Омӯзиши кормандони КҲФ, акс аз бойгонӣ

Дар КҲФ Тоҷикистон хадамоти психологӣ ташкил мешавад

28
Роҳбари Кумитаи ҳолатҳои фавқуллода ва мудофиаи граждании Тоҷикистон Рустам Назарзода қайд намуд, ки ташкил намудани хадамоти психологӣ барои идора муҳим аст

ДУШАНБЕ, 23 ноя — Sputnik.Роҳбари Кумитаи ҳолатҳои фавқуллода ва мудофиаи шаҳрвандии Тоҷикистон Рустам Назарзода бо ҳайъати Миссияи кумитаи байналмиллалии Салиби Сурх(МКБСС) дар Тоҷикистон масъалаи дар КҲФ Тоҷикистон ташкил намудани хадамоти психолигиро баррасӣ намуданд, хабар медиҳад хадамоти матбуоти идора.

"Ҳадафи ташрифи меҳмонон ҳамчунин муҳокимаи фаъолияти МКБСС ва дурнамои ҳамкориҳои кормандони КҲФ дар масъалаи омӯзиш дар соҳаи кӯмакӣ психоллогӣ ва психологию иҷтимоӣ мебошад",-омадааст дар хабар.

Дар рафти сухан Рустам Назарзода қайд намуд, ки ташили хадамоти психологӣ барои идора муҳим мебошад.

"Бо мақсади ташкил ва доир намудани чорабиниҳо оид ба дастгирии психологӣ барои фаъолияти касбии кормандони КҲФ ва расонидани кӯмакҳои психологӣ дар ҳолатҳои фавқуллода зарурати ташкил намудани ин хадамот мавҷуд аст",- гуфт ӯ.

Тарафҳо қайд намуданд, ки ташкил намудани хадамот барои рушди ҳамкориҳои Кумитаи ҳолатҳои фавқуллода ва мудофиаи шаҳрвандии назди Ҳукумати Ҷумҳурии Тоҷикистон ва Кумитаи байналмиллалии Салиби Сурх дар Тоҷикистон муҳити хуби ҳамкорӣ бунёд месозад ва барои ба одамоне, ки ба ҳолатҳои фавқуллода гирифтор шудаанд, кӯмак мерасонад.

28
Барчаспҳо:
хадамоти психологӣ, КҲФ, Тоҷикистон
Жители Душанбе на улице в масках

Вазорат омори навро гуфт: шумораи мубталоёни коронавирус дар Тоҷикистон аз 12 ҳазор гузашт

366
(Таҷдидшуда 21:06 29.11.2020)
Давоми шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11559 (95,1%) баробар гардид

ДУШАНБЕ, 29 ноя — Sputnik. Дар Тоҷикистон шумораи гирифторони коронавируси нав ба 12155 нафар расид, гузориш медиҳад Вазорати тандурустии Тоҷикистон.

Бино бар иттилои манбаъ, шабонарӯзи гузашта дар Ҷумҳурии Тоҷикистон 37 ҳолати нави сироятёбӣ ба COVID-19 ба қайд гирифта шуда, дар муддати аз 30 апрел то 29 ноябр шумораи гирифторони коронавируси нав ба  12155 нафар расид.

Гуфта мешавад, давоми шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11559 (95,1%)  баробар гардид. Инчунин, бар асари ин беморӣ 86 нафар фавтидаанд.

Мурда зинда шуд: пирамарде пас аз "марг" аз коронавирус ба манзилаш баргашт

Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

366
Барчаспҳо:
маризӣ, омор, Тоҷикистон
Абдувоҳид Ҳоҷиев, собиқ мушовири сафири Тоҷикистон дар Русия даргузашт

Даргузашти Ҳоҷиев - собиқ мушовири сафири Тоҷикистон дар Русия

844
(Таҷдидшуда 21:01 29.11.2020)
Дар Маскав дар синни 81-солагӣ собиқ сиёсатмадори тоҷик ва собиқ мушовири сафири Тоҷикистон дар Русия Ҳоҷиев Воҳид даргузашт

ДУШАНБЕ, 29 ноя — Sputnik. Дар бораи даргузашти Воҳид Ҳоҷиев, корманди Шӯрои байналмилалии ҳамватанони Русия, собиқ мушовири сафири Тоҷикистон дар Русия корбарони шабакаҳои иҷтимоӣ хабар додаанд.

Мусалмон ҳангоми дуо, акс аз бойгонӣ
© Sputnik / Александр Полегенько

Бино бар иттилои манбаъ, Ҳоҷиев имрӯз дар синни 81-солагӣ дар Маскав вафот кард.

Ҳоҷиев соли 1939 дар шаҳри Истаравшан ба дунё омадааст. Собиқ котиби авали ноҳияи Фрунзе, ноҳияи Ленини шаҳри Душанбе ва шаҳри Турсунзода буд.

Дертар  ба ҳайси мушовири сафири Тоҷикистон дар Русия кор кардааст.

Воҳид Ҳоҷиев то имрӯз дар Шӯрои байналмилалии ҳамватанони Русия кор мекард.

Дар бораи далели даргузашти ӯ иттилое нест.

Генерали 72 сола, собиқ сарҳадбон: Ҷаббор Ҳомидов даргузашт

Дар ҳамин ҳол, Ҳоҷиевро корбарон чун сиёсатмадори хуб ва инсони нек тавсиф мекунанд.

844
Барчаспҳо:
Русия, Тоҷикистон, даргузашт

Бадтар аз коронавирус: пизишки рус эмидемияи нави мудҳишеро пешбинӣ мекунад

0
(Таҷдидшуда 21:08 29.11.2020)
Доктор Александр Мясников, пизишки номии рус эпидемияи мудҳишеро, ки бадтар аз коронавирус хоҳад буду ҷони нафарони зиёдеро хоҳад бурд, пешбинӣ мекунад

ДУШАНБЕ, 29 ноя — Sputnik. Ба ҷаҳон хатари эпидемияи нави ҷиддие, ки қурбониёни зиёде хоҳад дошт, таҳдид мекунад, пешбинӣ мекунад пизишк Александр Мясников, хабар медиҳад РИА Новости.

Ба гуфтаи вай, ҳамагирии навбатӣ бадтар аз коронавирус хоҳад буд.

Дар робита бо ин, ӯ даъват кардааст, ки як васкини универсалӣ таҳия шавад.

"Масъалан, ваксинаи универсалӣ аз зуком - ба мо маҳз он (эпидемияи зуком - идора) - зукоми хук ё парранда таҳдид мекунад. Тавре вирусшиносҳо менависанд: эпидемияи ҷиддӣ бо мутатсия шудани вирусҳои мову ҳайвон таҳдид мекнунад", - гуфтааст доктор Мясников.

Ба гуфтаи вай, мутатсияи аввал ин гузаштани вирус аз ҳайвон ба инсон ва сипас аз инсон ба инсон мебошад.

Вай афзуд, ки барои коркарди ваксин вақти зиёде талаб мешавад.

Агар ин вирус зуҳур кунад, марг аз он то 40 дарсадро ташкил хоҳад дод, ки то пайдо шудани ваксина аз он даҳҳо миллион нафар мемиранд.

Мясников: дар Маскав аз COVID -19 бештар қафқозҳо ва осиёиҳо азият кашиданд

Ӯ даъват кардааст, ки тамоми олимони ҷаҳон қувваашонро сарф намудаву маблағи зиёде сармоя карда, ин ваксинро бояд сохт.

0
Мавзуҳо:
Пайомадҳои COVID-19 дар Тоҷикистон ва ҷаҳон