Лаббай, ё нархи 1 дақиқаи тамос бо Русия чанд пул мешавад

© Flickr \ Martin CathraeТелефон.Акс аз бойгонӣ
Телефон.Акс аз бойгонӣ - Sputnik Тоҷикистон
Обуна шудан
Ширкатҳои мобилии Тоҷикистон шурӯъ аз 1 октябри соли равон нархи зангҳои телефонӣ ба Русияро қимат мекунад. Ҳамин тавр 1-дақиқаи тамос дар ҳамаи ширкатҳои мобилӣ 1 сомонӣ нарх хоҳад дошт.

ДУШАНБЕ, 21 сен — Sputnik. Ширкатҳои мобилии Тоҷикистон аз 1 октябр нархи зангҳои баромадро ба Русия боло мебаранд, хабар медиҳад хадамоти матбуоти Tcell.

"Мувофики қарори Хадамоти зиддиинҳисории назди Ҳукумати Ҷумҳурии Тоҷикистон аз 7-и августи  соли 2012, инчунин тағйир  ёфтани қурби  асъор аз лахзаи ба имзо расидани қарори мазкур, арзиши зангҳо ба Федератсияи Русия аз нав дида баромада шуда, аз 1-и октябри соли 2016  як дақиқаи занги содиротӣ ба самти мазкур 1 сомонӣ бо назардошти андозҳо ҳисобида мешавад",-омадааст дар иттилоия.

Бо ҳамин тартиб аз 1 октябри соли 2016 нархи зангҳои баромад ба Русия боло рафта, 1 дақиқаи тамос бо дарназардошти андоз 1 сомонӣ нарх хоҳад дошт. Бояд қайд кард, ки дар ҳоли ҳозир нархи 1 дақиаи тамос бо Русия 0,69 сомонӣ мебошад.

Дар баробари ин дар "Мегафон Тоҷикистон" низ қайд мекунанд, ки аз 1 октябр арзиши як дақиқаи занг ба Русия бо назардошти андозҳо 1 сомониро ташкил медиҳад.

Нархи 1 дақиаи занг аз рақами "Билайн" дар Тоҷикистон ба рақами "Билайн" дар Русия бо назардошти андозҳо 1 сомонӣ ва зангҳо ба дигар операторони алоқаи мобилии Русия гаронтар — 1.10 сомониро ташкил хоҳад дод.

Лентаи хабарҳо
0