Машқи Рисолати сулҳ- 2016

Низомиёни пойгоҳи 201-уми Русия дар кӯҳҳо озмоиш мекунанд

19
(Таҷдидшуда 15:24 07.10.2016)
Яке аз вазифаҳои мушкилтарини омӯзиш барои низомиён аз нишебии ростфаромада ба поён фаромадан мебошад, ки омодагии равонӣ ва ҷисмониро талаб мекунад

ДУШАНБЕ, 7 окт — Sputnik.Дар доманакӯҳҳои қаторкӯҳи Қаршитоғ дар машқгоҳи Ляур қисми ҳарбии иктишофии пойгоҳи 201-уми Русия машқ мекунанд.

Ба ҳарбиён дар шароити ҳаракат намуданро меомӯзонанд.

"Сарбозон ва афсарон малакаи қаблан омӯхтаашонро —аз худ  намудани дараҳои кӯҳӣ, ҳаракати пинҳонӣ дар кӯҳҳо ва наҷот додани зарарбардоштагон дар таҷриба истифода мебаранд",- гуфт ба РИА Новости афсари хадамоти матбуоти Округи марказии ҳарбӣ Николай Беркалов.

Ӯ ҳамчунин қайд намуд, ки яке аз давраҳои мушкилтарини тайёрӣ ин фаромадан аз нишобии ростфаромада мебошад, ки аз ҳарбиён иродаи қавӣ ва омодагии ҷисмониро талаб мекунад.

Машқҳо оид ба омӯзиши кӯҳ дар маҳалли  релефаш мураккаб бо истифодаи таҷҳизоти кӯҳнавардии махсус  суръат мегирад.

Пойгоҳи низомии 201-ум мустақар дар шаҳри Душанбе ва Қурғонтеппа мебошад ва пойгоҳи калонтарини Русия ба ҳисоб меравад, ки дар хориҷа гузошта шудааст.

19
Барчаспҳо:
Машқҳои иктишофон дар кӯҳҳо, Пойгоҳи низомии 201-ум, Тоҷикистон
Президент Республики Таджикистан Эмомали Рахмон

Раҳмон тасвиб кард: то 2021 дар тамоми шаҳру навоҳӣ беморхонаи сироятӣ бунёд мешавад

5
(Таҷдидшуда 14:31 30.05.2020)
Тибқи нақшае, ки онро раисҷумҳур ба тасвиб расонидааст, то 1 сентябри соли 2021 дар тамоми шаҳру навоҳиҳои Тоҷикистон бо ҷалби соҳибкорон беморхонаҳои сироятӣ бунёд мекунанд

ДУШАНБЕ, 30 мая — Sputnik. Дар робита бо муборизаи коронавирус дар Тоҷикистон, то 1 сентябри соли 2021 дар марказҳои ҳамаи вилоятҳо ва шаҳру ноҳияҳо беморхонаҳои касалиҳои сироятӣ бунёд карда мешаванд.

Дар ин бора оҷонсии иттилооти давлатии "Ховар" гузориш медиҳад.

Бино бар иттилои манбаъ, Эмомалӣ Раҳмон, президенти Тоҷикистон ҳанӯз 20 май ҳангоми боздид аз иншооти шаҳри Душанбе ва мулоқот бо кормандони соҳаи тандурустӣ чунин супориш додааст.

Мувофиқи он, нақшаи чорабиниҳо оид ба иҷрои дастуру супоришҳои президент 20 май аз ҷониби Эмомалӣ Раҳмон ба тасвиб расидааст.

"То 1 сентябри соли 2021 бо ҷалби соҳибкорони бонангу номус дар маркази вилоятҳо ва шаҳру ноҳияҳои Тоҷикистон беморхонаҳои касалиҳои сироятӣ сохта ба истифода дода шуда, бо таҷҳизоти зарурии тиббӣ таъмин гарданд", - омадааст дар яке аз бандҳои нақшаи мазкур.

Тибқи ҳамин нақша, вазорати тандурустӣ ва ҳукуматҳои вилояту шаҳру навоҳиҳо то 15 июн бояд беморхонаҳои муваққатӣ ташкил кунанд.

Вазорати тандурустӣ ва ҳифзи иҷтимоии аҳолӣ ва мақомоти иҷроияи ҳокимияти давлатии вилоятҳо ва шаҳру ноҳияҳо бояд фаъолияти бонизоми бемористону дармонгоҳҳо, марказҳои саломатӣ ва бунгоҳҳои тиббиро мунтазам зери назорати қатъӣ қарор диҳанд ва онҳоро бо доруворӣ, таҷҳизоти муосири тиббӣ ва маводи ғизоиву беҳдоштӣ таъмин намуда, сатҳи сифати хизматрасониро ба беморон боз ҳам беҳтар кунанд.

Тибқи Нақшаи чорабиниҳо, Кумитаи сохтмон ва меъморӣ, Дирексияи сохтмони иншооти ҳукуматӣ ва мақомоти иҷроияи ҳокимияти давлатии шаҳри Душанбе бояд солҳои 2020-2021 лоиҳаи сохтмони маҷмааи беморхонаи сироятӣ дар пойтахт барои 1500 катро омода карда, аз моҳи сентябри соли 2020 корҳои сохтмонӣ барои 650 катро шурӯъ намоянд.

То 5 июни соли 2020 бо мақсади муайян кардани сабабу оқибатҳои бемории коронавирус бояд бо ҷалби олимони соҳаҳои тиб, физика, химия, биология, генетика ва дигар бахшҳо гурӯҳи корӣ таъсис диҳанд ва барои амалӣ кардани тавсияҳои онҳо тадбирҳои саривақтӣ андешда шавад.

Бо мақсади муҳайё намудани шароит ва сабук кардани ҳуҷҷатгузорӣ ҳангоми бақайдгирӣ ва истеҳсоли маводи доруворӣ то 10 июли соли равон ба Қонуни ҶТ «Дар бораи маводи доруворӣ ва фаъолияти фармасевтӣ» тағйиру иловаҳо ворид мегардад.

Раҳмон маоши якмоҳаашро барои мубориза бо коронавирус дар Тоҷикистон таҳвил дод

Инчунин мутобиқи ин санад, вазорату идораҳои марбута муваззаф гардидаанд, ки то 1 август барнмоаи давлатии миёнамуҳлати тайёр кардани кадрҳои соҳаи тандурустӣ дар дохил ва хориҷи кишвар, махсусан мутахассисони бахшҳои вирусология, эпидемиология, реаниматология ва бозомӯзии онҳо, дар истеҳсолот ҷорӣ кардани ваксинаҳо, маводи доруворӣ ва воситаҳои муҳофизат бо мақсади пешгирӣ ва табобати бемориҳои сироятии намудҳои нав таҳия ва ба Ҳукумати мамлакат пешниҳод намоянд.

 

5
Дыра в стене. Архивное фото

Марги кӯдаки 3-сола ва захмӣ шудани навраси дигар дар Мурғоб: зери девор монданд

4
(Таҷдидшуда 13:55 30.05.2020)
Кумитаи ҳолатҳои фавқуллодаи Тоҷикистон аз марги кӯдаки се сола ва захмӣ шудани навраси дигаре хабар медиҳад

ДУШАНБЕ, 30  май — Sputnik. Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон иттило дод, ки рўзи 29-уми май дар рустои Аличури ноҳияи Мурғоби ВМКБ девори ҳавлии як сокини ин деҳа чаппа шуд ва ду кӯдаки соҳиби хона зери он монданд.

"Дар натиҷа тифли сесола бо номи Абдурашид дар ҷойи ҳодиса ба ҳалокат расид ва Абдумалики 11-сола бо ҷароҳати вазнин ба бемористони вилоятии шаҳри Хоруғ интиқол дода шуд", - омадааст дар хабарнома.

Манбаъ афзуда, ки сабаби афтиши девори ҳавлӣ маълум нест.

Ғарқшавии кӯдаки 12-сола дар кӯли "Комсомол": ҷасадаш ба хешовандонаш супурда шуд

Ёдрас мешавем, ки КҲФ дирўз аз ғарқи об шудани ду ноболиғ - яке дар ноҳияи Восеъ ва дуюм дар Рашт хабар дода буд.

Ғарқшавии се ноболиғ ва як ҷавондухтари 25 - сола дар Тоҷикистон

Ҳамчунин рӯзи 27-уми майи соли равон, дар шаҳри Норак, тахминан соати 16:00 як кӯдаки 12-солаи деҳаи Туғмазор - 4 ҳангоми оббозӣ дар кӯли "Комсомол" аз беэҳтиётӣ дар об ғарқ шуда буд.

4
Барчаспҳо:
марг, чаппа шудани девор, Мурғоб