Туман дар Душанбе. Акс аз бойгонӣ

Ҳушдори КҲФ аз бориши борон, барфи тар ва фаромадани туман

49
Аз 17 то 21-уми декабри соли 2016 якбора бад шудани ҳаво, аз ҷумла бориши борон ва дар баландии 1200 метр бориши барфи тар, ҳамчунин дар водиҳо фаромадани туман дар назар аст

ДУШАНБЕ, 17 дек — Sputnik. Кумитаи ҳолатҳои фавқуллодаи Ҷумҳурии Тоҷикистон дар бораи паст шудани боду ҳаво дар рӯзҳои наздик хабар медиҳад.

Ба шаҳрвандони кишвар тавсия дода мешавад, ки аз рафтуомади безарурат тариқи роҳҳои куҳӣ худдорӣ намуда, аз роҳандозии корҳои саҳро даст кашанд. Аз ронандагон даъват ба амал оварда мешавад, ки дар роҳҳо суръати ҳаракатро баланд накарда, боэҳтиёт бошанд.

Бино ба маълумоти Агентии обуҳавосанҷии мамлакат аз 17 то 21-уми декабри соли 2016 якбора бад шудани ҳаво, аз ҷумла бориши борон ва дар баландии 1200 метр бориши барфи тар, ҳамчунин дар водиҳо фаромадани туман дар назар аст.

Кумитаи ҳолатҳои фавқулодда огоҳ мекунад, ки дар роҳҳои куҳӣ яхбандӣ мешавад ва ин ба ҳаракати нақлиёт дар роҳҳои мошингард таъсири худро мерасонад.

Кумита ба шаҳрвандон тавсия медиҳад, ки аз 17-ум то 23-юми декабр ҳаракатҳои безарурати худро ба роҳҳои куҳӣ маҳдуд карда, ба ронандагон маслиҳат медиҳад, ки  суръати ҳаракат ва фосилаи кофиро риоя намоянд ва ҳамзамон хеле ботаваҷҷуҳ ва ҳушёр бошанд. Мошинҳоро аз рӯйи имкон дар мошинхонаҳо ҷобаҷо кунанд.

49
Барчаспҳо:
туман, борон, боришот, барф, КҲФ Тоҷикистон, Тоҷикистон
Мавзуъ
Дар КҲФ Тоҷикистон хадамоти психологӣ ташкил мешавад
КҲФ Тоҷикистон огоҳ мекунад: дар хунукии рӯзҳои наздик эҳтиёт кунед
Садамаи маргборе, ки дар пайи он Баҳром Ғафурӣ ба ҳалокат расид

КҲФ низ садамаи Баҳром Ғафуриро шарҳ дод ва чанд акс аз ҷои ҳодиса нашр кард

366
Кумитаи ҳолатҳои фавқуллода менависад, ки агар ҳодиса соати 4:00 рух дода бошад, соати 4:18 дастаи наҷоти КҲФ ба ҷои ҳодиса сафарбар шуданд. Аммо мутаассифона ҳунармандро натавонистанд аз марг наҷот диҳанд

ДУШАНБЕ, 7 авг — Sputnik. КҲФ низ садамаи мудҳишеро, ки дар пайи он овозхони номӣ Баҳром Ғафурӣ ҳалок шуд шарҳ додааст.

Бино бар иттилои манбаъ, 04:16 дақиқа ба навбатдори Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикисон дар шаҳри Душанбе хабар расид, ки дар кўчаи  Рудакӣ  106 ноҳияи И.Сомонӣ, садамаи нақлиёти рўх додааст.

Соати 04:18 дақиқа Дастаи зудамали наҷоти Раёсат ба ҷои ҳодиса сафарбар шуд, афзудааст манбаъ.

Садамаи маргбори Баҳром Ғафурӣ
Дафтари матбуоти КҲФ
Садамаи маргбори Баҳром Ғафурӣ

Гуфта мешавад, дар натиҷа муаян карда шуд, ки ронандаи автомашинаи тамғаи «Тайота-Ланкурузер» (200)  рақами давлатиаш 1991 КК 01ТҶ, аз ўҳдаи идораи мошин набаромада, ба автомашинаи партовкаши тамғаи «Камаз»  бармехӯрад.

Бар асари ин бархурди мудҳиш як нафар мусофири он сарояндаи хушхону маъруф Баҳром Ғафурӣ ба ҳалокат расидааст. Дар ин садама ду нафари дигар: Зарипов Баҳодур ва Анварзода Ислом бо ҷароҳатҳои вазнини ҷисмонӣ ба беморхонаи Қарияи Боло интиқол дода шудаанд.

Сабаби ҳодисаи мазкур аз ҷониби кормандони шуъбаи ВКД ва БДА-и ноҳияи Исмоили Сомонӣ муаяйн карда мешавад.

366

Вазорати тандурустӣ омори тозаи коронавирусро нашр кард

137
То санаи 7 август дар мамлакат 6484 (84,1%) нафар аз бемории COVID-19 шифо ёфта, бар асари он 62 нафар фавтидаанд.

ДУШАНБЕ, 7 авг — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир 99  нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 41 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба  7706  нафар баробар гардид.

Ҳамзамон, то санаи   7 август дар мамлакат  6484  (84,1%) нафар аз бемории COVID-19 шифо ёфта,  бар асари он 62  нафар фавтидаанд.

Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

 

137