Занон дар Душанбе, акс аз бойгонӣ

Манъи ҳиҷоб дар Тоҷикистон ғайриқонунист ё бояд аз фарҳанги бегона даст кашид?

1623
(Таҷдидшуда 15:44 28.01.2017)
Вокуниши Рамзан Қодиров ба вазири маорифи Русия, ки пӯшидани ҳиҷобро дар мактабҳо манъ мекунад дар ҷомеаи мусалмонии кишварҳои гугогун баҳси калонеро ба миён овард. Афкори фаъолони тоҷик дар гирди ин масъала дар Тоҷикистон пешниҳоди шумо мешавад

ДУШАНБЕ, 27 янв — Sputnik.Устоди Донишгоҳи славянии Тоҷикистону Русия Шариф Муллоев мегӯяд, ки муассисаи онҳо ба ин гуна мушкилӣ рӯ ба рӯ нашудааст.

Ҳар донишгоҳ талаботи худро дорад

"Пӯшидани ин ё он намуди либос, аз ҷумла ҳиҷоб кори шахсии ҳар кас аст. Аммо чун донишгоҳи мо дунявист, мо донишҷӯе надорем, ки  бо ин намуди либос ҳозир шаванд",- мегӯяд вай.

Ба гуфтаи устоди донишгоҳ муассисаҳои давлатӣ, аз ҷумла таҳсилотӣ  оинномаи худро доранд, ки  баробари дохил шудан, донишҷӯ ӯҳдадор мешавад,  талаботҳои оинномаро иҷро кунад. Аз ҷумла вобаста ба  либос, мегӯяд Шариф Муллоев.

"Агар донишгоҳи мо динӣ ба ҳисоб мерафт, пас марҳамат мо мувофиқи қонуни дохилӣ метавонистем ба пӯшидани ҳиҷоб иҷоза диҳем",- илова намуд вай.

Шариф Муллоев мутмаин аст, ки пӯшадни либос маъно эътиқодро надорад. Ва ҳиҷоб дар системаи маорифи Тоҷикистон мушкилии рақами як нест, ки аз пайи ин масъала рафт.

"Фақат бояд як чизро дар назар дошт, ки ҷомеа аз ҳар гуна падидаҳои ифродагорӣ маҳдуд карда шавад. Ҳоло масъалаи муҳими тамоми ҷаҳон ин мубориза бурдан бо эктримизми сиёсиву динӣ ба ҳисоб меравад",- хулоса намуд Шариф Муллоев.

Ҳиҷоб аз фарҳанги мо нест

Баробари он, ки ҳиҷоб дар ислом вуҷуд дорад, аммо барои тоҷикон ин намудаи либос аз  фарҳанги бегона ба ҳисоб меравад, изҳор дошт корманди Академияи илмҳои Русия Раҳим Бобохонов.

Ба ақидаи корманди калони илми маркази тамаддун ва минтақавии Интитути Африқои АИР  пӯшидани ҳиҷоб низ як ҷузъе аз фарҳанги бегона аст.

"Мо анъанаҳои миллии худро дорем, аз ҷумла либоси миллӣ- чакан, атлас ва рӯймол, ки зебо ва тоҷикона ҳастанд,  пурра метавонад ба талаботҳои ислом ҷавоб диҳад", — мегӯяд вай.

Ба фикри Раҳим Бобохонов  бояд дин аз давлат пурра ҷудо карда шавад, аз ҳамин сабаб рӯй овардан ба урфу одатҳои "бегона" низ дуруст нест.

Фарҳанги тоҷикиро аз исломӣ ҷудо кардан хатост

Ин дар ҳолест, ки собиқ раиси ҷамъитяи тоҷикони Маскав Абдулло Давлатов  изҳор медорад, ки фарҳанги тоҷикиро аз  фарҳанги исломӣ ҷудо кардан ягон маъно надорад.

"Аммо барои онҳое, ки фарҳанг будани ҳиҷобро инкор мекунанд, барои чӣ фарҳанги урёнгардии авурупоӣ фарҳанг асту ҳиҷоб фарҳанг нест?",- мегӯяд вай.

Фарҳанги исломӣ ба мо бегона аст  гуфтан, ягон маъно надорад, мусалмон будан ва тоҷик будан ду мағзи як чормағз аст, ки аз ҳамдигар ҳеҷ гоҳ ҷудо набуд, илова кард Давлатов.

Ба фикри фаъоли ҷамеа либоспӯширо мавриди баҳс қарор гиирифтан ин як "аҳмақист" ва либос пӯшидан ин кори шахсии ҳар кас ба ҳисоб меравад.

Ӯ мегӯяд, ки кишваре, ки озодиро ба шаҳрвандонаш кафолат додааст ва пас аз он пӯшидани ин ё он либосро манъ мекунад, ҳуқуқи шаҳрвандонро поймол кардааст.

"Ман тарафдорӣ озодӣ ҳастам, бигзор ҳар як кас худаш интихоб кунад, чӣ гуна либос мепӯшад, лекин ман зидди бараҳнагардӣ ва ҷорӣ шудани фарҳанги аврупоиям, ки  ба мо бегона аст ва зидди фарҳанги мо равона карда шудаст",- изҳор дошт вай.

Давлатов мутлақо зидди он нафаронест, ки мегӯянд, мо фарҳанги либоспушии хуро дорем.

Ба фикри вай гузаштагони тоҷик ҳам либоси худро мувофиқи талаботи ислом мепӯшиданд, имрӯз танҳо тарзи пӯшидани он бо мурури замон ва талаботи муосир  дигар шудаасту халос.

"Гузаштагони мо пештар либоси миллӣ доштанд, лекин бо гузашти замон он дигаргун  шуд, ҳамон ҳиҷоб ҳам шакли замонавигаштаи докабандии момоҳои мост. Мисле оне ки мо имрӯз ҷелак намепӯшему "костюм" мепушем",- гуфт вай.

Ба гуфтаи собиқ раиси ҷамъияти тоҷикон бояд Тоҷикистон аз мубориза ба ин ё он падида даст кашида, рӯ ба бунёдкорӣ орад.

"Рӯҳонишавии  ҷомеа боиси беҳтар гаштани ахлоқи мардум мегардад ва ҷинояткорӣ дар ҷомеа камтар мешавад",- қайд кард вай.

Бо баробари ин маърифатнок набудан ва маълумоти кофии динӣ надоштани шаҳврандон Абдулло Давлатовро нигарон кардааст, ки боиси нофаҳмиҳо дар ҷомеа мешаванд.

"Дар Тоҷикистон шахсоне низ зиёданд, ки бо забон худро эътиқодманд хонада, аслан дар бораи дин маълумоти кофӣ надоранд, бояд илм омӯхт", —мегӯяд ӯ.

Агар мо бо ислом ва таъсири он ба ҷомеа бо таври дуруст муносибат кунем, ҷомеа солим мегардад ва пеш меравад, изҳор дошт Абдулло Давлатов.

"Лекин шаҳрвандонро аз ҳиҷоб пӯшидан ва масҷид рафтан манъ кардан, ин маънои поймол кардани ҳуқуқи онҳоро дорад",- хулоса намуд Абдулло Двлатов собиқ раиси ҷамъияти тоҷикони Маскав.

1623
Барчаспҳо:
занон, қонун, ҳиҷоб, фарҳанг, донишгоҳ, коршиносон, Тоҷикистон
Марзбони тоҷик, акс аз бойгонӣ

КДАМ Тоҷикистон моҷаро дар марз ва тирпаронии марзбонҳои қирғизро шарҳ дод

473
(Таҷдидшуда 22:44 25.10.2020)
Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд

ДУШАНБЕ, 25 окт — Sputnik. Тибқи иттилои нерӯҳои марзбонии КДАМ, рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд.

"Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд.  Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд", - омадааст дар изҳороти КДАМ.

КДАМ таъкид кардааст, ки ин қитъа қаламрави Ҷумҳурии Тоҷикистон буда, иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Манбаъ афзуд, хушбахтона, аз тирпаронии марзбонони қирғиз сокинони Хоҷаи Аъло осеб надидаанд. Корҳо дар маҳали муноқиша муваққатан қатъ карда шуданд.

Байни сарҳадбонони Ҷумҳурии Тоҷикистон ва Ҷумҳурии Қирғизистон, бо иштироки намояндагони мақомоти иҷроияи ҳокимияти давлатии ду кишвар  гуфтушунид идома дорад.

Хадамоти марзбонии Қирғизистон қаблан бо нашри як изҳорот гуфт, марзбонҳои қирғиз барои ҳифзи ҳаёту саломатӣ ва ҷилавгирӣ аз шиддати вазъ ба ҳаво тир холӣ карданд.

473
Барчаспҳо:
тирпаронӣ, марз, Тоҷикистон
Сбор урожая хлопка в Турсунзаде

Раиси Суғд ба ғолибони озмун аз 5 то 20 ҳазор сомонӣ ҷоиза дод

37
(Таҷдидшуда 20:58 25.10.2020)
Раҷаббой Аҳмадзода, раиси вилояти Суғд, дар майдони “Ситораҳои Хуҷанд”-и маркази вилоят ба ғолибони даври дуюми мусобиқаи меҳнатӣ байни ноҳияҳо ва хоҷагиҳои пахтакор ҷоиза дод

ДУШАНБЕ, 25 окт — Sputnik. Раҷаббой Аҳмадзода, зимни маросими ҷоизасупорӣ аз зарурати рушди соҳаи кишоварзӣ, таъмини корхонаҳои саноатӣ бо ашёи хом ва таъсиси ҷойҳои корӣ гуфт.

Тибқи иттилои ҳукумати вилояти Суғд, дар ҷамъбасти давраи дуюми мавсими пахтачинӣ заркорони ноҳияҳои Спитамен, Мастчоҳ ва инчунин пахтакорони Ҷамоати деҳоти Ғулакандоз ғолиби мусобиқа дониста шуданд.

Манбаъ афзуд, раиси вилоят ба ғолибони мусобиқаи меҳнатӣ "Вимпели сайёр" ва мукофотпулиҳоро дар ҳаҷми 20 000 сомонӣ, 10 000 сомонӣ ва 5 000 сомонӣ тақдим намуд.

Ӯ изҳори боварӣ намуд, ки кӯшишҳои деҳқонони заҳматқарин барои беталаф ғундоштани ҳосили пахта ва дигар зироатҳои кишоварзӣ бо суръати тоза ҷараён гирифта, онҳо соли ҷориро бо дастовардҳои баланд ҷамъбаст менамоянд.

"Қайд кардан зарур аст, ки деҳқонони ботаҷрибаи хоҷагиҳои деҳқонии "Элёр"-и ноҳияи Ашт, "Иҷоракор"-и ноҳияи Бобоҷон Ғафуров, "Озодҷон"-и ноҳияи Зафаробод, "Ҳоҷидеҳқонбой"-и ноҳияи Ҷаббор Расулов, "Гули шодӣ"-и ноҳияи Мастчоҳ, "Зарбдор"-и шаҳри Конибодом ва "Турдиқул ҳоҷӣ"-и ноҳияи Спитамен ва дар маҷмӯъ дар миқёси вилоят 3648 хоҷагии кишоварзӣ дар ин давра ба марраи мурод расида, собит намуданд, ки ташкили дурусти кор, саъю талош, риояи қоидаҳои агротехникии парвариш ва сари вақт сафарбаркунии қувваҳо гарави муваффақиятҳо мебошад.

Ҳукумати Суғд зикр намудааст, ки пахтакорони вилоят азм доранд, ки соли равон дар ҳамаи шаклҳои хоҷагидорӣ наздик 130 ҳазор тон пахта истеҳсол намоянд. То имрӯз бошад наздик 100 ҳазор тонна "тиллои сафед" ба хирман рехта шудааст.

37
Барчаспҳо:
озмун, пахта, Тоҷикистон