Шаҳрвандони Қурғонтеппа курсҳои омӯзишии Маркази омӯзиширо хатм карданд. Акс аз бойгонӣ

Сокинони Қурғонтеппа курсҳои Маркази омӯзишии муҳоҷиратро хатм карданд

24
(Таҷдидшуда 15:27 17.06.2016)
Ба хатмкунандагони аввалини курсҳои омӯзишии забони русӣ, масъалаҳои ҳуқуқӣ, малакаи истифодабарии компютер дипломҳо супорида шуданд.

ДУШАНБЕ, 17 июн — Sputnik. Дар Қурғонтеппа маросими супоридани шаҳодатномаи хатми курсҳои омӯзишӣ ба аввалин хатмкунандагони Маркази омӯзишии муҳоҷирони меҳнатӣ баргузор гардид, иттилоъ медиҳад хадамоти матбуотии Россотрудничества.

Дар маросими супоридани дипломҳо ва шаҳодатномаҳои хатми курсҳои омӯзишӣ намояндаи Россотрудничества дар Тоҷикистон Михаил Вождаев иштирок кард.

Маркази омӯзишии муҳоҷирони меҳнатӣ бо ибтикори барномаи кӯмаки Русия ба кишварҳои Аврупои Шарқӣ ва Осиёи Марказӣ дар мубориза бар зидди бемориҳои сироятӣ дар якҷоягӣ бо бунёди "СПИД инфосвязь"-и Русия амал менамояд.

"Барономаи Маркази омӯзишӣ аз  курсҳои омӯзишӣ оиди бемориҳои сироятӣ, забони русӣ, масъалаҳои ҳуқуқӣ ва малакаи истифодабарии компютер иборат буданд",-омадааст дар иттилоия.

Мақсади асосии лоиҳаи мазкур баланд бардоштани сатҳи зиндагии муҳоҷирони меҳнатӣ ва аъзоёни оилаи онҳо тавассути додани маълумот дар бораи бемориҳои сироятӣ ва ҳамчунин дастрасӣ ба хизматрасониҳои иҷтимоӣ-тандурустӣ дониста мешавад.

24
Барчаспҳо:
забони русӣ, курсҳои омӯзишӣ, Россотрудничество, Михаил Вождаев, Қурғонтеппа
Министр экономики Завки Завкизода отдал подарки детскому дому в районе Нуробод

Завқӣ Завқизода ба кӯдакони ятими ноҳияи Нуробод либоси гарм бурд

34
(Таҷдидшуда 15:10 26.11.2020)
Вазири рушди иқтисод ва савдои Тоҷикистон таъкид доштааст, ки амалҳои хайру савоб, аз ҷумла ғамхорӣ зоҳир намудан ба ятимону бепарасторон, пирону эҳтиёҷмандон ҳамеша дар мадди назари Ҳукумати кившар аст

ДУШАНБЕ, 26 ноя — Sputnik. Завқӣ Завқизода, вазири рушди иқтисод ва савдо ба Мактаб-интернати ҷумҳуриявии кӯдакони ятими ноҳияи Нуробод кӯмакҳои моддӣ дастрас намуд. Иттилоъ додааст дафтари матбуоти вазорат.

Бино бар иттилои манбаъ, бо мақсади омодагӣ ба фасли зимистон ва зимистонгузаронӣ як зумра маводҳои либоса, таълимӣ ва хурокворӣ супорида шуд.

Гуфта шудааст, ки вазир 110 дона курткаи зимистона, 135 ҷуфт пойафзол, 50 литр равған, 10 халта орд, 40кг гӯшт, 50 кг биринҷ, 50 кг шакар, 200 адад ниқоби муҳофизатии тиббӣ, 20 адад моеъи антисептикӣ, 135 дона ручка, 135 дона дафтар ва 20 қуттӣ бур ба таълимгарони Мактаб интернати мазкур супорид.

Завқӣ Завқизода дар назди таълимгирандагон таъкид доштааст, ки   амалҳои хайру савоб, аз ҷумла ғамхорӣ зоҳир намудан ба ятимону бепарасторон, пирону эҳтиёҷмандон, маъюбону камбизоатон ҳамеша дар мадди назари Ҳукумати ҷумҳурӣ қарор дорад.

Кӯмаки бештар намоед: Завқизода аз СММ чӣ хост?

Айни замон дар Мактаб интернати ҷумҳуриявии кудакони ятими ноҳияи Нуробод 135 нафар хонандагон бо шароитҳои хуб таълиму тарбия мегиранд.

34
Барчаспҳо:
кумак, ятимхона, вазир, Тоҷикистон
Мэр города Исфара Баходурзода Баховаддин Баходур

Шаҳрдори нави Исфара муаррифӣ шуд: Баҳодурзода Баҳоваддин Баҳодур кист?

408
(Таҷдидшуда 15:05 26.11.2020)
Субҳи имрӯз дар толори мақомоти шаҳри Исфара шаҳрдори нави Исфара аз ҷониби муовини Сарвазири Тоҷикистон Сатториён Матлубахон ва муовини аввали раиси вилояти Суғд Хол Ҳайдар муаррифӣ шуд

ДУШАНБЕ, 26 ноя — Sputnik. Бино бар иттилои Иқбол Тешаев, сухангуи шаҳрдории Исфара гуфт, ки дар ибтидо муовини сарвазири Тоҷикистон Сатториён Матлубахон ҳозиринро бо фармонҳои Эмомалӣ Раҳмон, раисҷумҳури кишвар дар бораи ба вазифаи иҷрокунандаи раиси шаҳри Исфара таъин шудани Баҳодурзода Баҳоваддин Баҳодур шинос кард.

Бояд гуфт, ки шаҳрдори қаблии шаҳри Исфара Сулаймонзода Акрам Раҳим бинобар ба кори дигар гузаштан аз вазифаи раиси шаҳр озод шуд ва ба ҷои ӯ Баҳодурзода Баҳоваддин Баҳодур иҷрокунандаи ҳамин вазифа таъин шуд.

Иҷрокунандаи вазифаи раиси шаҳр Баҳодурзода Баҳоваддин Баҳодур зикр намудааст, ки ӯ дар фаъолияти минбаъдаи меҳнатиаш ба ҳайси раиси шаҳри Исфара тамоми донишу малака ва маҳорату таҷрибаи худро барои ободонӣ ва шукуфоии ин шаҳр равона сохта, сазовори боварии ҳам мардум ва ҳам роҳбарияти ҷумҳурӣ хоҳад гашт.

Сулаймонзода рафту Баҳодурзода омад: раиси нави шаҳри Исфара кист?

Манбаъ иттилоъ додааст, ки Баҳоваддин Баҳодурзода 10 феврали соли 1976 таваллуд шудааст. Миллаташ тоҷик, маълумоташ олӣ. Соли 1999 Донишгоҳи давлатии ҳуқуқ, бизнес ва сиёсати Тоҷикистонро бо ихтисоси ҳуқуқшинос хатм намудааст.

Баҳоваддин Баҳодурзода фаъолияти меҳнатиашро соли 1999 ба ҳайси мутахассиси Раёсати адлияи вилояти Суғд оғоз намуда, сипас дар солҳои гуногун дар вазифаҳои машваратчии Раёсати адлияи вилояти Суғд, машваратчии калони Раёсати адлияи вилояти Суғд, муовини сардори Раёсати адлияи вилояти Суғд ва нотариуси давлатии идораи нотариалии давлатии ноҳияи Ҷаббор Расулов кор кардааст.

Аз соли 2013 то 14 феврали соли 2019 дар вазифаи сардори Раёсати адлияи вилояти Суғд фаъолият дошт. Бо қарори Раиси вилояти Суғд аз 14 феврали соли 2019 муовини Раиси вилоят таъин гардидааст.

Таъйиноти кадрӣ дар Суғд: Юлдошзода сардори Сарраёсат ва Собиров сартабиб шуд

Рӯзи 24-уми ноябри соли 2020 бо Фармони Эмомалӣ Раҳмон, раисҷумҳури кишвар ба мансаби иҷрокунандаи вазифаи раиси шаҳри Исфара таъин шуд.

408
Барчаспҳо:
раис, муаррифӣ, сарвазир, Исфара, Тоҷикистон
Студенты, архивное фото

Пешниҳоди Матвиенко барои афзоиши намояндагии донишгоҳҳои Русия дар Тоҷикистон

9
(Таҷдидшуда 14:23 26.11.2020)
Агар ҷониби Тоҷикистон ҳавасманд бошад, Русия намояндагиҳои донишгоҳҳояшро дар ин ҷумҳурӣ зиёд мекунад

ДУШАНБЕ, 26 ноя – Sputnik. Русия метавонад, намояндагии донишгоҳҳояшро дар Тоҷикистон зиёд кунад, изҳор дошт раиси Шӯрои Федратсия, Валентина Матвиенко.

Ин нуктаро Матвиенко рӯзи чоршанбе дар Маскав зимни ҷаласаи Комиссияи ҳамкории Шӯрои Федератсияи Русия ва Маҷлиси миллии Тоҷикистон изҳор дошт.

“Мо медонем, ки солҳои 2020-2040 дар Тоҷикистон 20-солаи илмҳои дақиқ ва табиатшиносӣ эълон гардидаанд”, - гуфт Матвиенко.

Ӯ тавзеҳ дод, ки ин бахш метавонад заминаи хуби ҳамкорӣ миёни Тоҷикистону Русия гардад.

“Агар Тоҷикистон ҳавасманд бошад, имкон дорад намояндагиҳои донишгоҳҳои беҳтарини Русия дар ин кишвар зиёд карда шавад, ҳамкорӣ дар бахши маориф, табодули технология дар бахшҳои гуногун, аз ҷумла тиб ва дигар илмҳо таҳким дода шавад”, - илова намуд раиси Шӯрои Федератсия.

Матвиенко гуфт, комиссияи ҳамкории байнипарлумонӣ метавонад дастбакор шавад, то 20-солаи эълонкардаи роҳбарияти Тоҷикистон самаранок гардад.

9
Барчаспҳо:
донишгоҳ, Русия, Тоҷикистон