӣ се рӯз пештар Баҳром Ғафурӣ дар саҳиаи Истаграмаш хабар дод, ки дар тараддуди нашри суруди наваш аст. Аммо тақдир ба ӯ даст надод, ки ин таронаро пурра мунташир кунад.

Қисме аз тарона дар саҳифаи иҷтимоии ҳунарманд нашр шудааст.

Ӯ зоҳиран ин таронааро низ ба муҳоҷират бахшидааст. Дар он ҳунарманд аз хонаи холие шикоят мекунад, ки бе нафари наздик мисли зиндон аст.

"Хона холист, хонаи мо, хонаи қашангу зебо, хона холист ҳама сарсон, хона бе ту мисли зиндон", шиква мекунад вай дар тарона.

Посмотреть эту публикацию в Instagram

💫Taraddudi surudhoi nav💫 @bakha84 @hasan_madudov

Публикация от 𝐁𝐀𝐇𝐑𝐎𝐌 𝐆𝐇𝐀𝐅𝐔𝐑𝐈 (@bahrom_ghafuri_official)

Баҳром Ғафурӣ яке аз ситораҳои дурахшони саноъати мусиқии тоҷик тайи 20 соли ахир буд, ки бо услуби хосу садои нотакрор беш аз 10 албомро ҳадяи мухлисонаш кардааст.

Дар миёни мардум албумҳои ӯ “Милоди орзу”, “Ошиқи рӯят” ва “Муҳоҷирбача” маҳбубияти хос доранд. Баҳром Ғафурӣ 29 феврали соли 1976 дар деҳаи Ҳазрати Мавлонои ноҳияи Рӯдакӣ (собиқ Ленин) таваллуд шуда, хатмкардаи факултаи иқтисоди Донишгоҳи миллии Тоҷикистон буд.

358