Коллективи Omnibus Ensemble. Акс аз бойгонӣ

Playing Together: дар Душанбе консерти хайриявӣ баргузор мегардад

86
(Таҷдидшуда 20:03 14.12.2016)
Бахшида ба рӯзи байналмиллалии маъюбон дар пойтахти Тоҷикистон бо иштироки сарояндагони машҳури шаҳри Душанбе, Хуҷанд, Исфара ва Хоруғ консерти хайриявӣ баргузор мегардад

ДУШАНБЕ, 14 дек — Sputnik. Дар меҳмонхонаи Шератон бахшида ба рӯзи маъюбон барномаи консертӣ таҳти унвони "Нотаи шодӣ" баргузор мегардад, хабар дода мешавад дар саҳифаи фейсбукии консерт.

Дар консерт ҳунармандон аз қабили Содирхон Убайдуллоев, Сардор Солиев, Ҳамза Ҳакимзода, Хушбахт Ниёзов, Шаҳбоз Каримов, Ғуломшо Сафаров, Убайдуллоев Сайдулло, Ёрматов Фарҳод, сурудҳои шашмақом ва навоҳои  бадахшониро пешкаши тамошобинон мегардонанд.

Гуфта мешавад, ки консерт санаи 18-уми декабр соати 17.00 дар меҳмонхонаи Шератон баргузор мегардад. Маблағи аз фурӯши чиптаҳо ба даст омада, ба кӯдакони маъюб дода мешавад.

Бархе аз ҳунармандони консерт иштирокчиёни лоиҳаи Playing Together буда, санъати тоҷикро дар ИМА, Аврупо ва кишварҳои Осиёи Марказӣ муаррифӣ намуданд.

Қаблан Хушбахт Ниёзов яке аз мусиқачиён ва иштирокчии ин лоиҳа дар сӯҳбат бо Sputnik Тоҷикистон қайд намуд, ки иштирок дар лоиҳа барояш дарси бузурги зиндагӣ буд.

Дар ҳоли ҳозир сарояндагон барои гузаронидани консерти зинда омодагӣ мебинанд.

86
Барчаспҳо:
бахшида ба рӯзи маъюбон, консерти хайриявӣ, Ғуломшо Сафаров, Шаҳбоз Каримов, Хушбахт Ниёзов, Душанбе
Мавзуъ
“Даври Орифин”: баромади ҳунармандони театри Хоруғ дар Маскав
Дар Маскав бахшида ба мавлуди Оқохони IV консерт баргузор гардид
Город Вахдат. Архивное фото

Даргузашти 14 нафар дар Ваҳдат ва вазъи аз "корона" вазнинтари муҳоҷирини афғонистонӣ

161
14 муҳоҷири афғонистонӣ аз илтиҳоби шуш ва дигар маризиҳо дар шаҳри Ваҳдати Тоҷикистон ҷон ба ҷонофарин таслим кардаанд

ДУШАНБЕ, 25 май — Sputnik. Абдумусаввир Баҳодурӣ, роҳбари ҷамъияти "Ориёно", созмони муҳоҷирини Афғонистон дар Тоҷикистон, ба Sputnik Тоҷикистон гуфт, дар замони шуюъи "вируси корона" 14 муҳоҷире, ки дар шаҳри Ваҳдат зиндагӣ доштанд, бо ташхисҳои мухталиф ҷонҳои худро аз даст доданд.

"Синни поёнтарини онҳо 55 ва болотаринашон 78 буд. Ба қавли пизишкон, аксари онҳо аз илтиҳоби шуш ва қисме ҳам маризиҳои дилу қанд фавт кардаанд. Намефаҳмам, ки ба "вируси корона" чӣ рабте доштанд. Вабо аст дигар, худиву бегонаро намешиносад. Ҳамаи онҳо дар қабристони Теппаи Роҳатии канори роҳи Душанбе - Ромит дафн карда шуданд", - гуфт Абдумусаввир Баҳодурӣ.

Аммо мавсуф аз вазъи риққатбор, хароб ва душвори иқтисодие низ қисса мекунад, ки дар пайи буҳрони пешомада аз "вируси корона" ба сари муҳоҷирини афғонистонӣ омадааст.

"Муҳоҷирин кор надоранд, қарантина аст, мардум ҷое рафта наметавонад, кирои хона ва дигар мушкилот зиндагии моро аз "корона" бештар сангин сохтааст", - гуфт роҳбари ҷамъияти "Ориёно".

Ба қавли ӯ, дар қатори 250 шаҳрванди Афғонистон, ки ҳафтаи гузашта аз Тоҷикистон хориҷ шуданд, ҳудуди 10 хонаводаи муҳоҷирин аз вилоятҳои Балху Бағлон ва Форёб низ буданд.

"Корти муҳоҷираташонро таслими хадамоти муҳоҷират карданд. Сабти вазорати хориҷаву сафорати Афғонистон карда, визаи хуруҷӣ гирифтанд ва рафтанд", - гуфт Абдумусаввир Баҳодурӣ.

Теъдоди маризони коронавирус дар Афғонистон марзи 8 ҳазор нафарро убур кард

Тибқи иттилои ҷамъияти "Ориёно", муҳоҷирини афғонистонӣ асосан дар шаҳри Ваҳдат, бақия дар вилоятҳои Хатлону Суғд, навоҳии Рӯдакӣ, Ҳисор, Шаҳринав ва шаҳри Душанбе сукунат ихтиёр кардаанд ва умдатан бо дӯкондорӣ, мардикорӣ, сохтмон, таъмири мошин, таксиронӣ ва дигар касбу кор машғуланд.

Аммо роҳбари ҷамъияти "Ориёно" мегӯяд, дар қиёс бо онҳое, ки дар Покистону Эрон муҳоҷир ҳастанд, вазъи шаҳрвандони Афғонистон дар Тоҷикистон хеле беҳтару хубтар аст ва дар баробари онҳо аслан табъиз вуҷуд надорад.

"Қабл аз ҳама дар ду чиз: маориф ва тандурустӣ. Бачаҳои мо дар қатори бачаҳои маҳаллӣ озод мактаб мехонанд. Агар яке аз мо ҳам мариз шавад, шифохонаҳо бидуни мамониат моро қабул ва тадовӣ мекунанд. Ҳамин мардуми мо ҳам, ки фавт карданд, чанд рӯз дар шифохонаи Ваҳдат буданд ва бо онҳо ҳамон гуна бархӯрд сурат гирифт, ки бо мардуми бумӣ буд. Мардум ҳам моро як хориҷӣ намедонад", - гуфт Абдумусаввир Баҳодурӣ.

Тайи 40 соли буҳрон дар Афғонистон як қисмати бузурге аз мардуми ин сарзамин ба кишварҳои хориҷ, бахусус, ҳамсоя паноҳ бурданд. Бино ба иттилои расмӣ, ҳоло ҳудуди 7 миллион шаҳрванди Афғонистон дар Покистону Эрон паноҳанда мебошанд. Тоҷикистон яке аз кишварҳои дигари ҳамсоя аст, ки ҳудуди 4 ҳазор муҳоҷирро аз Афғонистон паноҳ додааст.

161
Барчаспҳо:
Афғонистон, маризон, даргузашт, Ваҳдат
Мавзуҳо:
Пайомадҳои COVID-19 дар Тоҷикистон ва ҷаҳон
Руки в наручниках, архивное фото

Куштори зани 69 - сола дар Бохтар: гумонбар боздошт шуд

107
(Таҷдидшуда 11:59 25.05.2020)
Вазорати умури дохилии Тоҷикистон аз рух додани ҳодисаи нохуш, одамкушӣ дар шаҳри Бохтар хабар медиҳад

ДУШАНБЕ, 25 май — Sputnik. Кормандони милитсия нафари муттаҳам дар куштори сокини шаҳри Бохтарро боздошт намуданд.

Ба иттилои котиботи Вазорати умури дохилии Тоҷикистон, Турдиев Аскар санаи 16-уми майи соли 2020 аз ҷониби кормандони ШВКД дар шаҳри Бохтар  дастгир гардид. Номбурда сокини кӯчаи Ф. Саидови шаҳри мазкур буда, дар куштори зани 69-сола, сокини ҳамин шаҳр гумонбар дониста мешавад.

Куштор: сокини Исфара марди 37-соларо дар ҳавлияш корд зад

Манбаъ тавзеҳ медиҳад, ки зимни тафтишот номбурда дар содир намудани ҷиноят ба пуррагӣ иқрор гашт.

Зимнан, аз ҷониби Прокуратураи шаҳри Бохтар нисбати Турдиев Аскар парвандаи ҷиноятӣ бо моддаи 104 қисми 1 Кодекси ҷиноятии Ҷумҳурии Тоҷикистон оғоз карда, тафтишот идома дорад.

107
Барчаспҳо:
куштор, Бохтар