Барфтозакунмм сокинони деҳаҳои ВМКБ. Акс аз бойгонӣ

Сокинони Бадахшон: “меҳмоннавозӣ ва кӯмак ба ниёзмандон анъанаи мост”

1527
(Таҷдидшуда 17:17 17.02.2017)
Рӯзҳои охир дар манотиқи кӯҳии Тоҷикистон махсусан дар Вилояти Мухтори Кӯҳистони Бадахшон бориши зиёди барф ба қайд гирифта шуд

ДУШАНБЕ, 17 фев — Sputnik. Вале сокинони ҷавони вилоят ба сардии ҳаво  нигоҳ накарда, ба тозакунии бомҳои хонаҳои ҳамсояҳо ва ниёзмандон машғул ҳастанд.

Ин "традиция"-и мост..

Корбари фаъоли шабакаи иҷтимоии Фейсбук Назархудо Дастамбуев дар бораи барфи зиёди роҳи Душанбе-Хоруғ нақл карда мегӯяд, ки бори дигар дар рӯзҳои сарди зимистон ба меҳмонавозии мардуми тоҷик мӯътақид шуд.

Аз нақли ӯ бармеояд, ки ҳангоми ҳаракат дар роҳи Душанбе-Рӯшон онҳо бо сабаби фаромадани тармаи воҳиманок дар деҳаи Шипад (Хъиподъ — Пои Шоҳ) дармонадаанд.

"Шаб расидем, кудакон ва занонро дар як хонаи деҳа ҷо ба ҷо кардем….соҳибони хона ҳамин хел қабул карданд, ки гуё хешу табор омадаст ва як умр шинос будаанд",-нақл мекунад Дастамбуев.

Дар идома сӯҳбат Назархудо аз азми ҷавонони деҳаи Шипад пурсон шудааст.

"Писарбачаҳои деҳаро ҷамъ дидам ва асбобҳои барфтозакунӣ дар дасташон, пурсидам: куҷо дар ин торикии барфӣ, гуфтанд: меравем аз ҳавлии хонаи якуми деҳаро аз барф тоза карда то саҳар бояд охиронашро пок кунем…ин гуфтанд "традиция"-и мост….."!

 

Натанҳо дар Шипад

Бар асари бориши аз меъёри зиёди барф дар ВМКБ вазъи аз нигоҳи табиӣ ноустувор ба амал омадааст. Аз ҳама бештар вазъи нигаронкунанда дар ноҳияи Ванҷ, махсусан дар Ванҷи боло дар ҳудуди ҷамоати Рованд ба вуҷуд омадааст.

Дар баъзе деҳаҳо баландии барф то 2,5 метр мерасад.

Вазъият қариб, ки дар тамоми ноҳияҳои ВМКБ  якранг аст. Барфи зиёд, сардӣ, роҳҳои баста ва ҷавонони барфтозакун.

Ҳамин тавр қариб дар тамоми деҳаҳои ВМКБ аз ҳисоби ҷавонони фаъол гурӯҳҳои махсус ташкил карда шудаанд. Вазифаи асосии онҳо дар ин рӯзҳои сард, тоза кардани роҳҳо ва бомҳои хонаҳо аз барф мебошад.

Сокини деҳаи Емси ноҳияи Рӯшон-Хушед (ном иваз шудааст), дар сӯҳбат бо Sputnik Тоҷикистон гуфт, ки ҳар рӯз ҳамроҳи дигар ҷавонони деҳа ба тоза кардани бомҳои хонаҳо машғул мешаванд: "Рӯзҳои охир барф хеле зиёд борид, мо кӯшиш мекунем сари вақт ҳамаи бомҳоро аз барф тоза кунем".

Шарҳи раиси вилоят

Шодихон Ҷамшед, раиси вилоят дар сӯҳбати ба "Озодагон" гуфтааст, ки иқдори техникии вилоят барои муътадил кардани вазъи бавуҷудомада кофист ва ҳоло тамоми техникаи мавҷуд дар вилоят ҳам аз ниҳодҳои давлатӣ ва ҳам аз соҳибкорону шахсони ҳуқуқӣ барои муътадил кардани вазъ ҷалб шудаанд:

"Дар Бадахшон, ки 10-20 соли охир чандон барфи зиёд намеборид барфбории шадиди имсол мардумро ба воҳима андохт. Табиат аст, барф меборад, як муддат роҳҳо баста мешаванд ва ин ногузир аст. Мо бо табиат мубориза бурда наметавонем, вале тамоми чораҳоро дида истодаем".

Хатар боқӣ мемонад

Тибқи маълумоти Агентии обуҳавошиносии кишвар то 20 феврали соли 2017 дар қаламрави  мамлакат ҳаво номусоид  боқӣ монда, боришоти зиёд — дар водиҳо борони пуршиддат ва дарозмуддат, дар ноҳияҳои кўҳӣ барфи тар пешгўӣ карда мешавад.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бори дигар ба шаҳрвандон  муроҷиат намуда, хоҳиш менамояд, ки ба қадри имкон аз сафарҳо ба ноҳияҳои кӯҳистон дар ин рӯзҳо худдорӣ намоянд.

Ҳаёти худ ва ҳаёти наздиконатонро зери хатар нагузоред!

1527
Барчаспҳо:
баста шудани роҳҳо, барф, Шодихон Ҷамшед, ВМКБ
Мавзуҳо:
Бориши барф дар Тоҷикистон ва оқибатҳои он (21)
Мавзуъ
Ҳушёр бош !: КҲФ аз лағзиши барф ва афтиши шушаҳои ях огоҳ мекунад
Таъмини амният: аз супоришҳои Эмомалӣ то вохӯрии КҲФ бо созмонҳои хориҷӣ

Вазорати тандурустӣ омори тозаи коронавирусро нашр кард

82
То санаи 7 август дар мамлакат 6484 (84,1%) нафар аз бемории COVID-19 шифо ёфта, бар асари он 62 нафар фавтидаанд.

ДУШАНБЕ, 7 авг — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир 99  нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 41 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба  7706  нафар баробар гардид.

Ҳамзамон, то санаи   7 август дар мамлакат  6484  (84,1%) нафар аз бемории COVID-19 шифо ёфта,  бар асари он 62  нафар фавтидаанд.

Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

 

82
Певец Бахром Гафури

"Хона холист, хонаи мо": охирон суруде, ки Баҳром Ғафурӣ натавонист пурра мунташир кунад

345
Ҳамагӣ се рӯз пеш ҳунарманд дар саҳифаи иҷтимоӣ хабар додааст, ки дар тараддуди нашри суруди нав аст. Ӯ дар ин таронаи ғамгинаш аз хонаи холие нола мекунад

ДУШАНБЕ, 7 авг — Sputnik. Имрӯз, 7 август дар пайи як садамаи мудҳиш сарояндаи нотакрор Баҳроми Ғафурӣ даргузашт. Ин хабар ҳазорҳо мухлиси ҳунармандро чи дар дохили Тоҷикистон ва чи дар берун аз он ғамгин кард. Sputnik Тоҷикистон машҳуртарин таронаҳои Баҳром Ғафуриро ба ёд меорад.

Ҳунарманд солҳои 2000-ум бо таронаи "Парешон шудаи ай дил" шӯҳрати беандоза ба даст овард ва вориди шоу-бизнес шуд. 

Ҳамин тавр, таронаҳои Баҳром Ғафурӣ зуд хит мешуданд ва ӯ борҳо дар озмуни "Суруди сол" иштирок намудаву ҷоиза гирифтааст. Суруди "Фариштамоҳ" яке аз онҳост.

Ҳамчунин, овозхон чанд маротиба дар озмуни байналмилалии Big Music Awards  ҳунарнамоӣ кардааст. Ӯ ҷоизаҳои ин озмунро солҳои 2009, 2011 ва 2014 ба даст овардааст.

 

Ҳамагӣ се рӯз пештар Баҳром Ғафурӣ дар саҳиаи Истаграмаш хабар дод, ки дар тараддуди нашри суруди наваш аст. Аммо тақдир ба ӯ даст надод, ки ин таронаро пурра мунташир кунад.

Қисме аз тарона дар саҳифаи иҷтимоии ҳунарманд нашр шудааст.

Ӯ зоҳиран ин таронааро низ ба муҳоҷират бахшидааст. Дар он ҳунарманд аз хонаи холие шикоят мекунад, ки бе нафари наздик мисли зиндон аст.

"Хона холист, хонаи мо, хонаи қашангу зебо, хона холист ҳама сарсон, хона бе ту мисли зиндон", шиква мекунад вай дар тарона.

Посмотреть эту публикацию в Instagram

💫Taraddudi surudhoi nav💫 @bakha84 @hasan_madudov

Публикация от 𝐁𝐀𝐇𝐑𝐎𝐌 𝐆𝐇𝐀𝐅𝐔𝐑𝐈 (@bahrom_ghafuri_official)

Баҳром Ғафурӣ яке аз ситораҳои дурахшони саноъати мусиқии тоҷик тайи 20 соли ахир буд, ки бо услуби хосу садои нотакрор беш аз 10 албомро ҳадяи мухлисонаш кардааст.

Дар миёни мардум албумҳои ӯ “Милоди орзу”, “Ошиқи рӯят” ва “Муҳоҷирбача” маҳбубияти хос доранд. Баҳром Ғафурӣ 29 феврали соли 1976 дар деҳаи Ҳазрати Мавлонои ноҳияи Рӯдакӣ (собиқ Ленин) таваллуд шуда, хатмкардаи факултаи иқтисоди Донишгоҳи миллии Тоҷикистон буд.

345