Дар маркази тиббӣ, акс аз бойгонӣ

Тоҷикистон аз Ҷопон дар танзими хонавода ёрӣ мегирад

53
(Таҷдидшуда 13:51 10.03.2017)
Ҳукумати Ҷопон мехоҳад хонаводаҳои тоҷикро дар пешгирӣ аз бордории нохоста ёрӣ расонад.

ДУШАНБЕ, 10 мар — Sputnik. Давлати Ҷопон ба манзури пуштибонӣ аз барномаи миллии танзими хонавода дар солҳои 2017 – 2020 ба Сандуқи ҷамъияти СММ (UNFPA) дар Тоҷикистон 1,71 милюн дулор додааст.

Тавофуқномаи пуштибонии молиро дирӯз, 9 март, сафири Ҷопон дар Тоҷикистон Хадзиме Китаока ва мудири Сандуқи ҷамъияти СММ дар Тоҷикистон Миеко Ябута имзо карданд. Дар чорчӯби ин тавофуқнома аз ниҳодҳо ва барномаҳои танзими хонавода дар Тоҷикистон пуштибонӣ хоҳад шуд.

Хонум Миеко Ябута дар маросими имзои ин санад гуфт: “Иҷрои “Барномаи миллии танзими хонавода” имкон медиҳад, ки аз бордориҳои нохоста ва хатарнок пешгирӣ карда шавад то занон ва хонавода битавонанд зиндагии худро дуруст танзим ва мудирият кунанд. Ин барнома яке аз равишҳои муҳим дар заминаи беҳдошту тандурустӣ аст ва шеваҳои коромад дар посдории саломати модару кӯдак дар Тоҷикистон аст”.

Намояндагии Сандуқи ҷамъияти СММ дар Тоҷикистон ба Вазорати тандурустӣ ва ҳифзи иҷтимоъии аҳолии кишвар дар амалӣ кардани ин барнома ёрии фаннӣ ва мудириятӣ хоҳад расонд. Интизор меравад ки бо пуштибонии Ҷопон аз ин барнома, беш аз 700 ҳазор судбар (бенефициарий) аз равишҳои гуногуни танзими хонавода баҳравар хоҳанд шуд.  

Дар маросими имзои ин тавофуқнома ҳамчунин вазири умури хориҷии Тоҷикистон Сироҷиддин Аслов, намояндагони Бунгоҳи ҳамкориҳои байнулмиллалии Ҷопон (JICA) дар Тоҷикистон  ва раҳбарони Вазорати тандурустии ҶТ ширкат карданд.

53
Барчаспҳо:
танзим, хонавода, кӯдак, Бунгоҳи ҳамкориҳои байнулмиллалии Ҷопон (JICA), вазорати нигаҳдории тандурустӣ ва ҳифзи иҷтимоии аҳолии Тоҷикистон, Сандуқи ҷамъияти СММ (UNFPA), Ҷопон, Тоҷикистон
Национальный банк Таджикистана

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

23
(Таҷдидшуда 01:06 01.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз аввали ҳафтаи равон эълон кард

ДУШАНБЕ, 1 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1507 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6897 то 13.9000 сомонӣ арзёбӣ кардааст. Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1507 то 0.1555 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1510- 0,1535 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1510 то 0.1540 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Чаро қурби сомонӣ паст мешавад? Шарҳи намояндаи Бонки миллӣ

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

 

23
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

997
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

997
Барчаспҳо:
Хоруғ, фурудгоҳ, Тоҷикистон