Низомиёни пойгоҳи 201-ум дар ноҳияи Рӯдакӣ ба сокинон ёрӣ мерасонанд

Пойгоҳи 201-и Русия ба сокинони Рӯдакӣ ёрӣ мерасонад

41
(Таҷдидшуда 15:03 07.04.2016)
Ҷараёни бузурги об роҳҳои автомобилгардро тахриб карда, бархе аз пулҳои минтақаро валангор сохт. Низомиёни рус нақша доранд, ки дар муддати кӯтоҳ оқибатҳои селро бартараф созанд.

ДУШАНБЕ, 7 апр — Sputnik. Роҳбарияти ноҳияи Рӯдакӣ барои бартараф сохтани оқибатҳои офати табиӣ аз пойгоҳи 201-уми Русия мустақар дар Тоҷикистон дархости кӯмак кардаанд, омадааст дар хабари матбуотии Округи марказии Ҳарбӣ.

Ҷараёни сел роҳҳо ва 15 бетони пулро, ки вазни ҳар якеаш 10 тоннаро ташкид медиҳад шуста бурд.

Дар зудтарин фурсат ба минтақаи зарардида 20 сарбоз ва 5 адад техникаи махсус: автокран, экскаватор ва мошини зиреҳпӯши барқарорсозӣ равона карда шуданд.

"Гурӯҳи бартарафкунандаи оқибатҳои офатҳои табиии пойгоҳи 201-ум ба барқарорсозии қисмҳои вайрони пул, ки минтақаи аҳолинишини "Эсанбой"-ро бо шаҳри Душанбе мепайвандад, машғул шуданд", —гуфта мешавад дар иттилоъия.

Дар ҳоли ҳозир роҳи мошингард дар ҳолати садамавӣ қарор дошта, ҳаракати ҳама гуна нақлиёт дар ҷодаи мазкур гардидааст. Низомиён нақша доранд ҳар чӣ зудтар пулро барқарор намоянд.

Пойгоҳи низомии 201-уми Русия дар ҶТ калонтарин пойгоҳи ҳарбии ФР дар хориҷа буда, қисмҳои он дар шаҳрҳои Душанбе ва Қурғонтеппа мустақар мебошанд. Бар пояи тавофуқоти дуҷонибаи Маскаву Душанбе, ки соли 2012 имзо шуд, он то соли 2042 дар Тоҷикистон боқӣ хоҳад монд.

41
Барчаспҳо:
ҳарбиён, кӯмак, низомиён, барқарорсозӣ, тахриб, пойгоҳи низомии 201 Русия дар Тоҷикистон, Эсанбой, Рӯдакӣ, Тоҷикистон
Мавзуъ
Пойгоҳи 201-и ФР беш аз ҳазор мутахассис барои артиши ҶТ омода кард

Омори муҳоҷират дар Тоҷикистон: чанд нафар омаду чӣ қадар кишварро тарк кард

159
(Таҷдидшуда 15:02 17.01.2021)
Дар умум дар робита бо ҳамагирии коронавирус ва баста будани марзи аксари кишварҳо, сатҳи муҳоҷират дар Тоҷкистон коҳиш ёфт

ДУШАНБЕ, 17 янв — Sputnik. Дар давоми соли 2020 - 740,2 ҳазор шаҳрванд Тоҷикистонро тарк кард, хабар медиҳад Агентии омори назди президенти Тоҷикистон.

Ин рақам дар муқоиса бо нишондоди соли гузашта, 1 миллиону 517 ҳазор ё 67,2% камтар аст.

Ҷуғрофияи сафари шаҳрвандони Тоҷикистон аз ҷониби агентӣ дақиқ гуфта нашудааст.

Тарҳи қонуни нав дар Русия: як гурӯҳи муҳоҷирон депорт нашаванд - кадом?

Бештари шаҳрвандони хориҷӣ ба ҷумҳурӣ аз кишварҳои зерин омадаанд: Ӯзбекистон - 271,5 ҳазор (66,2% аз шумораи умумии воридшудагон), Русия - 54,9 ҳазор (13,4%), Қирғизистон - 45,9 ҳазор ( 11,2%), Қазоқистон - 9,3 ҳазор (2,3%).

Бекорӣ аз байн меравад? Амонзода дар саросари ҶТ ярмаркаи ҷойи кори холӣ ташкил мекунад

Аз кишварҳои хориҷии дур ба Тоҷикистон бештар аз Афғонистон - 6 ҳазор нафар (1,5%), Чин - 3,1 ҳазор нафар (0,8%), Туркия - 2,7 ҳазор нафар (0,7%), 1,9 ҳазор нафар (0,5%), Эрон - 1,3 ҳазор нафар (0,3%), ИМА - 1,2 ҳазор нафар (0,3%), Олмон - 0,5 ҳазор нафар (0 , 1%), Покистон - 0,4 ҳазор нафар (0,1%) сабт шудааст.

159
Барчаспҳо:
Тоҷикистон, муҳоҷират, омор

Тоҷикистонро шаб заминҷунбии сахт такон дод

1397
(Таҷдидшуда 03:21 17.01.2021)
Макони заминҷунбӣ на Тоҷикистон, балки наздикии ноҳияи Ҷурми вилояти Бадахшони Афғонистон буд, ки дар он ҷо шиддати ларзиши замин ба 5,5 дараҷа мерасид

ДУШАНБЕ, 17 янв — Sputnik. Тоҷикистонро заминҷунбии шадид такон дод. Заминларза соати 1- и шаби рӯзи 17 январ рух дода буд.

Баъзе аз сокинон дар шабакаҳои иҷтимоӣ навиштанд, шиддати заминларза дар Душанбеву Хуҷанд низ сахт буд.

Бар хабари марказҳои зилзиланигории ҷаҳон, заминҷунбӣ дар наздикии ноҳияи Ҷурми вилояти Бадахшони Афғонистон рух дода, шиддаташ дар онҷо ба 5.5 дараҷаи Рихтер баробар аст.

Заминҷунбӣ дар марзи Тоҷикистону Афғонистон

Тибқи баъзе маълумот дар Афғонистон, зилзила як қатор музофотҳои ин кишварро такон додааст. Манобеи Афғонистон дар як гузориши хабарӣ гуфтаанд, ки зилзилаи шадид Кобул ва баъзе вилоятҳои дигарро такон дод.

Гуфта мешавад, ки сокинони вилоятҳои Балх, Панҷшер, Кундуз, Самангон ва Нангарҳор низ заминларзаро эҳсос кардаанд.

Ҳоло дар мавриди талафоти ҷонӣ ва ё хисороти молӣ маълумоте рӯи даст нест.

1397
Барчаспҳо:
Афғонистон, заминҷунбӣ, Тоҷикистон
Мавзуҳо:
Заминларза дар Тоҷикистон
Вакцинация против COVID-19 в Москве

Марги 55 нафар дар Амрико пас аз гирифтани ваксина

0
(Таҷдидшуда 15:56 17.01.2021)
Тибқи иттилои расмӣ, даҳҳо нафар дар Амрико пас аз м гирифтан алайҳи маризии вирус ҷони худро аз даст доданд

ДУШАНБЕ, 17 янв — Sputnik. Системаи ҳисоботдиҳии федералии ваксинаҳои Vaccine Adverse Event Reporting System гузориш медиҳад, ки 55 нафар пас аз ваксинаи Moderna ва Pfizer гирифтан, фавтидаанд.

Дар байни фавтҳо, онҳое низ сабт шуданд, ки пас аз ду соат ваксина гирифтанд. Марги як пизишки амрикоӣ бошад, ки  низ ваксина гирифта буд, резонанс шуд.

Доктор Григорий Майкл рӯзи 18 декабр эм карда шуд ва пас аз се рӯз дастҳо ва пойҳояш бо доғҳои сурх пӯшида шуданд. Пас аз муоина маълум шуд, ки ӯ гирифтори бемории Верлхоф шудааст, яъне вақте организм ба тромбоситҳо ҳамла карда, онҳоро хаёли ҷисмҳои бегона мекунад. Ба ҳамин минвол, пизишк 3 январ аз хунравии мағзӣ даргузашт.

Дар ҳамин ҳол, хадамоти матбуоти Pfizer таъкид кард, ки онҳо ин қазияро таҳқиқ мекунанд, аммо то ҳол иртиботи мустақим байни ваксина ва марги табибро дақиқ накардаанд.

Ваксинаи Трамп: чаро дар нокомиҳои тибби ИМА президенти равандаро айбдор мекунанд

Нашрияи исроилии Ynet бо такя ба Вазорати тандурустии кишвар, дар бораи аломати нохуш пас аз эмкунӣ бо Pfizer хабар дод.

Пас аз ворид кардани ваксина, 13 исроилӣ ба фалаҷи рӯй гирифтор шуданд. Таъсири манфии дору пас аз чанд соат хотима ёфт, гарчанде ки дар якчанд нафар он бештар аз як рӯз тӯл кашид.

0
Мавзуҳо:
Пайомадҳои COVID-19 дар Тоҷикистон ва ҷаҳон