Нигина Амонқулова, акс аз бойгонӣ

Овозхонҳои тоҷик: кам шудани андоз дар шароити бӯҳрон айни муддаост

215
(Таҷдидшуда 11:56 17.02.2017)
Мувофиқи қарори ҳукумат «Дар бораи тасдиқи қоидаҳои андозбандии соҳибкорони инфиродие, ки дар асоси патент ё шаҳодатнома фаъолият менамоянд», ҳаҷми меъёри патент ба миқдори 14-15% кам шудааст
ДУШАНБЕ, 17 фев — Sputnik.Ҳамин тавр, дар қатори дигар намуди фаъолиятҳои инфиродӣ ба монанди кашонидани мусофирон, фурӯшандагӣ, пешниҳоди ҳоҷатхона ва сохтмон дар манзилҳои инфиродӣ, нархи патенти ҳармоҳа барои ҳуқуқи овозхонӣ дар тӯй, хизматрасониҳои рақсу мусиқӣ ва барандагӣ арзонтар карда шуд.

Ёдовар мешавем, овозхонҳое, ки фаъолияти худро ҳамчун соҳибкори инфиродӣ бо роҳи патент ба роҳ монда буданд, акнун ба ҷойи 633 сомонии пештара, 540 сомонӣ месупоранд.

Sputnik Тоҷикистон вобаста ба ин навгонӣ дар соҳаи андози Тоҷикистон, дар байни якчанд  овозхонҳои кишвар пурсиш ба амал овард.

Ҳамин тавр, Нигина Амонқулова яке аз  ҳунармандони машҳур мегӯяд,  шаш сол аст, ки фаъолияти худро тариқи патент ба роҳ мондааст.

Ҳунарманд мегӯяд, супоридани маблағи иҷозатнома барояш мушкил набуд, зеро вай аз рӯйи даромади хеш ба андоз маблағ месупорид.

"Баробари  ин иқдоми ҳукуматро дар бораи кам кардани андоз пурра дастгирӣ мекунам, зеро дар шароити имрӯзаи бӯҳрони иқтисодӣ овозхонҳо фаъолияти худро камтар озодтар ба роҳ мемонанд ",- мегӯяд Нигина Амонқулова.

Як ҳунарманди дигари тоҷик, ки хост номашро ифшо накунем, изҳор дошт, ки маблағи андоз аз ҳисоби фаъолияти овозхонӣ дар тӯю маъракаҳо барояш гарон афтод.

"Ман 633 сомонӣ не, 700 сомонӣ месупоридам",- изҳор дошт ӯ ҳангоми сӯҳбат.

Агар 540 сомонӣ шуда бошад ҳам, ман дигар патент карданӣ нестам. Зеро ҳоло туйгарӣ дар Тоҷикистон умуман кам шудааст ва ин хароҷоти зиёдатӣ ба ман лозим нест, илова намуд вай.

Аммо як овозхони дигар бо номи Хушбахт Усмонов, ки дар хизхмати сокинон туйкун қарор дорад, ҷиҳати дигари  фаъолияти соҳибкоронро муайян кард.

Ба гуфтаи вай ҳам, ҳарчанд патент ба 12 моҳ,  яъне тамоми сол кушода шавад, барои овозхонҳо дар фасли сармо умуан "кор" нест ва 633 сомонӣ маблағи калон ба ҳисоб меравад.

"Аввалҳо 350 сомонӣ, баъд 400 сомонӣ, 450 сомонӣ 550 сомонӣ ва баъдтар 633 сомонӣ месупоридем",- мегӯяд Хушбахт.

Аз баски кори мо мавсимӣ аст, мо фақат дар моҳҳоим июн, июл ва август фаъолият мекунем ва дар фаслҳои зимистон мо кор карда наметавонем, илова намуд ӯ.

"Аз ҳамин сабаб, ман чанд бор маҷбур шудам, ки патентамро бандам. Зеро маблағи онро дода наметавонистам",- илова намуд Хушбахт Усмонов.

Ба гуфтаи овозхон ҳоло бар асари бӯҳрони иқтисодӣ мардум камтар тӯй мекунанд ва рақобат калон шудааст.

Аз ҳамин сабаб, поён рафтани нархи андоз барои овозхонҳо камтар бошад ҳам шароит меорад, ки ман албатта хурсанд шудам, гуфт вай.

Ихтиёр Бобоев, барандаи туй ва маърака,  мегӯяд вай новобаста аз кам шудани муштариёнаш дар фасли зимистон андоз месупорад.

"Ман, тобистон хело ба тӯйу маъракҳои зиёд меравам ва ҳеҷ гоҳ патентам намебандам ва ҳар моҳ маблағи онро ба андоз месупорам, гуфт Ихтиёр Бобоев дар сӯҳбат бо Sputnik Тоҷикистон.

215
Барчаспҳо:
тӯй ва маърака, овозхон, андоз, Нигина Амонқулова, Тоҷикистон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1759
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1759
Тонущий человек, архивное фото

Корманди БДА дар Суғд донишҷӯдухтарро аз худкушӣ наҷот дод

805
Раҳматзода Даврон, муовини сардори Бозрасии давлатии автомобилии Суғд ҳамин чанд лаҳза пеш бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кард

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишҷӯдухтари тақрибан 18 - сола ба қасди худкушӣ худро аз болои пул ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт, манзари ғарқшавиро дида, фавран бо қаиқ ба маҳалли ҳодиса шитофта, донишҷӯдухтарро, ки дар ҳоли фурӯрафтан ба коми дарё буд, ҳамроҳ бо кормандони ситоди ҳолатҳои фавқулода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

"Агар Раҳматзода ва кормандони КҲФ фавран ба қаҳри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз ғарқшавӣ наҷот дода шуд”, - иброз намуд, Аваззод.

Ба иттилои манбаъ, зимнан донишҷӯдухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд. Дафъаҳои охир хабарҳо дар бораи даст ба худкушӣ задани шаҳрвандон дар руду обанборҳо зиёд ба нашр мерасад.

"Кӯмак кунед, кӯмак кунед": як ҷавони тоҷик дар Русия ғарқ шудааст

Субҳи имрӯз, дафтари матбуоти КҲФ Тоҷикистон аз дарёфти ду ҷасад аз дарёи Вахш хабар дод. Бар пояи эълони КҲФ зани 31 - солаи сокини ноҳияи Ёвон рӯзи 27 сентябр ҳамроҳ бо духтарчаи 9 - солааш дар дарёи Вахш ғарқ шуд.

805
Барчаспҳо:
донишҷӯдухтар, ғарқ, Суғд