Қоҳир Расулзода. Акс аз бойгонӣ

Нахуствазир: фасод ва мубориза бо он мушкилтарин масъалаи дунёст

30
(Таҷдидшуда 15:45 25.12.2015)
Имрӯз дар Душанбе таҳти раёсати сарвазири мамлакат Қоҳир Расулзода ҷаласаи навбатии Шӯрои миллии муқовимат бо коррупсияи Ҷумҳурии Тоҷикистон баргузор гардид.

ДУШАНБЕ, 25 дек — Sputnik. Рафти иҷрои нақшаи кории Шӯрои миллии муқовимат бо коррупсияи кишвар ва татбиқи Стратегия дар вазорату идораҳои давлатӣ дар аксар маврид ба талабот ҷавобгу нест, иброз дошт раҳбари Агентии давлатии мубориза бо фасоди ҶТ Рустами Эмомалӣ.

Номбурда инчунин дар ҷаласа бо такя ба натиҷаҳои мониторинги иҷрои Стратегияи муқовимат бо коррупсия барои солҳои 2013-2020 таъкид намудааст, ки "Натиҷаҳои мониторинг муайян кард, ки дар баъзе сохторҳо то ҳол нақшаи корӣ барои татбиқи стратегия тартиб дода нашудааст ва дар баъзе ҳолатҳо бандҳои алоҳидаи Стратегияи муқовимат бо коррупсия сарфи назар карда шудааст".

Тибқи иттилои раиси Оҷонсии зидди фасод Рустами Эмомалӣ, Агентӣ барои аз байн бурдани коррупсия, фаъолияти худро ба роҳ мондааст.

"Агентӣ барои аз байн бурдани коррупсия, ки аз самтҳои асосии стратегияи Ҳукумати мамлакат дар роҳи рушди иқтисодиёт ва беҳдошти сатҳи зиндагии мардум мебошад, фаъолияти худро ба роҳ мондааст. Барои ҳамкории зич бо аҳолӣ аз ҷониби Агентӣ телефони боварӣ фаъолият дошта, кормандон 724 баромад, 51 сӯҳбати таҳлилӣ омода ва дар ВАО пахш карданд. Инчунин, дар тамоми вазорату идораҳо бо аҳолӣ 1350 мулоқот гузаронида шуд. Дар ин самт инчунин аз ҷониби Агентии назорати давлатии молиявӣ ва мубориза бо коррупсия 240 семинари омӯзишӣ доир карда шуд", — афзудаст ӯ.

Нахуствазири Тоҷикистон, ҳамзамон раиси Шӯрои миллии муқовимат бо коррупсия Қоҳир Расулзода дар маҷлис таъкид намудаст, ки "коррупсия яке аз душвортарин мушкилоти ҷомеаи ҷаҳонӣ мебошад, ки то ҳол ягон кишвари олам барои пурра аз байн бардоштани он муваффақ нашудааст".

Дар кори ҷаласа нақшаи кории Шӯрои миллии муқовимат бо коррупсия барои соли 2016 тасдиқ карда шудаст.

30
Барчаспҳо:
коррупсия, стратегия, мулоқот, Рустами Эмомалӣ, Қоҳир Расулзода, Душанбе, Тоҷикистон
Зрители в кинотеатре

Дар ноҳияи Спитамен кинотеатри замонавӣ сохта мешавад

15
(Таҷдидшуда 15:26 03.08.2020)
Бино аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад

ДУШАНБЕ, 3 авг — Sputnik. Раиси вилояти Суғд Раҷаббой Аҳмадзода дар ноҳияи Спитамен бо рафти корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон ошно шуд, хабар медиҳад хадамоти матбуотии раиси вилоят.

Гуфта мешавад, ки Аҳмадзода сараввал дар Ҷамоати шаҳраки Навкат бо ҷараёни сохтмони бинои баландошёнаи истиқоматӣ бо нуқтаҳои хизматрасонӣ ва кинотеатри замонавӣ ошно шудааст.

"Иншооти мазкур дар доираи омодагиҳо ба ҷашни 30 – солагии Истиқлолияти давлатии Ҷумҳурии Тоҷикистон аз ҷониби кооперативи “Гулрез” сохта шуда истодааст. Масоҳати умумии сохтмон 1000 метри мураббаъро ташкил медиҳад", - омадааст дар хабарнома.

Тибқи иттилои манбаъ, бинои сохташаванда тибқи лоиҳа аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад.

Филм барои +18 ё поинтар: тағйири қонуни Тоҷикистон “Дар бораи кино”

Мувофиқи харҷномаи пешакӣ арзиши умумии сохтмон зиёда аз 7 миллион сомониро ташкил мекунад. Корҳои сохтмониро бунёдкорони ҶДММ “Книал” бар дӯш дорад.

Раиси вилоят ҳангоми шиносоӣ барои бо сифати баланд ба итмом расонидани корҳои сохтмонӣ ва ободонии атрофи иншоот ба масъулин супоришҳо додааст.

15
Барчаспҳо:
рушду ободонӣ, Раҷаббой Аҳмадзода, Суғд, Спитамен

Бинои парлумон ва роҳ месозанд: Тоҷикистон интизори коргарони чинӣ аст

32
(Таҷдидшуда 15:27 03.08.2020)
Вазорати рушди иқтисод ва савдои Тоҷикистон хабар дод, ки моҳи август сохтмони иншооти муҳими кишвар аз ҷониби ширкатҳои чинӣ идома меёбад

ДУШАНБЕ, 3 авг — Sputnik. Барои сохтмони бинои парлумон ва бинои ҳукумат ба наздикӣ 250 мутахассиси чинӣ ба Тоҷикистон меоянд. Дар ин бора масъулин дар рафти нишати матбуотии Вазорати рушди иқтисод ва садои Тоҷикистон дар Душанбе хабар доданд.

Манбаъ таъкид кард, ки интизор меравад кор дар ин самт бо ширкатҳои чинӣ, ки бино бар пандемия ба ақиб рафт, тирамоҳ идома меёбад.

Ба тарҳи сохтмон бунёди бинои нави парлумон ва маҷмааи ҳукумат дар Душанбе, амалӣ кардани давраи севуми тарҳи таъмир ва таҷдиди роҳҳои дохили кишвар дар шаҳри Бохар ва ноҳияҳои Кӯлоб дохил мешаванд.

Афзун бар ин, мутахассисони чинӣ ба таъмир ва таҷдиди қисме аз шоҳроҳи Кӯлоб-Мӯъминобод оғоз карда, ба сохтмони қисми дувуми роҳи Душанбе-Кулма дар минтақаи Қалъаи Хумб - Ванҷ омодагӣ мебинанд.

Раисҷумҳур ва нахуствазири Чин ба сохтмони бинои парлумон дар Душанбе санги асос гузошанд

Ба иттилои манбаъ, Чин мутахассисонашро аллакай аввали моҳи август равон мекунад. Коргарон ба Тоҷикистон тариқи парвозҳои махсус ворид мешаванд.

Ёдрас мешавем, пештар раиси Кумитаи меъморӣ ва сохтмон Ҷамшед Аҳмадзода низ хабар дода буд, ки сохтмони биноҳои нави парлумон ва ҳукумат ба наздикӣ оғоз мешавад.

Бино бар тавофуқи байни ҳукумати Тоҷикистон ва Чин 80 дар сади сохтмончиён бояд сокинони маҳаллӣ бошанд ва арзиши лоиҳа 1,5 миллиард юанро ташкил медиҳад.

32