Комроншох Устопириён, архивное фото

Комроншоҳ Устопириён барои ду сол аз ширкат дар мусобиқаҳо маҳрум шуд

356
(Таҷдидшуда 00:03 30.03.2017)
Кумитаи ҷавонон, варзиш ва гардишгарии Тоҷикистон Комроншоҳ Устопириёнро барои бадрафторӣ дар майдони куштӣ аз ширкат дар мусобиқот дар саросари кишвар барканор кард

ДУШАНБЕ, 29 мар — Sputnik. Бино ба иттилоъи равобити умуми ин ниҳод, паҳлавон Комроншоҳ Устопириён бино ба тасмими ин Кумита аз 1 апрели соли 2017 то 1 апрели соли 2019 аз ширкат дар мусобиқаҳои маҳаллӣ, минтақаӣ ва кишварӣ барканор шудааст.

Дар бораи ин қарор Дилшод Назаров, муовини раиси Кумитаи ҷавонон, варзиш ва гардишгарии Тоҷикистон, ки таҳқиқи рафтори Комроншоҳ Устопириёнро бар уҳда дошт дар мусоҳиба, ки дар торномаи ин кумита нашр гардид, хабар дод.

Далели ин муҷозот бадрафтории ин варзишкор дар майдони куштӣ аст, ки 23 март пеш аз эъломи қаҳрамони мусобиқаи куштӣ дар Наврӯзгоҳ, бо ишораи даст дашном дода буд. Ин лаҳзаро дурбинҳо сабт карданд ва баъдан дар интернет мунташир шуд. Гуфта мешуд, варзишкор довари асосии мусобиқоти куштиро дашном додааст, аммо вай дар як суҳбат бо расонаҳо гуфт, ишорааш ба тамошобиноне буд, ки дашномаш доданд.

Ин варзишкор пештар аз ҳаводорони куштӣ узр хоставу доваронро муттаҳам ба ноҳаққӣ карда буд, вале сипас дар изҳороте дигар дар сафҳаи фейсбукии худ гуфт, доварону мухлисон иштибоҳ накардаанд, балки худ эҳсосотӣ шудааст.

Нахустин қаҳрамони тоҷик дар торихи мусобиқоти куштии Осиё

Комроншоҳ Устопириён расо як сол пеш — дар апрели соли 2016 қаҳрамони мусобиқоти байнулмилалии ҷудо дар вазни то 90 килуграм шуд. Ин дастовард ӯро нахустин қаҳрамони тоҷик дар риштаи ҷудо дар Осиёи Марказӣ кард.

Комроншоҳ Устопириён 7 январи соли 1993 дар Масчо ба дунё омадааст. Ӯ дастпарвари донишкадаи тарбияи бадании Донишгоҳи давлатии Хуҷанд аст ва онро дар соли 2015 ба поён бурдааст.

Ин варзишкор то соли 2012 дар варзиши самбо куштигирӣ мекард ва аз он пас ба варзиши ҷудо рӯй овард. Мураббии аввалини ӯ падараш — Устопир Устопириён буда, сипастар бародараш Фаридун Устопириён ӯро машқ додааст. Ҳамакнун бо роҳбарии Владимир Елчанинов машқ мекунад. Комроншоҳ дорандаи унвони "Устоди варзиши байнулмилалӣ" аст.

Дастовардҳо: Қаҳрамони мусобиқоти Ҷоми Урупо дар соли 2013 дар Киев (Украина); ҷойгоҳи севум дар сабқат барои дарёфти Ҷоми Владимир Путин дар соли 2013 дар Хасавюрт (Доғистон); ҷойгоҳи севум дар мусобиқоти Ҷоизаи бузурги Алмато (Қазоқистон); Ҷойгоҳи севум дар мусобиқоти Ҷоизаи бузурги Тошканд (Узбакистон, 2013); ҷойгоҳи дувум дар Ҷоми Осиё дар Тайван (2014); Мақоми панҷум дар Бозиҳои 17-уми Осиёӣ дар Инчхон (Кореяи Ҷанубӣ,2014); қаҳрамони Ҷоизаи бузурги Остона (Қазоқистон,2014); мақоми севум дар қаҳрамонии Осиё дар Қувайт дар соли 2015; мақоми панҷум дар Ҷоми Осиё дар Тайван (2015); қаҳрамони Ҷоизаи бузурги Тошканд (2016).

356
Новая эстакада в Душанбе

Бе ҳуҷҷати ронандагӣ ва бо суръати баланд: садама дар эстакадаи Душанбе - видео

42
Ронандаи 30 - сола, ки воситаи нақлиёташро бо суръати баланд меронд, нахуст ба монеасанги канори роҳ ва сипас ба поясутуни симчӯб бархӯрда автомашинаашро чаппа кард

ДУШАНБЕ, 14 авг — Sputnik. Раёсати Вазорати умури дохили дар шаҳри Душанбе, навор аз як садамаи нақлиётӣ дар эстакадаи пойтахтро шарҳ дод. Навори мазкур чанде пеш ба шабакаҳои иҷтимоӣ роҳ ёфт ва мавриди баҳси корбарон қарор гирифт.

Зимнан, кормандони пулис ронандаи автомашинаеро, ки пас аз бархӯрдан ба монеасанги канори роҳ ва поясутуни симчӯб чаппа шуда буд, дастгир намуданд.

Дастгиршуда Оев Қосими 30 - сола, сокини шаҳри Душанбе буда, санаи 13-уми август, тақрибан соатҳои 15:00 дақиқа ҳангоми ҳаракат аз кӯчаи Н.Махсум ба тарафи кӯчаи Б.Ғафуров дар рӯ ба рӯи истгоҳи воситаҳои нақлиёти мусофирбар, аз уҳдаи идораи воситаи нақлиёт набаромада, ба монеасанги (бардюр) канори роҳ ва сипас ба бетони поясутуни симчӯб бархӯрда, автомашинаи худро чаппагардон кард.

Садама дар шоҳроҳи Душанбе-Хуҷанд: ВУД аз қурбонии ҳодиса гуфт

Манбаъ меафзояд, дар садамаи мазкур касе осеби ҷиддӣ надид.

Зимни пурсиш маълум гардид, ки  ронанда бидуни ҳуҷҷати ронандагӣ худравашро бо суръати ниҳоят баланд идора мекард, ки дар натиҷа ба садама дучор шуд.

РВУД дар шаҳри Душанбе мегӯяд, вобаста ба ҳолати мазкур маводҳои лозима тартиб дода шуда, таҳқиқ дар ин самт ҷараён дорад.

42
Преступник за решеткой

Аз манзилу мошину бӯстонсаро то 4 зану 10 фарзанд: чигуна Эшон Ли Хо Фуро фиреб дод: видео

57
(Таҷдидшуда 18:14 14.08.2020)
Эшонқул Зоиров,  аз ҳисоби маблағҳои шарики чинияш барои худ шаш мошини хориҷӣ бо арзиши 190 ҳазор доллар, чорвои хурд, 15 ҳазор доллар аспи бузӣ, 25 ҳазор доллар мебел, ва беш аз ним миллион доллари дигарашро дар Душанбею Варзобу Данғара манлилу бӯстонсаро харидааст.

ДУШАНБЕ, 14 авг — Sputnik.  Вазорати умури дохилии Тоҷикистон аз боздошти Эшонқул Зоиров, мулаққаб ба Эшон сокини Данғара хабар медиҳадд, барои қаллобӣ ба маблағи наздики 2 миллион доллар муттаҳам мешавад.

Тибқи гузориши телевизионии ВКД Эшонқул Зоиров соли 2017 бо шаҳрванди Чин Ли Хо Фу шинос шуда, якҷоя ҷамъияти масъулияташ маҳдуд (ҶММ)-и истихроҷи маъданҳои кӯҳии Тоҷикистону Хитойро таъсис дода, худашро раҳбару шарикашро муовин кардааст.

Ба иттилои манбаъ, Зоиров бо роҳи фиреб ба боварии Ли Хо Фу даромада, ба ӯ ваъда медиҳад, ки иҷозатномаи истихроҷи тилло ва ба расмият даровардани ҳуҷҷатҳои заруриро аз ҳукумати Тоҷикистон мегирад.

Ӯ тайи солҳо 2017 то моҳи майи 2020 аз шаҳрванди Чин 1 миллиону 602 ҳазору 927 доллар гирифта, ба эҳтиёҷоти шахсияш сарф кардааст.

Дар гузориши видеоӣ худи ҷабрдида Ли Хо Фу низ гуфт сар аз соли 2017 Эшон бо баҳонаи гирифтани иҷозатномаи барои коркарди кони тилло аз ӯ беш аз 1миллиону 600 ҳазор доллар гирифт, аммо то ҳануз онро нагирифтаанд.

Ба иттилои манбаъ, боздоштшуда аз ҳисоби маблағҳои шарики чинияш барои худ шаш мошини хориҷии гароннарх бо арзиши беш аз 190 ҳазор доллар, 8,5 ҳазо доллар чорвои хурд, 15 ҳазор доллар аспи бузӣ, 25 ҳазор доллар мебел, ва беш аз ним миллион доллари дигарашро дар Душанбею Варзобу Данғара манлилу бӯстонсаро харидааст.

Зоиров Эшонқул баъди оне аз сӯи кормандони пулиси ноҳияи Лахш боздошт мешавад, ки бо мақсади тарсондани шаҳрвандони Хитой ва барнагардондани маблағҳои гирифтааш санаи 8 майи соли 2020 ҳангоми дар деҳаи Қандоби ҷамоати Муксуи ноҳияи Лахш қарор доштанаш аз рӯи ҳиссиёти авбошӣ ба тарафи Ву Ли Гуа ва шаҳрванди Қирғизистон Баги Эдир аз милтиқи шикории ду маротиба тир холӣ кардааст, ки дар натиҷа Ву Ли Гуа зарари ҷисмонӣ бардоштааст, афзудааст манбаъ.

Гуфта мешавад, замони баррасии парвандаи ӯ маъмурини пулис панҷ ҳолати дигари фиребкориҳояшро ошкор кардаанд.

ВУД мегӯяд, Зоиров Эшонқул бо баҳонаи тиҷорати муштарак аз Тоҷиддинов Амонхӯҷа, сокини Исфара 10 ҳазор доллар аз Ибрагимов Илҳомҷон сокини Хуҷанд, барои ҳуҷҷатгузории замини мағоза 12 ҳазор доллар гирифта, ҷои замини мағоза аз Қирғизистон як сар аспи бузкашӣ барои худ харидааст.

Боздоштшуда ҳамчунин аз Мирзоҳотам Абдуҳакимович, сокини ноҳияи Бобоҷон Ғафуров ба маблағи 32 ҳазор сомонӣ тунука гирифта, моҳи июни соли 2019 бо роҳи фиреб ба боварии сокини Душанбе Давлатов Фахриддин даромада, ба маблағи 213 ҳазор сомонӣ ва 41 ҳазор доллар ва аз сокини Ёвон Кенҷаев Қурбон 86 ҳазор доллар пули ангишт гирифта ба фоидаи худаш сарф кардааст.

Вазорат мегӯяд Зоиров дар умум беш аз  1,6 миллион доллар ба шаҳрвандони чинӣ ва 180 ҳазор доллар шаҳрвандони Тоҷикистон зарари молӣ расондааст.

Худро корманди Кумитаи замин мегуфт: боздошти 2 нафар ба иттиҳоми қаллобӣ

Эшонқул Зоиров сар аз соли 2014 то моҳи майи соли ҷорӣ  ба ғайр аз ҳамсари қонунияш 4 занро тариқи мусалмонӣ ба никоҳи худ даровардааст, ки дутои он шаҳрвандониҚирғизистону Чин ва дигарон шаҳрвандони Тоҷикистон буда аз онҳо, соҳиби 10 фарзанд мебошад, афзудааст манбаъ.

Ин ниҳод мегӯяд Алайҳи Зоиров Эшонқул бо ду моддаи 237 (авбошӣ) ва 247 (қаллобӣ) парванда оғоз шуда, ҳоло дар ҳабси пешакӣ қарор дорад.

57