Бозор дар Душанбе, акс аз бойгонӣ

Дод аз дасти муҳоҷират: сарнавишти занони талоқшуда

346
(Таҷдидшуда 00:14 01.04.2017)
Бархе аз мардони тоҷик пас аз муҳоҷират ба Русия хонаводаҳояшонро фаромӯш мекунанд ва дубора зан мегиранд

ДУШАНБЕ, 31 мар — Sputnik. Бархе аз занони Тоҷикистон пас аз муҳоҷирати шавҳаронашон ба Русия танҳо мемонанд. Шумори чунин занон сол аз сол бештар мешавад.

Адолат, ки ҳамакнун 40-сола аст ва се фарзанд дорад, яке аз ин занон аст. Вай пас аз он ки шавҳараш Муҳаммад дар Русия зани дигар гирифт, танҳо монд. 

Адолат мегӯяд, шавҳараш солҳо боз дар Русия зиндагӣ дорад. Ӯ пештар зуд-зуд Тоҷикистон бармегашт ва пул ҳам мефиристод. Аммо аз рӯзе ки дигар "зан" гирифт, рафтораш куллан дигаргун шуд. Вай охирин бор 9 сол пеш ба Тоҷикистон рафта ва ҳамсари навашро низ бо худ бурда будааст.

Адолат мегӯяд шавҳараш дар Русия бо он зан никоҳ карда ва куллан хонаводаашро аз ёд бурдааст.

"Шавҳарам писари калонии хонавода аст. Вале ӯ дер боз аз падару модараш низ хабар нагирифтааст. Ба ин далел бародаранаш метавонанд хонаи падарияшонро аз ман бигиранд", — мегӯяд Адолат, ки бо писари хурдияш бар дӯши хешовандони шавҳараш "бори гарон" шуда аст.

Чунин сарнавиште бисёре аз занони Тоҷикистонро дар камин аст.

Шарифамо Акобирова, ки дар шаҳри Магнитогорск зиндагӣ дорад, дар ин бора мегӯяд: "Бисёранд мардҳое ки дар Русия зан мегиранд. Агар марде муддати тулонӣ ба хонааш бар намегардад, яқин донед, ки дар Русия зан гирифтааст. Бисёре аз онҳо бо ҳамсаронашон ақди никоҳ мебанданд, вале ҳастанд мардоне, ки бе никоҳ зинадгӣ мекунанд.  Ҷомеъа ин падидаро чун воқеъияте маъмулӣ пазируфтааст.

Бино бар додаҳои Агентии ҳифзи иҷтимоӣ, шуғли аҳолӣ ва муҳоҷирати Вазорати кору ҳифзи иҷтимоии аҳолии Тоҷикистон, 40,5 дарсад аз мардоне, ки дар соли 2009 ба муҳоҷирати корӣ рафтаанд, аз занҳояшон ҷудо шудаанд. Бино бар омори СММ, камубеш 50 дарсад аз мардони муҳоҷире ки ҳамсару фарзанд доранд, дар муҳоҷират бо дигар занон равобит доштаанд.

Дар бисёре аз маворид занҳои талоқшуда зери сарпарастии фарзандонашон ва ё хешовандони шавҳаронашон мемонанд. Зеро пас аз издивоҷ хонаводаи падариро тарк мекунанд ва роҳи баргашт ба хонаи падар надоранд. Хонаи шавҳар низ моли падари он хонавода аст ва агар шавҳаре занашонро талоқ диҳад, хонаводаи шаҳвар он занро аз хона берун мекунад.

Нисо ном зане мегӯяд: "Зиндагиям пас аз ҷудо шудан аз шавҳар бисёр мушкил шудааст. Пас аз талоқ гирифтан ман дар хонаи падарам зиндагӣ мекунам. Ҳар коре ки аз дастам бар биёяд анҷом медиҳам то фарзандонамро бузург кунам. Ҳама умедам ба ҳамин писарам аст".

Пештар раиси Идораи мусулмонони ва муфтии шаҳри Маскав, имомхатиби Масҷиди ҷомеъ Элдор Алоуддинов хостори ташдиди маросими ақди никоҳ дар Тоҷикистон барои пешгирӣ аз талоқи занон шуда буд.

"Ин авохир дар Маскав маворидеро дучор мешавем ки муҳоҷире ки дар паи кор Русия омадааст, инҷо пинҳон аз ҳамсаронашон дувум ва ҳатто севум зан ҳам мегиранд. Ин бесару сомонӣ дар масъалаи издивоҷ нигаронкунанда аст", — гуфта буд муфтии шаҳри Маскав.

Ин суханҳои Элдор Алоуддинов дар расонаҳои Тоҷикистон баҳсҳоеро дар пай доштанд ва ӯ манзурашро тавзеҳ дод ки ҳар аз гоҳе занонеро дучор мешавад, ки шавҳаронашон бо онҳо расман ва шаръан ақд набаста ва пас аз чанд муддат ҳамзистиву фарзанддор шудан талоқашон додаанд.

"Бархе аз мардоне ки пинҳонӣ аз ҳамсари қонунияшон дувум зану севум зан мегиранд, мекӯшанд бо истидлолоти мазҳабгароёна хостаҳои ҷисмонии худро бароварда созанд ки кори хубе нест", — таъкид мекунад муфтӣ Алоуддинов.

346
Барчаспҳо:
талоқ, иқтисод, занон, Тоҷикистон

Вазорати тандурустӣ суханони Эмомалӣ Раҳмонро дар бораи COVID - 19 тасдиқ кард

97
Вазорати тандурустии Тоҷикистон суханони президенти кишвар аз пирӯзӣ бар вируси коронаро тасдиқ карда, аз сабт нашудани ягон ҳолати гирифторӣ дар давоми 24 соати гузашта хабар дод

ДУШАНБЕ, 26 янв — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар шабонарӯзи охир ягон ҳодисаи нави гирифторшавии шаҳрвандон ба бемории коронавируси нави COVID-19 ба қайд гирифта нашудааст.

Бино ба гузориши ин ниҳод, дар маҷмӯъ то имрӯз дар кишвар 13308 нафар гирифторони сирояти коронавируси нави COVID-19 ба қайд гирифта шудааст.

Раҳмон аз пандемияву буҳрон гуфт: ҷаҳон чунинро тайи сад сол ёд надошт

Аз ин теъдод то санаи зикргардида 13218 нафар ё 99,3% шифо ёфта, 90 нафар бар асари ин беморӣ фавтидаанд.

Ёдрас мешавем, ки имрӯз кишвардор зимни ироаи паёми солона ба парлумони кишвар аз пирӯзии Тоҷикистон бар вируси корона хабар дод.

"Мо имрӯз шукрона мекунем, ки аз оғози моҳи январ дар кишварамон бемории сироятии КОВИД – 19 аз байн рафтааст", - гуфт президент.

Раисиҷумҳур таъкид кард, лекин ин чунин маънӣ надорад, ки мо ба саломатии худ ва атрофиёнамон бепарвоӣ зоҳир намоем, балки чун пештара бояд ҳушёр бошем, ба қоидаҳои беҳдошти шахсиву ҷамъиятӣ эътибори ҷиддӣ диҳем ва ҳамдигарро эҳтиёт кунем.

97
Барчаспҳо:
нобудшавӣ, вируси корона, Вазорати тандурустӣ ва ҳифзи иҷтимоии аҳолии ҶТ, нав, омор, Тоҷикистон
Доктор экономических наук, экс-замминистра сельского хозяйства и продовольствия России Леонид Холод

Як сол кам аст: коршинос чуну чарои лағви андози замин дар Тоҷикистонро шарҳ дод

172
(Таҷдидшуда 19:42 26.01.2021)
Коршинос таъкид кард, ки барои самараноктар шудани натиҷаи лағви андози замин як сол аст, аммо, ба гуфтаи вай, ба ҳар ҳол ин амали дуруст ва натиҷаовар аст

ДУШАНБЕ, 26 янв — Sputnik. Изҳороти роҳбари давлати Тоҷикистонро дар бораи бекор кардани андози замин коршиноси рус, доктори илмҳои иқтисодӣ Леонид Холод тавзеҳ дод.

"Дар Тоҷикистон дар бозори озуқа вазъи ғайриоддие ба миён омад, ки сабабаш дар охири соли 2020 ва оғози соли 2021 коҳиш ёфтани сомонӣ нисбат ба рубл, доллар ва евро буд", - гуфт Холод дар сӯҳбат бо Sputnik Тоҷикистон.

Ба қавли вай, ин маънои онро дорад, ҷумҳурие, ки маҳсулоти озхуқа ва кишоварзиро бештар ворид мекард, қисме аз аҳолиро аз хатари бе ин намуди маҳсулот мондан, наҷот додан мехоҳад, зеро мардум маводи воридгардидаро бо нархи наву гаронтар харидан маблағ надоранд.

"Вобаста ба ин бозор бояд вокуниш кунад. Вақте рақиби берунӣ гарон мешавад, пас ин бояд истеҳсолоти ватаниро ҳавасманд гардонад. Равандҳои бозори худтанзимкунӣ вақт мехоҳад ва давлат бояд ин мушкилиро тезтар ҳал кунад", - мегӯяд Холод.

Ба гуфтаи иқтисодшинос, маҳз барои ҳамин Раҳмон гуфт, ки Тоҷикистон соҳаи кишоварзиро бояд ба ҳар роҳ рушд диҳад.

"Имрӯзҳо имконияти аграрии ҷумҳурӣ пурра истифода намешавад. Дар Тоҷикистон он қадар заминҳои барои кишту кор мувофиқ мавҷуд нестанд, аммо он чизе, ки мавҷуд аст, бояд истифода шавад", - афзуд вай.

Маблағи андози замин дар Тоҷикистон ҳудуди 200 миллион сомонӣ (ҳудуди 20 миллион доллар)-ро ташкил медиҳад.

"Барои Тоҷикистон ин маблағи калон аст, барои деҳқонони тоҷик бошад, ин пули хело калон аст. Яъне, онҳо ин миқдор маблағро намесупоранд ва вазъи молиашон беҳтар мешавад. Онҳо ин маблағро ба нарх изофа намекунанд ва дар натиҷа имкон фароҳам меояд, ки нархи дар натиҷаи асъор болоравандаро танзим карда тавонанд", - гуфт коршинос.

Ба гуфтаи ӯ, лағви андози замин боиси аз худ кардани заминҳои боқимонда мегардад.

Рушди хоҷагиҳои деҳқонӣ дар Тоҷикистон

"Агар ин чораҷӯӣ барои як сол аст, ин кам аст ва беҳтараш онро барои якчанд сол ҷорӣ кунанд, то минтақаҳое, ки истифода намешуданд, аз худ карда шаванд. Аз нуқтаи назари рушди хоҷагии қишлоқ ин чораҷӯӣ самарабахш ва дуруст аст", - гуфт дар анҷом Холод.

172
Барчаспҳо:
замин, андоз, коршиносон

Интиқоди тунди Жириновский аз Туркия: наравед ба он ҷо

0
(Таҷдидшуда 20:07 26.01.2021)
Владимир Жириновский, раиси Ҳизби либерал-демократи Русия аз сафар ба "кишвари маккор" - Туркия, ҳушдор дод

ДУШАНБЕ, 26 янв — Sputnik. Раиси Ҳизби либерал-демократи Русия, Владимир Жириновский макони истироҳат - Туркияро кишвари "маккортарин" номид.

"Ба Туркия наравед, маккортарин кишвар аст", - изҳор дошт Жириновский.

Бо чунин суханон Жириновский ҳамлаи мусаллаҳона ба чор шаҳрванди Русияро шарҳ дод. Ин ҳамла дар кӯчаи Бешикташи шаҳри Истамбул ба вуқӯъ пайвастааст.

Як марди кӯчарӯб ба ду зан ва як марди русиягӣ ҳамла кардааст. Гуфта мешавад, ки ӯ аз ҷиҳати равонӣ бемор будааст.

Шаҳрвандони Русия ҷароҳатҳои гуногун бардоштанд. Сокинони маҳаллӣ ба захмиён кумаки аввалия расонида ва баъдтар онҳо бистарӣ карда шуданд.

Яке аз замхиёнро ба зудӣ аз бемористон ҷавоб хоҳанд дод, чун вазъи саломатии ӯ хуб арзёбӣ мешавад.

Жириновский: Тоҷикистон ва Арманистон бояд ба ҳайати Русияи Бузург ҳамроҳ шаванд

Ёдрас мешавем, ки чанде пеш нархномаи истироҳат барои шаҳрвандони Русия дар Туркия дар қиёс бо соли 2020, то 15 дарсад боло рафт.

Коршиносон пешгӯӣ мекунанд, ки ин нархнома боз ҳам гаронтар хоҳад шуд. Ногуфта намонад, ки 90 дар сади истироҳаткунандагон Анталияро интихоб мекунанд.

0
Барчаспҳо:
Русия, Туркия, Владимир Жириновский