Қисми тайёраи Сухой Суперджет-100. Акс аз бойгонӣ

“Сомон Эйр”: “Ҳоло мо намегӯем, ки аз “Сайро” лайнер мехарем”

32
Намояндаҳои ширкати ҳавоии тоҷикии “Сомон Эйр” ҳоло тайёр нестанд, ки аз харидори намудани тайёрии граҳдании Русия Sukhoi Superjet 100 хабар диҳанд.

ДУШАНБЕ, 25 авг — Sputnik. Дар маркази Тоҷикистон вохӯрии роҳбарони ду ширкат- "Сомон Эйр" ва "Гражданские самолёты Сухого" баргузор гардид. Чӣ хеле ки намояндаи ширкат ба Sputnik Тоҷикистон хабар дод,  ҳадафи вохӯрӣ бештар шиносоӣ бо ин намуда тайёра буд.

"Ҳоло мо намегӯем, ки тайёраи истеҳсоли русиро харидорӣ менамоем, ин презентатсияе буд, ки дар он ба мо дар бораи имкониятҳои тайёра маълумот доданд. Ҳоло пешниҳоди онҳоро интизорем ва пас аз он қарор қабул хоҳем кард",- қайд намуданд дар ширкати ҳавоӣ.

Аммо ҳатто қарори харидорӣ намудан агар мусбӣ қабул карда шавад ҳам, ин он маъноро надорад, ки якбора якчанд тайёра харидорӣ мешавад. "Сомон Эйр"- ин ширкати ҷавони хусусӣ мебошад, ки танҳо 6 тайёра дорад. Гузашта аз ин ҳамаи онҳо "Боинг" мебошанд.

"Албатта мо дар бораи васеъ намудани минтақаи парвозҳо фикр карда истодаем. Ҳоло мо мехоҳем, то Франкфурти Олмон доман паҳн кунем, аммо мақсади мо аз ин ҳум ҳудудҳои бештар аст. Умед дорем, ки ба наздикӣ шумораи тайёраҳои мо зиёд хоҳад шуд",- гуфтанд кормандони ширкат.

Бояд қайд кард, ки нархи як тайёраи Sukhoi Superjet 100 дар соли 2016- 27млн долларро ташкил медиҳад. Дар он метавон аз 98 то 108 нафар мусофиронро ҷойгир кард.

Sukhoi Superjet 100- тайёраи мусофирбари русӣ мебошад, ки парвози аввалини худро соли 2008-ум ба амал овардааст. Соли 2011-ум аввалин Sukhoi Superjet 100 ба ширкати ҳавопаймоии армании "Armavia" ба истифода дода шуда буд.
"Сомон Эйр" аввалин ширкати тоҷикии ҳавопаймоии хусусӣ мебошад, ки соли 2007-ум ташкил шудааст. Соли 2008-ум он аввалин парвози худро ба таври мунтазам дар хатсайри "Душанбе- Москва" ба роҳ мондааст. "Сомон Эйр" хатсайрҳои байналмиллалии мусофириро ба иҷро мерасонад, ки онҳо аз фурудгоҳҳои Душанбе ва Хуҷанд парвоз мекунанд.

32
Барчаспҳо:
"Гражданские самолёты Сухого", "Сомон Эйр", Тоҷикистон
Топор, архивное фото

Ба манзилаш бурд ва се маротиба бо табар ба гарданаш зад: куштор дар Суғд

185
(Таҷдидшуда 18:58 26.10.2020)
Вазорати умури дохилаи Тоҷикистон аз дастгир шудани сокини ноҳияи Бобоҷон Ғафуров ба ҷурми одамкушӣ, хабар медиҳад

ДУШАНБЕ, 26 окт — Sputnik. Бино ба гузориши Вазорати умури дохилаи Тоҷикистон, дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия марди 38-солаи сокини ҷамоати деҳоти Исфисори ноҳияи Б.Ғафуров ҳамчун гумонбар дар содир намудани ҷинояти одамкушӣ дастгир карда шуд.

Гуфта мешавад, номбурда, рӯзи 21-уми октябр, дар бозори воқеъ дар маҳаллаи Гулистони шаҳри Хуҷанд, бо марди 32-солаи сокини ҷамоати деҳоти Исфисор вохӯрдааст.

Онҳо дар яке аз ошхонаҳои бозори "Панҷшанбе" хӯрок ва нӯшокии спиртӣ истеъмол намуда, дар ҳолати мастӣ ба хонаи истиқоматии марди 38-сола рафтаанд.

Боздошти Муминов барои қатли тағои 70-солааш: хонаро ба ӯ нею ба додараш додааст-видео

Ба иттилои ВКД, дар аснои даъвои маблағи пулӣ муноқиша ба миён омадааст, ки марди 38-сола аз анборхонааш табарро гирифта, 3 маротиба ба гардан ва сари марди 32-сола задааст.

"Дар натиҷа, номбурда ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст", - омадааст дар хабарнома.

Манбаъ афзуда, ки нисбати гумонбаршаванда парвандаи ҷиноятӣ бо моддаи 104 қисми 1 Кодекси ҷиноятии  Тоҷикистон оғоз шуда, тафтишот идома дорад.

185
Барчаспҳо:
боздошт, ВКД, Суғд, куштор
Арбитр показывает красную карточку на футбольном матче. Архивное фото

Яке ҳарифашро бо мушт заду дуюмӣ даъвои беасос кард: ҷаримаи футболбозони Суғд

61
(Таҷдидшуда 19:22 26.10.2020)
Кумитаи назорат ва одоби Федератсияи футболи вилояти Суғд зимни баргузории ҷаласа, нисбати варзишгоҳи “Ҷавонӣ” ва футболбозони дастаи “Пахтакор” - и ноҳияи Ҷаббор Расулов ва “Зарафшон” - и шаҳри Панҷакент муҷозот таъйин кард

ДУШАНБЕ, 26 окт – Sputnik. Бозӣ миёни дастаҳои "Пахтакор" ва "Зарафшон" рӯзи 24 октябр бо ҳисоби 3:1 ба поён расид, вале миёни футболбозон ҷанҷол бархост.

Аҳлиддин Юнусов, котиби Федератсияи футболи Суғд дар суҳбат ба Sputnik Тоҷикистон гуфт, муноқишаи бархоста дар вақти баргузории бозии футбол миёни дастаҳои "Пахтакор" ва "Зарафшон" имрӯз зери роҳбарии Хуршед Зоидов, сардори Кумитаи интизомӣ-назоратии ФФ Суғд, мавриди баррасӣ қарор гирифта, ба футболбозон барои вайрон намудани одоби варзишӣ ҷарима муқаррар намудааст.

Бо қарори Кумитаи интизомӣ – назоратӣ, барои вайрон кардани моддаи 8 банди 16, яъне таъмин накардани тартиботи ҷамъиятӣ, бехатарии дастаҳо, тамошобинон, аъзои гурӯҳи доварон дар варзишгоҳ то анҷом ва баъди бозӣ, варзишгоҳи "Ҷавонӣ - и ноҳияи Ҷ. Расулов аз гузаронидани як бозӣ ва ба миқдори 500 сомонӣ муҷозот шуд.

Дастаи "Сипар" - и Хуҷанд нахустин бор қаҳрамони Тоҷикистон шуд

Ҳайитбой Отаҷонов бозингари дастаи "Пахтакор", барои зарба задани ҳариф бо мушт, аз панҷ бозӣ маҳрум ва нисбаташ 300 сомонӣ ҷарима таъйин карда шудааст.

Инчунин мураббӣ бозингари дастаи "Зарафшон", Камолиддин Ҷурабоев, барои вайрон намудани одоби варзишӣ, гуфторҳои гайримантиқӣ, даъвои беасос бар асоси моддаи 8 банди 19 аз се бозии тақвимӣ маҳрум ва дар ҳаҷми 500 сомонӣ муҷозот шудааст.

61
Барчаспҳо:
футбол, ҷарима, Суғд

Ифтитоҳи масҷиди муосир дар Тотористон - гузориши аксӣ

0
(Таҷдидшуда 19:17 26.10.2020)
Дар шаҳри Набережние Челни масҷиди "Чали Яр" бо меъмории ғайриоддии технологӣ кушода шуд

Хонаи намозгузорӣ барои мусалмонон дар Ҷумҳурии Тотористон бо услуби муосири меъморӣ сохта шудааст.

Дар як вақт, масҷид бо масоҳати 450 метри мураббаъ метавонад то 250 намозгузорро ғунҷонад.

Тоҷикистон кай дари масоҷидро ба рӯи намозгузорон мекушояд?

Ибодатхона дар шоҳроҳи федералии Волгаи М7 ҷойгир аст, бинобар ин ронандагон метавонанд низ аз он дидан кунанд.

Намоз ва қурбонӣ онлайн: коронавирус чигуна Иди Қурбонро тағйир дод

Дари масҷид шабонарӯзӣ боз буда, мусалмонон метавонанд ҳар замон аз ин макони ибодат дидан кунанд ва дар он ҷо намоз гузоранд.

0
  • © Sputnik / Maksim Bogodvid

    Намозгузорон дар масҷиди нави "Чали Яр" дар Набережние Челни.

  • © Sputnik / Maksim Bogodvid

    Масҷиди "Чали Яр" бо меъмории ғайриоддии технологӣ дар шаҳри Набережние Челни кушода шудааст.

  • © Sputnik / Maksim Bogodvid

    Хонаи намозгузории "Чали Яр" барои мусалмонон дар Ҷумҳурии Тотористон бо услуби муосири меъморӣ сохта шудааст.

  • © Sputnik / Maksim Bogodvid

    Масоҳати масҷид 450 метри мураббаъро ташкил медиҳад.

  • © Sputnik / Maksim Bogodvid

    Дар як вақт дар масҷид то 250 намозгузор метавонад дуо хонад.

  • © Sputnik / Maksim Bogodvid

    Масҷиди нави "Чали Яр" дар Набережние Челнии Тотористон.

  • © Sputnik / Maksim Bogodvid

    Дари масҷид 24 соат боз буда, намозгузорон дар вақти дилхоҳ метавонанд вориди ин маъбад шаванд.

  • © Sputnik / Maksim Bogodvid

    Намозгузорон дар масҷиди нави "Чали Яр" дар Набережние Челни.

Барчаспҳо:
ифтитоҳ, масҷид, Тотористон