Эмомалӣ Раҳмон дар расми ифтитоҳи ТВ Варзиш. 1 марти соли 2016

Раҳмон ТВ “Варзиш” ва “Синамо”-ро ба кор даровард

1142
(Таҷдидшуда 12:42 01.03.2016)
Шурӯъ аз имрӯз дар Тоҷикистон ду шабакаи нави телевизионӣ таҳти унвонҳои "Варзиш" ва "Синамо" ба фаъолият оғоз карда, дар маросими ифтитоҳи онҳо раисҷумҳур ширкат ва суханронӣ кард.

ДУШАНБЕ, 1 мар — Sputnik. Раисҷумҳур Эмомалӣ Раҳмон ба фаъолияти ду шабакаи телевизионии нав "ТВ Варзиш" ва "ТВ Синамо", инчунин Академияи васоити ахбори умум оғоз бахшид, омадааст дар хабари сомонаи расмии сарвари давлат.

Шабакаҳои телевизионии "Варзиш" ва "Синамо" ҳанӯз моҳи сентябри соли 2015 бо қарори Ҳукумати Тоҷикистон таъсис ёфта буданд ва қарор буд, ки шабакаҳои телевизионии мазкур дар рӯзҳои аввали соли 2016 ба фаъолият шурӯъ кунанд.

Тибқи иттилои расмӣ, барои бунёди ин ду шабакаи телевизионӣ ва ҳамчунин Академияи воситаҳои ахбори оммаи Тоҷикистон 4 миллиону 221 ҳазор сомонӣ масраф шудааст ва барномаҳои ин ду шабакаи навтаъсис дар чанд кишвари дигари дунё низ тавассути моҳвора қобили тамошо мебошанд ва 60 дарсади мардуми Тоҷикистон бо истифода аз пахши рақамӣ барномаҳои онҳоро дида метавонанд.

Айни замон дар телевизиони "Варзиш" 113 нафар, дар телевизиони "Синамо" 75 кас фаъолият мекунанд, ки музди маоши кормандон то 2000 сомонӣ муқаррар шудааст. Куллияи мутахассисону кормандони ин ду шабака дар асоси озмун аз шабакаҳои телевизиониву радиоӣ, иттифоқҳои эҷодӣ, варзишӣ, муассисаҳои таълимӣ ва фарҳангӣ ба кор қабул шудаанд

Ҳукумати Тоҷиистон барои фаъолияти телевизиони "Синамо" ва Муассисаи давлатии "Академияи воситаҳои ахбори оммаи Тоҷикистон" таҷҳизоти техникӣ ва маводҳои ороишӣ ба маблағи 1 миллиону 375 ҳазору 960 сомонӣ харидорӣ кардааст ва маблағи харҷи таҷҳизоти техникии телевизиони "Варзиш" 1 миллиону 237 ҳазору 600 сомониро ташкил медиҳад.

Ба қавли дафтари матбуотии президент,  бинои муассисаҳои нав дар иборат аз сеошёна мебошанд. Дар ошёнаи якум барои Муассисаи давлатии "Академияи воситаҳои ахбори оммаи Тоҷикистон", дар ошёнаи дуюм Муассисаи давлатии телевизиони "Синамо" ва дар ошёнаи сеюм Муассисаи давлатии телевизиони "Варзиш" ҷой гирифтаанд.

Бинои мазкур бо маблағи умумӣ 4 миллиону 221 ҳазору 661 сомонӣ бунёд ва тармим шудааст.

То ба имрӯз дар Тоҷикистон 4 шабакаи давлатии саросарии телевизионӣ: "Шабакаи аввал", "Сафина", "Баҳористон" ва "Ҷаҳоннамо" фаъолият доштанд. Ҳамакнун бо оғози кори ТВ "Синамо" ва "Варзиш" теъдоди онҳо ба 6-то расид.

1142
Барчаспҳо:
шабакаҳо, телевизион, иштироки президент, ифтитоҳи шабакаҳои телевизионӣ, Академияи воситаҳои ахбори оммаи Тоҷикистон, ТВ "Шабакаи аввал", ТВ "Варзиш", ТВ "Синамо", ТВ "Ҷаҳоннамо", ТВ "Баҳористон", Эмомалӣ Раҳмон, Душанбе, Тоҷикистон
Мавзуъ
Шабакаҳои телевизионии мустақил дар Тоҷикистон ба мушкил мувоҷеҳанд
Парламентские выборы в Таджикистане

Мақомоти шаҳри Исфара шумори дақиқи овоздиҳандагонро эълон кард

73
(Таҷдидшуда 19:33 22.09.2020)
Дар шаҳру деҳоти Исфара як ҳавза ва 83 участкаҳои интихоботӣ ташкил ва ҳамаи онҳо бо лавозимоту маводи зарурӣ таъмин карда шудаанд

ДУШАНБЕ, 22 сен — Sputnik. Бино бар иттилои дафтари матбуоти раиси шаҳри Исфара, дар “Ҳавзаи интихоботии Исфара, №27” шумораи пешакии интихобкунандагони ин ҳавза 162 105 нафарро ташкил медиҳад, ки 4307 нафари онҳо бори аввал овоз хоҳанд дод.

Манбаъ таъкид доштааст, ки барои дар доираи талаботи Конститутсияи Тоҷикистон, қонунҳои амалкунанда, дар сатҳи баланди ташкилӣ ва маърифати ҳуқуқӣ, шаффофу озод, ба таври демократӣ ва бо иштироки фаъолонаи интихобкунандагон баргузорнамоии ин чорабинии сиёсӣ дар шаҳри Исфара тамоми тадбирҳои зарурӣ андешида шудаанд.

Ҳамзамон қайд шудааст, ки дар ҳамаи участкаҳои интихоботии ҳавзаи Интихоботии “Исфара” корҳои омодагӣ барои дар сатҳи баланд доир намудани интихоботи дарпешистода идома дошта, бо аҳолӣ оид ба иштироки фаъолонаи онҳо дар ин маъракаи муҳими сиёсӣ корҳои фаҳмондадиҳӣ ба роҳ монда шудааст.

“То ин замон рӯйхати интихобкунандагон тартиб дода шудааст”, - зикр кардааст мақомоти шаҳри Исфара

Ҳамзамон манбаъ илова кардааст, ки тибқи дастури Комиссияи марказии интихобот ва раъйпурсии Тоҷикистон бо мақсади баланд бардоштани фарҳанги сиёсии интихобкунандагон корҳои тарғиботиву ташвиқотӣ роҳандозӣ мегарданд.

73
Барчаспҳо:
шумораи овоздиҳандагон, Исфара, Интихоботи президентӣ, интихобот, Тоҷикистон

Вазорати тандурустӣ: шабонарӯзи гузашта боз 44 ҳодисаи нави бемории COVID-19 сабт шуд

271
(Таҷдидшуда 19:02 22.09.2020)
Вазорати тандурустии Тоҷикистон омори нави гирифторшавӣ, фавт ва шифоёбӣ аз маризии сироятии коронавирусро нашр кард

ДУШАНБЕ, 22 сен — Sputnik. Бино бар иттилои вазорати тандурустии Тоҷикистон дар шабонарӯзи гузашта боз 44 мавриди ҷадиди гирифторшавӣ ба маризии коронавирус сабт гардид.

Бино бар иттилои манбаъ, дар як шабонарӯзи охир 110 нафар гумонбарон зери назорати табибон қарор дошта, 47 нафар баъд аз муолиҷа ба хонаҳояшон рухсат дода шуданд.

“Инчунин,  дар як шабонарӯзи охир дар ҷумҳурӣ 44 ҳодисаи нави бемории  COVID-19 дарёфт гардида,  дар маҷмӯъ шумораи гирифторони ин беморӣ ба  9432  нафар баробар гардид”, - таъкид доштааст вазорати тандурустӣ.  

Ҳамзамон манбаъ қайд кардааст, ки то санаи  22 сентябр дар кишвар  8199  (86,9%) нафар аз бемории COVID-19 шифо ёфта,  бар асари он 73  нафар фавтидаанд.

Вазорати тандурустии Тоҷикистон бори дигар аз тамоми сокинони кишвар хостааст, ки барои пешгирӣ аз ин беморӣ пеш аз ҳама  қоидаҳои беҳдошти шахсиро қатъиян риоя намоянд.

271
Барчаспҳо:
нашр, омор, Вазорати тандурустӣ, вазорат, фавт, вируси корона, Тоҷикистон

Оғози машқҳои низомии “Қафқоз-2020”

0
(Таҷдидшуда 01:15 23.09.2020)
Машқҳои байналмилалии низомӣ “Қафқоз-2020” дар вилояти Астрахани Русия оғоз ёфтанд. Дар ин машқҳои низомӣ бе аз 80 ҳазор аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард

Машқҳои низомӣ санаи 21 сентябри соли равон оғоз ёфтанд. Таи ҳафтаи ахир  низомиён таҷҳихзоту аслиҳаро барои иштирок дар машқҳои низомӣ омода карданд. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида шуданд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок доранд.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ба ҳайси нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

0
Барчаспҳо:
Афсар, аскар, Астрахан, артиш, тамрин, машқи низомӣ, машқ, Русия