Маҳмадсаид Убайдуллоев, акс аз бойгонӣ

Иҷлосияи нуҳум бо қарори Рустам: ваколати Маҳмадсаид Убайдуллоев қатъ шуд

759
(Таҷдидшуда 16:42 07.02.2017)
Имрӯз дар шаҳри Душанбе иҷлосияи нуҳуми ғайринавбатии Маҷлиси вакилони халқии шаҳри Душанбе , даъвати панҷум баргузор гардид
ДУШАНБЕ, 7 фев — Sputnik. Тавре, ки хадамоти матбуоти шаҳрдории пойтахт хабар медиҳад, иҷлосияи мазкур бо иштироки Рустами Эмомалӣ, муовинони раиси шаҳри Душанбе, раисони ноҳияҳо ва васоити ахбори омма баргузор гардид.

Тибқи ахбори манбаъ иҷлосияи нуҳум бо ташаббуси вакилон ва бо қарори раиси шаҳри Душанбе даъват карда шуд.

Вакилони халқ дар аввал, тибқи фармони президенти Тоҷикистон қарори аз вазифаи раиси шаҳр озод шудани Маҳмадсаид Убайдуллоевро тасдиқ карданд.

Дар рафти маҷлис зикр карда шуд, ки Маҳмадсаид Убайдуллоев мехоҳад пеш аз мӯҳлат ваколатҳои вакилиашро қатъ кунад. Ғайр аз собиқ раиси шаҳр,  Улмасов Фируз Убайдуллоевич низ, барои пеш аз мӯҳлат ваколати вакилии хешро дар маҷлиси вакилони халқӣ қатъ кардан, ариза супоридааст.

Иштирокчиёни иҷлосия қарор карданд, ки ваколати вакилии Маҳмадсаид Убайдуллоев ва Улмасов Фируз Убайдуллоевич  пеш аз мӯҳлат қатъ карда шавад.

Дар охир, тибқи қонунҳои амалкунанада дар ҳавзаҳои интихоблотии вакилони фаъолияташаонро қатъкарда, ба  санаи 2-уми апрел  интихобот таъин карда шуд.

Ёдовар мешавем, ки собиқ шаҳрдори Душанбе Маҳмадсаид Убайдуллоев тибқи фармони раисҷумҳури Тоҷикистон Эмомалӣ Раҳмон санаи 12-уми январи соли ҷорӣ аз вазифа сабукдӯш гардида, ба мақоми вай, писари калонии раисҷумҳури Тоҷикистон Рустами Эмомалӣ таъин карда шуд.

Убайдуллоев аз соли 2000- ум  раиси Маҷлиси Миллӣ низ ба ҳисоб меравад ва баъд аз раиси ҷумҳур шахси дуввуми расмӣ дар Тоҷикистон аст.

Ҳамин тавр, Маҳмадсаид Убайдуллоев аз соли 1996 то 12-январи соли 2017 раиси шаҳри Душанбе буд. То замони ба вазифаи раиси шаҳр таъин шуданаш, вай ба ҳайси муовини аввали сарвазири Тоҷикистон(1994-1996) ва  муовини раиси Шӯрои вазирони Тоҷикистон(1992-1994) кор кардааст.
759
Барчаспҳо:
ваколати вакил, Иҷлосияи шаҳрӣ, Маҳмадсаид Убайдуллоев, Душанбе, Тоҷикистон
Президент Республики Таджикистан Эмомали Рахмон

Президент ба маъюбони ноҳияи Ванҷ аробача фиристод

146
Ҳамчунин ба ин қишри осебпазир аз номи раисҷумҳур асобағал, асобағали такягоҳӣ, дастгоҳи шунавоӣ ва таҷҳизоти роҳравӣ барои кӯдакони маюб, ҳамчунин маблағҳои пулӣ тақдим гардид

ДУШАНБЕ, 9 авг — Sputnik. Кӯмакҳои раисҷумҳури Тоҷикистон Эмомалӣ Раҳмон ба қишри осебпазири ҷомеаи ноҳияи Ванҷ дастрас гардид, аз ҷумла президент ба маъюбони ноҳия аробача фиристодааст. Дар ин бора нашрияи "Садои мардум" гузориш медиҳад.

Гуфта мешавад, намояндагони Дастгоҳи иҷроияи Президенти Ҷумҳурии Тоҷикистон, Ҳукумати кишвар ва вазорату идораҳои масъули мамлакат дар ноҳияи Ванҷ ба 59 нафар маюб кумакҳои президентро  расониданд.

"Онҳо аз 14 аробачаи маюбӣ, 10 асобағал, 11 асобағали такягоҳӣ, 12 дастгоҳи шунавоӣ ва 6 таҷҳизоти роҳравӣ барои кӯдакони маюб иборат буданд. Ҳамчунин, ба маъюбони гурӯҳи якум ба маблағи 1500 сомонӣ ва гурӯҳи дуюм 1000 сомонӣ тақдим гардид", - тавзеҳ медиҳад нашрия.

Манбаъ афзудааст, дар маҷмӯъ, ба 122 нафар табақаи эҳтиёҷманди ноҳия кумак расонида шуд.

 

146
Председатель Согдийской области Раджаббой Ахмадзода

Дар Суғд Иттифоқи корхонаҳои саноати сабуки вилоят таъсис ёфт

30
(Таҷдидшуда 14:10 09.08.2020)
Раиси вилоят мақсади асосии таъсиси Иттифоқи корхонаҳои саноати сабукро сарҷамъ шудан ва сари вақт муаммову мушкилиҳои ба миён омадаро баррасӣ ва ҳаллу фасл намудан унвон кард

ДУШАНБЕ, 9 авг — Sputnik. Дар Суғд Иттифоқи корхонаҳои саноати сабуки вилоят таъсис ёфт, гузориш медиҳад дафтари матбуоти раиси вилоят.

Бино бар иттилои манбаъ, раиси вилоят дар ин робита бо иштироки масъулин, аз ҷумла роҳбарони корхонаҳои саноати сабуки вилоят ҷаласа ташкил кард.

Раиси вилоят Раҷаббой Аҳмадзода зимни суханронии хеш ҳадафи аслии таъсиси Иттифоқи корхонаҳои саноати сабуки вилоятро мусоидат ба рушди саноати сабук арзёбӣ кард.

"Сарҷамъ шудан ва дастгирии ҳамдигарии соҳибкорон заминаи мустаҳкаме ҷиҳати амалӣ намудани стратегияи чоруми миллӣ - саноатикунонии босурати кишвар мебошад", - таъкид намуд Аҳмадзода.

Раиси вилоят мақсади асосии таъсиси Иттифоқи корхонаҳои саноати сабукро сарҷамъ шудан ва сари вақт муаммову мушкилиҳои ба миён омадаро баррасӣ ва ҳаллу фасл намудан унвон карда, зикр дошт, ки танҳо бо иттиҳод ва дастгирии ҳамдигарӣ метавон ба муваффақиятҳои бештар ноил шуд.

Имрўз вилояти Суғд иқтидори коркарди сиюҳашт ҳазору панҷсад тонна пахтаро дорад. Ва ин имконият ва иқтидорро истифода кардан ба талошҳои пайвастаи соҳибкорон ва ҳамкории байниҳамдигарии онҳо вобаста аст.

Ду корхонаи Суғд аҳолиро бо ниқобҳои тиббӣ таъмин хоҳад кард

Ҷалби сармоягузорон, истифодаи имкониятҳои дохили кишвар, ҳамкорӣ бо корхонаҳои хурду бузурги кишвар имкон фароҳам меорад, ки ҷойҳои нави корӣ муҳайё ва вазъи иҷтимоии ҷомеа беҳтар шавад.

Зимни суҳбати ошкорову судманд, роҳбарони корхонаҳои саноати сабуки вилоят низ арз доштанд, ки таъсиси чунин як иттифоқ имкон медиҳад, фаъолияти корхонаҳо беҳтар ба роҳ монда шуда, хамкории миёни ширкатҳо густариш ёбад. 

Дар ҷаласа бо пешниҳоди аъзои Иттифоқи корхонаҳои саноати сабук Даврон Ахмедов раиси Иттифоқи корхонаҳои саноати сабуки вилоят интихоб гардид.

30
Скорая помощь на месте взрыва у американского университета в Кабуле, архивное фото

Бештар аз 7 пулиси афғон қурбони инфиҷор дар Ғазна шуданд

0
(Таҷдидшуда 15:53 09.08.2020)
Бино бар иттилои ВКД Афғонистон дар яке аз музофотҳои шарқии кишвар худраве таркидааст. Дар натиҷа 10 корманди пулис ба ҳалокат расидаанд

ДУШАНБЕ, 9 авг — Sputnik. На камтар аз ҳафт корманди мақомоти милисаи Афғонистон дар пайи инфиҷор дар шарқи Афғонистон осеб дидаанд, гузориш медиҳад "Тулӯъ нюс" дар истинод ба мақомоти амниятии кишвар.

Ҳодиса дар шаҳри Ғазнаи Афғонистон рух додааст.

Бино бар иттилои расмӣ, худраве ки таркидааст, ба кормандони пулис тааллуқ доштааст.
Ба гуфтаи намояндаи Вазорати умури дохилаи кишвар, пас аз таркиш ҷангиён кӯшиши ҳамла ба урдугоҳи низомӣ кардаанд, аммо безарар гардонида шуданд.

Таъкид мешавад, ки дар натиҷаи таркиш бештар аз 7 корманди мақомоти ҳифзи ҳуқуқ кушта шуда, 15 нафарашон захмӣ шуданд.

Таъкид мегардад, ки осебдидагонро тавассути чархбол барои расонидани ёрии тиббӣ ба Кобул интиқол доданд.

Марзи Афғонистону Покистон ҳам ноором: даргирӣ дар марз ва захмӣ шудани ду марзбон

То ҳол гурӯҳе ин амали террористиро бар ӯҳда нагирифтааст.

 

0