Ба Душанбе баҳор омад. Акс аз бойгонӣ

Ҳаво дар Тоҷикистон то 24 дараҷа гарм мешавад

82
(Таҷдидшуда 17:52 01.03.2016)
Чанд рӯзи ахир дар Тоҷикистон ҳаво гарм шуда, фасли баҳор қабл аз муҳлат меҳмони хонаводаи сокинон гардид.

ДУШАНБЕ, 1 мар — Sputnik. Дар рӯзи нахустини баҳор дар Тоҷикистон ҳаво гарм шуда, каме бориш дар назар аст, иттилоъ медиҳад идораи обуҳавошиносии ҷумҳурӣ.

"1 март дар давоми шабонарӯз ҳаво қисман абрнок шуда, каме бориш дар назар аст. Ҳаво шабона +10 +12 дараҷа, рӯзона +18 +20 дараҷа гарм шуда, шамол суст мевазад",- меафзояд ин ниҳод.

Ба қавли манбаъ, рӯзи 2 март дар заминаи баланд шудани фишор, ҳаво қисман абрнок шуда, каме бориш ва тумани ғафс дар назар аст. Ҳаво шабона +6 +8 дараҷа, рӯзона +16+18 дараҷа гарм шуда, шамоли суст мевазад.

Рӯзҳои 3 ва 4 март бошад,  ҳавои соф дар назар буда, шабона +8+10 дараҷа, рӯзона +22 +24 дараҷа гарм шуда, шамоли суст мевазад. Дар ин рӯзҳо дар ноҳияҳои тобеи ҷумҳурӣ ҳаво дар водиҳо шабона +8+12 дараҷа ва рӯзона +22 +24 дараҷа гарм мешавад.

Зимнан, дар вилояти Хатлон, дар водиҳо шабона +8 +12 дараҷа ва рӯзона +23 +24 дараҷа гарм хоҳад шуд. Дар вилояти Суғд ҳаво дар водиҳо шабона +3 +5 дараҷа ва рӯзона +17 +19 дараҷа гарм мешавад.

Дар қисмати ғарбии ВМКБ ҳаво шабона +2+3 дараҷа ва рӯзона +9+13 дараҷа гарм ва дар шарқи вилоят  шабона +3 +5 дараҷа ва рӯзона +15 +17 дараҷа гарм хоҳад шуд.

Дар шаҳри Душанбе бошад, шабона +10 +12 дараҷа ва рӯзона +15 +17 дараҷа гарм мешавад.

82
Барчаспҳо:
дамои ҳаво, гармо, шамоли суст, гармӣ, боришот, обу ҳаво, Идороаи обуҳавошиносӣ, ВМКБ, Хатлон, Суғд, Душанбе, Тоҷикистон
День 24 января

Аз рӯзи байналмилалии эскимо то фавти 50 ҳазор нафар дар Чилӣ: имрӯзи таърих

8
(Таҷдидшуда 19:43 23.01.2021)
Рӯзи бистучоруми январ ҳамчун Рӯзи байналмилалии эскимо мебошад. Зимнан дар ин рӯз дар Ҳиндустон аз Рӯзи миллии духтарон ва дар Британияи Кабир Рӯзи ёдбуди қурбониёни генотсид дар Ҷанги дуюми ҷаҳонӣ таҷлил мегардад

Рӯзи 24 январ дар ҷаҳон чӣ рух дод

Соли 1939 дар Чили заминҷунбии шадид ба амал омад, ки дар натича зиёда аз 50 ҳазор нафар ба ҳалокат расиданд.

 

Последствия землетрясения и цунами в Чили 16 сентября 2015 года
Pablo Ovalle Isasmendi/AGENCIA UNO via AP
Последствия землетрясения и цунами в Чили 16 сентября 2015 года

Соли 1946 Комиссияи СММ оид ба энергияи атомӣ таъсис дода шуд.

Рӯзи 24 январ дар Тоҷикистон чӣ рух дод

Соли 2013 дар шаҳри Душанбе таҳти раёсати раисҷумҳури Тоҷикистон Эмомалӣ Раҳмон ҷаласаи Шӯрои амнияти Ҷумҳурии Тоҷикистон доир ба натиҷаҳои фаъолият дар соли 2012 ва вазифаҳо барои соли 2013 баргузор гардид.

День 3 января
© Sputnik/ Стас Этвеш/ Мария Вишнякова

Соли 2014 дар шаҳри Душанбе масоили вақт ва дурнамои ҳамкории мутақобиланд судманду гуногунҷанбаи Тоҷикистону Русия муҳокима карда шуданд.Соли 2014 пас аз анҷоми ҷаласаи 12-уми байниҳукуматии Тоҷикистону Русия оид ба ҳамкории тиҷоратӣ-иқтисодӣ шартномаи муштарак оид ба ҳамкории дуҷониба ба имзо расид.

Соли 2008 Стратегияи мубориза бо коррупсия дар Ҷумҳурии Тоҷикистон барои солҳои 2008-2012 қабул гардид.

Соли 2010 намояндагии дипломатии Шоҳигарии Арабистони Саудӣ фаъолияти худро дар Ҷумҳурии Тоҷикистон оғоз намуд.

Соли 2014 дар шаҳри Санкт-Петербурги Федератсияи Русия бозии кушодашавии Ҷоми "Иттиҳод-2014" миёни дастаҳои Тоҷикистон ва Эстония бо натиҷаи мусовӣ  2:2 ба анҷом расид.

Ҷашнҳои рӯзи 3 январ дар Тоҷикистон ва ҷаҳон

Соли 2017 дар Сафорати Япония дар Душанбе маросими баимзорасии 10 лоиҳаи нави Барномаи Ҳукумати Япония оид ба кумаки бебозгашт ва бехатарии гуманитарӣ барои ҳамаи қишрҳои аҳолӣ ба имзо расид.

Ҷашнҳои рӯзи 24 январ

  • Рӯзи байналмилалии эскимо.
  • Дар Британияи Кабир – Рӯзи ёдбуди қурбониёни генотсид  (қатли ом бо баҳонаҳои нажодӣ, миллӣ ва динӣ)  дар Ҷанги дуюми ҷаҳон.
  • Дар Ҳиндустон – Рӯзи миллии духтарон.
8
Барчаспҳо:
ҷашн, ҷаҳон, Тоҷикистон
Самолет, на фоне заката

Тавофуқи Тоҷикистону Русия ба интиқоли нахустин гурӯҳи муҳоҷирон - вақти сафар маълум шуд

1169
Вазорати меҳнати Тоҷикистон ба интиқоли 434 муҳоҷири меҳнатӣ ба кор ба соҳаи сохтмон дар шаҳри Иркутск бо Русия ба тавофуқ расид

ДУШАНБЕ, 23 янв — Sputnik. Вазорати меҳнат ва шуғли аҳолии Тоҷикистон ба вилояти Иркутск 434 муҳоҷири меҳнатиро дар мувофиқа бо ширкатҳои сохтмонии Русия ирсол мекунад. Дар ин бора вазорат гузориш додааст.

"Вазорати меҳнат тибқи дастури муовини сарвазири ҳукумати Русия Татяна Голикова дар доираи ҷалби муташаккилонаи муҳоҷирони меҳнатӣ созишнома ба имзо расонид ", - омадааст дар иттилоия.

Инчунин қайд карда мешавад, ки қарор аз ҷониби ситод оид ба пешгирӣ аз воридот ва паҳншавии коронавирус дар Федератсияи Русия тасдиқ карда шудааст.

Тибқи созишнома, 434 муҳоҷири меҳнатӣ аз Тоҷикистон соҳиби ҷойҳои кории кафолатнок шуданд ва дар Иркутск дар ҶДММ "Промстроймаш", ҶДММ "Сибстальстрой" ва ҶДММ "СМПК-7" бо кор таъмин карда мешаванд.

Гурӯҳи якуми коргарон дар аввали ҳафтаи оянда ба Иркутск парвоз хоҳанд кард, ҳоло масъалаҳои ташкилӣ ҳамоҳанг карда мешаванд, илова ба Вазорати меҳнат.

Тибқи иттилои ин шӯъба, тамоми хароҷоти парвозҳо, карантини дуҳафтаина, ҳуҷҷатгузорӣ, хобгоҳ ва хӯрок аз ҳисоби ширкатҳои дар боло зикршуда пардохта мешавад.

1169