Барф, акс аз бойгонӣ

Ҳушдорӣ аз IRS: Ҳаракат дар роҳи Душанбе-Хуҷанд боз хатарнок шуд

315
(Таҷдидшуда 12:13 11.02.2017)
Санаҳои 11-12-уми феврали соли равон ҳаракат дар роҳи Душанбе-Хуҷанд хатарнок мешавад, хабар медиҳад ширкати IRS дар Тоҷикистон

ДУШАНБЕ, 11 фев — Sputnik. Бино ба гузориши дафтари матбуоти ширкати IRS дар Тоҷикистон, санаҳои 11-12-уми январ ҳаракат дар роҳи Душанбе-Чаноқ (Хуҷанд) дубора хатарнок мешавад.
Аз ҳамин лиҳоз, ширкат аз тамоми мусофирон хоҳиш намудааст, ки дар тайи ин рӯзҳо аз ҳаракат ба самти Хуҷанд ё Душанбе худдорӣ кунанд.
Ёдовар мешавем, ки танҳо дар моҳи январи соли 2017 дар ҳудуди кишвар 244 ҳолати тармафароӣ, аз ҷумла 152 ҳолат дар ноҳияҳои Рӯшон, Шуғнон, Ишкошим ва Роштқалъаи Вилояти Мухтори Кӯҳистони Бадахшон, 22 ҳолат дар ноҳияҳои Лахш, Сангвор, Тоҷикобод, Рашт, Нуробод, шаҳри Роғун ва 70 ҳолати тармафароӣ дар ноҳияи Варзоб ба қайд гирифта шуд.


Бар асари офати табиӣ дар ноҳияи Варзоб 9 нафар шаҳрвандон, 3 нафар дар Вилояти Мухтори Кӯҳистони Бадахшон ва як нафар дар ноҳияи Тоҷикобод ба ҳалокат расиданд.
Таҳлилҳои панҷ соли охир нишон медиҳанд, ки бинобар тағйир ёфтани иқлим ба вуҷуд омадани ҳодисаҳои табиӣ сол то сол афзоиш меёбад.
Дар панҷ соли охир дар кишвар 603 ҳолати фавқулодаи табиӣ ба қайд гирифта шуда, бар асари он 127 нафар ба ҳалокат расида, ба иқтисодиёти кишвар 600 миллион доллари амрикоӣ зарар ворид гардидааст.
Аз шумораи умумии одамони аз офатҳои табиӣ ҳалокгардида ба омадани сел 38 нафар, ба ҳодисаҳои ярч ва сангрезӣ 23 нафар ва ба тармафароӣ 23 нафар рост меояд.
Аз ҳолатҳои фавқулодаи табиӣ аз ҳама бештар сел ба қайд гирифта шудааст, ки 34 фоизи ҳолатҳои фавқулодаро ташкил медиҳад.

Ҷоизи қайд аст, ки рӯзи гузашта президенти Тоҷикистон марбут ба тармафароиҳои вақтҳои охир дар Тоҷикистон ва хисоротҳои ҷониву иқтисодӣ маҷлиси Комиссияи давлатии ҶТ оид ба ҳолатҳои фавқуллодаро ташкил намуда, дар он масъулини соҳаро фазифадор намуд, ки пурра аз пайи бартараф намудани оқибатҳои офатҳои табиӣ шаванд.

315
Барчаспҳо:
хатарнок шудани роҳ, барф, Душанбе-Чаноқ, ширкати IRS, Тоҷикистон
График роста, архивное фото

Тоҷикистон дурнамои нишондиҳандаҳои макроиқтисодиро барои солҳои 2021-2023 тасдиқ кард

4
(Таҷдидшуда 10:05 10.08.2020)
Интизор меравад, ки дар соли 2021 Маҷмӯи Маҳсулоти Дохилии Тоҷикистон ба 92,684 миллиард сомонӣ (беш аз 9,104 миллиард доллар) хоҳад расид ва рушди воқеии он 7,6% пешбинӣ шудааст

ДУШАНБЕ, 10 авг — Sputnik. Ҳукумати Тоҷикистон дурнамои нишондиҳандаҳои макроиқтисодиро барои солҳои 2021-2023 тасдиқ намуд, хабар медиҳад РИА Новости бо истинод ба хадамоти матбуоти Вазорати рушди иқтисод ва савдо.

"Тибқи ин дурнамо, сарфи назар аз пандемияи коронавирус, интизор меравад рушди иқтисодии кишвар дар се соли оянда ҳадди ақалл 7,6%  боло равад", - омадааст дар изҳорот.

Интизор меравад, ки да соли 2021 маҷмӯи маҳсулоти дохилии Тоҷикистон ба 92,684 миллиард сомонӣ (беш аз 9,104 миллиард доллар) мерасад ва рушди воқеӣ 7,6% пешбинӣ шудааст.

Ҳамзамон тибқи пешбинҳо умед аст, ки дар соли 2022 ҳаҷми ММД 102,97 миллиард сомонӣ (10,1 миллиард доллар) пешбинӣ шуда, пешгӯии афзоиши воқеии он 7,8 фоизро ташкил медиҳад.

Дар соли 2023 интизор меравад, ки ҳаҷми ММД 115,84 миллиард сомонӣ (тақрибан 11,36 миллиард доллар) хоҳад буд, рушди воқеӣ 8% пешбинӣ шудааст.

Тибқи пешбинӣ, таваррум дар соли оянда 6,9% -ро ташкил хоҳад карда, дар соли 2022 суръати он то 6,8% коҳиш хоҳад ёфт, дар соли 2023 то 7,1% афзоиш хоҳад ёфт.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешава 

"Ин пешгӯиҳои макроиқтисодӣ бо назардошти вазъи иқтисодии ҷаҳон ва кишварҳои ИДМ, аз ҷумла вазъи иқтисодиёти шарикони асосии тиҷоратии Тоҷикистон - Русия, Чин, Қазоқистон ва Узбакистон таҳия шудаанд", - гуфтаанд, аз хадамоти матбуотӣ.

Гуфта мешавад, дурнамо оқибатҳои имконпазири иҷтимоию иқтисодии паҳншавии COVID-19, тағирёбии нарх дар бозорҳои ҷаҳонии молро ба назар мегирад.

4
Сомони и рубли, архивное фото

Бонки миллӣ арзиши рубл, доллар ва евроро барои имрӯз эълон кард

101
(Таҷдидшуда 08:56 10.08.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, душанбе, аввали ҳафтаи равон эълон кард

ДУШАНБЕ, 10 авг — Sputnik.  Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1400 сомонӣ  ва дар бозори нақд бошад 0.1430 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз  10.3120 то 10.3200 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.1991 то 12.3000 сомонӣ арзёбӣ кардааст, ки нисбат ба ҳафтаи гузашта гаронтар шудааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1425 то 0,1445 сомонӣ муқаррар шудааст.

Дар “Спитаменбонк” бошад арзиши 1 рубл аз 0.1390 то 0.1460 ва дар “Алифбонк” бошад 1 рубл аз 0,1415 то 0,1470 сомонӣ нишон дода шудааст.

Бонки миллӣ гуфт дар беқурбшавии сомонӣ ва болоравии арзиши доллар кӣ гунаҳгор аст

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

101
Барчаспҳо:
евро, сомонӣ, доллар, рубл, арзиш, Бонки Миллӣ, Тоҷикистон