Бинои баландошёна, ки аз сӯхтори 27 сентябр зарар дидааст

ВКД: ҳалокати як зан аснои сӯхтор дар бинои баландошёнаи Душанбе

12
(Таҷдидшуда 16:04 29.12.2015)
Субҳи имрӯз Хадамоти оташнишонии Тоҷикистон аз сӯхтори маргбор дар яке аз биноҳои баландошёнаи маркази шаҳри Душанбе хабар дод.

ДУШАНБЕ, 29 дек — Sputnik. Дар бинои баландошёнаи шаҳри Душанбе, воқеъ дар кӯчаи Шотемур 25 сӯхтор ба амал омада, дар пайи он як бону ба ҳалокат расида, фарзандонаш осеб надидаанд, иттилоъ медиҳад дафтари матбуотии ВКД.

"29 декабр, соати 07:05 дар бинои баландошёна воқеъ дар кӯчаи Шотемури пойтахт оташсӯзӣ ба вуқӯъ пайваст",- омадааст дар иттилоъияи ин ниҳод.

Ҳангоми ба маҳалли ҳодиса расидани оташнишонҳо муайян карда шуд, дар дохили хонаи оташгирифта соҳибхоназан Раҳимова Суфия Зикриолоевна соли таваллудаш 1970, духтараш Раҳимова Суман соли таваллудаш 1995 ва писари соҳибхоназан Ҳаётов Мустафо соли таваллудаш 2010 дармондаанд.

Дар натиҷаи гузаронидани амалиёти махсуси фаврии оташнишонӣ аз дохили ҳуҷраи оташгирифта, соҳибхоназан бо фарзандонаш бароварда шуданд. Аммо соҳибхоназан Раҳимова Суфия дар натиҷаи заҳролудшавии зиёд аз дуди ғализ дар беморхона ба ҳалокат расидааст.

Ба иттилои оташнишонҳо, сӯхтор масоҳати 3 метри мураббаъро фаро гирифта, пеш аз паҳншавӣ ба дигар ҳуҷраҳои зист, дар соати 07:37 хомӯш карда шуд.

Мутахассисони Хадамоти оташнишонӣ сабаби сӯхторро расиши кӯтоҳи ноқилҳои барқӣ арзёбӣ мекунанд.  

12
Барчаспҳо:
рӯйдоди маргбор, расиши кӯтоҳи ноқилҳо, ҳалокати як зани 45-сола, оташсӯзӣ, сӯхтор дар кучаи Шотемур, хадамоти оташнишонӣ, ВКД-и ҶТ, Раҳимова Суман, Ҳаётов Мустафо, Раҳимова Суфия Зикриолоевна, Душанбе, Тоҷикистон
Врач в защитном костюме улыбается, архивное фото

Вазорати тандурустии Тоҷикистон сирри пирӯзӣ бар коронавирусро гуфт

264
(Таҷдидшуда 16:38 27.01.2021)
Сухангӯи Вазорати тандурустии Тоҷикистон тавзеҳ медиҳад, ки чӣ гуна кишвар тавонистааст коронавирусро мағлуб кунад

ДУШАНБЕ, 27 январ - Sputnik. Котиби матбуотии Вазорати тандурустии Тоҷикистон Эмомалӣ Мирзо дар муколама бо Sputnik Тоҷикистон шарҳ дод, ки чӣ гуна кишвар тавонистааст бо пандемияи коронавирус мубориза барад.

"Коронавирус ба Тоҷикистон нисбат ба дигарон дертар омад. То ин вақт тамоми муассисаҳои тиббӣ омода буданд ва чораҳои қатъии санитарию эпидемиологӣ ҷорӣ карда шуданд", - гуфт намояндаи Вазорати тандурустӣ.

Мирзо илова кард, ки дар тамоми фурудгоҳҳо ва дар ҳама нуқтаҳои марзӣ дастгоҳҳои махсуси муаянсозӣ насб карда шудаанд.

Раҳмон пирӯзии Тоҷикистон бар коронавирусро эълон кард

Ғайр аз он, ҳамаи онҳое, ки бо гумони коронавирус аз хориҷ омаданд, ба карантин фиристода шуданд, чорабиниҳо, дарсҳо дар мактабҳо, донишгоҳҳо манъ карда шуданд, ошхонаҳо, тарабхонаҳо, масҷидҳо ва дигар ҷойҳои ҷамъиятӣ баста шуданд.

Ғайр аз вокуниши саривақтӣ ба таҳдидҳои пандемия, Тоҷикистон мунтазам вохӯриҳои намояндагони соҳаи тандурустиро баргузор намуда, ҳар нафареро, ки бо бемории гумонбаршудаи COVID-19 дар беморхонаҳо бистарӣ карда шудаанд, санҷидааст.

"Аз замони таъсиси Ситоди ҷумҳуриявии мубориза бо коронавирус ҳамарӯза соати 08:00, 17:00 ва нисфи шаб бо иштироки тамоми сардухтурони вилоятҳо, шаҳрҳо ва ноҳияҳои ҷумҳурӣ вохӯриҳои онлайнӣ баргузор карда шуданд. Ҳар рӯз онҳо дар бораи вазъ хабар медоанод. Чанд нафарро муоина карданд, чанд гумонбар аз ташхиси коронавирус гузаронида шуданд", - гуфт намояндаи Вазорати тандурустӣ.

Инчунин дар Тоҷикистон, ҳангоми пандемия 11 озмоишгоҳ ва беморхонаҳои махсус кушода шуданд, ки кори онҳо, аз ҷумла бо кӯмаки ТУТ ва Роспотребнадзор таъсис дода шудааст.

Ҷаҳон дар доми COVID-19: гирифторони ин беморӣ аз 100 миллион гузашт

Муҳимтар аз ҳама, ба гуфтаи Эмомалӣ Мирзо, он аст, ки дар Тоҷикистон ваҳму ҳарос аз ин беморӣ нест шуд.

264
Барчаспҳо:
маҳдудият, беморӣ, пирӯзӣ, вируси корона, Вазорати тандурустии Тоҷикистон

Супориши Раҳмон иҷро шуд: шаҳраки ангиштканон Шӯроб бо оби нӯшокӣ таъмин шуд

78
(Таҷдидшуда 14:33 27.01.2021)
Мақомоти Суғд эълон кардааст, ки сокинони шаҳраки Шӯроб бо оби тозаи нӯшокӣ таъмин гашт

ДУШАНБЕ, 27 янв — Sputnik.  Бино бар иттилои дафтари матбуоти мақомоти вилояти Суғд, корҳои сохтмонии хати оби тозаи нӯшокӣ барои сокинони шаҳраки ангиштканон - Шӯроб бо қубурхобонӣ дар масофаи 11,2 км ва ҳам бунёди 2 ҳавзи обнигаҳдории ғунҷоиши ҳар яке 2000 метри мукааб ба анҷом расида аст.

Гуфтf шудааст, ки иншооти мазкур дар асоси супориши Эмомалӣ Раҳмон, раисҷумҳури кишвар рӯи кор омада, бо ин мақсад аз ҳисоби буҷети ҷумҳуриявӣ 14 миллион сомонӣ ҷудо гардид ва алҳол корҳои бунёдӣ дар ин самт вусъати тоза ёфтааст.

Таъкид шудааст, ки корҳои сохтмонию васлкуниро мутахассисон ширкати “Наврӯз - 2003” ба зимма дошта, дар асоси лоиҳа об аз дарёи Исфара, аз деҳаи Чорқишлоқ ба дарозии 11,2 километр тавассути қубурҳои баландфишор ба шаҳраки Шӯроб интиқол дода мешавад.

“Барои пурсамар фаъолият намудани иншоот агрегатҳои нав харидорӣ ва насбу васл карда шудаанд”, - таъкид доштааст манбаъ.

Hоҳбарияти шаҳри Исфара айни замон ҳолати кунунии иншооти хусусикардашудаи шаҳракро мавриди омӯзишу таҳлил қарор дода, ҳамзамон барои тармим ва азнавсозии биноҳои истиқоматӣ, таъмини шароити зарурии зист, бунёди иншооти иҷтимоӣ, афзун гардонидани ҳаҷми истеҳсоли ангишт дар ширкати “Ангишт” якҷо бо идораю сохторҳои ҷумҳурӣ ва вилоятӣ чораҷӯӣ дорад.

Бояд гуфт, ки бо назардошти шаҳраки саноатӣ будани Шӯроб дар замони шӯравӣ миллату қавмҳои гуногун дар он маскун гардида, дар шаҳрак то 15 ҳазор нафар аҳолӣ зиндагӣ мекард. Ҳоло тибқи ҳуҷҷатҳои бақайдгирии аҳолӣ наздик 3000 нафар умр ба сар мебаранд.

Нақшаи генералии шаҳраки Шӯроби шаҳри Исфара санаи 27 сентябри соли 2017 дар иҷлосияи 12-уми Маҷлиси вакилони халқи вилояти Суғд, даъвати панҷум тасдиқ гардидааст.

Дар асоси супориши Президенти Ҷумҳурии Тоҷикистон  Эмомалӣ Раҳмон проблемаи норасоии оби нӯшокии сокинони шаҳрак то ҷашни ҷаҳонии Наврӯз куллан ҳалли мусбии худро хоҳад ёфт.

78
Барчаспҳо:
Шӯроб, обтаъминкунӣ, об, Исфара, Суғд, Тоҷикистон
Президент РФ В. Путин выступил на сессии онлайн-форума Давосская повестка дня 2021

Путин ҷаҳонро аз поёни тамаддун ҳушдор дод

0
(Таҷдидшуда 17:23 27.01.2021)
Президенти Русия Владимир Путин ҷаҳонро аз рушди муноқишаи ҷаҳонӣ дар дунё ҳушдор дод

ДУШАНБЕ, 27 январ - Sputnik. Президенти Русия Владимир Путин изҳори умедворӣ кард, ки муноқишаи ҷаҳонӣ дар ҷаҳони муосир ғайриимкон аст.

Ба гуфтаи сарвари давлат, чунин вазъ боиси поёнёбии тамаддун мегардад.

"Тавре ки шумо медонед, нотавонӣ ва хоҳиши ҳалли чунин мушкилот аслан дар асри ХХ ба фалокати Ҷанги Дуюми Ҷаҳонӣ табдил ёфт. Албатта, ҳоло чунин як муноқишаи ҷаҳонӣ, гарм, умедворам, усулан ғайриимкон аст. Умедворам ҳамин тавр аст. Ин маънои поёни тамаддунро дошт",-гуфт Путин.

Путин зимни суханронӣ дар Форуми ҷаҳонии иқтисодӣ дар Давос қайд кард, ки дар ҳоли ҳозир ҷаҳон заифшавии институтҳои байналмилалиро аз сар мегузаронад, муноқишаҳои минтақавӣ зиёд мешаванд ва системаи амнияти ҷаҳонӣ паст мешавад.

Ҷанги Дуюми Ҷаҳонӣ аз 1 сентябри 1939 то 2 сентябри 1945 давом кард. Ин низоъ бузургтарин муноқишаи мусаллаҳона дар таърихи башарият гардид, аз 73 давлати дар он замон мавҷудбуда 62 давлат (80% аҳолии кураи замин) дар он иштирок карданд.

Суханронии Путин дар форуми Давос: пахши мустақим

Амалиёти ҷангӣ дар Аврупо, Осиё ва Африка ва дар обҳои тамоми уқёнусҳо гузаронида мешуд. Ин ягона ҷангест, ки дар он силоҳи ҳастаӣ истифода шудааст.

0