Эмомалӣ Раҳмон президенти ҶТ ҳангоми суханронӣ дар ноҳияи Лахш. Акс аз бойгонӣ

Эмомалӣ Раҳмон: таи ҳашт моҳ ба Мӯъминобод 6 ҳазор сайёҳ сафар кардааст

69
Президенти Ҷумҳурии Тоҷикистон Эмомалӣ Раҳмон баъди сафари корӣ ба Рашту Дарвоз, аз ноҳияи Мӯъминобод дидан карда бо фаъолони ин минтақа сӯҳбат кард.

ДУШАНБЕ, 3 окт — Sputnik. Эмомалӣ Раҳмон дар ноҳияи Мӯъминобод баъди ифтитоҳи як зумра иншоотҳои нав бо мардуми ин диёр мулоқот намуда, зимни суханронӣ соҳаи сайёҳиро яке аз самтҳои даромаднок хонда, диққати ҳамагонро ба рушди он ҷалб намуд, хабар медиҳад хадамоти матбуоти президенти ҶТ.

Дар замони муосир яке аз соҳаҳои сердаромад  соҳаи сайёҳӣ буда, дар ноҳияи Мӯъминобод имкониятҳои рушди соҳа бештар мебошанд.

Шоҳкориҳои табиӣ ва ёдгориҳои нодири таърихиву фарҳангӣ, аз қабили Чилдухтарон, обанбори Мӯъминобод, ёдгориҳои мансуб ба асрҳои 9-10, аз ҷумла қалъаи Мӯъминобод, Шоҳи Хомӯш, чашмаву обҳои табобатӣ, иқлиму нарму табиати зебо ва гиёҳҳои шифобахш диққати ҳазорҳо сайёҳони дохиливу хориҷиро ба худ ҷалб намудааст.

Маҳз ҳамин захираву боигариҳост, ки танҳо дар ҳашт моҳи соли равон беш аз 6 ҳазор нафар сайёҳони дохилию хориҷӣ ба ҳудуди ноҳия, аз ҷумла минтақаи Чилдухтарон ташриф овардаанд.

Эмомалӣ Раҳмон рушди соҳаи сайёҳиро зарурӣ шумурда таъкид кард, ки рушди он барои дарёфти ҷойҳои нави корӣ масоидат хоҳад кард.

"Бояд зикр намоям, ки обод намудани мавзеъҳои сайёҳӣ ва ташкили инфрасохтори муосир дар чунин мавзеъҳо аз ҷумлаи масъалаҳоест, ки ҳалли он метавонад ба ташкили ҷойҳои нави корӣ ва даромади иловагии аҳолӣ мусоидат намояд",-гуфт президенти ҶТ Эмомалӣ Раҳмон зимни суханронӣ. 

Итминон дорам, ки мардуми ватандӯсти ноҳияи Мӯъминобод минбаъд низ бо эҳсоси баланди милливу хештаншиносӣ ба хотири ҳифзи дастовардҳои таърихии халқамон, ваҳдати миллӣ ва сарҷамъии миллат саъю талоши бештар мекунанд ва бо заҳмати софдилона диёри худро боз ҳам ободу пешрафта мегардонанд. 

Дар фарҷом президенти кишвар кулли мардуми ободгару ҳимматбаланди  ноҳияи Мӯъминободро ба муносибати ҷашни муқаддасу бузурги миллиамон — биступанҷумин солгарди истиқлолияти давлатии кишварамон табрик гуфта, ба ҳар яки онҳо хонаи обод, саломативу хушбахтӣ ва барори кор таманно кард.

69
Барчаспҳо:
рушди соҳаи сайёҳӣ, суханронӣ, сафари корӣ, Эмомалӣ Раҳмон, Мӯъминобод, Тоҷикистон
Мавзуъ
Дастуру супоришҳои президенти ҶТ барои ҷалби сайёҳони хориҷӣ ба “Сафед-Дара”
Сайёҳ: маро дар Тоҷикистон бепул савор карданд ва ройгон сер карданд
Тоҷикистон сайёҳони Малайзияро бо мероси бузурги роҳи Абрешим ҷалб мекунад
Хуш омадед, ё Welcome to Tajikistan!
Школьная ярмарка в Душанбе

Русия ба мактабҳои Тоҷикистон 4,5 ҳазор китоб тақдим кард

21
(Таҷдидшуда 10:41 08.03.2021)
Ба мактабҳои Тоҷикистон китобҳои фанни забони русӣ, адабиёт, физика, химия, биология, экология, алгебра ва геометрия супорида шуд. Инчунин ба мактабҳо китобҳои бадеӣ низ супурда шуд

ДУШАНБЕ, 8 мар — Sputnik. Русия ба мактабҳои миёнаи Тоҷикистон беш аз 4,5 ҳазор китоб тақдим кард.

Китобҳои дарсӣ ба мактабу литсейҳое, ки дар онҳо муаллимон аз Русия дар доираи барномаи гуманетарӣ "Муаллими рус дар хориҷа" кор мекунанд, дода шуданд. Ҳамин тариқ, китобҳо ба гимназияи шаҳри Душанбе, литсейи техникии Донишгоҳи техникии Тоҷикистон, муассисаҳои таълимии ноҳияҳои Ҳисор, Кӯлоб, Бохтар, Данғара, Бӯстон ва Спитамен супорида шуданд.

Ба мактабҳо китобҳои омӯзиши забони русӣ ва адабиёти рус, физика, химия, биология, экология, алгебра ва геометрия дода шуданд. Ғайр аз ин, ба мактабҳо китобҳои бадеӣ низ тақдим карда шуд.

"Ин танҳо як қисми адабиёти таълимиест, ки мо ният дорем то охири соли равон ба мактабҳои миёна тақдим намоем. Мо интихоби китобҳои зарурии дарсӣ, адабиёти таълимию методӣ ва бадеиро, ки тавассути Россотрудничество аз Маскав сурат гирифт, анҷом додем ва барои тақдими бастаи китобҳои ба даҳ мактаб дар минтақаҳои гуногун, ба хусус дар минтақаҳои дурдасти ҷумҳурӣ талош намудем”, - гуфт Иван Иванов, роҳбари намояндагии Россотрудничество.

Ба гуфтаи ӯ, ин посух ба дархости омӯзгороне мебошад, ки ба китобҳои дарсии фанҳои гуногуни таълимӣ, аз ҷумла илмҳои дақиқ ва табиӣ ниёз доранд.

21
Барчаспҳо:
Русия, тақдим, китоб, мактбаҳо, Тоҷикистон
Кохир Расулзода, архивное фото

Қоҳир Расулзода, сарвазири Тоҷикистон 60 сола шуд: таҷлили зодрӯз дар рӯзи модар

241
(Таҷдидшуда 11:13 08.03.2021)
Имрӯз Қоҳир Расулзода, сарвазир ва яке аз чеҳраҳои бонуфуз дар сиёсати Тоҷикистон зодрӯз дорад. Ӯ ба синни 61 солагӣ қадам гузошт

ДУШАНБЕ, 8 март – Sputnik. Имрӯз 8-уми март нахуствазири Тоҷикистон Қоҳир Расулзода зодрӯз дорад.

Қоҳир Расулзода 8 марти соли соли 1961, дар ҷамоати Хистеварзи ноҳияи ба номи Бобоҷон Ғафуров таваллуд шудааст.

Ӯ, соли 1982 Институти кишоварзии Тоҷикистон (ҳозира Донишгоҳи аграрии Тоҷикистон) ро бо ихтисоси “муҳандис-гидротехник” хатм намудааст. Фаъолияти меҳнатиро ба сифати техник дар санҷишгоҳи сохтмонии иттиҳодияи “Тоҷикирсовхозстрой” дар соли 1982 дар ноҳияи Бобоҷон Ғафуров оғоз намудааст.

Баъдан дар вазифаҳои муҳандиси шуъбаи истеҳсолӣ, сармуҳандис, сардори КСМ-4, сардори иттиҳодияи “Тоҷикирсовхозстрой” (шаҳри Хуҷанд) фаъолият доштааст. Аз январи соли 2000 то декабри соли 2006 Вазири мелиоратсия ва хоҷагии оби Ҷумҳурии Тоҷикистон буд.

Аз 27 феврали соли 2007 то 2013 – Раиси вилояти Суғд таъин карда шуд. Назиров Абдуқоҳир Абдурасулович аз аввалин мансабдороне шумурда мешавад, ки дар пайравӣ ба Президент Эмомали Раҳмон, соли 2007 ном ва насабшаро тоҷикӣ-миллӣ Қоҳир Расулзода кард.

Бо фармони президенти Тоҷикистон аз 23 ноябри соли 2013 Қоҳир Расулзода, сарвазири Тоҷикистон таъин шудааст. Ӯ дорои унвони “Корманди шоистаи Тоҷикистон” буда, бо медали ҷашни “20-солагии Истиқлолияти давлатии Ҷумҳурии Тоҷикстон” сарфароз гардидааст.

Қоҳир Расулзода оиладор аст. Ҳамсари Расулзода Иқболой Нозирова мебошад.  Нахуствазири Тоҷикистон соҳиби ду духтар Меҳрангез ва Фарангиз ва як писар Абдурасул аст

Меҳрангез дар озодагиву пухтупаз ҳамто надорад, ба иборае хонаи ӯро бемуболиға ҷойи ҷарроҳӣ метавон истифода кард. Фарангис бошад, забоншиносу тароҳи муд аст.

241
Барчаспҳо:
таҷлил, сарвазир, Тоҷикистон, зодрӯз, Қоҳир Расулзода

Ин чӣ аҷиб аст: бонувон дар ҳаракатҳои аҷиби акробатики нишон доданд видео

0
(Таҷдидшуда 12:21 08.03.2021)
Ду гимнастбоз аз Русия дар параплан ҳаракатҳои гимнастикиро нишон доданд. Дар баландӣ, духтарони бидуни бандҳои эҳтиётӣ ҳаракатҳои акробатикӣ нишон доданд

Ду духтари гимнастбоз аз шаҳри Бердски Русия дар параплан маҳорати худро нишон доданд.

Ҳамаи ҳаракатҳои акробатики дар баландии тақрибан 600 метр нишон дода шуд.

Фозилова нахустин тоҷикдухтарест, ки ба тими Гурҷистон пайваст

Дар ҷаҳон бори аввал аст, ки гимнастбозон дар баландии 600 метр бидуни бандҳои эҳтиётӣ барнома намоиш доданд. Обу ҳаво ва набудани бандҳои эҳтиётӣ ба намоиши ин барнома халал нарасонданд.

Чемпионати ҷаҳон-2022: санаи бозӣ байни мунтахаби Тоҷикистон ва Муғулистон дақиқ шуд

Варзишгарон таъкид карданд, ки бори дигар барнолмаҳо баландтар аз 600 метр намоиш дода мешаванд.

0
Барчаспҳо:
варзиш, ҳаракат, барнома, Русия