Барф намегузорад сокинони Рӯшон Наврӯзро ҷашн гиранд

© Sputnik / Владимир Иванов / Гузариш ба медиабонкБориши барф. акс аз бойгонӣ
Бориши барф. акс аз бойгонӣ - Sputnik Тоҷикистон
Обуна шудан
Созмони ҳавошиносии Тоҷикистон барои рӯзҳои Наврӯз, аз 21 то 24 март, дар саросари кишвар бориш пешбинӣ кардааст

ДУШАНБЕ, 22 мар — Sputnik. Бино ба пешбиниҳои Созмони ҳавошиносии Тоҷикистон, дар вилоятҳои Хатлону Суғд дар ин рӯзҳо борон пешбинӣ шуда, вале дар Вилояти мухтори Кӯҳистони Бадахшон барф хоҳад борид.

Бориши барф ҳамакнун баргузории ҷашнҳои наврӯзиро дар маркази ноҳияи Рӯшон зери суол гузоштааст. Сокинони ин ноҳия мегӯянд, дирӯз, 21-уми март, онҷо барфи бисёре боридаву гирду атрофро пур кардааст.

Борони Душанбе. Акс аз бойгонӣ - Sputnik Тоҷикистон
Борон, барф ва шамол: боду ҳавои Тоҷикистон дар рӯзҳои ҷашнӣ

"Ҳарсола барномаи аслии Наврӯз дар деҳаи Бар-Рӯшон баргузор мешавад, чун майдони нисбатан калоне дорад. Мардуми аз дигар рустоҳои Рӯшон ҳам барои ҷашнгирии Наврӯз ба ҳамин деҳа меоянд".

Вале имсол баргузории ҷашни Наврӯз дар ноҳияи Рӯшон зери суол мондааст. Яке аз сокини ноҳияи Рӯшон, Ҷамила, дар суҳбат бо хабарнигори Sputnik  Тоҷикистон гуфт, мардуми ноҳия ҷашни Наврӯзро ё фардо ё пасфардо баргузор мекунанд.

"Баргузории ин ҷашн акнун ба боду ҳаво вобаста аст. Гарчи дар рустоҳо Наврӯзро ҷашн гирифтаанд, вале торихи дақиқи баргузории Наврӯз дар маркази ноҳияи ҳануз маълум нест", — гуфт вай.

Вазъ дар дигар ноҳияҳои ВМКБ низ чунин аст. Чунончи, бино ба иттилоъи равобити умумии Кумитаи ҳолатҳои фавқулоддаи Тоҷикистон, рӯзи 21 март дар паи бориши барф дар ноҳияи Шуғнон тарма фаромадаву роҳро баста аст. Расонаҳои маҳаллӣ менависанд, ки ситодҳои ин Кумита ҳамакнун машғул ба поксозии ин тарма ҳастанд ва роҳро ба як сӯ боз кардаанд.

© Фото : Аз гурӯҳи Pamir NewsБарф дар Вилояти Мухтори Кӯҳистони Бадахшон
Барф дар Вилояти Мухтори Кӯҳистони Бадахшон - Sputnik Тоҷикистон
Барф дар Вилояти Мухтори Кӯҳистони Бадахшон

Ин Кумита ҳамчунон аз хатари фаромадани тарма дар кӯҳистонҳо ҳушдор дода ва аз шаҳрвандон хоста, то дар ин рӯзҳо аз рафтан ба кӯҳ ва сафар ба минтақаҳои дур худдорӣ кунанд.

Наврӯз яъне рӯзи нав, ҷашни оғози соли нав аст ки мардумони эронитабор аз дер боз дар рӯзи баробар шудани шабу рӯз дар баҳор баргузор мекунанд. Наврӯзро ҳамчунин бархе аз турктаборон, аз онҷумла дар Русия, Қафқоз, Осиёи Марказӣ ва Осиёи Хурд низ ҷашн мегиранд.

Моҳи сентябри соли 2009 ЮНЕСКО Наврӯзро дар феҳрасти осори фарҳангии башар шомил карда ва дар поёни моҳи феврали соли 2010 Маҷмаъи умумии СММ 21 мартро "Рӯзи ҷаҳонии Наврӯз" эълом кард.

Лентаи хабарҳо
0