Мизи мудаввар дар Душанбюе бахшид аба 25-осли муносибатҳои Тоҷикистону Русия. Акс аз бойгонӣ

Дар Душанбе ВАО-ро дар ноҷур кардани Тоҷикистону Русия айбдор намуданд

145
(Таҷдидшуда 20:29 15.02.2017)
Муносибатҳои 25-солаи Тоҷикистону Русия бо сабаби фаъолияти васоити ахбори оммаи ҳар ду кишвар дар вазъияти кандашавӣ қарор дорад

ДУШАНБЕ, 15 фев — Sputnik. Зимни ҷаласаи "Муносибатҳои Федератсияи Русия ва Ҷумҳурии Тоҷикистон", ки дирӯз дар шаҳри Душанбе баргузор шуд, рӯзноманигорони ҳар ду кишвар дар бад кардани муносибатҳои байни ду мамлакат айбдор карда шуданд.

Ба қавли иштирокдорон сабаби ниҳоӣ, масъалаи алоқаи ҳавоии байни ду кишвар буд, ки васоити ахбор ба он диққати дуруст равона кард.

Абдулло Раҳнамо сардори раёсати таҳлили хориҷии Маркази тадқиқоти стратегии назди президенти ҶТ гуфт:  "Мушкилоти ночиз ҳама вақт байни шаҳрвандони ду кишвар буд ва мемонад. ВАО бошад ба муносибатҳои 25-солаи ҳар ду кишвар нигоҳ накарда, мекӯшад нофаҳмиҳои байнидавлатиро барангезад".

Ба қавли ӯ дар вақтҳои охир мақолаҳои духӯраи журналистон дар бораи ба кадом самт равон будани Тоҷикистон зиёд шудааст.

Абдулло Раҳнамо дар идомаи сӯҳбат ҳушдор дода гуфт: "Мехоҳам ба ҳамагон ҷавоб диҳам, ки Русия доиман шарики стратегии Тоҷикистон боқӣ мемонад. Мавқеъи мо дар муносибатҳо-ин чизест, ки дар шартномаҳои расмии байнидавлатӣ дарҷ гардидааст, на каму на беш. Ҳамаи дигар мавқеъҳо аз ҷумла нигоҳи ин ё он журналист ё ВАО набояд аҳамият дошта бошад, то кулли ҳамкориҳои ду кишварро зери хатар гузорад. Ин хеле хатарнок аст".

Директори маркази таҳлилии Донишгоҳи Маскав оид ба кишварҳои пасошӯравӣ Сергей Рекеда мавқеъи Абдулло Раҳнаморо дастгирӣ карда, қайд намуд, ки дар майдони хабаргузорӣ ҳастанд гурӯҳҳое, ки манфиатдори бадшавии муносибатҳои Тоҷикистону Русия мебошанд.

"Имрӯз дар майдони ВАО-и Русия на ҳамаи оҷонсиҳои хабарӣ ба Русия тааллуқ доранд ва табиатан хабарҳо мавқеъи ҳарранга доранд. Ҳалли ин масъаларо ман дар ҳамгироии бештар миёни майдонҳои хабарии Тоҷикистону Русия ва пеш аз ҳама байни журналистони ду кишвар мебинам. То ҳар яки онҳо дорои имкони баҳогузории вазъият аз дохилро дошта бошанд",-қайд кард Рекеда.

Ба гумони директори Маркази тадқиқоти стратегии назди президенти Ҷумҳурии Тоҷикистон Худобердӣ Холиқназар, аксари хабарҳои бардурӯғ маҳз тариқи ВАО-и Аврупо, ки бо забони русӣ нашр мешаванд, паҳн мегарданд. Ӯ бовар дорад, ки чунни хабарҳо фурӯшӣ мебошанд.

Директор Центра стратегических исследований при президенте РТ Худоберди Холикназара (в центре)
© Sputnik
Зинми мизи мудаввар бахшида ба 25-солагии муносибатҳои Тоҷикистону Русия

 

"Ин муқобилияти давлатҳои пурқудрат дар майдони хабарӣ ҳаст. Онҳо ба мо зарар доранд. Барои ҳамин ба ман гуфтори Владимир Путин, ки чунин хабаргузориҳои хориҷаро ба ҷосус баробар кард, писанд аст. Чун ҳамин тавр аст",-гуфт Худобердӣ Холиқназар.

Натиҷаҳои ҳамкорӣ

Ба фикри аксари коршиносон 25-соли ҳамкории дипломасӣ барабас нарафт. Ҳамин тавр ба қавли сафири Русия дар Тоҷикистон Лякин Фролов, новобаста ба бӯҳрони ҷаҳонӣ додугирифти байни ду кишвар зиёда аз $1миллиард-ро ташкил дод.

"Ҳаҷми сармоягузории Русия дар Тоҷикистон зиёда аз 1,7 миллиард доллар аст. Дар кишвар зиёда аз 130 ширкатҳҳои бо капитали русӣ ва омехта фаъолият мекунанд. Лоиҳаи бузургтарини Русия дар Тоҷикистон нерӯгоҳи Сангтуда мебошад. Ширкатҳои мобилии "Мегафон" ва "Таком" ба иқтисодиёти Тоҷикистон беш аз 50 миллион доллар сармоягузорӣ кардаанд",-қайд кард сафири фавқуллода ва мухтори ФР дар ҶТ.

Ба қавли ӯ рушди муносибатҳоро дар соҳаҳои низомӣ ва техникӣ низ бояд қайд кард. Мисоли рӯшани он ҳузури Пойгоҳи 201-уми Русия дар Тоҷикистон мебошад.

Сафири Русия дар Тоҷикистон ҳамчунин гуфт, ки "дар макотиби олии низомии Русия ҳамасола зиёда аз 600 нафар таҳсили илм намуда, то ҳазор нафар низмоиёни тоҷик дар назди пойгоҳи 201-ум  таълим дода мешаванд".

Дар идомаи сӯҳбат Лякин Фролов соҳаи маорфиро мисол оварда гуфт, ки айни замон дар донишгоҳҳои Русия зиёда аз 20 ҳазор толибилм аз Тоҷикистон таҳсил менамоянд. Беш аз 20 сол донишгоҳи Славянии Тоҷикистону Русия дар тарбияи мутахассисони кордон саҳм мегузорад.

145
Барчаспҳо:
25-солагии муносибатҳои миёни ҶТ ва ФР, мизи мудаввар, Лякин Фролов, Абдулло Раҳнамо, Тоҷикистон
Мавзуъ
ВАО-и хусусии Тоҷикистонро таваррум ва андоз пахш кардааст
ВАО-и Амрико аз зиёд гардидани нуфузи Русия дар Ӯзбакистон ҳарос дорад
Рахимзода посетил семью Эмомовых

Ҳадяи хотиравии Аҳмадзода ба хонаводаи Эмомовҳо

13
(Таҷдидшуда 17:14 03.08.2020)
Раиси вилояти Суғд, Раҷаббой Аҳмадзода аз хонаводаи аз хонаводаи Эмомовҳо боздид карда ба онҳо туҳфаи хотиравӣ тақдим кард

ДУШАНБЕ, 3 авг — Sputnik. Раиси вилояти Суғд Раҷаббой Аҳмадзода дар доираи сафари корӣ ба ноҳияи Ҷаббор Расулов дар деҳаи Тоҷикобод аз манзили истиқоматии шаҳрванд Муҳаммадшоҳ Эмомов боздид намуд, хабар медиҳад хадамоти матбуотии раиси вилоят.

Гуфта мешавад, ки Муҳаммадшоҳ Эмомов ва аҳли оилаи ӯ имрӯзҳо бо истифода аз мавсими ғуну чини ҳосил барои зимистонгузаронӣ омодагӣ мебинанд.

Манбаъ афзуда, ки оилаи Эмомовҳо барои дар сатҳи зарурӣ гузаронидани тирамоҳу зимистон ба таври кофӣ маҳсулоти ниёзи аввал, аз ҷумла гандум, равған, шолӣ, лӯбиё, мош, картошка, пиёз, сирпиёз, сабзиву гӯшти қоқро захира намудааст. Аъзои ин оила ҳамзамон аз дастранҷи деҳқонии худ маҳсулоти консервагӣ низ омода намуда истодаанд.

"Раиси вилоят аснои боздид таҷрибаи ин оиларо дар самти захираи маҳсулот шоистаи пайравӣ арзёбӣ карда, ба Муҳаммадшоҳ Эмомов туҳфаи хотиравӣ тақдим кард", - омадааст дар хабарнома.

Аҳмадзода таъкид кардааст, ки бояд ҳар як оила бо истифода аз имконоти худ маҳсулоти барои рӯзгор заруриро нигаҳдорӣ намояд.

13
Барчаспҳо:
ҳадя, кумак, Раҷаббой Аҳмадзода, Суғд
Сотрудник милиции проверяет салон маршруток в Душанбе

Аз боздошти ронандаҳои маст то афзоиши садамаҳои ҳалокатовар дар Суғд

18
(Таҷдидшуда 17:18 03.08.2020)
Раёсати Вазорати корҳои дохилӣ дар вилояти Суғд омори қоидавайронкунии ҳаракати роҳ аз ҷониби ронандаҳои маст ва шумори садамаҳои ҳалокатбор дар роҳ давоми шаш моҳи охирро шарҳ дод

ДУШАНЕБ, 23 авг – Sputnik. Бино ба оморе, ки дафтари матбуоти РВКД вилояти Суғд дар ихтиёри Sputnik Тоҷикистон қарор дод, давоми шаш моҳи соли ҷорӣ беш аз 300 ҳолати рондани воситани нақлиёт дар ҳолати мастӣ ошкор шудааст.

“Аз ҷониби масъулини Бозрасии давлатии автомобилӣ аз ҷумла идораи воситаи нақлиёт дар ҳолати мастӣ 301, идораи воситаи нақлиёт бе ҳуҷҷатҳои ронандагӣ 227, идораи воситаи нақлиёт бо шишаҳои сиёҳ бидуни иҷозат 182, идораи воситаи нақлиёт бо аломати қайди давлатии бегона 47 ҳолат ошкор карда шуда, дар умум ҳуқуқвайронкунандагон ба маблағи 9 милиону 17 ҳазору 750 сомонӣ ҷаримабандӣ карда шуданд”, - омадааст дар иттилоияи РВКД.

Бино ба иттилоъи манбаъ, дар ин давра аз ҷониби масъулини Бозрасии давлатии автомобилӣ 183 ҳазору 833 ҳолати қоидавайронкунии ҳаракат дар роҳ ба қайд гирифта шудааст.

Ин рақам ҳарчанд дар муқоиса ба ин давраи соли қаблӣ ба андозаи 26, 3 ҳазор ё 12, 5 % кам аст, вале рухдоди садамаҳои ҳалокатовар ба 40 маврид ё 5, 3 % ва шумори шахсони ҳалокшуда ба 58 нафар расидааст, ки ин ба андозаи 20, 8 % зиёд шудааст.

Нимашаб маст аз тарабхона баромаданд: ҳабс ва ҷаримаи 4 духтар барои дашному занозанӣ

РВКД дар Суғд мегуяд, садамаҳои ҳалокатовар дар шаҳрҳои Хуҷанд, Конибодом, Исфара, Панҷакент, ноҳияҳои Мастчоҳ, Ашт ва Шаҳристон бештар қайд гирифта шудааст.

18