Падар бо фарзандаш дар таҷлили созмони волидайни СиДа

“Кӯдакони офтобӣ” ҷашни худро дар Душанбе қайд карданд

188
(Таҷдидшуда 18:53 29.03.2016)
Беш аз 60 нафар “кӯдакони офтобӣ”- атфол бо нишонаҳои бемории Дауна иди байналмиллалии худро дар пойтахти ҷумҳурӣ ҷашн гирифтанд. Чорабинии хайриявӣ таҳти шиори ҷадиди “Ман ҳастам” бо ибтикори созмони ғайридавлатии волидайн “СиДа” баргузор шуд.
Певец Мухаммадрафи Кароматулло принял участие на празднике родительской организации СиДа
© Sputnik
Овозхон Муҳаммадрофеъи Кароматулло дар иди кӯдакони гирифтори бемории Дауна

Консерти хайриявӣ бо дастгирии соҳибкорони шаҳри Душанбе дар яке аз тарабхонаҳо сурат пазируфт.

Ба табрики кӯдакон ситораҳои эстрадаи тоҷик- Ҷонибек Муродов ва Муҳаммадрофеъи Кароматулло, ҳамчунин сарояндаҳои машҳури реп Master Ismail ва S.O.R (Далер Рустамов) низ омада буданд.

Тибқи маълумоти Созмони умумиҷаҳонии тандурустӣ аз миёни 700 кӯдаки навзод дар вуҷуди яке аз онҳо аломати бемории Даунаро дидан мумкин аст.

Дар Тоҷикистон теъдоди аниқу расмии гирифторони ин маризӣ вуҷуд надорад. Созмонҳои ғайридавлатӣ шумораи кӯдаконро бо чунин шакли потология то 500 нафар арзёбӣ мекунанд.

Ҳама мисли дигар одамонанд

Даун- ин на номи бемории "шадид", балки насаби пизишкест, ки соли 1866 алматҳои ин касалиро ошкор кард. Нишонаи асосии ин беморӣ доштани 47 хромосома ба ҷои 46 мебошад.

Вале ба қавли директори ташкилоти "СиДа" Замира Ҷумъаева на ҳама ин маълумотро доранд ва нодонии мардум боиси муносибати наонқадар дурусти ҷомеа нисбати "кӯдакони офтобӣ" мегардад.

— Ман худ модари кӯдаке бо нишони Дауна ҳастам ва дар ин роҳ ҳолатҳои гуногунро аз сар гузаронидаам. Ягон модар дар фарзанди худ норасоиеро намебинад, вале нигоҳҳои мардум моро маҷбур месозанд, ки ба худ саволҳои даҳшатнок диҳем, чӣ гуна, барои чӣ, оянда чӣ мешавад? Аммо боз ҳам мушкилоти асосӣ ин бехабар будани одамон ва худи волидайни кӯдакони гирифтори "Дауна" мебошад, мегӯяд сарвари созмони мазкур.

Певец Мухаммадрафи Кароматулло принял участие на празднике родительской организации СиДа
© Sputnik
Хушнудии кӯдакон аз дидори сарояндаҳои тоҷик беканор аст

 

Барои ҳамин ҳам ҷашн гирифтани иди байналмиллалии "кӯдакони офтобӣ" дар як сол як бор ҳам бошад, ба волидайни ин кӯдакон ва ба ҷомеъа мефаҳмонад, ки ин кӯдакон мисли дигарҳоянд, танҳо бо як хромасомаи зиёдатӣ.

— Дар баробари ин мо кӯшиш дорем то лоиҳаҳои навро  дар ҷомеа роҳандозӣ намоем, оилаҳоеро, ки кӯдаки бо нишони Дауна доранд аз ҷиҳати равонӣ ва ҳуқуқӣ дастгирӣ кунем ва ҳамчунин шароити муносиб барои рушди "кӯдакони офтобӣ" фароҳам орем, —илова кард Ҷумаева.

Ба гуфти ӯ имрӯз аз ҷониби Вазорати маорифи кишвар қадамҳои нахустини ёрӣ ба ин гурӯҳ дида мешаванд, масалан, зиёда аз 20 кӯдак ба боғчаҳо мераванд, 5 нафари дигар дар гурӯҳҳои махсуси томактабӣ ва зиёда аз 10 кӯдак дар синфҳои махсус таҳсили илм доранд.

"Сиёсатмадор" дар синф

Ҳар як кӯдак мутафовит аст ва "кӯдакони офтобӣ" низ ҳамчунин. Ба ин ҳарф Ҷураева бо 30 соли собиқаи кориаш боварии комил дорад.

— Онҳоро танҳо як чиз ба ҳам наздик мекунад- қалби нек ва кушод. Аз ҷиҳати дигар бошад, ҳар яки онҳо шахсият аст, бо хусусиятҳои хоси худ. Масалан, Шаҳзод ки имсол ба синфи якум қадам мениҳад, дар гурӯҳамон фаъолтарин кӯдак аст. Мо ӯро "сиёсатмадор"-и синфамон унвон мекунем, чунки ҳамаи президентҳоро мешиносад, —табассум мекунад муаллима.

Тасдиқи суханони муаллимаро дер интизор нашудем, дар баробари  суол аз Google  ва баромадани аксҳо, писарбача номҳои роҳбарони давлатҳоро зуд мегуфт.

— Ин Путин, ана инаш бошад Эмомалӣ Раҳмон-президенти мо, —бо ангушти хурдаш сурати сарвари ҶТ-ро нишон дода мегӯяд Шаҳзод.

— Ман ба шавқ меоям аз он ки Шаҳзод бо ҷиддият ахборро тамошо мекунад. Ба саволи Эмомалӣ Раҳмон чӣ кор мекунад, ҷавоби ӯ кӯтоҳакак: "Мушкилотро ҳал менамояд",-нақл мекунад аз суханони шогирдаш Мунира Ҷураева.

Ин зан се сол қабл аз фаъолияти худ-омӯзгори фанни таърих ва ҳуқуқ дар мактаби миёна, ки ними умрашро ба ин кор бахшида бад, даст кашид.

Ва ба кӯмаки кӯдакони гирифтори "Дауна" омад. Духтари худи ӯ ҳам "офтобак" аст. Ӯ монеъаҳоро дар роҳи рушди фарзандаш дида, қарор дод, ки бетараф намеистад.

— Акнун чизе, ки аз дастам меояд ман ба ҳама кӯмак мерасонам: ҳисобкунӣ, хондан, рангҳоро фарқ кардан. Аксари онҳо зуд аз ёд мекунанд, баъзеашон каме дертар, аммо як чизро ман аниқ медонам-онҳо метавонанд муваффақ шаванд, агар бо онҳо кор кунем,- боварӣ дорад омӯзгор.

Рэпер S.A.R. выступает перед детьми празднике родительской организации СиДа
© Sputnik
Репсаро барои кӯдакон беҳтарин сурудаҳояшро иҷро кард

Офтобакони олимпӣ

Дар бораи он ки муваффақият дар ҳақиқат ҳаст, медалҳои чор варзишгар (1 тилло ва 1 нуқра) ва дипломҳое, ки дар Бозиҳои Олимпиадаи махсуси соли гузашта дар Лос-Анҷелес ба даст овардаанд, далел шуда метавонанд.

Ба қавли директори "Special Olympics Tajikistan" Дилбар Шарипова, варзишгарони мо дар намуди варзиши сабук ва гимнастика ғолиб омаданд.

Аз мобайни чор варзишгар- Дилором Уроқова бемории Дауна дорад. Ӯ дар намуди варзиши сабук ҷои ҳаштумро ишғол кард. Дар умум дар олимпиада 7 ҳазор варзишгар ширкат дошт.

Дар ҳоли ҳозир аз рӯи 14 намуди варзиш дар Special Olympics Tajikistan 12 ҳазор кӯдакон ва дар баробари онҳо "кӯдакони офтобӣ" бо орзуи баробар будан бо дигарон, ҳамарӯза  машғули варзиш ҳастанд.

Участники от Таджикистана на Всемирных специальных олимпийских играх в Лос-Анджелесе
Предоставлено директором Special Olympisc Tajikistan Дилбар Шариповой
Иштирокчиёни Олимпиадаи вижаи байналмилалӣ аз Тоҷикистон

 

188
Барчаспҳо:
кӯдакони офтобӣ, гирифторони беморӣ, Дауна, созмони "СиДа", Замира Ҷумаева, Ҷонибек Муродов, Муҳаммадрофеъи Кароматулло, Душанбе, Тоҷикистон
Президент Республики Таджикистан Эмомали Рахмон

Ҷаласаи Ҳукумат: аз коронавирус то омодагӣ ба зимистон баррасӣ шуд

196
(Таҷдидшуда 21:05 13.07.2020)
Эмомалӣ Раҳмон, раисиҷумҳури Тоҷикистон, бо баргузории ҷаласаи Ҳукумат, масъалаҳои таъмини амнияти озуқаворӣ, ҷамъоварии ҳосил, кишти такрорӣ, чораҳои санитарӣ - гигиенӣ алайҳи коронавирус ва омодагӣ ба зимистони солҳои 2020-2021-ро баррасӣ кард

ДУШАНБЕ, 13 июл — Sputnik. Тибқи иттилои котиботи раисиҷумҳури Тоҷикистон, Эмомалӣ Раҳмон таваҷҷуҳи аъзои Ҳукумати кишвар, роҳбарони вазорату идораҳо ва шаҳру ноҳияҳоро ба вазъи имрӯзаи ҷомеаи ҷаҳонӣ, таъсири омилҳои беруна ба иқтисоди миллӣ, хатари пандемияи коронавирус дар ҷаҳон ва таъсири манфии он ба рушди иҷтимоиву иқтисодии кишварҳои олам ҷалб кард.

Раисиҷумҳур ба Ҳукумати кишвар, мақомоти шаҳру ноҳияҳо, роҳбарони вазорату идораҳо супориш додаст, ки бо мақсади фаъолияти босуботи иқтисоди миллӣ, ҷиҳати кам кардани таъсири манфии хавфҳои беруна ба он ва таъмини фаъолияти мунтазами тамоми соҳаҳои иқтисодиёт, чораҳои таъхирнопазир андешанд.

Ба Вазорати тандурустӣ ва ҳифзи иҷтимоӣ ҷиҳати тарғиби тарзи ҳаёти солим, пешниҳоди тавсияи мутахассисони соҳа барои риояи қоидаҳои санитарӣ-гигиенӣ, таъмини марказҳои саломатӣ бо маводи доруворӣ дастуру супоришҳо дода шуд, таъкид кард котиботи раисиҷумҳур.

"Инчунин тамоми роҳбарони мақомоти марказӣ ва маҳаллии ҳокимияти давлатӣ вазифадор шуданд, ки захираву имкониятҳоро вобаста ба ғамхорӣ нисбат ба табақаҳои ниёзманд, беҳтаргардонии хизматрасониҳои тиббӣ ва пешгирӣ кардани бемории сироятии коронавирус ва пешбурди корҳои фаҳмондадиҳӣ дар байни аҳолӣ оид ба тозаву озода нигоҳ доштани муҳиту маҳалли зист, коргоҳу, иншоот ва риояи қоидаҳои беҳдоштӣ (гигиенаи шахсӣ) ба таври самаранок истифода баранд", - омадааст дар иттилоия.

Кумитаи телевизион ва радиои назди Ҳукумат ва дигар расонаҳои иттилоотии кишвар супориш гирифтаанд, ки дар бораи истифодаи самараноки заминҳои наздиҳавлигӣ ва хоҷагиҳои ёрирасон, бо истифода аз имкониятҳои ҳар як оила коркарди хонагии меваю сабзавот ва захираи зарурии маводи хуроквориро дар хонаҳо бештар тарғиб намоянд.

Дар охири кори маҷлис Эмомалӣ Раҳмон ба Ҳукумати кишвар ва мақомоти иҷроияи ҳокимияти давлатӣ барои дар сатҳи зарурӣ доир кардани маъракаи зимистонгузаронӣ, истифодаи сарфаркоронаи неруи барқ дар шароити камобӣ, омода намудани иншооти соҳаҳои иҷтимоию иқтисодӣ ба давраи зимистон, захираи кофии маводи хӯрокворӣ, захираи ангишт ва дигар сӯзишворӣ, таъмини барқу гармӣ ба муассисаҳо ва аҳолӣ дар фасли зимистон, омода кардани марказҳои барқу гармидиҳӣ, тайёр кардани муассисаҳои миёна ва олии таълимии кишвар, аз ҷумла донишгоҳу донишкадаҳо, литсейю коллеҷҳо ва омӯзишгоҳҳо ба соли хониши 2020-2021, оид ба вусъати корҳои ободониву бунёдкорӣ бахшида ба ҷашни 30-солагии Истиқлолияти давлатӣ, супоришҳои мушаххас додаст.

196
Барчаспҳо:
зимистон, Ҳукумат, Эмомалӣ Раҳмон, Тоҷикистон
Команда Истиклол

Марҳилаи аввали лигаи олӣ бо пирӯзии “Истиқлол” анҷом ёфт

40
Марҳилаи аввали Чемпионати Тоҷикистон оид ба футбол миёни дастаҳои лигаи олӣ бо пирӯзии клуби "Истиқлол"-и Душанбе анҷом ёфт

ДУШАНБЕ, 13 июл — Sputnik. Бозиҳои даври ниҳоии марҳилаи аввал рӯзҳои истироҳати гузашта баргузор шуданд.

Ба иттилои Кумитаи миллии олимпии Тоҷикистон, рӯзи 11 июл "Регар-ТадАЗ" дар майдони худ бо тими "Хатлон" бозиро мусовӣ 1:1анҷом дод.

Нимҳимоятгари "Хатлон" Эҳсон Бобоев дар дақиқаи 83-юм ҳисобро кушод, вале бохтариҳо натавонистанд бо пирӯзӣ бозиро анҷом диҳанд. Қабл аз садои ҳуштаки довар футболбозони Турсунзода тавассути голи Нозим Бобоҷонов тавонистанд аз бохт наҷот ёбанд.

Дастаи "Куктош"-и ноҳияи Рӯдакӣ дар майдони худ бар тими "Файзканд"-и ноҳияи Восеъ бо ҳисоби 3:1 ғалаба кард. Ин аввалин бозии дастаи ноҳияи Рӯдакӣ бо роҳнамоии сармураббӣ Маҳмадҷон Ҳабибуллоев буд.

Баҳси бозии "Истиқлол"-у "Хуҷанд" ва муроҷиат ба Рустам: доварон обрӯи футболро мерезонанд

Ба голи задаи бозингари "Файзканд”"Наврӯз Рӯстамов, футболбозони "Куктош" бо се голи Бунёд Шодиев, Аббос Икромов ва Муҳсин Абдуғаффоров ҷавоб доданд.

Дар бозии дигар КМВА дар сафар тими "Истаравшан"-ро мағлуб намуд – 2:1. Ҳар ду голи тими артишро Шервонӣ Мабатшоев зад. Дар ҳайати дастаи Истаравшан Илҳом Баротов голро ба номаш сабт кард.
Ду бозии дигари даври нуҳум рӯзи 12 июл доир гардид. "Хуҷанд" бар дастаи "Душанбе-83" ва "Истиқлол" бар тими "Локомотив-Помир" бо ҳисоби якхелаи 1:0 ғалаба карданд.

Бидуни бохт: “Истиқлол” “Хуҷанд”-ро дар даври ҳафтуми Чемпионати Тоҷикистон шикаст дод

Голи дастаи Хуҷандро Фирдавс Чақалов ва голи тими Душанберо Рустам Соиров ба номашон сабт карданд.
Ҳамин тариқ, марҳилаи аввали Чемпионати Тоҷикистон ба анҷом расид. Дастаҳо ба танаффуси дуҳафтаина рафтанд ва имкон доранд бозингарони навро ҷалб намоянд.

Дар ҷадвали чемпионат "Истиқлол" бо 25 хол пешсафи ягона аст. Дар ҷои дуюм "Хуҷанд" бо 19 хол, дар ҷои сеюм "Хатлон" бо 18 хол мавқеъ гирифтаанд.

40
Барчаспҳо:
пирӯз, "Истиқлол", футбол