Ҳавопаймои ширкати Сомон Эйр. Акс аз бойгонӣ

Бидуни шарҳ: Узбакистон сабаби қатъи парвозро "амният" гуфт

125
(Таҷдидшуда 12:48 21.02.2017)
Вазорати нақлиёти Тоҷикистон рӯзи сешанбе изҳор дошт, ки ҷониби Узабакистон парвози аввалини Душанбе-Тошкандро бо сабаби "амният" бекор кард

ДУШАНБЕ, 21 фев — Sputnik. Бино ба иттилои оҷонсии хабарии  РИА Новости, Узбакистон парвози аввалини расмии ширкати ҳавопаймоии "Сомон Эйр"-ро бо сабаби масоили амниятӣ бекор кардааст.

Ширкати ҳавопаймоии "Сомон Эйр" санаи 20-уми феврал хабар дод, ки парвози хатсайри Душанбе-Тошканд бо сабаби қабул накардани парвоз аз ҷониби Узбакистон бекор карда шуд.

Тавассути ҳавопаймои аввалини ширкати "Сомон Эйр" бояд 26 мусофир парвоз мекард. Ширкати ҳавопаймоии Тоҷикистон хабар дод, ки дар айни замон "Сомон Эйр" ва "Узбекские авиалинии" сари ҳар чӣ зудтар аз байни бурдани ноқисҳои техникӣ ва ба роҳ мондани парвоз кор мекунанд.

Муовини вазири вазорати нақлиёти Тоҷикистон Шералӣ Ганҷалзода ба РИА Ноовсти гуфт:

"Моро тариқи телефон дар бораи бекор кардани парвоз бо иллати масоили амниятӣ огоҳ карданд, вале дар баробари ин ягон шарҳ дода нашуд. Аммо санаи 10-уми феврал зимни ҷаласа дар Тошканд, ҷониби Узбакистон ба ширкати ҳавоии Тоҷикистон иҷозатномаи парвози рӯзи 20-уми февралро дода буд".

Дар навбати худ дар Тошканд мегӯянд, ки ширктаи "Сомон Эйр" ҳқҷҷатҳои лозимаро барои парвози рӯзи 20-уми феврал омода накардааст.

Намояндаи ширкати ҳавопаймоии "Узбекистан хаво йуллари" ба васоити  ахбори оммаи Узбакистон гуфтааст, ки аз рӯи шартнома "Сомон Эйр" бояд ҳуҷҷатҳои лозимаро ба ҷониби Узбакистон чанд рӯз қабл аз санаи парвоз равон мекард, вале чунин нашуд.

125
Барчаспҳо:
бидуни шарҳ, манъи парвозҳо, амният, Шералӣ Ганҷалзода, Тоҷикистон
Мавзуҳо:
Ҳодисаи таърихӣ: оғози парвози Душанбе-Тошканд баъди 25-сол (7)
Участие Рустама Эмомали в XIII пленарного заседания Парламентской Ассамблеи Организации Договора о коллективной безопасности (ПА ОДКБ)

Рустами Эмомалӣ бо дигар аъзоёни СААД амнияти минтақаро баррасӣ кард: пешниҳодаш қабул шуд

41
Рустами Эмомалӣ, Раиси Маҷлиси миллии Маҷлиси Олии Тоҷикистон нахустин маротиба дар ҷаласаи Шӯро ва Ҷаласаи 13-уми Ассамблеяи Парламентии Созмони Аҳдномаи Амнияти Дастаҷамъӣ ширкат ва суханронӣ кард

ДУШАНБЕ, 30 ноя — Sputnik. Бино ба иттилои Наврӯз Қурбонзода, ёвари Раиси Маҷлиси миллӣ оид ба робита бо ВАО, дар ҷараёни кори ҷаласаҳои зикршуда дар қатори масъалаҳои ташкилӣ натиҷаҳои корҳо оид ба амалигардонии афзалиятҳои раёсати Федератсияи Россия дар Созмони Аҳдномаи амнияти дастаҷамъӣ дар соли 2020, вазъият дар минтақаи зери масъулияти Созмони Аҳдномаи амнияти дастаҷамъӣ ва чораҳои муқовимат ба таҳдиду хатарҳо ба амнияти дастаҷамъӣ баррасӣ шуд.

Ба иттилои манбаъ, ҳамзамон дар идомаи ҷаласа лоиҳаи санадҳои қонунгузории намунавӣ ва тавсияҳо оид ба масъалаҳои мудофиа ва амният, ҷараёни имплементатсияи меъёрҳои санадҳои қонунгузории намунавӣ дар қонунгузории миллии давлатҳои аъзои созмон, лоиҳаи Барномаи фаъолияти Ассамблеяи Парламентии Созмони Аҳдномаи амнияти дастаҷамъӣ оид ба наздикшавӣ ва ҳамгироии қонунгузории миллии давлатҳои аъзои СААД барои солҳои 2021-2025 мавриди баррасӣ қарор гирифтанд.

Рустами Эмомалӣ зимни суханронӣ дар ҷаласа бо дарназардошти Раёсати Ҷумҳурии Тоҷикистон дар Созмони Аҳдномаи амнияти дастаҷамъӣ дар соли 2021 пешниҳод кардаст, ки ҷаласаи навбатии Ассамблеяи Парламентии Созмони Аҳдномаи амнияти дастаҷамъӣ нимсолаи якуми соли 2021 дар Тоҷикистон доир карда шавад.

“Иштирокчиёни ҷаласа пешниҳодро якдилона қабул карданд”,-афзудааст манбаъ.

Ҳамзамон зимни ҷаласа таҳияи феҳрасти ягонаи созмонҳои террорист аз ҷониби Вячеслав Володин, роҳбари Думаи давлатии Русия садо додааст.

Мақомдорони СААД вазъи муҳоҷират дар пандемияро баррасӣ кардаанд

Номбурда гуфтааст, таҳияи феҳрасти ягонаи созмонҳои террористӣ имконият медиҳад, ки ба ҷинояткории байналмилалӣ муборизаи самаранок бурда шавад.

“Аз ҳама муҳим, мо холигии ҳуқуқиро бартараф мекунем, вақте созмон, ки дар як кишвари СААД террористӣ эътироф шудааст, метавонист дар қаламрави кишвари дигар озодона фаъолият кунад”, - изҳор дошт Володин.

Ӯ илова намуд, ки ба ҳамин восита хадамоти махсуси кишварҳои узв метавонанд ҳамкориро ба сатҳи нисбатан баланд бардоранд.

41
Барчаспҳо:
қонунгузорӣ, мудофиа, амният, суханронӣ, ширкат, СААД, Рустами Эмомалӣ, Тоҷикистон
Скорая помощь, архивное фото

Худкушии духтари 16 -сола дар Бадахшон: дар хонаи хобаш худро ба дор овехт

887
(Таҷдидшуда 17:08 30.11.2020)
Волидони марҳум мегӯянд, фарзандашон ягон мушкилӣ надошт ва далели худкушӣ кардани ӯ барои онҳо номаълум аст

ДУШАНБЕ, 30 ноя — Sputnik. Дар яке аз ноҳияҳои Вилояти Мухтори Кӯҳистони Бадахшон духтари 16- сола худкушӣ кардааст, хабар медиҳад Раёсати КҲФ дар вилояти мазкур.

Ба иттилои манбаъ, ҳодисаи нохуш дар деҳаи Чарсеми ҷамоати деҳоти Вер рух додааст.

"Духтари 16-сола бегоҳи рӯзи 29 ноябр, тақрибан соати 18:30 дақиқа худро дар хонаи хобаш дор кашидааст", - таъкид мешавад дар хабар.

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

Марҳум хонандаи синфи 9 МТМУ № 40 будааст.

Феълан сабаби даст ба худкушӣ задани хонандаи мактаб рушан нест. Волидони марҳум изҳор доштаанд, ки фарзанди онҳо ягон мушкилӣ надошт ва далели худкушӣ кардани ӯ барои онҳо номаълум аст.

РКҲФ дар вилояти Бадахшон мегӯяд, феълан нисбати ин ҳодиса аз ҷониби мақомоти дахлдор тафтишот идома дорад.

887
Барчаспҳо:
ба дор овехтан, духтар, Бадахшон