Бинои ширкати Telia Company. Акс аз бойгонӣ

Tcell фурӯши аксияҳоро ба фонди Оқохон роҳи наҷот аз бӯҳрон медонад

430
(Таҷдидшуда 19:27 01.03.2017)
Якчанд моҳ аст, ки ширкати Tcell барои фурӯши аксияҳо аз Хадамоти зиддиинҳисории назди ҳукумати ҶТ иҷозатнома интизор аст

ДУШАНБЕ, 1 мар — Sputnik.Роҳбарияти скандинавягии опретори телекоммуникатсонии Telia Company- дар Тоҷикистон зери тамғаи Tcell фаъолият мекунад, мехоҳад бо сарвазири кишвар Қоҳир Расулзода вохӯрӣ кунад, хабар медиҳад хадамоти матбуоти ширкат.

Роҳбари ширкат Йохан Деннелинд ба сарвазири тоҷик Қоҳир Расулзода, вазири корҳои хориҷӣ Сироҷиддин Аслов ва раиси дастгоҳи иҷроияи президент Озода Раҳмон мактуб равон карда, хоҳиш намудааст, ки дар фуруши аксияҳои ширкат ба Фонди рушди иқтисоди Оқохон кӯмак расонад.

"Ширкати Telia барои баррасии масъалаи муҳим мехоҳад бо сарвазири ҶТ во хӯрад.  Оператори мобилии Тсеll ҳоло дар вазъи мушкилӣ иқтисодӣ қарор дорад ",- омадааст дар мавод.

Аллакай якчанд моҳ мешавад, ки "намояндаи тоҷики" Telia аз Хадамоти зиддиинҳисории назди ҳукумати ҶТ иҷозати фуруши як қисми аксияҳояшро нигарон аст.

"То имрӯз ширкат ягон ҷавоб нагирифтааст. Дар ҳоле ки мувофиқи қонун мӯҳлати дидан баромадани ҳуҷҷати пешниҳоднамудаи ширкат аз ҷониби хадамот санаи 29-уми ноябри соли 2016 ба итмом расидааст. Ғайр аз ин, ба ширкат якчанд ҷарима баста шудааст,ки ин ҳам ғайриқонунӣ мебошад",- қайд карда мешавад дар матн.

Ба болои ин, ширкати Tcell ба опретори давлатии "Тоҷикителеком" қарз додааст, ки то ҳол бар нагардонидааст.

Барои ҳамин ширкат ба ҳукумати Тоҷикистон муроҷиат кардааст.

Моҳи сентябри соли 2016 маълум гардид, ки Telia мехоҳад 60% —и аксияҳояшро ба Фонди иқтисодии рушди Оқохон (AKFED) фурӯшад. Роҳбарияти ширкат ба нақша гирифта буд, ки то охири соли 2016 шартнома бандад.

Маблағи умумии ширкат 66 миллион долларро ташкил медиҳад, аз ин рӯ 60 фоизи он — 39 миллион доллар мешавад.

TeliaSonera- ширкати телекомуникатсиониест, ки дар Шветсия ва Финландия дар ҷойи аввал қарор дорад. Ширкат 6-умин опретори калонтарин дар Аврупо ба ҳисоб меравад.

Дар Тоҷикистон 53% оператори "Индиго Тоҷикистон", ки зери тамғаи Tcell фаъолият мекунад ба TeliaSonera таалуқ дорад.

Якчанд моҳ пештар ширкат барои "пинҳокорӣ дар андоз" ба 155 миллион сомонӣ ҷарима карда шуд.

Ба гуфтаи доктори илҳои сиёсӣ Академияи илмҳои Русия Зарина Дадобоева  дар Тоҷикистон дар соҳаи андоз ва инвеститсия якчанд мушкилиҳо дида мешавад.

"Ҳоло дар соҳаи телекомуникатсияонӣ ба якчанд мушкилӣ рӯ ба рӯ шудааст. Як қатор ширкатҳо изҳор доштанд, ки фаъолияташон  дар Тоҷикистон ягон фоида намеорад ва мехоҳанд онро қатъ кунанд. Ман боварӣ дорам, ки ба ин ҳолат кумитаи андоз ва дигар мақомотҳои лозимӣ роҳи ҳаллро пешниҳод мекунанд ва ширкатҳо фаъолияти худро давом хоҳанд дод",- изҳор дошт Дадабоева ба Sputnik Тоҷикистон.

430
Барчаспҳо:
аксия, андоз, бӯҳрон, опретори мобилӣ, Тоҷикистон
Город Вахдат. Архивное фото

Даргузашти 14 нафар дар Ваҳдат ва вазъи аз "корона" вазнинтари муҳоҷирини афғонистонӣ

32
14 муҳоҷири афғонистонӣ аз илтиҳоби шуш ва дигар маризиҳо дар шаҳри Ваҳдати Тоҷикистон ҷон ба ҷонофарин таслим кардаанд

ДУШАНБЕ, 25 май — Sputnik. Абдумусаввир Баҳодурӣ, роҳбари ҷамъияти "Ориёно", созмони муҳоҷирини Афғонистон дар Тоҷикистон, ба Sputnik Тоҷикистон гуфт, дар замони шуюъи "вируси корона" 14 муҳоҷире, ки дар шаҳри Ваҳдат зиндагӣ доштанд, бо ташхисҳои мухталиф ҷонҳои худро аз даст доданд.

"Синни поёнтарини онҳо 55 ва болотаринашон 78 буд. Ба қавли пизишкон, аксари онҳо аз илтиҳоби шуш ва қисме ҳам маризиҳои дилу қанд фавт кардаанд. Намефаҳмам, ки ба "вируси корона" чӣ рабте доштанд. Вабо аст дигар, худиву бегонаро намешиносад. Ҳамаи онҳо дар қабристони Теппаи Роҳатии канори роҳи Душанбе - Ромит дафн карда шуданд", - гуфт Абдумусаввир Баҳодурӣ.

Аммо мавсуф аз вазъи риққатбор, хароб ва душвори иқтисодие низ қисса мекунад, ки дар пайи буҳрони пешомада аз "вируси корона" ба сари муҳоҷирини афғонистонӣ омадааст.

"Муҳоҷирин кор надоранд, қарантина аст, мардум ҷое рафта наметавонад, кирои хона ва дигар мушкилот зиндагии моро аз "корона" бештар сангин сохтааст", - гуфт роҳбари ҷамъияти "Ориёно".

Ба қавли ӯ, дар қатори 250 шаҳрванди Афғонистон, ки ҳафтаи гузашта аз Тоҷикистон хориҷ шуданд, ҳудуди 10 хонаводаи муҳоҷирин аз вилоятҳои Балху Бағлон ва Форёб низ буданд.

"Корти муҳоҷираташонро таслими хадамоти муҳоҷират карданд. Сабти вазорати хориҷаву сафорати Афғонистон карда, визаи хуруҷӣ гирифтанд ва рафтанд", - гуфт Абдумусаввир Баҳодурӣ.

Теъдоди маризони коронавирус дар Афғонистон марзи 8 ҳазор нафарро убур кард

Тибқи иттилои ҷамъияти "Ориёно", муҳоҷирини афғонистонӣ асосан дар шаҳри Ваҳдат, бақия дар вилоятҳои Хатлону Суғд, навоҳии Рӯдакӣ, Ҳисор, Шаҳринав ва шаҳри Душанбе сукунат ихтиёр кардаанд ва умдатан бо дӯкондорӣ, мардикорӣ, сохтмон, таъмири мошин, таксиронӣ ва дигар касбу кор машғуланд.

Аммо роҳбари ҷамъияти "Ориёно" мегӯяд, дар қиёс бо онҳое, ки дар Покистону Эрон муҳоҷир ҳастанд, вазъи шаҳрвандони Афғонистон дар Тоҷикистон хеле беҳтару хубтар аст ва дар баробари онҳо аслан табъиз вуҷуд надорад.

"Қабл аз ҳама дар ду чиз: маориф ва тандурустӣ. Бачаҳои мо дар қатори бачаҳои маҳаллӣ озод мактаб мехонанд. Агар яке аз мо ҳам мариз шавад, шифохонаҳо бидуни мамониат моро қабул ва тадовӣ мекунанд. Ҳамин мардуми мо ҳам, ки фавт карданд, чанд рӯз дар шифохонаи Ваҳдат буданд ва бо онҳо ҳамон гуна бархӯрд сурат гирифт, ки бо мардуми бумӣ буд. Мардум ҳам моро як хориҷӣ намедонад", - гуфт Абдумусаввир Баҳодурӣ.

Тайи 40 соли буҳрон дар Афғонистон як қисмати бузурге аз мардуми ин сарзамин ба кишварҳои хориҷ, бахусус, ҳамсоя паноҳ бурданд. Бино ба иттилои расмӣ, ҳоло ҳудуди 7 миллион шаҳрванди Афғонистон дар Покистону Эрон паноҳанда мебошанд. Тоҷикистон яке аз кишварҳои дигари ҳамсоя аст, ки ҳудуди 4 ҳазор муҳоҷирро аз Афғонистон паноҳ додааст.

32
Барчаспҳо:
Афғонистон, маризон, даргузашт, Ваҳдат
Мавзуҳо:
Пайомадҳои COVID-19 дар Тоҷикистон ва ҷаҳон
Руки в наручниках, архивное фото

Куштори зани 69 - сола дар Бохтар: гумонбар боздошт шуд

90
(Таҷдидшуда 11:59 25.05.2020)
Вазорати умури дохилии Тоҷикистон аз рух додани ҳодисаи нохуш, одамкушӣ дар шаҳри Бохтар хабар медиҳад

ДУШАНБЕ, 25 май — Sputnik. Кормандони милитсия нафари муттаҳам дар куштори сокини шаҳри Бохтарро боздошт намуданд.

Ба иттилои котиботи Вазорати умури дохилии Тоҷикистон, Турдиев Аскар санаи 16-уми майи соли 2020 аз ҷониби кормандони ШВКД дар шаҳри Бохтар  дастгир гардид. Номбурда сокини кӯчаи Ф. Саидови шаҳри мазкур буда, дар куштори зани 69-сола, сокини ҳамин шаҳр гумонбар дониста мешавад.

Куштор: сокини Исфара марди 37-соларо дар ҳавлияш корд зад

Манбаъ тавзеҳ медиҳад, ки зимни тафтишот номбурда дар содир намудани ҷиноят ба пуррагӣ иқрор гашт.

Зимнан, аз ҷониби Прокуратураи шаҳри Бохтар нисбати Турдиев Аскар парвандаи ҷиноятӣ бо моддаи 104 қисми 1 Кодекси ҷиноятии Ҷумҳурии Тоҷикистон оғоз карда, тафтишот идома дорад.

90
Барчаспҳо:
куштор, Бохтар