Чемпионати Русия оид ба бозиҳои компютерӣ

Дар Душанбе вуруди наврасони ба интернет кафе манъ шуд

88
(Таҷдидшуда 18:05 15.02.2017)
Президент дастдур дод, ки минбаъд вуруди наврасон ба интернет- кафеҳо баъди соати 6 манъ карда шавад

ДУШАНБЕ, 15 фев — Sputnik. Президени Тоҷикистон Эмомалӣ Раҳмон дар рафти мулоқот бо роҳбарони фаъолони шаҳри Душанбе масъалаҳои муҳимтарини ҷомеаи пайтахтро яко як матраҳ кард.

Ҳамин тавр, бино бар гузориши дафтари матбуоти раисҷумҳури Тоҷикистон, президенти мамлакат аз камбудиҳои соҳаи  маориф- дар Душанбе, хусусан муассисаҳои таҳсилоти миёна гузориш дод.

Мактабҳои нав бунёд шуданд, аммо ахлоқи хандагон коста аст

Эмомалӣ Раҳмон изҳор дошт, ки дар даврони истиқлолият дар Душанбе 29 бинои таълимӣ ва бо 24 ҳазор ҷойи нишаст, сохта ба истифода дода шудааст.

Бо вуҷуди ин, изҳор дошт раисҷумҳур, "ҳоло ҳам дар шаҳр муассисаҳои таълимӣ намерасанд ва сифати дониш ва ахлоқи хонандагон коста гардидааст".

Эмомалӣ Раҳмон аз шакли идоракунии мактабҳо, сатҳи корҳои тарбиявӣ байни хонандагон, набудани машғулиятҳои муфиди берун аз дарсӣ шикоят намуда, аз Вазорати маориф ва илм якҷо бо мақомоти иҷроияи ҳокимияти давлатии шаҳри Душанбе талаб намуд, ки назоратро дар болои сатҳу сифати таълим дар мактабҳо пурзур намоянд.

Инчунин президент мақомотҳои дахлдорро вазифадор кард, ки дар се соли ахир 25 мактаби нав сохта ба истифорда диҳанд. Худи ҳамин сол сохтмони 9 бинои он оғоз мешавад.

Манъи наврасон ба интернет- кафеҳо баъди соати 6

Барои коҳиш додани шумораи беҳудагардон ва ҷалби хонандагон ба зинаи сеюми таҳсилот тадбирҳои самаранок андешида шавад, таъкид дошт раисҷумҳур.

"Аз ин лиҳоз, ба вазоратҳои корҳои дохилӣ, маориф ва илм, инчунин, мақомоти иҷроияи ҳокимияти давлатии шаҳри Душанбе супориш дода мешавад, ки воридшавии хонандагони мактабҳои таҳсилоти умумӣ ва умуман, наврасони то синни 14 — соларо баъд аз соати шаши бегоҳӣ ба интернет — кафеҳо манъ намоянд",- меорад дафтари матбуоти президент аз суханронии Эмомалӣ Раҳмон.

Нақши волидон

Илова бар ин,  мақомоти дахлдор вазифадор карда шуданд, ки дар хусуси ба Қонун "Дар бораи масъулияти падару модар дар таълиму тарбияи фарзанд" ворид намудани ҷавобгарӣ нисбат ба падару модароне, ки фарзандони худро беназорат мегузоранд, чораҷӯӣ намоянд.

88
Барчаспҳо:
манъи воридот ба интернет-кафеҳо, ахлоқ, таҳсил, наврасон, Вазорати маориф, Тоҷикистон
Скорая помощь, архивное фото

Худкушии духтари 16 -сола дар Бадахшон: дар хонаи хобаш худро ба дор овехт

655
(Таҷдидшуда 17:08 30.11.2020)
Волидони марҳум мегӯянд, фарзандашон ягон мушкилӣ надошт ва далели худкушӣ кардани ӯ барои онҳо номаълум аст

ДУШАНБЕ, 30 ноя — Sputnik. Дар яке аз ноҳияҳои Вилояти Мухтори Кӯҳистони Бадахшон духтари 16- сола худкушӣ кардааст, хабар медиҳад Раёсати КҲФ дар вилояти мазкур.

Ба иттилои манбаъ, ҳодисаи нохуш дар деҳаи Чарсеми ҷамоати деҳоти Вер рух додааст.

"Духтари 16-сола бегоҳи рӯзи 29 ноябр, тақрибан соати 18:30 дақиқа худро дар хонаи хобаш дор кашидааст", - таъкид мешавад дар хабар.

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

Марҳум хонандаи синфи 9 МТМУ № 40 будааст.

Феълан сабаби даст ба худкушӣ задани хонандаи мактаб рушан нест. Волидони марҳум изҳор доштаанд, ки фарзанди онҳо ягон мушкилӣ надошт ва далели худкушӣ кардани ӯ барои онҳо номаълум аст.

РКҲФ дар вилояти Бадахшон мегӯяд, феълан нисбати ин ҳодиса аз ҷониби мақомоти дахлдор тафтишот идома дорад.

655
Барчаспҳо:
ба дор овехтан, духтар, Бадахшон
Арест, архивное фото

Либоси зимистонаву телефонашро аз танаш гирифтанд: ғорати ошкорои як мард дар Хуҷанд

221
(Таҷдидшуда 17:22 30.11.2020)
Вазорати умури дохилиии Тоҷикистон аз боздошти ду марди қаблан судшуда хабар медиҳад, ки дар ғорати ошкорони марди дигар муттаҳам мешаванд

ДУШАНБЕ, 30 ноя — Sputnik. Бино ба иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ду марди 47 ва 43-солаи сокинони шаҳри Истаравшан, ки қаблан низ суд шудаанд, ҳамчун гумонбар дар содир намудани ҷинояти ғоратгарӣ дастгир карда шуданд.

Ба иттилои манбаъ, номбурдагон, санаи 25-уми ноябри соли 2020, тахминан соати 22:00, дар бозори Панҷшанбе бо роҳи зӯроварӣ ва тариқи ошкоро аз тани марди 38-солаи сокини шаҳри Ваҳдат, болопӯши зимистона, 715-сомонӣ ва 1-адад телефони мобилии тамғаи “Хонор А-7”-ро тасарруф намуда, аз ҷойи ҳодиса ғайб задаанд.

Ҷавони 19-сола барои пинҳон намудани дуздии 10 сомонӣ ва гӯшии бесим мошинро оташ зад

Манбаъ мегӯяд, зарари ба ҷабрдида расонидашуда 1 ҳазору 995 сомониро ташкил медиҳад.

Боздошти ду ноболиғи 15 ва 16-сола барои дуздии мошин

ВУД мегӯяд, нисбати номбурдагон парванди ҷиноятӣ бо моддаи 248 қисми 2 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

221
Барчаспҳо:
ғорат, Панҷшанбебозор, Хуҷанд, Тоҷикистон
Ширин Амонзода, вазири меҳнат, муҳоҷират ва шуғли аҳолии Тоҷикистон

Қабули қонуни нав: вазири меҳнат гуфт, мутахассисони бозоргир омода мешаванд

0
(Таҷдидшуда 17:02 30.11.2020)
Ширин Амонзода, вазири нави меҳнат, муҳоҷират ва шуғли аҳолии Тоҷикистон, мегӯяд, дар кишвар қонуне қабул шуд, ки алоқамандии бозори меҳнат ва таҳсилоти касбиро пурзӯр месозад

ДУШАНБЕ, 30 ноя — Sputnik. Маҷлиси намояндагони Тоҷикистон дар ҷаласаи ахир қонун “Дар бораи тайёр намудани мутахассисон бо назардошти талаботи бозори меҳнат”-ро қабул кард.

Ширин Амонзода, вазири меҳнат, муҳоҷират ва шуғли аҳолии Тоҷикистон, мегӯяд, мутобиқи қонуни мазкур ҷалби соҳаҳои иқтисодиёт, аз ҷумла корфармоён ва вазорату идораҳои соҳавӣ ба раванди тайёр кардани мутахассисон пешбинӣ шудаст.

Вазир гуфт, корфармоёну вазоратҳои соҳавӣ бевосита дар таҳияи Таснифоти миллии тахассусҳо, стандартҳои ҳар як касб, баҳодиҳӣ ва шаҳодатномакунии малакаи касбии мутахассисони омодашаванда иштирок менамоянд, ки ин алоқамандии бозори меҳнат ва низоми таҳсилоти касбиро қавӣ мегардонад.

“Илова бар ин, ҷорӣ намудани Низоми миллии тахассусҳо барои фаъолияти босамари минбаъдаи мутахассисони дараҷаи гуногун дар дохил ва хориҷи кишвар мусоидат менамояд”, - хабар дод нашрияи парлумонии “Садои мардум” аз қавли Амонзода.

Ӯ илова намуд, ки бо васеъшавӣ ва амиқгардии дониш ва фаҳмиши функсионалии таснифоти тахассусӣ,  имконоти ҳамкории Тоҷикистон бо давлатҳои дигар зиёд мешавад.

0
Барчаспҳо:
ҷалби мутахассисони ҷавон, бозори меҳнат, Тоҷикистон